Morgunblaðið - 07.03.2019, Blaðsíða 36

36 FRÉTTIRErlent
MORGUNBLAÐIÐ FIMMTUDAGUR 7. MARS 2019
Fagleg og persónuleg húsfélagaþjónusta
Eignarekstur leggur áherslu á að einfalda
og hagræða málin fyrir húsfélög
Traust - Samstaða - Hagkvæmni
eignarekstur@eignarekstur.is • www.eignarekstur.is • Sími 566 5005
Ráðgjöf
Veitum faglega ráðgjöf
til húsfélaga
Bókhald
Höfum umsjón með
bókhaldi fyrir húsfélög
Þjónusta
Veitum persónulega þjónustu
sem er sérsniðin að hverju
og einu húsfélagi
laugavegi 47 www.kokka.is kokka@kokka.is
Rösle þeytari
Verð 3.490 kr.
Stefán Gunnar Sveinsson
sgs@mbl.is
Nýlegar gervihnattamyndir benda til þess að
Norður-Kóreumenn séu að gera Sohae-tilrauna-
stöðina tilbúna til notkunar á ný, en hún hefur
meðal annars verið notuð til þess að skjóta á loft
tveimur gervihnöttum. Stöðinni var lokað í fyrra-
haust eftir að Kim Jong-un, leiðtogi Norður-
Kóreu, fundaði með Moon Jae-in, forseta Suður-
Kóreu í Pjongjang, höfuðborg Norður-Kóreu.
Sérfræðingar í málefnum Norður-Kóreu
sögðu að myndirnar bentu jafnvel til þess að
framkvæmdirnar hefðu hafist áður en Donald
Trump Bandaríkjaforseti og Kim Jong-un fund-
uðu í síðustu viku í Hanoi, en þeim fundi lauk
skyndilega án þess að samkomulag næðist um að
Norður-Kóreumenn myndu gefa kjarnorkuvopn
sín upp á bátinn gegn því að slakað yrði á refsi-
aðgerðum.
Skilaboð um staðfestu?
Í tilkynningu frá hugveitunni Center for
Strategic and International Studies (CSIS) í
Washington sagði að gervihnattamyndirnar
hefðu verið teknar tveimur dögum eftir fundinn
og að framkvæmdunum gæti verið ætlað að
senda skilaboð um staðfestu þrátt fyrir að
Bandaríkjamenn hefðu hafnað að aflétta refsiað-
gerðum gegn Norður-Kóreu.
Kim Jong-un samþykkti að loka stöðinni í við-
ræðum sínum við Moon Jae-in til þess að auka
traust á milli ríkjanna, en stöðin var meðal ann-
ars notuð til þess að skjóta gervihnöttum á spor-
baug um jörðu árin 2012 og 2016. Öryggisráð
Sameinuðu þjóðanna bannaði hins vegar Norður-
Kóreu að skjóta fleiri gervihnöttum á loft, þar
sem eldflaugatæknin sem liggur að baki er svip-
uð þeirri sem notuð er til þess að skjóta kjarn-
orkubúnum eldflaugum á milli heimsálfa.
Önnur hugveita í öryggis- og varnarmálum, 38
North, sem sérhæfir sig í málefnum Norður-
Kóreu, staðfesti tilkynningu CSIS um fram-
kvæmdir við Sohae-stöðina. Joel Wit, forstöðu-
maður hugveitunnar, sagði hins vegar að þær
þyrftu ekki að þýða að Norður-Kóreumenn
hygðust skjóta tilraunaeldflaugum á loft að nýju.
„Fyrir utan að þeir hafa aldrei prófað langdræga
eldflaug (e. ICBM) frá Sohae-stöðinni, en hún er
hönnuð fyrir geimskot, myndi undirbúningur
fyrir hvers kyns eldflaugaskot sjást í aðgerðum
sem ekki eru sjáanlegar á myndunum,“ sagði
Wit í tilkynningu sinni, en þar var einnig bent á
að framkvæmdirnar við stöðina hefðu líklega
hafist á milli 16. febrúar og 2. mars, en sú tíma-
setning myndi þýða að þær hafi verið vel á veg
komnar áður en leiðtogafundurinn í Hanoi hófst.
Þá töldu sérfræðingar í málefnum Norður-
Kóreu að Kim myndi líklega ekki hefja tilraunir
með eldflaugar á ný. Framkvæmdunum væri
hins vegar ætlað að minna Bandaríkjastjórn á
það hvers Norður-Kóreumenn væru megnugir ef
á reyndi.
John Bolton, þjóðaröryggisráðgjafi Bandaríkj-
anna, sagði í sjónvarpsviðtali á þriðjudaginn að
Bandaríkjastjórn myndi áfram meta hvort Kim
væri tilbúinn til þess að gefa kjarnorkuvopn sín
upp á bátinn, ásamt „öllu sem tengdist því“.
