Morgunblaðið - 28.12.2018, Blaðsíða 14

14 FRÉTTIRInnlent
MORGUNBLAÐIÐ FÖSTUDAGUR 28. DESEMBER 2018
HÁVAÐI SKAÐAR HEYRNINA
...líka flugeldar
Verndaðu heyrnina
á meðan þú hefur hana
Bjóðum fjölbreytt úrval bæði af stöðluðum og sérsmíðuðum heyrnarsíum
sem dempa hávaða og hlífa heyrninni án þess að breyta blöndun og
tónblæ hljóðsins.
VERÐ FRÁ
3.800 KR.
Hlíðasmára 19, 2. hæð • 201 Kópavogur • Sími 534 9600 • heyrn.is
BAKSVIÐ
Ágúst Ingi Jónsson
aij@mbl.is
Sólberg ÓF, frystitogari Ramma hf. í
Ólafsfirði, er það skip sem kom með
mest aflaverðmæti að landi á árinu,
en alls fiskaði skipið fyrir um 3.800
milljónir. Ólafur Marteinsson, fram-
kvæmdastjóri Ramma, segir að
þetta sé góður árangur, en árið hafi
þó alls ekki verið hnökralaust.
Næstu skip á eftir hvað aflaverð-
mæti áhrærir eru frystiskipin Guð-
mundur í Nesi RE og Kleifaberg RE
og uppsjávarskipið Vilhelm Þor-
steinsson EA.
Sólbergið kom nýtt til landsins í
maí í fyrra frá Tyrklandi og kom
skipið í staðinn fyrir Mánaberg og
Sigurbjörgu. Árið sem er að kveðja
er því fyrsta heila ár skipsins á veið-
um og var afli Sólbergsins á árinu
12.450 tonn af óslægðum fiski. Að
sögn Ólafs var það ekki fyrr en 2-3
síðustu mánuði ársins að allt var far-
ið að virka 100% við veiðarnar.
Galli í togvindum
„Það var ákveðinn galli í togvind-
um skipsins, sem gerði okkur erfitt
fyrir að veiða við ákveðin skilyrði,“
segir Ólafur. „Okkur gekk illa að
veiða grálúðu og búnaðurinn virkaði
ekki sem skyldi þannig að mikill tími
fór í þær veiðar.“
Ólafur segir að þrátt fyrir frátafir.
hafi útgerð Sólbergsins nokkurn
veginn gengið samkvæmt áætlunum
Tekjur séu að langmestu leyti í er-
lendri mynt og sömu sögu sé að segja
um kostnað eins og olíu, veiðarfæri
og laun sjómanna eða hlut. Viðmiðið
hafi verið að veiða fyrir meira en 30
milljónir evra og það hafi gengið
eftir.
Sólbergið fór í 11 veiðiferðir á
árinu, en nokkur tími fór í lagfær-
ingar og eins fór skipið í slipp á
árinu, sem ekki hafði verið ráðgert.
35 eru í áhöfn hverju sinni, en tvær
áhafnir eru á skipinu.
Aflaverðmæti Guðmundar í Nesi,
frystitogara Útgerðarfélags Reykja-
víkur, var 3.050 milljónir. Alls var afli
ársins um 6.800 tonn af slægðum
fiski og þar af um 3.400 tonn af grá-
lúðu. Verð fyrir hana hefur hækkað
jafnt og þétt í erlendri mynt undan-
farið, að sögn Runólfs Viðars Guð-
mundssonar, framkvæmdastjóra Út-
gerðarfélags Reykjavíkur. Síðasti
túr sem lauk rétt fyrir jól var einn
besti túr ársins.
Líklega til Grænlands
Í síðasta mánuði var greint frá því
að Guðmundur í Nesi hefði verið
settur á söluskrá og áhöfn verið sagt
upp. Í sumar var Brimnesið selt til
Rússlands. Runólfur segir að nú séu
allar líkur á að Guðmundur í Nesi
verði seldur til grænlenska útgerðar-
félagsins Arctic Prime Fisheries, en
Útgerðarfélag Reykjavíkur er hlut-
hafi í fyrirtækinu. Hann segir að ver-
ið sé að skoða kaup á nýju frystiskipi.
Enn einu sinni er Kleifabergið,
skip Útgerðarfélags Reykjavíkur, á
lista yfir skip með mest aflaverð-
mæti, en Kleifabergið er 44 ára gam-
all flakafrystitogari. Skipið fiskaði
fyrir um 2.650 milljónir, samtals
10.500 tonn af slægðum fiski eða yfir
12 þúsund tonn af óslægðum fiski,
sem gerir rúmlega þúsund tonn á
mánuði.
