Morgunblaðið - 14.02.2019, Side 46

MORGUNBLAÐIÐ FIMMTUDAGUR 14. FEBRÚAR 2019
Opið:
8-18 virka daga
10-14 laugardaga
Sími 588 8000
slippfelagid.is
Blár vinur í stofunni,
yndislegur litur sem nýtur
sín vel í flestum rýmum.
Skoðaðu litaúrvalið
okkar á slippfelagid.is
Notalegur
Elínrós Líndal
elinros@mbl.is
Árið er búið að byrja vel hjá Rúnu
Magnúsdóttur. Í upphafi hvers árs
heldur hún vanalega fyrirlestra og
vinnustofur sem hún kallar ,,kick
offs“ þar sem hún aðstoðar fólk við
að stilla hugarfarið rétt inn í árið.
„Það er svo gott að skerpa á hlut-
unum í upphafi ársins. Ég leiddi
fimmtíu manns í gegnum vinnustofu
þar sem við fórum yfir markmiðin á
nýju ári. Við spyrjum spurninga
eins og: Hver ætlarðu að vera á
þessu ári? Hvernig þarftu að stilla
hugarfarið til að ná slíkum mark-
miðum?“
Fólk á misauðvelt með
að setja sér markmið
Rúna er búin að starfa sem mark-
þjálfi á alþjóðamarkaði s.l. 12 ár.
Hún segir okkur mannfólkið misjöfn
þegar kemur að markmiðasetningu.
„Sumir eru einstaklega góðir í því á
meðan aðrir þurfa stuðning til að
hafa skýrari sýn. Velta fyrir sér
þeirri spurning: hver vil ég vera?“
Rúna talar um kven- og karlorku í
þessu tilliti. Hún segir að konur fái
klapp á bakið fyrir að vera í karlork-
unni í vinnunni á meðan karlar þurfa
meira að berjast fyrir því að vera í
kvenorku sinni.
„Ég sjálf þekki það að vera í karl-
orkunni í vinnunni og hef þurft að
temja mér kvenlega orku. Fyrir
karla virðist það vera erfiðara að
komast út úr þessu karlaboxi sem
samfélagið hefur sett þá í. Þetta box
þar sem margir eru að kafna í þar
sem þeir hafa ekki svigrúm til að
ræða tilfinningar eða að vinna úr
málum inn í boxinu.“
Ekki fleiri box
„The Change Makers“ er í her-
ferð þessa dagana undir myllumerk-
inu #NoMoreBoxes. Hópurinn
heldur reglulega morgunverðar-
fundi þar sem leiðir til að vinna sig
út úr boxinu eru ræddar. Rúna gaf
einnig nýverið út bók með sam-
starfsmanni sínum Nicholas Haines.
Bókin ber nafnið: ,,The Story of
Boxes, the Good, the Bad and the
Ugly / The Secret to Human Libera-
tion, Peace and Happiness“.
Vildu lifa breytingarnar sjálf
Hver er forsaga bókarinnar?
„The Change Makers“ var boðið á
pallborð Sameinuðu þjóðanna í mars
á síðasta ári. Nicholas Haines var
boðið að ræða málefni er varða jafn-
rétti kynjanna. Þar sem hann benti
á grunnþáttinn í því að heimurinn er
ekki að ná settum markmiðum sem
snúa að jöfnum hlut, eða eigum við
kannski frekar að segja, jöfnunum
verðmætum kynjanna. Hann benti á
afleiðingarnar sem það hefur á fólk
þegar við setjum okkur sjálf og aðra
inn í ósýnileg box útfrá gömlum
hugsunum og ómeðvituðum við-
brögðum, sbr. alhæfingur um hvað
konur eru og hvað karlar eru. Ég
hef verið ötul í að efla hlut kvenna
m.a. með þátttöku minni sem vara-
formaður FKA, og setið í ótal mörg-
um ráðgjafaráðum víða um heim að
horfa á leiðir til að jafna verðmæti
kynjanna. Þegar ég hlustaði á Nick
tala um boxin og hvernig þau geta
haldið aftur af fólki má segja að ég
hafi upplifað mína „Matrix“ stund.