Varaði Bolton við því að Trump Bandaríkja-
forseti hefði talað mjög skýrt um það að þeim
viðskiptaþvingunum sem nú þegar væru til stað-
ar yrði ekki aflétt án þess, og að frekar yrði horft
til þess að herða á þeim ef Norður-Kóreumenn
létu ekki undan.
Endurreisa eldflaugapall
 Gervihnattamyndir sýna framkvæmdir við Sohae-tilraunastöðina í Norður-
Kóreu  Hugsanleg skilaboð til Bandaríkjamanna eftir fund Trumps og Kims
AFP
Sohae Hér sjást tveir verðir við eldflaug við Sohae-stöðina stuttu fyrir tilraunaskot árið 2012.
„Lausn“ á ráð-
gátu sem eðlis-
fræðingurinn Al-
bert Einstein
skildi eftir sig
fannst í bréfa-
safni sem Hebr-
eski háskólinn í
Jerúsalem fékk
nýlega til eignar,
samkvæmt til-
kynningu skól-
ans í gær. Í safninu voru ýmis hand-
skrifuð skjöl frá Einstein, og má
þar meðal annars finna bréf Ein-
steins til sonar síns, Hans Alberts,
frá árinu 1935 þar sem Einstein lýs-
ir áhyggjum sínum af uppgangi
nasismans í Þýskalandi.
Þar segir hann meðal annars að
hlutirnir séu farnir að breytast í
Þýskalandi, en Einstein fæddist þar
árið 1879. „Við skulum vona að það
hefjist ekki stríð í Evrópu fyrst,“
skrifar Einstein til sonar síns og
bætir við að loksins séu hinar þjóðir
Evrópu farnar að taka nasismann
alvarlega, sérstaklega Bretar. „Ef
þeir hefðu spyrnt fast á móti fyrir
einu og hálfu ári, hefði það verið
betra og auðveldara.“
Þá var einnig að finna frumrit að
viðauka sem Einstein hafði hand-
skrifað við ritgerð sína um mögu-
lega samþættingarkenningu í eðl-
isfræði, en hann eyddi síðustu
þremur áratugum ævi sinnar í að
reyna að sanna slíka kenningu. Við-
aukinn hafði áður verið til í eftir-
riti, þar sem eina blaðsíðu vantaði.
Hanoch Gutfreund, eðlisfræðipró-
fessor og fyrrverandi forseti há-
skólans, sagði við AFP-fréttastof-
una að viðaukinn hefði löngum
verið „ráðgáta“ vegna síðunnar
sem vantaði, en að nú væri loksins
hægt að leysa hana.
Bréf frá Einstein
komin í leitirnar
Albert
Einstein
ÍSRAEL
Gerald Butts, sem nýlega sagði af
sér sem helsti ráðgjafi Justins Tru-
deau, forsætisráðherra Kanada,
mætti í gær á fund þingnefndar og
svaraði spurningum um aðkomu
sína að hneykslismáli SNC-Lavalin-
fyrirtækisins. Trudeau og ráðgjafar
hans hafa verið sakaðir um að hafa
ætlað að hafa áhrif á gang sakamáls
gegn fyrirtækinu, en það er sakað
um að hafa greitt mútufé til fulltrúa
stjórnvalda í Líbíu á árunum 2001 til
2011, meðan Múammar Gaddafí var
enn við völd.
Málið hefur skekið ríkisstjórn
Trudeaus síðustu vikurnar og hafa
nokkrir ráðherrar þegar sagt af sér
embætti vegna þess. Butts sagði
einnig af sér en hann er á meðal
þeirra sem sagðir eru hafa haft
óeðlileg afskipti af málinu.
Butts mætti fyrir þingnefndina að
eigin ósk og þvertók hann fyrir
ásakanir sem Jody Wilson-
Raybould, fyrrverandi dóms-
málaráðherra landsins, hafði sett
fram um að Trudeau og ráðgjafar
hans hefðu viljað að hún myndi leita
dómsáttar við SNC-Lavalin vegna
mútumálsins í stað þess að sækja
fyrirtækið til saka. Wilson-
Raybould neitaði því og stendur til
að réttarhöldin yfir fyrirtækinu
hefjist síðar í mánuðinum. Trudeau
hefur neitað öllum ásökunum vegna
málsins.
Nýlegar skoðanakannanir benda
til þess að meirihluti Kanadamanna
vilji að Trudeau segi af sér vegna
málsins og hefur stjórnarandstaðan
tekið undir þær kröfur. Stefnt er að
því að kosið verði til þingsins í októ-
ber á þessu ári og hefur Íhaldsflokk-
urinn nú meirihluta í könnunum í
fyrsta sinn í meira en fjögur ár.
Neitaði öllum ásökunum
 SNC-Lavalin-
málið vindur
enn upp á sig
AFP
Þingnefnd Butts sat fyrir svörum
vegna hneykslismálsins í gær.