Morgunblaðið - 18.02.2019, Side 7

FRÉTTIR 7Innlent
MORGUNBLAÐIÐ MÁNUDAGUR 18. FEBRÚAR 2019
Á hluthafafundum félagsins fylgir eitt atkvæði hverri einni krónu í hlutafé. Eigin bréf
félagsins njóta ekki atkvæðisréttar. Atkvæðagreiðslur og kosningar verða einungis
skriflegar á fundinum ef einhver atkvæðisbærra fundarmanna krefst þess. Stjórnarkjör
skal jafnan vera skriflegt, ef tillögur koma fram um fleiri menn en kjósa skal um. Varðandi
heimild til að krefjast hlutfalls- eða margfeldiskosningar við kjör stjórnarmanna vísast til
5. mgr. 18. gr. samþykkta félagsins. Krafa um hlutfalls- eða margfeldiskosningu þarf að
hafa borist stjórn að lagmarki fimm sólarhringum fyrir hluthafafund, eða fyrir kl: 15:00
laugardaginn 9. mars 2019. Ekki verður hægt að greiða atkvæði með rafrænum hætti á
fundinum. Óski hluthafi að taka fyrirfram þátt í atkvæðagreiðslu skriflega og fá sendan
atkvæðaSeðil skal hann gera skriflega kröfu þar um til félagsins eigi síðar en fimm dögum
fyrir fundinn. Hægt er að skila inn atkvæðaseðlum rafrænt til fjárfestatengils (sbr. nánari
tilgreiningu að neðan) eða skila til skrifstofu félagsins á venjulegum opnunartíma (kl.
09:00 til 15:00) til og með miðvikudeginum 13. mars 2019. Nánari upplýsingar um
réttindi hluthafa er að finna á heimasíðu félagsins.
Hluthafar eiga rétt á að fá ákveðið mál tekið til meðferðar á hluthafafundi og skal kröfu
þar um fylgja rökstuðningur eða drög að ályktun til stjórnar, sem berast skal skriflega eða
rafrænt til fjárfestatengils í síðasta lagi kl. 14:30 þriðjudaginn 4. mars 2019. Hafi
hluthafar krafist þess að tiltekið mál eða ályktun verði tekin fyrir verða endanleg dagskrá
og tillögur uppfærðar á vefsvæði félagsins eigi síðar en þremur dögum fyrir hluthafa-
fundinn. Hluthafar geta einnig lagt fram spurningar er varða auglýsta dagskrárliði á hlut-
hafafundinum sjálfum.
Sérstök athygli er vakin á því að samkvæmt samþykktum félagsins ber að tilkynna um
framboð til stjórnar skriflega minnst 5 sólarhringum fyrir fundinn eða fyrir kl:15:00
laugardaginn 9. mars 2019. Framboðum skal skila á skrifstofu Heimavalla hf. í Lágmúla 6,
108 Reykjavík (b.t. Erlendar Kristjánssonar) eða til fjárfestatengils Heimavalla (sbr. nánari
tilgreiningu að neðan). Upplýsingar um framboð til stjórnar verða birtar eigi síðar en tveimur
dögum fyrir aðalfund sbr. 4. mgr. 18. gr. samþykkta félagsins.
Aðalfundur er lögmætur ef löglega er til hans boðað án tillits til þess hversu margir sækja
hann sbr. 12. gr. samþykkta félagsins. Aðalfundurinn fer fram á íslensku og verða fundar-
gögn og atkvæðaseðlar, sem verða afhent á fundarstað, einnig á íslensku.
Hluthafar, umboðsmenn og ráðgjafar þeirra hafa rétt til að sækja hluthafafundi í samræmi
við reglur hlutafélagalaga. Umboðsmönnum ber að framvísa skriflegu, vottuðu og
dagsettu umboði frá hluthafa. Slíkt umboð getur lengst gilt í eitt ár frá dagsetningu þess.
Hluthafar og umboðsmenn geta skráð sig á hluthafafundinn á fundarstað frá kl. 14:30 á
fundardegi.
Tilkynningar um framboð til stjórnar eða óskir um að fá ákveðin mál til meðferðar skal
senda á fjárfestatengil Heimavalla, erlendur@heimavellir.is. Framboðseyðublað má
finna á vefsíðu félagsins https://www.heimavellir.is/is/fyrir-fjarfesta/hluthafafundur.
Upplýsingar um framboð til stjórnar verða lagðar fram hluthöfum til sýnis í höfuð-
stöðvum félagsins eigi síðar en tveimur dögum fyrir aðalfund auk þess sem þær verða
aðgengilegar á vefsíðu félagsins: https://www.heimavellir.is/is/fyrir-fjarfesta/hluthafafundur.
Gögn vegna fundarins eru aðgengileg á skrifstofu félagsins í Lágmúla 6, 108 Reykjavík og
á vefsvæði tengdu aðalfundi á heimasíðu félagsins:
www.heimavellir.is/is/fyrir-fjarfesta/hluthafafundur, en endanleg dagskrá, tillögur
og eyðublöð verða aðgengilegar a.m.k. 21 dögum fyrir aðalfund.
Reykjavík 15. febrúar 2019
Stjórn Heimavalla hf.
Hluthafafundur
Dagskrá
Drög að dagskrá fundarins
er svohljóðandi, sbr. 14. gr.
samþykkta félagsins:
1. Skýrsla stjórnar um starfsemi
félagsins sl. starfsár.
2. Ársreikningur fyrir liðið starfsár
ásamt skýrslu endurskoðanda
lagður fram til staðfestingar.
3. Ákvörðun um greiðslu arðs og
meðferð hagnaðar eða taps á
næstliðnu reikningsári.
