Morgunblaðið - 31.01.2019, Blaðsíða 6

6 FRÉTTIRInnlent
MORGUNBLAÐIÐ FIMMTUDAGUR 31. JANÚAR 2019
sp
ör
eh
f.
Fararstjóri: Guðlaugur Gunnarsson
Eþíópía er svo sannarlega einstök heim að sækja og það
eru forréttindi að ferðast með fararstjóra sem hefur búið í
landinu í 15 ár og talar tungumál heimamanna. Á ferðalagi
okkar gefur að líta stórbrotna náttúru og sögulegar minjar,
m.a. í Lalibela þar sem finna má steinkirkjur frá 12. öld,
höggnar í kletta á einstakan máta. Við heimsækjum
líka nokkra af ættbálkum landsins en þeir þekkjast af
margbreytilegum líkamsskreytingum og klæðaburði.
10. - 25. október
Kynntu þér úrval ferða á baendaferdir.is
Sími 570 2790 | bokun@baendaferdir.is | Síðumúla 2, 108 Reykjavík
Allir velkomnir á kynningarfund 31. janúar kl. 20:00
hjá Bændaferðum í Síðumúla 2, 2. hæð.
Eþíópía - forn& framandi
„Þetta byrjaði þannig að ég fór af stað
með markaðssetningarherferð á RÚV
í kringum fréttirnar, sem er frekar
dýr auglýsingatími, þar sem við sögð-
umst vera með ódýrasta dagsgjaldið
og þeir [Isavia] tóku eftir því,“ segir
Jóhann Eggertsson, hjá bílastæða-
þjónustunni Smart Parking við Kefla-
víkurflugvöll, en fyrirtækið býður upp
á bílaþjónustu við flugfarþega og hef-
ur bílastæði til umráða í Reykja-
nesbæ. Eru þeir eitt þriggja fyr-
irtækja sem bjóða upp á þessa
þjónustu á vellinum, en Isavia eru þó
langstærstir.
Að sögn Jóhanns sendi lögfræð-
ingur Isavia honum bréf þar sem gerð
var athugasemd við áðurnefnda aug-
lýsingu og hún sögð villandi fyrir
neytendur. Þá gerði Isavia einnig at-
hugasemd við það að í eitt skipti hefði
viðskiptavinur Smart Parking óskað
eftir því við bílastæðaþjónustu Isavia
að hann fengi að skilja bíllykil sinn
eftir hjá þeim þegar í ljós kom að
starfsmaður Smart Parking var ekki
til staðar á vellinum. Var það gert að
ósk Jóhanns.
„Hann [viðskiptavinurinn] hringir
svo í mig og segir að þeir muni ekki
taka við bíllyklinum vegna þess að við
erum samkeppnisaðilar,“ segir Jó-
hann og bætir við að hann hafi að lok-
um talið starfsmann Isavia á að taka
við lyklinum. Þegar Jóhann ætlaði að
sækja bílinn á völlinn og flytja í stæði
í Reykjanesbæ hafi mætt honum ann-
ar starfsmaður Isavia sem hafi bent
honum á að þetta yrði ekki leyft aftur.
Geyma ekki lykla fyrir aðra
Guðjón Helgason er upplýsinga-
fulltrúi Isavia. Hann segir þá hafa
leitað til Neytendastofu vegna aug-
lýsingar Smart Parking og að Isavia
geti ekki staðið í því að geyma lykla
fyrir viðskiptavini annars fyrirtækis.
„Að geyma lykla fyrir fyrirtæki er
ekki eitthvað sem við gerum. Við
gætum hins vegar gert það fyrir okk-
ar viðskiptavini,“ segir hann og held-
ur áfram: „Varðandi auglýsinguna,
þá notuðu þeir „ódýrasta“ sem má
ekki og við höfum í tvígang fengið úr-
skurð Neytendastofu vegna sams-
konar máls sem sneri að Base Park-
ing [þriðja bílastæðaþjónustan á
vellinum] og þeir tóku undir okkar
sjónarmið í bæði skiptin, nú síðast í
þessum mánuði.“
Í kjölfarið lagði Neytendastofa
stjórnvaldssekt á Base Parking að
fjárhæð 250.000 krónur og hefur fyr-
irtækið þrjá mánuði til að greiða.
Smart Parking ósátt við
samskipti sín við Isavia
Morgunblaðið/Eggert
Flugstöð Deilur hafa verið varðandi bílastæðamál við Keflavíkurflugvöll
 Base Parking
sektað um
250.000 krónur
Helgi Bjarnason
helgi@mbl.is
Atkvæðagreiðsla mjólkurframleið-
enda um framtíð kvótakerfisins fer
fram rafrænt dagana 11. til 18. febr-
úar nk. Greidd verða atkvæði um
það hvort kvótakerfi í mjólkurfram-
leiðslu skuli afnumið frá og með 1.
janúar 2021, eins og gildandi bú-
vörusamningur gerir ráð fyrir, eða
kvótinn verði endurnýjaður.
Þegar gengið var frá nýjum bú-
vörusamningi ríkisins og bænda í
byrjun árs 2016 var gert ráð fyrir að
kvótakerfið myndi verða lagt af í
áföngum og mjólkurframleiðslan
gefin frjáls. Vegna gagnrýni úr röð-
um bænda var á lokametrum samn-
ingsgerðar sett inn ákvæði um að við
endurskoðun samningsins á árinu
2019 skyldi tekin afstaða til þess
hvort kvótakerfið yrði afnumið og
efnt yrði til atkvæðagreiðslu um það.
