Morgunblaðið - 07.11.2018, Blaðsíða 29

DÆGRADVÖL 29
MORGUNBLAÐIÐ MIÐVIKUDAGUR 7. NÓVEMBER 2018
Stjörnuspá
21. mars - 19. apríl 
Hrútur Viðamikið samstarfsverkefni sem þú
ert nú að taka þátt í krefst mikils af þér. Hertu
upp hugann og reyndu að halda þínu striki
hvað sem tautar og raular.
20. apríl - 20. maí 
Naut Einhver stendur í vegi fyrir þér en það er
óþarfi að fella viðkomandi um koll. Þú finnur til
kennda sjálfstæðis og uppreisnar í dag og vilt
ekki að nokkur maður segi þér fyrir verkum.
21. maí - 20. júní 
Tvíburar Þú hefur lengi ætlað að koma málum
þínum á framfæri en hefur ekki haft tækifæri
til þess. Eitthvað hvílir þungt á þér og hindrar
þig í að afreka mikið.
21. júní - 22. júlí 
Krabbi Þér á eftir að ganga vel í dag ef þú
skipuleggur þig vel. Að gera það sama aftur og
aftur leiðir augljóslega til sömu niðurstöðu.
23. júlí - 22. ágúst 
Ljón Það er náttúrlega málið að halda þannig
á spöðunum að ekkert geti komið í bakið á þér
síðar meir. Gefðu þér allan þann tíma sem þú
þarft til að grandskoða málin.
23. ágúst - 22. sept. 
Meyja Nú er komið að því að þú framkvæmir
það sem þú hefur lengi látið þig dreyma um.
Ef þú ert í þörf fyrir að ræða málin skaltu gera
það á réttum stað og á réttum forsendum.
23. sept. - 22. okt. 
Vog Skortur og tafir gætu gert vart við sig í
vinnu. Láttu ekki hugfallast heldur gakktu
æðrulaus til verks. Að öðrum kosti áttu það á
hættu að geta ekki lokið við það.
23. okt. - 21. nóv.
Sporðdreki Allt virðist vaxa þér í augum og
fara í taugarnar á þér og að sjálfsögðu nærðu
ekki tökum á neinu. Láttu það ekki trufla þig
þótt möguleikarnir séu margir.
22. nóv. - 21. des.

Bogmaður Þótt þú sért ekki hlynntur því sem
ættingi þinn er að gera skaltu láta það af-
skiptalaust. Gerðu allt sem þú getur til að
halda ró þinni.
22. des. - 19. janúar 
Steingeit Fylltu á brunninn þinn með því að
leita að uppsprettu á ólíklegustu stöðum.
Hægðu á þér og taktu eitt verkefni í einu og
kláraðu það því framundan er strangur vinnu-
dagur.
20. jan. - 18. febr. 
Vatnsberi Einhverjir draugar úr fortíðinni eru
að gera þér lífið leitt. Láttu það ekki fara í
taugarnar á þér heldur taktu því sem sjálf-
sögðum hlut. Það kemur dagur eftir þennan
dag.
19. feb. - 20. mars