4. Tillaga um töku hlutabréfa
félagsins úr viðskiptum hjá
NASDAQ Iceland, sbr. erindi
sem barst stjórn félagsins þann
1. febrúar 2019.
5. Tillaga stjórnar um starfskjara-
stefnu lögð fram til samþykktar.
6. Stjórnarkjör.
7. Kosning endurskoðanda.
8. Tillaga um þóknun til stjórnar-
manna og undirnefndar stjórnar
fyrir komandi starfsár.
9. Heimild stjórnar til að kaupa
eigin hluti í félaginu í því skyni að
setja upp formlega endurkaupa-
áætlun. Heimild stjórnar skuli
gilda í 18 mánuði og takmarkast
við 10% af hlutafé félagsins.
10. Umræður og atkvæðagreiðslur
um önnur málefni sem löglega
eru upp borin.
heimavellir.is
Stjórn Heimavalla hf. boðar til aðalfundar í félaginu og verður hann
haldinn á Hilton Reykjavík Nordica, Suðurlandsbraut 2, 108 Reykjavík,
fimmtudaginn 14. mars 2019 og hefst stundvíslega kl. 15:00 á annarri hæð.
Heimavellir hf.
Stjórnendur flugfélagsins WOW air
hafa beðið um frest fram í miðjan
marsmánuð til þess að gera upp
ógreidd lendinga- og farþegagjöld
á erlendum flugvöllum. Frá þessu
var greint á vefsíðu Túrista.
Í umfjöllun Túrista um málið er
vitnað í bréf sem WOW sendi til
flugvallanna sem þetta átti við. Í
bréfinu var óskað eftir leyfi til þess
að greiða notendagjöld flugfélags-
ins í næsta mánuði en ekki í lok
febrúar eins og áætlað hafði verið.
Skuldabréfaeigendur WOW air
höfðu áður gefið bandaríska fjár-
festingafélaginu Indigo Partners
og Skúla Mogensen, forstjóra WOW
air, frest fram í lok febrúar til þess
að semja um kaup hinna fyrrnefndu
á stórum hluta í flugfélaginu. In-
digo Partners hafði lýst yfir áhuga
á að kaupa 49% hlut í WOW air í
janúar.
Ekki náðist í Svanhvíti Friðriks-
dóttur, upplýsingafulltrúa WOW
air, við vinnslu fréttarinnar.
Skuldadög-
um frestað
hjá WOW?
 Félagið biður um
greiðslufrest
Morgunblaðið/Eggert
WOW Stjórnendur félagsins vilja
fresta borgunardögum fram í mars.
Þorgrímur Kári Snævarr
thorgrimur@mbl.is
Ögmundur Jónasson, fyrrverandi al-
þingismaður og ráðherra, ávarpaði
um 30.000 manns á útifundi Kúrda í
Strassborg á laugardaginn. Tilefni
fundarins var mótmæli gegn ein-
angrunarvist kúrdíska stjórnmála-
leiðtogans Abdullah Öcalans á tyrk-
nesku fangaeyjunni Imrali á
Marmarahafi. Öcalan hefur verið í
einangrunarfangelsi í tuttugu ár og
fjöldi stuðningsmanna hans hefur
nýverið gripið til sveltimótmæla til
þess að fá hann lausan og knýja tyrk-
nesk stjórnvöld til friðarviðræðna við
Kúrda.
Ögmundur var nýkominn frá Sviss
og þangað frá Tyrklandi, þar sem
hann kveðst hafa talað máli Kúrda og
mannréttinda almennt. Hann ávarp-
aði samkomuna ásamt breska verka-
lýðsleiðtoganum Manuel Cortes og
greindi frá ferð sinni til Tyrklands.
Hann heimsótti þar borgina Diyar-
bakir og hitti baráttukonuna Leylu
Güven, sem var þá á 98. degi hung-
urverkfalls gegn einangrun Öcal-
ans. „Dauði hennar er fyrirsjáan-
legur,“ sagði Ögmundur í samtali
við Morgunblaðið fyrir helgi.
„Nú er spurningin sú hvort tyrk-
nesk yfirvöld ætli sér að drepa þetta
fólk?“ skrifaði Ögmundur á blogg-
síðu sinni um mótmælendurna í
Strassborg. „Yfirvöldin hafa það í
hendi sér hvort mótmælasveltinu
lýkur. Allt sem til þarf er að fara að
landslögum í Tyrklandi og alþjóð-
legum skuldbindingum um mann-
réttindi.“
Ávarpaði stóran útifund
Hungur Ögmundur Jónasson ásamt kúrdískum mótmælendum í Strassborg.
 Ögmundur Jónasson með 30.000 Kúrdum í Strassborg
Rán var framið í kjörbúð á Akureyri
í gærmorgun. Maður vopnaður hnífi
réðst inn í verslunina og heimtaði
peninga úr greiðslukassanum. Þegar
afgreiðslufólkið lét peningana af
hendi flúði hann út í snjóinn með
ránsfenginn.
Lögreglan átti sem betur fer auð-
velt með að rekja slóð ræningjans í
gegnum nýfallinn snjóinn. Henni
hafði verið gert viðvart á meðan rán-
ið stóð enn yfir og því tókst lög-
reglumönnum fljótt að klófesta ræn-
ingjann þar sem hann faldi sig.
Í færslu lögreglunnar kemur fram
að ræninginn hafi verið undir áhrif-
um bæði áfengis og fíkniefna. Ekki
er talið að hann hafi átt vitorðsmenn.
Maðurinn, sem er á þrítugsaldri,
veitti ekki mótspyrnu við handtöku.
Hann var vistaður í fangageymslu
og beið yfirheyrslu í gær. Starfs-
mönnum verslunarinnar var boðin
áfallahjálp.
Búðarræningi
klófestur á
Akureyri