Kraftur - 01.01.2015, Blaðsíða 11
11
Kraftur
1. tbl. 2015
LÖGMANNSÞJÓNUSTA
SÍÐAN 1907
logos@logos.is
www.logos.is
42 New Broad Street
London EC2M 1 JD
England
+44 (0) 207 920 3020
+44 (0) 207 920 3099
Efstaleiti 5
103 Reykjavík
Iceland
5 400 300
5 400 301
Umfjöllun
Þórir Ármann Valdimarsson er 23 ára stuðningsfulltrúi í
Fellaskóla. „Ég gaf kost á mér vegna þess að ég hef brenn-
andi áhuga á málefninu og langar til þess að gera allt sem
ég get gert til þess að láta gott af mér leiða í þessum efn-
um. Ég lauk sjálfur meðferð á krabbameini þegar ég var
15 ára gamall og hef því fengið að kynnast því af eigin raun
hvað svona stuðningsfélag er mikilvægt þegar jafn alvarlegur
sjúkdómur og krabbamein er bankar uppá.“ Þórir segist vilja
vinna að nýjum hugmyndum sem hann hefur um fjáröfl-
unarleiðir og vinna einnig að því að efla aðsókn að Stuðnings-
netinu og margt fleira sem hann segist eiga uppi í erminni
sem hann hyggst miðla í stjórn Krafts.
Jenný Þórunn Stefánsdóttir er 22 ára laganemi við HR sem
vinnur einnig í World Class. Hún er móðir lítils drengs,
sem hún kallar reyndar „kraftaverkadrenginn“ og er því í
fæðingarorlofi núna. „Ég ákvað að gefa kost á mér til stjórnar-
setu í Krafti til að láta gott af mér leiða og ekki síst vegna
þess að ég hef sjálf reynslu af því að greinast með krabbamein.
Þórir Á. Valdimarsson með
frænda sínum
Jenný Þórunn Stefánsdóttir
Ólafur Einarsson
Nýir fulltrúar
í stjórn Krafts
Ég fékk sjaldgæfa tegund þessa sjúkdóms árið 2012 en er á
góðum stað í lífinu núna,“ segir Jenný sem ætlar að láta til sín
taka í félaginu og hefur áhuga á að fá fleiri félagsmenn og
stækka það enn frekar.
Ólafur Einarsson er 24 ára og vinnur á sambýli fyrir ein-
hverfa. Hann hefur verið virkur í Ungliðahóp Ljóssins, SKB
og Krafts frá 18 ára aldri. „Ég ákvað að gefa kost á mér til
að gera gott félag enn betra og gefa einnig til baka eitthvað
sem félagið gaf mér þegar ég þurfti á því að halda. Það hefur
hjálpað mér helling að hitta aðra sem hafa gengið í gegnum
það sama og ég og í raun verið ómetanlegt og lærdómsríkt.
Jafningjafræðslan, það að hitta aðra, ræða málin og miðla
er svo sterk og ekki má gleyma félagslega þættinum,“ segir
Ólafur og kveðst langa til að finna leiðir til að safna meiri
pening fyrir Kraft og Neyðarsjóðinn og búa til skemmtilega
viðburði fyrir félagsmenn. „Ég vil einnig styrkja jafningja-
fræðsluna og vináttuböndin hjá félagsmönnum til að koma
í veg fyrir einangrun félagsmanna okkar. Hafa fjölbreytta
dagskrá bæði skemmtun og fræðslu í bland,“ segir Ólafur.
Ástrós Rut Sigurðardóttir er 27 ára einkaþjálfari og lífsstíls-
ráðgjafi. Hún ákvað að gefa kost á sér þar sem hún hefur
mikinn áhuga á starfinu og langar að viðhalda þessu
frábæra umhverfi sem Kraftur hefur uppá að bjóða, eins og
hún orðar það. „Að fá stuðning frá félagi eins og þessu þegar
heimurinn fer á hliðina hjá manni er algjörlega ómetanlegt
og nú er kominn tími til að ég fari í stuðningsstólinn og gefi
af mér til baka,“ segir Ástrós og getur þess að maðurinn
sinn hafi fengið ristilkrabbamein árið 2012 og því þekki hún
ýmsar hliðar á kerfinu og þau tvö gengið í gegnum margt
þennan tíma. „Ég vil ná betri tengingu milli Landspítala og
Krafts og koma þessu í skipulagt og einfalt ferli. Allir sem
greinast með krabbamein á aldrinum 18-40 ára eiga skilið
að fá góðan stuðning og ráðgjöf hjá okkur í Krafti og þetta
dásamlega félag á að vera mikilvægur hlekkur fyrir fólk
sem greinst hefur með krabbamein og aðstandendur.
Kraftur er nú þegar mikilvægur hlekkur, ég vil gera félagið
enn betra. Einnig vil ég hjálpa til við að gera Neyðarsjóðinn
stærri og sýna fólki betur og betur hversu ómissandi sjóð-
urinn er. Ég og maðurinn minn höfum mikla reynslu af því.
Þetta krefst vinnu og atorkusemi og ég er meira en tilbúin,“
segir Ástrós.
Ástrós Rut Sigurðardóttir