Allt sem ég hef verið að vinna að í
gegnum lífið varð skýrara fyrir mér.
Við ætluðum að dvelja lengur í New
York, en vegna stormviðvörunar og
breytingar á flugi þurfum við að
hendast út á flugvöll. Þessi leigu-
bílaferð sem átti að taka 40 mínútur
tók 2,5 klst. Það var í þessari ferð
sem við ákváðum að skrifa bókina.
Við ákváðum að setja saman alþjóð-
lega vitundarvakningu. Við vildum
vera breytingin sjálf sem við vildum
sjá í heiminum, skrifa bók og út-
skýra fyrir fólki þannig að það gæti
skoðað undirliggjandi hugmyndir
sínar sem héldu aftur að þeim. Sín
eigin box sem þau þurftu að brjótast
út úr.“
Rúna segir að boxin geti verið
ótrúlega ósýnileg.
Rúna þekkir það af eigin raun að
þurfa að brjótast út úr boxi, jafnvel
fleiri en einu. „Ég var fráskilin með
tvö börn í rekstri sjálf þegar ég upp-
götvaði að ákveðnir hlutir voru ekki
að virka í mínu lífi þar sem ég var
kona. Ég hafði tileinkað mér að
starfa í karlorkunni í vinnunni, sem
var mín leið til að lifa af. Sem er
magnað, því ef maður skoðar leið-
togafræði þá er tilfinningagreind,
það sem leiðtogar þurfa að hafa til
að ná árangri.“
Borðaði allt nammið út af boxi
Rúna náði ákveðnum árangri með
þeirri leið að starfa í karlorkunni, en
fann fyrir togstreitu innra með sér
þegar kom að einkalífinu. „Mér
fannst ég aldrei nógu góð kona. Ég
fór ung í samband og fann að ég var
með allt aðrar þrár og langanir en
hann. Þar af leiðandi setti ég mig í
stellingar, taldi mér trú um að ég
væri ekki nógu mikil kona og hann
ekki nógu mikill karlmaður. Hvor-
ugt af þessu var rétt. Við vorum
bara með mismunandi langanir og
þrár. Þetta var box sem ég þurfti að
brjótast út úr, og um leið og ég gat
brotist út úr mínu boxi, losaði ég
hann út úr því boxi sem ég hafði sett
hann inn í.
Annað box sem ég þurfti að skoða
og brjótast út úr tengdist mataræði
mínu.
Ég á bróður sem er fimm árum
eldri en ég. Okkur lenti stundum
saman eins og gengur og gerist á
milli systkina. Eitt skiptið lendum
við í slagsmálum og erum dregin í
sundur. Það var rétt eftir að ég hafði
bitið bróður minn í handlegginn.
Það var pabbi sem kom að okkur og
vegna aldursmunarins var bróðir
minn settur inn á bað í „time out“ á
meðan að ég fékk huggun frá pabba
sem fór með mig út í sjoppu þar sem
ég fékk kók og kókosbollu. Ég man
vel eftir þeirri ákvörðun sem ég tók
að geyma nammið þangað til ég
kæmi heim. Mig langaði að borða
það fyrir framan bróður minn. Sag-
an fór ekki alveg eins og ég hefði
ætlað mér. Þegar við komum heim,
þá hafði mamma séð bitfarið eftir
mig á bróður mínum. Það næsta
sem ég veit er að ég er sett inn á bað
í „time out“ á meðan hann fékk
kókosbolluna og kókið. Þetta er
upphafið að boxi sem ég var í lengi,
sem var að alltaf þegar ég átti
nammi, þá þurfti ég að klára það
strax. Það tók tíma að vinna sig úr
þessum nammi-kassa, því ég var
talsvert vel víruð inn á að borða
hlutina upp til agna strax eða að ég
myndi missa af namminu.“
Ljót samskipti einkenna
ljót box
Rúna segir að við vinnslu bókar-
innar hafi verið áhugavert að kafa
ofan í boxin. Að horfa á hvernig
menningin, uppeldið og fleira í um-
hverfinu hefði áhrif á þau box sem
við erum í. Hvernig sum boxin geta
verið góð, slæm og sum hreinlega
ljót ef vel er að gáð.
