Morgunblaðið - Sunnudagur - 21.10.2018, Blaðsíða 26

Undirritaður fékk sér far tilTallinn með ferjunni Victor-ia 1. sem ásamt Baltic
Queen er í daglegum siglingum milli
Stokkhóms og Tallinn í Eistlandi með
viðkomu í Mariehamn á Álands-
eyjum. Victoria er í senn skemmti-
ferðaskip og bílaferja sem tekur um
2.500 farþega og 400 bíla. Baltic
Queen er heldur stærra og tekur
2.800 farþega. Lagt er af stað fra
Värtahamnen í Stokkhólmi kl. 17.30.
Siglingin gegnum skerjagarðinn tek-
ur um þrjá tíma og er áhugavert að
virða fyrir sér sumarhús Svía á skógi
vöxnum skerjunum. Við flest húsin
eru bryggjur og smábátar. Þegar
sjónarspili skerjagarðsins lýkur er
kominn kvöldmatartími. Tvísetið er í
matsalinn, þar sem boðið er upp á
hlaðborð þar sem allir ættu að finna
eitthvað við sitt hæfi. Engum þarf að
leiðast í sjóferðinni því margt er í
boði; kabarett, bingó, dansleikur,
píanóbar, veitingastaðir, barir, versl-
anir, spilavíti og leikherbergi fyrir
yngstu farþegana o.fl. Hægt er að
djamma fram á nótt hvort sem er á
syfjulegum píanóbarnum eða á ball-
inu þar sem hljómsveit skipsins leik-
ur fyir dansi. Morguninn eftir er lagt
að bryggju í Tallinn kl. 10.15. Ódýrir
leigubílar bíða á bryggjunni eftir
þeim farþegum sem ekki hrúgast í
rúturnar. Leiðin liggur á hið ágæta
Hótel Savoy Boutique í gamla
borgarhlutanum.
Gamla borgin
Tallinn er höfuðborg Eistlands og
búa þar yfir 450 þúsund manns.
Áhugi flestra ferðamanna beinist að
gamla borgarhlutanum, sem hefur
varðveist vel frá seinni hluta miðalda.
Heillandi er að ganga þar um götur,
sem flestar eru steinlagðar og henta
ekki fyrir háa hæla. Meirihluti
borgarmúranna er enn uppistand-
andi og í góðu ástandi. Lengd þeirra
nær tæpum 2 kílómetrum og með 20
virkisturnum setja þeir sterkan svip
á borgina. Dálítið eins og að fara aft-
ur í tímann. Gamla ráðhústorgið er
miðja gamla bæjarins, umkringt veit-
ingastöðum á þrjá vegu. Í nærliggj-
andi götum er einnig fjöldi veitinga-
staða. Olde Hansa við Vana Turg 1 er
það eftirminnilegasta. Þar eru inn-
réttingar, veitingar og klæðnaður
starfsfólks í fimmtándu aldar stíl og
snætt við kertaljós. Ýmsa framandi
rétti má finna þar á matseðlinum, svo
sem bjarndýrasteik, villisvín og elgs-
Morgunblaðið/Ómar
Horft til norðurs yfir gamla bæinn frá Patkuli
vaateplats. Fjær er Olaviste, eða Ólafskirkja. Turn
hennar var 159 metra hár og hæsti turn heims á
árunum 1549-1625. Fjölmörgum eldingum laust
niður í turninn á þessum tíma og brann hann þrisvar
til grunna. Núverandi turn er 124 metra hár.
Baltic Queen tekur 2.800 farþega í
siglingum milli Stokkhólms og Tallinn.
Sjóleiðin til Tallinn
Frá Stokkhólmi er auðvelt að komast í skemmtisiglingar með skipa-
félaginu Tallink til nokkurra borga við Eystrasaltið, svo sem
Helsinki, Turku, Tallinn, Mariehamn og Riga.
Ljósmyndir og texti: Ómar Óskarsson omarscz@simnet.is
Ráðhústorgið er miðstöð mannlífsins í gamla bænum. Þar eru oft útimarkaðir,
tónleikar og ýmis hátíðahöld. Ráðhúsið var fullbyggt árið 1404. Því hefur lítið
verið breytt síðan en er nú aðallega notað fyrir tónleika og móttökuathafnir.
Oma Asi design
er athyglisverð
hönnunarverslun
í mjóu sundi milli
ráðhústorgsins
og Pikk Jalg.
26 MORGUNBLAÐIÐ SUNNUDAGUR 21.10. 2018
FERÐALÖG