Morgunblaðið - 14.02.2019, Síða 22

22 FRÉTTIRInnlent
MORGUNBLAÐIÐ FIMMTUDAGUR 14. FEBRÚAR 2019
Bogi Þór Arason
bogi@mbl.is
Að minnsta kosti ein selafjölskylda
hefur haldið til á skeri einu í grennd
við Eiðsvík í vetur og glatt auga veg-
farenda sem ganga meðfram strönd-
inni. Stundum er hópurinn stærri og
selirnir voru óvenju margir þegar
ljósmyndari átti þar leið um í björtu
og fallegu vetrarveðri á sunnudag-
inn var. Alls voru 23 landselir á
skerinu og fleiri sáust á sundi í
grennd við það. Selirnir héldu ró
sinni þegar vegfarendur nálguðust
þá til að taka myndir af þeim. Þeir
héldu áfram að flatmaga eftir að
hafa étið magafylli sína af fersku
fiskmeti sem fæst í miklu úrvali í
Faxaflóanum þessa dagana.
Landselur er algengasti selurinn
við strendur Íslands. Helsta fæða
hans eru m.a. síli, flatfiskar, smá-
þorskur, loðna, síld, karfi, ufsi og
steinbítur, að því er fram kemur á
vef Selaseturs Íslands. Selurinn get-
ur orðið um tveir metrar að lengd og
rétt yfir 100 kílógrömm að þyngd
fullvaxinn. Brimlarnir eru ívið
stærri en urturnar sem kæpa einum
kópi í júní og ala önn fyrir honum í
þrjár til fjórar vikur. Þær geta orðið
30 til 35 ára gamlar en brimlarnir 20
til 25 ára.
Morgunblaðið/Bogi Þór Arason
Djúpslökun Kópurinn veit að stundum er gott að liggja í leti og láta hugann
reika á mjúku fleti. Hann flatmagaði í mestu makindum á Álftanesi eftir að
hafa étið sig vel saddan og hamingjusaman í gjöfulum Faxaflóanum.
Stóísk ró Spakur selur klórar sér í kollinum og veltir vöngum á skeri við sundin blá, með Esjuna í bakgrunni. Þar ástundar hann afslöppun af miklu kappi þessa dagana.
Í góðum selskap
í fjöruborðinu
Selskapsverur Selir eru félagslyndir og
sjást oft í hópum við strendurnar.
GRAFÍSK HÖNNUN
Lógó
bréfsefni
bæklingar
myndskreytingar
merkingar ofl.
Sundaborg 3
104 Reykjavík
777 2700
xprent@xprent.is