Morgunblaðið - Sunnudagur - 21.10.2018, Blaðsíða 24

Í afar smáu eldhúsi í heimahúsi íBrooklyn eldar kona ein frá Líb-anon töfrandi rétti frá heima-
landinu og kennir áhugakokkum
handbrögðin. Jeanette Chawki er
smávaxin og glaðlynd kona sem tal-
ar ensku með sterkum hreimi. Hún
og fjölskyldan flutti til Bandaríkj-
anna fyrir áratug í leit að betra lífi,
og þá aðallega betri menntun fyrir
börnin þrjú. Þau búa öll þarna í lítilli
íbúð sem skreytt er með myndum og
styttum af Jesú Kristi, enda eru þau
rammkaþólsk.
Blaðamaður ferðaðist í klukku-
tíma með neðanjarðarlestum New
York-borgar til þess að heimsækja
Jeanette og læra að matreiða klass-
íska rétti frá Líbanon. Þrátt fyrir að
mikið kjöt sé borðað í Líbanon var
að þessu sinni einblínt á grænmetis-
rétti og voru þeir ekki af verri end-
anum.
Bollurnar leyndarmál
Jeanette tók hlýlega á móti gestum,
blaðamanni og ungu pari, þeim
Connor Loessl og Mörthu Kaser.
Boðið var upp á forrétti að hætti
hússins og sá blaðamaður verulega
eftir bakkelsinu sem hann hafði
freistast til að borða skömmu áður.
Á borðum voru heimabakaðar bollur
fylltar með osti, baunasalat og annað
góðgæti. Ekki var unnt að fá upp-
skriftina að bollunum; hún var hern-
aðarleyndarmál eða kannski öllu
heldur var bollunum hent saman
eftir minni og engin uppskrift til
staðar. En Jeanette var tilbúin að
deila þremur uppskriftum með ís-
lenskum lesendum.
Lærði af móður sinni
Bláar svuntur voru settar upp og
nemendurnir þrír eltu Jeanette inn í
litla eldhúsið. Þar sýndi hún okkur
meistaratakta og fyrr en varði voru
réttirnir þrír tilbúnir og komnir á
borð.
„Ég er alin upp við þessa rétti
og horfði á móður mína elda þá.
Þetta er einfaldur matur og ekki
dýr. Ég býð ykkur upp á græn-
metisrétti og þetta er mjög hollur
matur. Alltaf þegar ég sé upp-
skrift breyti ég henni og geri hana
að minni,“ segir Chawki og hlær.
Kvödd með kossum
Við snæddum þarna og spjölluðum
lengi vel undir vökulu auga frels-
arans, en mynd af honum hékk
uppi í borðstofunni. Eftir matinn
bauð Jeanette upp á tyrkneskt
kaffi með sykri og nokkrar sætar
smákökur. Gestirnir voru kvaddir
með knúsi og kossum og voru það
saddir og sælir áhugakokkar sem
fóru heim frá Brooklyn þennan
dag. Með plastílát full af gómsæt-
um afgöngum!
Morgunblaðið/Ásdís
Bragð af
Líbanon
Matur frá Líbanon er hollur, ferskur og afar
bragðgóður. Á matreiðslunámskeiði í
Brooklyn kennir Jeanette Chawki fólki að
matreiða mat frá heimalandinu.
Ásdís Ásgeirsdóttir asdis@mbl.is
Undirrituð snæddi með bestu lyst með gestgjafanum Jeanette Chawki og
hinum nemendunum, þeim Connor Loessl og Mörthu Kaser.
Martha Kaser og Jeanette
Chawki skemmta sér
konunglega í eldhúsinu.
24 MORGUNBLAÐIÐ SUNNUDAGUR 21.10. 2018
MATUR
Ármúli 7, Reykjavík | Sími 568 0708 | www.fako.is
Hafið
samband
fako@fako.is
Starfsmannag jafir
fyrir fyrirtæki
í miklu úrvali
Sælkeravörur
fyrir matgæðinga
TILBOÐ
fyrir 20
starfsmenn
eða fleiri