Morgunblaðið - 28.12.2018, Side 2

2 FRÉTTIRInnlent
MORGUNBLAÐIÐ FÖSTUDAGUR 28. DESEMBER 2018
Starfsfólk Landsbjargar var glaðbeitt að undir-
búa flugeldasölu ársins þegar ljósmyndara
Morgunblaðsins bar þar að garði í gær.
Flugeldasalan hefur enda verið helsta fjáröfl-
unarleið björgunarsveitanna um langt árabil og
er áætlað að hún skili um 60-70% af sjálfsaflafé
samtakanna. Landsbjörg fagnar á þessu ári 90
ára afmæli sínu og er boðið upp á tvenns konar
„afmælistertur“ af því tilefni.
Morgunblaðið/Hari
Flugeldasala hafin fyrir áramótin
Einar Valur
Kristjánsson,
framkvæmda-
stjóri Hraðfrysti-
hússins-
Gunnvarar hf.
segir í áramóta-
kveðju sinni til
starfsmanna fyr-
irtækisins að
samfélögin við
Ísafjarðardjúp
séu í „í gíslingu Hafró og stjórnsýsl-
unnar“, og að réttmætar væntingar
til uppbyggingar atvinnulífs á svæð-
inu koðni niður á meðan.
Einar Valur segir í kveðjunni að
tímamót hafi orðið í starfsemi HG á
árinu, þar sem dótturfyrirtækið
Háafell hafi ekki neinn fisk í sjókví-
um í Ísafjarðardjúpi eftir 16 ára
uppbyggingarskeið í fiskeldi. „Þrátt
fyrir að framleiða heilbrigð og
hraust laxaseiði á Nauteyri höfum
við þurft að láta þau frá okkur vegna
stöðu leyfismála sem velkjast um í
stjórnkerfinu. Því miður hefur það
leitt til uppsagna á reyndu og góðu
starfsfólki sem mikil eftirsjá er að,“
segir Einar Valur.
Hann gagnrýnir hægagang Haf-
rannsóknastofnunar í málinu, sem
og að forstjóri Hafró hafi ekki séð
ástæðu til þess að svara fyrir-
spurnum Háafells um málið þrátt
fyrir ítrekaðar óskir. „Er það því
einlæg ósk okkar að stjórnmála-
menn muni á nýju ári setja strangar
og skýrar reglur um fiskeldi sem
hægt verður að vinna eftir og
treysta á. Óvissan er okkar versti
óvinur,“ segir Einar Valur að lokum
um fiskeldismálin.
Samfélag
í „gíslingu
Hafró“
 Ekki neinn fiskur
í sjókvíum í Djúpinu
Einar Valur
Kristjánsson
Tveimur sérstökum svifrykssöfn-
urum hefur verið komið fyrir á
Grensásvegi og við Dalsmára í þeim
tilgangi að safna svifrykssýnum á
gamlárskvöld. Sýnin verða efna-
greind á rannsóknarstofum bæði á
Íslandi og erlendis til þess að
greina efnainnihald svifryks á
gamlárskvöld. Þetta er í fyrsta sinn
sem efnainnihald svifryks er mælt
með þessum hætti á gamlárskvöld á
svæðunum tveimur, en það hefur
einu sinni áður verið gert við
áhaldahús Hafnarfjarðar.
Efnainnihald svif-
ryks verður mælt
Magnús Heimir Jónasson
mhj@mbl.is
Líf Magneudóttir, borgarfulltrúi
Vinstri grænna, segir það eðlilegt að
Dagur B. Eggertsson borgarstjóri sitji
í þriggja manna hópi sem skipaður er
til að rýna í niðurstöður skýrslu innri
endurskoðunar Reykjavíkurborgar
um braggamálið svonefnda.
„Mér finnst það eðlilegt því hann er
æðsti yfirmaður stjórnsýslunnar og
æðsti yfirmaður borgarinnar og á
meðan hann er það þá hlýtur hann að
njóta einhvers trausts til að fara í
saumana á því sem betur má fara inn-
an stjórnsýslunnar. Þannig að að svo
stöddu finnst mér ekkert að því að
hann taki sæti í þessum hópi,“ segir
Líf.
Hildur Björnsdóttir, borgarfulltrúi
Sjálfstæðisflokksins, fór fram á að
Dagur myndi víkja úr hópnum. Mun
Hildur sjálf gefa sæti sitt laust verði
ekki fallist á þessa kröfu. „Ef hann
[Dagur] nýtur ekki trausts Hildar
Björnsdóttur þá er það allt annað
mál. Það er bara eðli pólitíkurinnar.
