Morgunblaðið - 10.11.2018, Blaðsíða 14

14 FRÉTTIRInnlent
MORGUNBLAÐIÐ LAUGARDAGUR 10. NÓVEMBER 2018
Útbýtt hefur verið á Alþingi svari
Sigríðar Á. Andersen dómsmálaráð-
herra við fyrirspurn Björns Levís
Gunnarssonar, þingmanns Pírata,
um atkvæðagreiðslu utan kjörfund-
ar. Taldi ráðherra ekki unnt að
svara spurningu þingmannsins.
Fyrirspurnin var svohljóðandi:
„Í hvaða tilvikum í kosningum til
Alþingis, forsetakosningum og
sveitarstjórnarkosningum frá 2009
hafa kjósendur þurft að fara út fyrir
sveitarfélag sitt á kjörstað til að
greiða atkvæði utan kjörfundar, sbr.
1. mgr. 58. gr. laga nr. 24/2000? Hve
langt þurftu kjósendur að fara í
framangreindum tilvikum til að
greiða atkvæði utan kjörfundar?
Óskað er eftir upplýsingum um
vegalengdir í kílómetrum.“
Í löngu svari ráðherra er lýst ferli
atkvæðagreiðslu utan kjörfundar.
M.a. er bent á að í lögum sé ekki
gert ráð fyrir að kosning utan kjör-
fundar verði í hverju og einu sveit-
arfélagi.
Bent er á í svarinu að í einu sveit-
arfélagi geti t.d. verið margir
byggðarkjarnar auk dreifbýlis eða
engir byggðarkjarnar og aðeins bú-
seta í sveitum. Engin tök séu á að
afla upplýsinga um vegalengdir sem
kjósendur sem búsettir eru í sveit-
um þurfa að fara til þess að kjósa ut-
an kjörfundar, enda vegalengdirnar
afar misjafnar eftir því hvort miðað
sé við þann bæ sem lengst er frá
byggðarkjarna sem kosið er í eða
næst honum.
„Með vísun til framangreinds tel-
ur ráðuneytið ekki unnt að svara
spurningunni um það hve langt
kjósendur hafa þurft að fara í þeim
tilvikum sem þeir hafa ekki getað
greitt atkvæði utan kjörfundar í
sveitarfélagi sínu,“ segir að lokum í
svari ráðherra. sisi@mbl.is.
Ekki var unnt að
svara þingmanni
Morgunblaðið/Heiddi
Kosning Löng biðröð við kjörklefa.
 Björn spurði um akstur á kjörstað
Eltak sérhæfir sig í sölu
og þjónustu á vogum
Bjóðum MESTA úrval
á Íslandi af smáum
og stórum vogum
Vörurnar frá tetesept fást í öllum helstu apótekum og heilsuvöruverslunum
EKKI
láta haustið
ná þér
Fjölmenni sótti styrktartónleika,
sem Lionsklúbburinn Fjörgyn í
Grafarvogi í Reykjavík stóð fyrir á
fimmtudagskvöld í Grafarvogs-
kirkju til styrktar Barna- og ung-
lingageðdeild Landspítalans,
BUGL.
Er þetta í sextánda skipti sem
Fjörgyn heldur styrktartónleika
fyrir BUGL. Samkvæmt upplýs-
ingum frá klúbbnum hefur hann
samtals styrkt BUGL um 45 millj-
ónir króna á þessum tíma og rekur
tvo bíla fyrir deildina.
Meðal þeirra listamanna sem
komu fram á tónleikunum voru
Ragnar Bjarnason, Helgi Björnsson,
Sigríður Thorlacius, Sigurður Guð-
mundsson, Guðrún Gunnarsdóttir
og Sigríður Beinteinsdóttir.
Morgunblaðið/Ómar
BUGL Hús Barna- og unglingageð-
deildar Landspítala við Dalbraut.
