Morgunblaðið - Sunnudagur - 24.02.2019, Page 6

ERLENT
6 MORGUNBLAÐIÐ SUNNUDAGUR 24.2. 2019
„Svona nú, gæskan, ég er
ennþá að læra,“ svaraði Alec
Baldwin, í gervi Donalds
Trumps, fyrirspurn frétta-
konu á „blaðamannafundi“ í
Laugardagskvöldi í beinni um
síðustu helgi. „Gleymum því
ekki, að tæknilega er þetta
fyrsta starfið mitt. Hefði ég
vitað það sem ég veit núna á
þeim tíma þá hefði ég
beðið Pútín um að láta
Hillary hafa starfið í
staðinn.“
Að því búnu lýsti
„forsetinn“ yfir
neyðarástandi og fór
beinustu leið í
golf.
Allt frá því Donald Trumpkynnti heimslýð áform sínum að bjóða sig fram til
embættis forseta Bandaríkjanna
hafa spéfuglar þar í landi dregið
hann sundur og saman í háði – og síst
haldið aftur af sér eftir að hann náði
kjöri fyrir rúmum tveimur árum.
Spjallþáttastjórnendur í sjónvarpi,
svo sem Jimmy Fallon, Jimmy Kim-
mel, Stephen Colbert og James Cor-
den, eru þarna framarlega í flokki,
að ekki sé talað um skemmtiþáttinn
Laugardagskvöld í beinni (e. Satur-
day Night Live), þar sem leikarinn
Alec Baldwin leikur forsetann gjarn-
an með miklum tilþrifum og þykir ná
karaktereinkennum hans vel, auk
þess að vera nauðalíkur honum í
gervi sínu.
Til að byrja með var ekki að sjá að
Trump léti þetta slá sig út af laginu;
hann mætti til að mynda einu sinni í
þáttinn til Fallons meðan á kosn-
ingabaráttunni stóð og slógu þeir fé-
lagar saman á létta strengi. Vel fór á
með þeim og æringinn fiktaði meira
að segja í hárinu á Trump – sem
frægt er. Sumir hafa reyndar bent á
að hann hefði líklega betur látið það
ógert. Eftir á var Fallon gagnrýndur
fyrir að taka með silkihönskum á
Trump sem varð til þess að hann
kvaðst í viðtali við Hollywood Repor-
ter sjá eftir nálgun sinni. Ekki hefði
verið meiningin að kvitta upp á um-
deildar skoðanir Trumps og gera
hann „mennskari“ í huga áhorfenda.
Þau ummæli voru einmitt upptakt-
urinn að andsvari Trumps sem
eyddi, mörgum að óvörum, orðum á
Fallon, Kimmel og Colbert, í ræðu
og riti seinasta sumar. Sagði þá hæfi-
leikalausa og ófyndna. „Ég meina, í
alvöru, eru þessir menn fyndnir?“
spurði forsetinn. Fallon líkti hann við
týnda sál og hvatti hann til að
„manna sig upp“.
Eins og við var að búast svöruðu
háðfuglarnir forsetanum fullum hálsi
og færðust allir í aukana. „Hefur
maðurinn virkilega ekkert þarfara
að gera?“ spurði Fallon í þætti sínum
og margir tóku undir með honum;
það væri ekki forseta Bandaríkjanna
sæmandi að elta ólar við sprell og
spé úti á alþýðuakrinum.
Óvinir fólksins
Trump lét þó ekki segjast, frekar en
við var að búast, og um liðna helgi
beindi hann spjótum sínum að Alec
Baldwin. „Ekkert fyndið við útjask-
að Laugardagskvöld í beinni á fals-
fréttastöðinni NBC!“ tísti hann eftir
að Baldwin sneri aftur eftir hlé og
dró dár að blaðamannafundi forset-
ans, þar sem hann lýsti yfir neyðar-
ástandi á landamærum Bandaríkj-
anna og Mexíkó. Trump furðaði sig
ennfremur á því að stöðin kæmist
upp með þátt af þessu tagi án við-
urlaga og lagði til að málið yrði kann-
að. Þá rifjaði hann upp vandræða-
legar fréttir af Baldwin frá fyrri tíð
og henti að lokum í kunnuglegt stef, í
hástöfum: „HLUTDRÆGIR OG
SPILLTIR FJÖLMIÐLAR ERU
ÓVINIR FÓLKSINS!“
Af fullyrðingum sem þessum, frá
manni í þessari stöðu, hafa menn
áhyggjur, vítt og breitt um heim, en
það er önnur umræða.
