Kraftur - 01.01.2015, Blaðsíða 15
15
Kraftur
1. tbl. 2015
Siggi með móður sinni, Jóni Ómari bróður sínum og Grétari fósturföður
sínum um jólin 2013, aðeins hálfum mánuði eftir uppskurðinn.
aðgerð og þá efldi ég enn frekar leitina og aflaði mér
frekari upplýsinga um kannabisolíuna,“ segir hún og
játar að hafa ekki vitað eitt eða neitt um þetta efni áður
en hún aflaði sér þessara upplýsinga. „Kannabis er auð-
vitað ólöglegt hér á landi og því var það sannarlega ekki
auðveld ákvörðun að reyna þetta og alls konar hindranir
í vegunum að auki. Hvar áttum við t.d. að fá efnið og
hvernig áttum við að búa til þessa olíu? Eitt af því sem
okkur vantaði líka var 97% spíri sem notaður er í blönd-
una en hann er ekki hægt að fá með góðu móti hér á
landi.“ Guðrún segist þó ekki hafa gefist upp.
„Maður reynir allt í þessum sporum og ég fann út að það
þarf mjög sérhæfða vinnslu á plöntunni sem gefur þessa
olíu. Þegar við gátum ekki fengið spírann leitaði ég áfram
og frétti að margir notuðu kókosolíu í staðinn. Í kjölfarið
fórum við að kanna hvar hægt væri að fá efnið og ætlum
við ekki að fara fleiri orðum um það – enda ólöglegt að
hafa slíkt efni undir höndum,“ segir hún leyndardómsfull
á svipinn. „Á þessum tíma, þ.e. um mitt síðasta sumar, fór
Siggi í enn eina aðgerðina en blaðran kom alltaf aftur. Við
ákváðum því að prófa kannabisolíuna, sem við höfðum
lært að búa til, og það skipti engum togum að blaðran
minnkaði eftir að hann fór að neyta hennar og hefur ekki
látið á sér kræla enn sem komið er. Við kynntumst reynd-
ar líka manni sem hafði alveg læknast af krabbameini
eftir að hafa tekið olíuna um tíma. En ég tek skýrt fram að
olían kemur ekki í staðinn fyrir læknismeðferðir – heldur
er aðeins viðbót.“
Siggi segir læknana vita af neyslunni á olíunni. Þeir vilji
hins vegar ekkert tjá sig um virknina – enda engar vísinda-
legar rannsóknir að baki. „Þeir loka hins vegar augunum
og segja ekkert. Játa hvorki né neita,“ segir hann og brosir.
Þau mæðgin komu fram í sjónvarpsþættinum Brestir þar
sem þau sögðu frá þessu öllu og tala um afar sterk viðbrögð
í kjölfarið. „Það voru ótrúlega margir sem höfðu samband
og lýstu yfir stuðningi við okkur og við fengum ekki nein
neikvæð viðbrögð. Margir sendu okkur nafnlausar upp-
lýsingar og það kom meira að segja fyrir að pakki var
skilinn eftir hér á hurðarhúninum,“ segir Guðrún.
„Siggi tekur olíuna inn á kvöldin áður en hann fer að sofa
– enda eru róandi efni í kannabisolíunni. Hann sefur því
vært á meðan olían gerir sitt gagn.“ Siggi játar þessu og segir
líðan sína allt aðra og betri eftir að hann byrjaði neyslu á
olíunni. „Ég held því áfram að taka þetta – enda hefur ekkert
annað komið í staðinn sem gefur eins góða raun í barátt-
unni við vatnssöfnunina í höfðinu,“ segir hann og bætir við
að hann sé nú byrjaður í lyfjameðferð og hafi farið í eina
myndatöku frá því í janúar og æxlið hafi þegar minnkað –
sem þakka má lyfjunum með kannski hjálp frá kannabis-
inu. „Ég vil meina að það sé hvoru tveggja að þakka og er
vongóður um að mér takist að sigrast á þessu krabbameins-
æxli. Þetta er enginn sprettur sem ég er að taka núna –
heldur langhlaup sem tekur langan tíma. Ég er svo lán-
samur að eiga frábært bakland; góða foreldra, stjúpföður,
systkini og stóran hóp fjölskyldu og vina sem standa þétt
við bakið á mér. Vinkona okkar stofnaði stuðningssíðu á
netinu, þar sem fólk hefur fylgst með minni líðan og það
er ótrúlega falleg og góð orka sem ég fæ frá öllu þessu
yndislega fólki, það verður seint fullþakkað. Einnig vil ég
nefna alla þá lækna sem komið hafa að mínum veikindum,
þeir hafa reynst mér eins vel og hægt er, það er óhætt að
segja að ég hafi unnið í læknalottóinu. Þess eru líka dæmi
að fólk hafi læknast af svona krabbameini og því gæti ég
ekki verið í þeim hópi?“
Fjölskyldan tekur öll þátt í þessu ferli, að sögn Guðrúnar.
Sjálf reka þau hjónin sitt eigið fyrirtæki og því getur hún
unnið mikið heima sem hefur komið sér vel í veikindum
Sigga. Þá hefur fjölskyldan farið saman í nokkrar utan-
landsferðir, m.a. til Malaga þar sem Siggi sótti meðferð á
heilsuhæli. „Það er kennt við vísindamann, konu, sem hét
Johanna Budwig og var sjö sinnum tilnefnd til Nóbels-
verðlauna fyrir rannsóknir sínar á sviði krabbameins-
vísinda. Þar er m.a. ráðlagt basískt fæði og þar er kannabis-
olían einnig notuð í lækningarskyni. Þá höfum við farið í
styttri ferðir og nú síðast um páskana fórum við saman til
Barcelona,“ segir Guðrún. Siggi bætir við að lyfjameðferðin
fari ágætlega í sig og þess vegna reyni hann að láta sjúk-
dóminn ekki stýra lífi sínu og geri það sem hann treystir
sér til.