Kraftur - 01.01.2015, Blaðsíða 25

25
Kraftur
1. tbl. 2015
Nýtt verkefni Alivia
Alivia hefur nú ráðist í nýtt verkefni, greiningu á legháls-,
brjóst- og ristilskrabbameinum. Hugmynd að verkefninu
kviknaði í heimsókn fulltrúa Alivia til Krabbameins-
félagsins í júní 2014. Í Póllandi er það mikið vandamál að
fá heildarsýn yfir það hversu margir raunverulega eru
greindir með krabbamein. Ástæða þess er að fólk er greint
ýmist á opinberum sjúkrastofnunum, eða á einkastofum,
en einkastofur virðast ekki upplýsa hið opinbera um það
hversu margir eru greindir þar. Á Íslandi hjá Krabba-
meinsfélaginu er öll skráning krabbameinstilfella miðlæg,
og því einfalt að fá heildarsýn yfir málaflokkinn. Full-
trúar Alivia heilluðust mjög af kynningar- og greiningar-
starfi Krabbameinsfélagsins og þótti þeim merkilegt að
sjálfstæð samtök, en ekki ríkisstofnun, skuli sjá um allt
þetta starf. Nú hefur Alivia sett sig í samband við leitar-
stöð Krabbameinsfélagsins varðandi frekara samstarf og
er félagið að vinna í því að útvega verkefninu styrk frá
ESB og Sviss.
Fjáröflunaraðferðir
Fulltrúar Alivia og Krafts skiptust á upplýsingum um
aðferðir til fjáröflunar. Hugmyndir sem nýst gætu Krafti
eru t.d. að koma fyrir PayPal hnappi á heimasíðunni fyrir
fjárframlög, í stað þess að birta bara reikningsupplýsing-
ar. Einnig að koma upp velunnarakerfi, sambærilegu og
Krabbameinsfélagið starfrækir, þar sem fólk fær val-
kvæða gíróseðla í heimabankann. Þá var Krafti bent á að
berjast fyrir því að skattalögum á Íslandi sé breytt á þann
hátt að fólk geti styrkt gott málefni fyrir ákveðna upphæð
ár hvert, gegn skattaafslætti. Þetta má t.d. útfæra með val-
möguleika á skattframtali hvers og eins. Í Póllandi er þetta
2%, og hefur þetta úrræði reynst Alivia gríðarlega vel, og í
raun staðið að mestu undir þeirra starfsemi. Þá var kynnt
fyrir fulltrúum Krafts átakið „A pill for someone else‘s
pain“ sem Læknar án landamæra stóðu fyrir á Spáni.
FítonsKraftur, nýjasta verkefni Krafts sem kynnt er í
þessu tölublaði, var kynnt fyrir Alivia auk þess sem fjallað
var vítt og breytt um starfsemina. Það er von Krafts að
þetta samstart verði báðum félögunum til góðs í baráttu-
málum krabbameinsveiks fólks.

Stór áskorun til framtíðar er að finna leið til þess að fjármagna starfsmann Queuescope eftir
að styrktrarféð til verkefnisins klárast. Fulltrúar Krafts komu með tillögu að lausn þessa
vandamáls sem fælist í því að Queuescope hugmyndafræðin og ráðgjöf því tengdri mætti selja til
annarra landa.
Julie og Sigríður ásamt Bartoz Polinski