Kraftur - 01.01.2015, Blaðsíða 14

14
Kraftur
1. tbl. 2015
„Okkur var sagt að æxlið væri vinstra megin í höfuð-
kúpunni, umvefði tvær aðalæðarnar í höfðinu og lægi
nálægt mörgum mikilvægum taugum, m.a. taltauginni, og
því væri nánast ómögulegt að skera það án þess að valda
mun meiri skaða. Hann hefur þó ekki alfarið sloppið
við aukaverkanir af sjúkdómnum, þar sem sjónin hefur
versnað það mikið að hann er aðeins með 20% sjón
núna.“ segir Guðrún. Siggi bendir á þykku gleraugun sín
og segir að þessi tuttugu prósent séu mæld með gler-
augunum. Hann sé nánast lögblindur. „En það getur alveg
gengið til baka og ef ekki, þá er ekkert mál að missa svolítið
af sjóninni og smáræði miðað við margt annað,“ segir hann
bjartsýnn sem fyrr.
„Við ákváðum því að prófa
kannabisolíuna, sem við
höfðum lært að búa til, og
það skipti engum togum að
blaðran minnkaði eftir að
hann fór að neyta hennar
og hefur ekki látið á sér kræla
enn sem komið er“
Siggi segir að sjónin hafi þó ekki byrjað að versna fyrir
alvöru fyrr en hann var byrjaður í háskammtageislameð-
ferð og þá hafi hún reyndar horfið alveg á tímabili en síðan
komið aftur að einhverju leyti. „Það var í raun meira sjokk
en að fá fréttirnar af krabbameininu en nú er ég farinn að
venjast þessu,“ segir hann. Guðrún segir það hafa valdið
vonbrigðum að æxlið skuli ekki hafa minnkað að neinu
ráði eftir geislameðferðina. Sjálf meðferðin hafi þó haft
ýmsar aukaverkanir en sú helsta var að það hafi safnast
mikið vatn við heilann, e.k. blaðra sem alltaf kom aftur og
aftur, þrátt fyrir að Siggi hafi gengist undir aðgerðir til að
tappa vatninu af. „Ég var meira og minna á sterum frá fyrstu
aðgerð sem urðu þess valdandi að ég blés út og varð eins
og tungl í fyllingu þegar verst lét,“ segir Siggi og sýnir mér
myndir af óþekkjanlegum manni. „Já, þetta var ekki
skemmtilegt tímabil,“ bætir hann við og getur þess að hann
hafi einnig fengið sýkingu í svokallaðan lyfjabrunn sem
líkami hans hafnaði. Í framhaldi af því tók móðir hans
að leita fyrir sér á netinu og kanna með óhefðbundnar
meðferðir og alltaf kom upp sama orðið „kannabis“.
„Við fundum og prófuðum reyndar allt mögulegt sem átti
að hjálpa til en sáum fljótt að kannabisolía virtist gefa góða
raun. Á tímabili var talað um að gera á Sigurði stóra höfuð-
Siggi ásamt Hugleiki Dagssyni
Siggi með móður sinni, Jóni Ómari bróður sínum og Grétari fósturföður
sínum um jólin 2013, aðeins hálfum mánuði eftir uppskurðinn.
Viðtal