Fiskar Þú verður fyrst að gera upp hug þinn
áður en þú getur farið að sannfæra aðra um
ágæti skoðana þinna. Þér finnst þú heppinn að
vera meðal áhugverðs fólks.
Á sunnudaginn birtist á Leirkvæðið „Örlög“ eftir Davíð
Hjálmar Haraldsson og má vel
segja að sé svipmynd af sambýli
sauðkindarinnar og íslensku
þjóðarinnar um aldir. Ég tek undir
með Birni Ingólfssyni þegar hann
segir: „Þetta er merkilegt kvæði og
vel kveðið og ætti skilið að vera séð
af fleirum en nokkrum gömlum
leirköllum.“ Mér er ljúft að bregð-
ast vel við þessari áskorun og hér
birtist kvæðið í Vísnahorni:
Hann átti rúm og æðardún
í eigin bæ með flagg við hún
en hún svaf upp hjá efstu brún
við örsmá grös um hjalla.
Hann var maður – hún var kind til fjalla.
Í eftirleit við Illatind
er alltaf kóf ef hreyfir vind,
– hann var smali, hún var kind –
þau hurfu bæði sjónum
er flóðið kom. Hve farg var þungt af
snjónum!
Á fjöllum uppi frostið beit.
Fljótt var kölluð hjálparsveit.
Þau fundust eftir langa leit,
lífs – en köld og brotin.
Hann bjargaðist – en bækluð kind var
skotin.
Er komst hann heim í kæran rann
og krafta sína aftur fann
og eimi heitt í arni brann
var efni til að flagga.
Hann var maður – hún var spað í
kagga.
Nú fer mér sem oftar að fletta
upp í Guðmundi á Sandi þar sem
hann skrifar um „eldgamlar vísur í
umbúðum“ og eru svo snjallar að
fara má með þær aftur og aftur og
batna í hvert sinn. Hér ber hann
fyrir brjósti skáldin sem létu sér
annt um dýrin, sem eru handgengin
sveitafólki:
Kvölda tekur, sest er sól,
sveimar þoka um dalinn.
Komið er heim á kvíaból
kýrnar, féð og smalinn.
Guðmundur segir að þokan sé
mikilvirk í þjóðsögum vorum. Hér
kemur vísa, sem andar kalt að þok-
unni:
Gráa þokan gleypir féð,
geymir það í dölunum.
Oft hún gerir órótt geð,
einkanlega smölunum.
Halldór Blöndal
halldorblondal@simnet.is
Vísnahorn
Örlagasaga af
manni og kind
„ÞESSI ER Í LAGI EN ÉG ER ENN OPIN
FYRIR MÓTTILBOÐI.”
„ÞESSI NÝI ILMUR HEITIR „MÓÐUR”.”
Ferdinand
Hrólfur hræðilegi
Grettir
... það sem leynist bak
við gleraugun.
Í klípu eftir Mike Baldwin eftir Jim UngerHermann
VIÐ ÆTTUM AÐ
GERA EITTHVAÐ FÖRUM Í BÍÓ
Í ALVÖRU?
BÝÐURÐU MÉR Í
BÍÓ?
ALVEG
EINS FÓLK MISSIR FULLT AF NAMMI OG POPPI Á GÓLFIÐ
SÉRÐU ÞAÐ SEM ÉG SÉ?! Ó … HANN HEFUR GERT ÞAÐ!
TRÚLOFUNAR-
HRINGAR
Víkverji er ekki mikið fyrir köldböð og hefur reynt að leiða hjá
sér hina köldu potta, sem víða hefur
verið komið upp í sundlaugum og fer
fjölgandi. Hann hefur þó ítrekað
verið hvattur til að demba sér í kald-
an pott og dásama ólíklegustu menn
fyrirbærið í hans eyru. Þeim dugar
ekki að fara sjálfir í kalda pottinn,
þeir vilja að aðrir geri slíkt hið sama.
Sumum er svo mikið niðri fyrir að
það jafnast á við trúboð.
x x x
Víkverji áttar sig ekki á hversvegna það er skyndilega orðið
svo vinsælt að fara í kalda potta og
skilur ekki hvernig það getur verið
eftirsóknarvert að liggja í ísköldu
vatni. Hann verður þó að viðurkenna
að um leið ber hann ákveðna virð-
ingu fyrir þeim, sem það geta án
þess að því er virðist að kippa sér hið
minnsta upp við kuldann.
x x x
Svo virðist sem katólskur presturfrá Bæjaralandi eigi lykilþátt í
að auka veg kaldra baða. Sebastian
Kneipp hóf að gera ýmiss konar til-
raunir með náttúrulækningar um
miðja nítjándu öld og varð frægur
fyrir vatnsmeðferð, sem hann hélt
fram að hann hefði notað til að
lækna sig af berklum. Snýst hún um
að fara í kalt vatn og heitt til skiptis
og munu aðferðir hans vera notaðar
í heilsuhælinu í Hveragerði.
x x x
Kneipp varð einnig þekktur fyriruppskrift sína að heilhveiti-
brauði. Sú uppskrift náði að festa sig
rækilega í sessi í Noregi og er
Kneippbrød mest borðaða brauðið
þar í landi. Borða Norðmenn, sem
eru mestu brauðætur Evrópu, rúm-
lega 60 milljón hleifa af Kneipp-
brauði á ári, ef eitthvað er að marka
vefsíðuna Wikipediu.
x x x
Víkverji ætlar ekki að láta undanþrýstingnum um að fara í kalda
pottinn þrátt fyrir fullyrðingar um
að það myndi gera hann að betri
manni og heilbrigðari á alla lund.
Hann gæti hins vegar alveg hugsað
sér að bragða Kneippbrauð verði
það á vegi hans. vikverji@mbl.is
Víkverji
Hjá Guði er hjálpræði mitt og veg-
semd, minn örugga klett og athvarf
mitt hef ég í Guði.
(Sálmarnir 62.8)
LISTHÚSINU
Opið virka daga kl. 11-18, laugardaga kl. 12-16
Listhúsinu við Engjateig, 105 Reykjavík, s 551 2050
Fallegt úrval
af lömpum, púðum og gjafavöru