Uppsjávarskipið Vilhelm Þor-
steinsson EA fiskaði fyrir rúmlega
2,5 milljarða á árinu, en alls var afl-
inn hátt í 50 þúsund tonn af loðnu,
makríl, kolmunna og síld. Þetta
mikla aflaskip hefur verið selt til
Rússlands og á að afhenda það í
næsta mánuði.
Samið hefur verið um smíði á nýju
uppsjávarskipi við Karstensens-
skipasmíðastöðina í Skagen í Dan-
mörku, en það skip verður ekki
frystiskip eins og Vilhelm er. Skipið
á að afhenda Samherja um mitt sum-
ar 2020, en þangað til verður Mar-
grét EA notuð til uppsjávarveiða, að
sögn Kristjáns Vilhelmssonar, fram-
kvæmdastjóra útgerðarsviðs Sam-
herja.
Gjöfult ár til sjávarins
Þeir sem rætt var við í gær sögðu
að heilt yfir hefði árið verið gjöfult til
sjávarins. Margir hefðu toppað sig
frá fyrri árum, en eins og áður ráða
aflaheimildir og útgerðarmynstur
miklu um hvað menn geta fiskað.
Fiskaði fyrir hátt í 4 milljarða
 Sólbergið með 12.450 tonn af fiski upp úr sjó á árinu  Aflaverðmæti Guðmundar í Nesi yfir þrír millj-
arðar  Grálúðan gaf vel  Kleifaberg og Vilhelm Þorsteinsson meðal þeirra hæstu eins og venjulega
Morgunblaðið/Þorgeir Baldursson
Stefnumót Frystiskipið Sólberg ÓF, fjær, og ísfisktogarinn Kaldbakur EA mætast á Eyjafirði í fyrravetur. Smíði skipanna lauk í Tyrklandi 2017.
Níu laxar sem virðast komnir úr eldi
og hafa veiðst í íslenskum ám hafa
verið upprunagreindir og komu þeir
allir frá tveimur kvíastæðum, annars
vegar úr Laugardal í Tálknafirði og
hins vegar frá Hringsdal Arnarfirði.
Þannig er lax sem veiddist í Vatns-
dalsá talinn kominn úr eldi í Laugar-
dal og lax sem fékkst í Eyjafjarðará
er talinn vera úr eldi við Hringsdal.
Frá þessu er greint á heimasíðu
Hafrannsóknastofnunar, sem hefur í
samvinnu við MAST og Matís unnið
að upprunagreiningunni. Notuð er
svokölluð arfgerðagreining og eru
14 erfðamörk greind og borin sama
við erfðamörk þeirra hænga sem
notaðir voru við framleiðslu seiða
2015.
Óvissa með lax úr Breiðdalsá
Á heimasíðu stofnunarinnar segir
meðal annars: „Alls virðast hafa
veiðst 12 eldisfiskar, þar af hafa 11
verið greindir en einn er enn í mæl-
ingu. Af þeim 11 sem hafa verið
greindir er hægt að rekja níu með
vissu, en eitt sýni þarf að endur-
keyra með nýju erfðarsýni til að fá
afgerandi staðfestingu. Einn fisk,
sem veiddist í Breiðdalsá, þarf að
skoða frekar og er hugsanlegt að
hann hafi komið annars staðar frá.
Þeir níu fiskar sem hefur verið hægt
að rekja komu allir frá tveimur kvía-
stæðum, annars vegar úr Laugardal
í Tálknafirði og hins vegar frá
Hringsdal, Arnarfirði.
Tilkynnt hafa verið þrjú atvik
sem stemma við þessar staðsetn-
ingar. Arnarlax tilkynnti atvik/strok
í Hringsdal í Arnarfirði þann 21.
febrúar sl. og tvö atvik í Laugardal í
Tálknafirði, annað í febrúar og hitt í
júlí á þessu ári. Svo virðist sem allir
fiskarnir hafa komið úr tilkynntum
strokum.“
Strokulax talinn
úr eldi í Hringsdal
Upprunagreining
strokulaxa
Heimild: Hafrannsóknastofnun
Veiðistaður Strokstaður
Laugardalsá
Hringsdalur
Arnarfirði
Eyjafjarðará
Mjólká
Fífustaðará
Fífustaðará
Selá í Ísafirði
Laugardalur
Tálknafirði
Staðarhólsá/Hvolsá
Vatnsdalsá
Staðará
Breiðdalsá Óvíst
Mjólká Endurein-angra DNA