Sjálfur staldraði Baldwin við þessi
orð í viðtali við hlaðvarpið The
Dworkin Report og viðurkenndi að í
fyrsta skipti eftir að hann fór að
túlka Trump fyndist honum sér
ógnað. Ekki af forsetanum sjálfum
eða yfirvöldum í landinu, heldur
fylgjendum Trumps. „Trump gefur
fólki merki, ekki endilega um hvað
það eigi að gera, heldur hvernig því
eigi að líða, og það er byrjunin. Þú
byrjar á því að reita fólk til reiði,
gera það pirrað og biturt og það leið-
ir síðan til aðgerða,“ sagði
Baldwin og bætti við að um-
hugsunarvert væri hvort
hlutverk hans í grínþætti
gerði hann að óvini fólksins.
Engum blöðum er um það
að fletta að grín téðra spéfugla
á kostnað Trumps er reglulega
á gráu svæði – og hefur á köfl-
um verið rætið. Óhætt er
að fullyrða að enginn for-
seti hefur fengið aðra eins
útreið. Í þætti Fallons er til dæmis
fastur liður sem kallast „Tölum eins
og Trump“, þar sem stjórnandinn og
gestir í sal velta sér upp úr mis-
mælum forsetans. Á móti kemur að
enginn annar forseti hefur verið á
samfélagsmiðlum eða verið eins um-
deildur í samfélaginu – og um allan
heim. Hann hefur boðið upp í dans.
Vel má skilja að Trump hafi ekki
yndi af því að vera teiknaður upp
sem örviti og sprellikarl í sjónvarpi;
hann á börn, þar á meðal ungan son
og ugglaust kemur spaugið við kaun-
in á honum. En að æða með óánægju
sína í fjölmiðla, er það embættinu
samboðið? Ætti valdamesti maður í
heimi ekki að hafa öðrum hnöppum
að hneppa?
Alla jafna væri svarið við þeirri
spurningu augljóst en staðreyndin er
sú að Donald Trump hefur haldið
með allt öðrum hætti á embættinu en
forverar hans. Hann er ólíkindatól
sem lætur sig ekki muna um að
stinga sér niður í þjóðlífinu þar sem
honum sýnist. Æskileg þróun?
Svari nú hver fyrir sig!
Er Trump
með spé-
fuglaflensu?
Fara spéfuglar yfir strikið í gríni sínu um Donald
Trump og er það hlutverk forseta Bandaríkjanna að
elta ólar við skemmtikrafta? Sú spurning hefur
vaknað á ný eftir rimmu Trumps og Alecs Baldwins.
Orri Páll Ormarsson orri@mbl.is
Alec
Baldwin.
Fyrsta
starfið
AFP
Donald Trump hefur margsagst hafa húmor fyrir sjálfum sér. Bandaríkjaforseti virðist á hinn bóginn hafa minni húmor
fyrir því að aðrir hafi húmor fyrir honum. Alltént fara ýmsir háðfuglar vestan hafs reglulega fyrir brjóstið á honum.
VAT ÍKANIÐ
Franz páfi hefur kallað þá sem stöðugt gagnrýna
kaþólsku kirkjuna „lagsmenn kölska”. Í samtali við
ítalska pílagríma sagði páfi kirkjuna alls ekki yfi r
gagnrýni hafna en þegar hvorki ást né virðing fylgi
henni sé fólk greinilega á bandi myrkrahöfðingjans.
„Það er ekkert líf að ásaka, ásaka, ásaka,” sagði páfi .
BANDARÍKIN
Ellefu ára gamall piltur var handtekinn
fyrr í mánuðinum í Flórída eftir að hann
neitaði að rísa á fætur og taka þátt í
athöfn þar sem bekkjarfélagar hans
vottuðu ættjörðinni hollustu sína. Sam-
kvæmt lögum ber fólki ekki að taka þátt
í slíkum gjörningi en það kom ekki í veg
fyrir að kennarinn hringdi í lögregluna
sem tók piltinn í sína vörslu. KÍNA
Feng
Fenghui,
fyrrverandi
mannauðs-
stjóri
hersins,
hefur verið
dæmdur
í lífstíðarfangelsi vegna spillingar. Feng
var fundinn sekur um að hafa þegið
mútur og mútað öðrum meðan hann
sat í embætti og fyrir að sanka að sér
óhófl ega miklum eignum. Eigur hans voru
jafnframt gerðar upptækar.
AFRÍKA
Ný rannsókn, sem birtist í vísindatímaritinu Plos One,
bendir til þess að mynstrið á sebrahestum rugli fl ug-
ur í ríminu og letji þær til að tylla sér og fá sér bita.
Fram kemur að fl ugur hagi sér eins innan um hesta
og sebrahesta þangað til kemur að því að lenda á
bakinu á þeim; þá kemur fát á þær sem bendir til þess að
rendurnar trufl i einbeitingu þeirra.