Nú er komið að þessari endur-
skoðun og atkvæðagreiðslu. Bænda-
samtök Íslands annast framkvæmd
hennar og hafa allir mjólkurinn-
leggjendur atkvæðisrétt, hvort sem
þeir eru aðilar að samtökum bænda
eða ekki.
Í kjölfar atkvæðagreiðslunnar
taka stjórnvöld og samtök bænda
upp viðræður um endurskoðun bú-
vörusamnings um nautgriparækt.
Bændasamtökin og Landssam-
band kúabænda hafa tekið saman
tvær sviðsmyndir um afleiðingar
hvorrar niðurstöðu fyrir sig og
byggja á greiningu Rannsóknar-
miðstöðvar Háskólans á Akureyri.
Hér á eftir fara nokkur atriði úr
þeim.
Kvótakerfið kosið af
Verði kvótakerfið kosið af er gert
ráð fyrir að greiðslumarkið fjari út á
samningstímanum, bæði sem við-
miðun fyrir beingreiðslur og kvóti
sem tryggir forgang að innanlands-
markaði. Stjórnvöld hætta að tak-
marka framleiðslu með útgáfu
greiðslumarks og stuðnings-
greiðslur færast smám saman yfir á
alla innvegna mjólk.
Gert var ráð fyrir því í samning-
um að opinber verðlagning á inn-
lagðri mjólk yrði hætt en afurða-
stöðvum heimilað að verðleggja
mjólk til framleiðenda og ákvarða
heildsöluverð innan marka.
Kvótakerfið kosið á
Verði kvótakerfið kosið á þarf að
semja upp á nýtt um ýmsa hluti.
Miðað er við að greiðslumarkið haldi
sér sem kvóti sem tryggir forgang
að innanlandsmarkaði og sem stofn
stuðningsgreiðslna ríkisins.
Semja þarf um fyrirkomulag á
verðlagningu mjólkur. Lögð verður
áhersla á að áfram verði lágmarks-
verð á innlagðri mjólk ákveðið af op-
inberum aðilum.
Miðað er við að viðskipti með
greiðslumark fari í gegnum miðlæg-
an markað hjá Matvælastofnun. Til
greina kemur að það verði kvóta-
markaður með fyrirfram ákveðnu
verði eða tilboðsmarkaður þar sem
verð ræðst af framboði og eftirspurn
á hverjum tíma, eins og var fyrir
nokkrum árum.
Greiða atkvæði
um kvótakerfið
 Kúabændur ákveða hvort kvóti
verði á mjólk eða framleiðslan frjáls
Morgunblaðið/Eggert
Kýr Greidd verða atkvæði um skipu-
lag mjólkurframleiðslunnar.
Þessi snotri snjótittlingur á Arnarstapa á Snæfellsnesi
lætur ekki frost og fannfergi á sig fá og étur með glöðu
geði það sem úti frýs til að þreyja þorrann og góuna.
Snjótittlingurinn er einkennisspörfugl í fjalllendi en á
veturna er hann bæði við ströndina og inn til landsins, oft
í stórum hópum við mannabústaði. Hann er frææta, étur
melfræ og annað grasfræ, og sækir í kornakra, einnig
kornmeti sem góða fólkið leggur fyrir hann á veturna.
Morgunblaðið/Bogi Þór Arason
Kann að bjarga sér í fannferginu
Ísland er nú aðeins tengt með
tveimur fjarskiptasæstrengjum til
Evrópu eftir að bilun varð í Green-
land Connect-strengnum, en hann
er eina tenging landsins vestur um
haf. Nokkur fyrirtæki og stofnanir
kaupa sambönd á þessum streng
og verða að nota varaleiðir um
Evrópu. Á vef Farice, sem rekur
íslensku sæstrengina til Evrópu,
kemur fram að bilunin skerði fjar-
skiptaöryggi Íslands nú um stund-
ir.
Austurleið Grænlands, sem ligg-
ur um Ísland, hefur verið biluð frá
27. desember. Bilunin er 624 kíló-
metra suður af Nuuk. Ekki er ljóst
hvað veldur biluninni en hún varð
ekki vegna fiskveiða, eins og al-
gengt er. Erfitt hefur verið að fá
viðgerðarskip og ekki er von á að
hægt verði að gera við strenginn
fyrr en í apríl í fyrsta lagi.
Annar strengur í sundur
Grænland er í aðalatriðum tengt
umheiminum með einum sæstreng
til Kanada og öðrum til Evrópu og
fer hann um Ísland. Vesturhluti
Grænlands tengist umheiminum
um Kanada og austurhlutinn teng-
ist Íslandi. Samskipti á milli svæð-
anna, á milli Qaqartoq og Nuuk,
fara um radíókerfi sem hefur litla
flutningsgetu og þjónar illa
nútímanetnotkun.
21. janúar sl. slitnaði annar sæ-
strengur Tele Greenland, Green-
land Connect North, sem liggur frá
Nuuk upp vesturströndina. Talið
er að togari hafi slitið hann við
Sisimiut. Sömu vandamál eru með
viðgerð. Fyrirtækið hefur ekki for-
gang að viðgerðarskipi og getur
orðið bið eftir viðgerð.
Fjarskiptaleiðin vestur biluð
 Fjarskiptaöryggi Íslands skert um tíma vegna bilunar í
Greenland Connect-sæstrengnum  Viðgerð hefur dregist