Hvernig lýsir þú ljótu boxunum?
„Þegar við skoðum samskipti sem
dæmi, þá geta þau verið í ljótu boxi.
Þú ferð í samband yfir þig ástfangin,
síðan getur þetta nákvæmlega sama
box verið orðið reglulega ljótt. Við
förum í þessa vinnu fordómalaus og
ákveðum sem dæmi að skoða box
sem ekki eru að næra okkur lengur
og hamla því að við fáum að vaxa.“
Á morgunverðafundunum er farið
ofan í boxin af meiri dýpt með fólki
sem hægt er að treysta og er í sömu
vinnu.
„Sem dæmi er áhugavert að skoða
trúarbragðaboxin. Við verðum stöð-
ugt að skoða orkuna sem við látum
frá okkur. Ef við erum reglulega
með staðhæfingar um fólk sem setur
okkur mannfólkið í mismunandi box
erum við á villigötum. Sem dæmi –
staðhæfingin: Múslimar eru hryðju-
verkamenn.“
Að brjótast út úr trúar-
bragðaboxinu
Rúna heldur úti hlaðvarpi, þar
sem hún segir sögu allskonar fólks
sem hefur brotist út úr boxi. Einn
slíkur þáttur fjallar einmitt um konu
sem braust út úr strangtrúuðum
trúarbrögðum þar sem hún upplifði
kúgun og stjórnsemi, yfir í lífið sem
hana langaði að lifa.
Rúna segir að fjölskyldur séu
mikilvægar en þær þurfi einmitt að
skoða hvað er í gangi í þeirra box-
um. Ljótt ofbeldi eigi sér oft stað
innan fjölskyldunnar og stundum
þurfi fólk að kveðja slíkt og stofna
sínar eigin fjölskyldur þar sem virð-
ing og heiðarleiki er ástundaður.
„Í einum þátta minna ræði ég við
konu sem þurfti að vera með hár-
kollu, hún var gift ofbeldismanni og
lifði í samfélagi sem skipti sér ekki
af ofbeldismálum, það var einkamál
fjölskyldunnar sem er alltaf var-
hugavert. Ég hitti þessa konu á
Mindset Retreat í Atlanta og við
komumst báðar að því að hún varð
að segja söguna sína um það hvernig
hún braust út úr sínu lífi. Svo hún
gæti orðið öðru fólki fyrirmynd að
þessu leyti.“
Rúna segir að markmið hennar í
dag sé að vinna með samfélagssinn-
uðum stjórnendum, leiðtogum og
áhrifavöldum sem vilja fara dýpra
ofaní boxin sem gætu verið að hamla
þeim að verða sú breyting sem þeir
vilja standa fyrir. Síðan sé hún að
leita eftir áhugaverðum stofnunum,
félögum og fyrirækjum sem vilji
leyfa sínu starfsfólki að koma á
morgunverðarfund og prófa verk-
færakassann.
Áritun Rúna Magnúsdóttir ferðast
víðs vegar um heiminn þar sem hún
ræðir bókina sína og hugmyndifræð-
ina á bak við The Change Makers.
Þarftu að brjótast út úr boxinu?
Rúna Magnúsdóttir starfar sem stjórnenda-mark-
þjálfi og fyrirlesari. Hún veitir forstöðu hópi sem
kallast „The Change Makers“, sem er hópur al-
þjóðlegra stjórnenda sem vilja efla fólk í að breyta
heiminum og gera það með því að verða sjálfir
breytingarnar. Hún hefur skrifað bók um leiðir út úr
boxinu. Hún er með hlaðvarpsþætti þar sem hún
segir sögu fólks sem hefur brotist út úr marg-
víslegum boxum.
Markþjálfi Rúna
Magnúsdóttir vekur
athygli á þeim box-
um sem við erum í.