Þannig að ég sé ekki að ég ætti að
hafa einhverja sérstaka skoðun á
þessum tímapunkti á hvort hann njóti
trausts til að skila af sér einhverri
skoðun á hvernig stjórnsýslan gæti
unnið betur, hvernig verkferlar ættu
að vera, hvort upplýsingar væru gefn-
ar til nefnda og ráða og með hvaða
hætti og hvernig embættismenn ættu
að fara að í aðstæðum sem þessum
svo þetta endurtæki sig ekki,“ segir
Líf, sem sakar jafnframt Hildi um að
setja upp pólitískt leikrit.
„Hún er að setja upp pólitískt leik-
rit og það þarf auðvitað innistæðu fyr-
ir því en á meðan ekkert annað hefur
komið upp þá þarf þetta eðlilega að
hafa sinn gang þar sem framkvæmda-
stjóri borgarinnar tekur á þessum
málum og hvernig betur megi gera í
framtíðinni.“
Algjörlega ófært
Vigdís Hauksdóttir, borgarfulltrúi
Miðflokksins, er hins vegar á öðru
máli og segir það fásinnu að Dagur
skoði sjálfan sig.
„Ég tel að það sé algjör fásinna og
algjörlega ófært ef þessi hópur kemst
á laggirnar að Dagur sitji í því að
skoða sjálfan sig og viðbrögð við sín-
um eigin afglöpum sem koma fram í
skýrslunni. Þetta er merki um algjöra
blindu á eigin verk. Ég hef gagnrýnt
það frá byrjun og skipun þessa hóps.
Það er talað um að þetta sé hópur
minni- og meirihluta en þetta var til-
kynnt einhliða á fundi borgarráðs án
þess að nokkur vissi.“
Deilt um stöðu borgarstjóra
Líf
Magneudóttir
Vigdís
Hauksdóttir
 Þriggja manna hópur rýnir í skýrslu um braggann  Eðlilegt að Dagur sitji í
starfshópnum, segir borgarfulltrúi VG  Algjör fásinna, segir fulltrúi Miðflokks
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Baldur Arnarson
baldura@mbl.is
Pétur Ármannsson arkitekt flutti er-
indi vegna húsnæðismálanna á fund-
um hjá Eflingu og Samtökum iðn-
aðarins.
Pétur segir þjóðina áður hafa
staðið frammi fyrir skorti á hag-
kvæmu íbúðarhúsnæði á höfuðborg-
arsvæðinu. Lausnir á þeim vanda
hafi komið fram allt frá 1930.
Bygging félagslegra íbúða í
Borgahverfi í Grafarvogi á 10. ára-
tugnum sé síðasta verkefnið á vegum
húsnæðisnefndar borgarinnar.
Nefndin hafi síðan verið lögð niður.
„Fyrst þarf að skoða fjármögnun-
arhliðina. Þetta er ekki aðeins bygg-
ingartæknifræðilegt mál. Íbúðar-
byggingar eru nú öðrum þræði
fjárfestingarvara. Húsnæði er byggt
til að tryggja örugga fjárfestingu.“
Nokkrir samverkandi þættir
„Þegar lögin um verkamanna-
bústaði voru sett fólu þau í sér hag-
stæð lánakjör. Sú varð líka raunin
árið 1965 þegar samkomulag náðist
um byggingu íbúða í Breiðholti.
Hér þurfa að fara saman nokkrir
samverkandi þættir; fjármálahliðin,
lánakjör og skipulagsmál. Nánast öll
skipulagsverkefnin hafa verið byggð
á ódýru landi,“ segir Pétur og bendir
á að uppbygging á minni þéttingar-
reitum í eldri byggð sé dýrari.
„Það getur vel verið að það sé dýrt
fyrir sveitarfélögin að byggja ný
hverfi, en til að leysa þessi mál hratt
og vel þarf í rauninni að fá ónumið
land. Það er líka mikilvægt að gera
mjög vandað skipulag og beita
ýtrustu hagkvæmni við húsbygging-
ar. Að láta vinna vandaða hönnun
sem hægt er að endurtaka. Það þarf
að gæta þess að húsin séu einföld og
stöðluð og hafi öll grunngæði án þess
að bruðlað sé með óþarfa.“
Pétur rifjar upp að þegar
Bústaðahverfið hafi verið byggt upp
á haftaárunum hafi það verið langt
frá miðbænum. „Þar var hægt að fá
ódýrt og mjög gott byggingarland.
Þar voru gerðar ákveðnar tilraunir.
Fólk fékk til dæmis húsin afhent fok-
held og innréttaði þau sjálft.“
Voru byggð á ódýru landi
 Arkitekt segir félagslegar íbúðir hafa risið á ódýru landi
 Byggingar á þéttingarreitum dýrari  Lánakjör mikilvæg