Hafa styrkt
BUGL um
45 milljónir
Guðni Einarsson
gudni@mbl.is
Ljóst er að sæstrengur til raforku-
flutninga á milli Íslands og Stóra-
Bretlands (Ice Link) er kominn á
verkefnalista Evrópusambandsins
(ESB) með blessun og samþykki ís-
lenskra stjórnvalda, að mati Friðriks
Daníelssonar, ritstjóra heimasíðu
Frjáls lands (frjalstland.is).
„Í athugasemd vegna ummæla
formanns Sambands garðyrkju-
bænda sem birtist á heimasíðu at-
vinnuvega- og nýsköpunarráðuneyt-
isins 1. nóvember stendur að engar
millilandatengingar fari á verkefna-
lista ESB, sem er kallaður PCI eða
Projects of Common Interest, nema
með samþykki viðkomandi stjórn-
valda. Nú er þetta verkefni komið á
listann og þá hlýtur ráðuneytið að
vera búið að samþykkja þetta,“ sagði
Friðrik.
Tengill á skýrslu ACER (sam-
starfsstofnunar eftirlitsaðila á orku-
markaði ESB) um uppbyggingu og
millitengingu orkukerfa ESB og
EES er birtur á heimasíðu Frjáls
lands. Skýrslan var gefin út 7. júlí
2017. PCI-listinn hvað varðar raf-
orku er í 5. viðauka. Þar er verkefni
1.13 tenging milli Íslands og Stóra-
Bretlands (nú þekkt sem „Ice Link“)
að því er segir í töflunni. Að fram-
gangi verkefnisins vinna Landsnet,
Landsvirkjun og National Grid Int-
erconnector Holdings Ltd. Staða
verkefnisins er sögð vera „í athug-
un“. Þess er vænst að sæstrengurinn
verði tekinn í notkun árið 2027.
Fram kemur á bloggsíðu Frjáls
lands að nýjasti PCI-listi fram-
kvæmdastjórnar ESB hafi verið gef-
inn út í apríl á þessu ári. Fram-
kvæmdastjórnin gefur slíka lista út
annað hvert ár. Friðrik sagði að búið
væri að setja sæstrengsverkefnið
Ice Link á næsta stig eða á svonefnd-
an Union-lista (Annex VII við reglu-
gerð 347/2013) sem þýddi að verk-
efnið væri komið í forgang hjá ESB.
„Mér varð bylt við þegar ég sá að
þetta verkefni var komið á Union-
listann. Á hann er búið velja þau
PCI-verkefni sem fá forgang. Svo
virðist sem Ice Link-verkefnið sé á
því stigi,“ sagði Friðrik.
Heimild: Verkefnalisti ESB
í orkumálum, PCI, Project of
Common Interests
Fyrirhuguð
verkefni
í orkumálum
í Evrópu
Háspennu-
lína/strengur
Gasleiðsla
Olíuleiðsla
Ice-Link
Fyrirhugaður sæstrengur
milli Íslands og Bretlandseyja
Ice Link-strengurinn er á lista ESB
 Fer ekki á listann nema með sam-
þykki stjórnvalda, segir ráðuneytið
Borgarráð hefur veitt VR vilyrði
fyrir lóð ásamt byggingarrétti fyrir
36 íbúðir í Úlfarsárdal. Félaginu
verður heimilt að byggja tvö fjöl-
býlishús á byggingarreitnum sem er
við Skyggnisbraut, Gæfutjörn og
Silfratjörn, samtals 3.225 fermetrar
að stærð.
VR hefur lýst yfir áhuga á að
standa fyrir uppbyggingu leiguhús-
næðis fyrir félagsmenn sína og und-
irbúið málið. Fram hefur komið að
félagið er reiðubúið til að standa að
fjármögnun slíks verkefnis, meðal
annars með fé úr félagssjóði sínum.
Vilyrði fyrir lóðinni gildir í sex mán-
uði og er bundið því skilyrði að VR
stofni leigufélag sem rekið verður án
hagnaðarsjónarmiða með það að
markmiði að tryggja húsnæðis-
öryggi og hagkvæma leigu.
Morgunblaðið/Sigurður Bogi
Úlfarsárdalur VR hyggst byggja
tvö fjölbýlishús fyrir leigufélag sitt.
VR fær lóð í
Úlfarsárdal