Kraftur - 01.01.2015, Blaðsíða 6
6
Kraftur
1. tbl. 2015
Þegar fólk veikist af lífsógnandi sjúkdómum, eins og krabba-
meini, koma Sjúkratryggingar til móts við sjúklinga með
niðurgreiðslu á nauðsynlegum lyfjum og ýmsum tækjum og
búnaði sem sjúklingar þurfa á að halda. Þar má t.d. nefna
konur sem veikjast af brjóstakrabbameini sem fá nauðsyn-
leg hormónalyf niðurgreidd auk þess sem þær þurfa ekki að
bera nema hluta kostnaðar við uppbyggingu brjósta, við kaup
á hárkollum, tattúveringu og fleira því tengt. Að sjálfsögðu
þykir engum þetta tiltökumál – enda brjóst og útlit stór hluti
af sjálfsímynd kvenna. En öðru máli virðist gegna um karl-
menn sem greinast með krabbamein í blöðruhálskirtli. Fylgi-
kvillar slíkrar aðgerðar eru þeir að karlmenn þurfa að kljást
við risvandamál og þurfa því að taka inn sérstakt lyf til að
geta stundað kynlíf. Þessi lyf eru aftur á móti ekki niðurgreidd
af Sjúkratryggingum og því verða karlmann, sem fá þessa
tegund krabbameins, að greiða að fullu þau lyf sem hjálpa
þeim að þessu leyti. Hannes J. Ívarsson er einn af þeim. Hann
greindist með krabbamein í blöðruhálskirtli fyrir 3 árum.
Hannes segir jafnræði ekki ríkja hvað varðar niðurgreiðslu
á lyfjum og læknisbúnaði fyrir karla í hans sporum og hefur
ákveðið að láta á það reyna fyrir dómstólum. Eftir viðtal sem
Erla María Markúsdóttir átti við Hannes í Fréttatímanum
þann 20. febrúar sl. vaknaði mikil og tímabær umræða um
þessi viðkvæmu mál – ekki síst vegna hreinskilnislegrar um-
ræðu Hannesar um þetta viðkvæma mál. „Það var í raun ek-
kert sem kom mér á óvart í krabbameinsmeðferðinni sjálfri,“
segir Hannes. „Eiríkur Orri Guðmundsson, þvagfæraskurð-
læknir, skar mig upp og hann sagði mér skýrt og greinilega
frá öllu því sem fór fram,“ segir Hannes, sem er einnig afar
ánægður með þá þjónustu og stuðning sem Krabbameins-
félagið veitir honum.
„Eftir aðgerðina tók við endurhæfingarferli. Til að byrja með
var ég með þvagpoka og þegar hann er fjarlægður myndast
þvagleki og þá verður maður að vera með sérstakt herrabindi.
Það voru því frekar mikil viðbrigði að vera kominn í þessa
stöðu,“ segir Hannes. Eftir aðgerð sem þessa glíma karlmenn
Segir Hannes Ívarsson sem fékk krabbamein í blöðruháls-
kirtil og berst fyrir því að fá niðurgreidd stinningarlyf og
búnað vegna risvandamála í kjölfar veikindanna.
„Þetta er spurning
um jafnrétti“
Hannes J. Ívarsson