Morgunblaðið - 07.03.2019, Page 57

DÆGRADVÖL 57
MORGUNBLAÐIÐ FIMMTUDAGUR 7. MARS 2019
Bláu húsin v/Faxafen
Sími 553 7355 • www.selena.is • Selena
undirfataverslun • Næg bílastæði
Frábært úrval af sundfötum
Stjörnuspá
21. mars - 19. apríl 
Hrútur Þér er mikið niðri fyrir og þarft nauð-
synlega að fá útrás fyrir tilfinningar þínar.
Reyndu að gleðja einhvern nákominn með
einhverjum hætti sem veitir ykkur báðum
ánægju.
20. apríl - 20. maí 
Naut Þótt það sé stundum gott að fá athygli
skaltu gæta þess að það sé ekki á annarra
kostnað. Viljirðu breytingar skaltu stíga á
stokk og láta í þér heyra.
21. maí - 20. júní 
Tvíburar Það er hætt við að yfirmenn þínir,
foreldrar eða nánir vinir mistúlki gerðir þínar
í dag. Hvaðeina sem þú gerir til þess að gera
líf þitt skilvirkara er vel þess virði.
21. júní - 22. júlí 
Krabbi Þú nýtur athygli annarra vegna þess
að þér líður vel í sviðsljósinu. Reyndu nýjar
leiðir til að ná sambandi við foreldra eða yfir-
menn.
23. júlí - 22. ágúst 
Ljón Þú ert óneitanlega heillandi og þú veist
alveg hver á að fá að njóta þess nú. Nýttu það
til að taka upp þráðinn við gamla vini og fjöl-
skyldumeðlimi sem þú hefur ekki hitt lengi.
23. ágúst - 22. sept. 
Meyja Á næstu vikum er upplagt að setja sér
takmark og velta fyrir sér leiðum til þess að
ná því. Lykilatriði er að greiða úr skipulaginu
frá degi til dags.
23. sept. - 22. okt. 
Vog Hafðu hemil á eyðslu þinni og fyrir alla
muni haltu henni innan skynsamlegra marka.
Mundu að allir eru dæmdir af verkum sínum.
23. okt. - 21. nóv.
Sporðdreki Það er engin ástæða til að láta
minniháttar krytur komast upp á milli vina.
Þú ert skýrari í hausnum þessa dagana en
oftast gerist, svo nýttu þér það.
22. nóv. - 21. des.

Bogmaður Breytingar liggja í loftinu og aldr-
ei þessu vant ertu þeim mótfallinn. Þótt
hversdagsleikinn virðist oft grár og leið-
inlegur þarf ekki margt til þess að breyta öllu
til betri vegar.
22. des. - 19. janúar 
Steingeit Talaðu bæði hátt og skýrt svo ekk-
ert fari á milli mála, hvað það er sem þú vilt.
Þegar þú veist að þú átt betra skilið skaltu
vera með uppsteyt. Annars heldur fólk að þér
sé sama.
20. jan. - 18. febr. 
Vatnsberi Það hefur komið í þinn hlut að tala
fyrir þeim sjónarmiðum sem eiga að ráða á
vinnustað. Allt sem þú gerir virðist færa þér
umbun.
19. feb. - 20. mars

Fiskar Ekki draga fljótfærnislegar ályktanir
eða dæma aðra á næstu vikum, ekki er víst
að allar forsendur séu deginum ljósari.
Sigrún Haraldsdóttir var sem ný áLeir þegar hún fagnaði morg-
unsólinni á mánudag:
Rjátlast af mér slen og slig,
sláttur eykst í hjarta,
alltaf þegar sýnir sig
sólin undurbjarta.
Á þessum milda mánudagsmorgni
orti Sigurlín Hermannsdóttir:
Jón var með fjölmiðla- og fréttasótt
og ferða- og skemmtana- netta sótt.
varð vitlaus í „show-um“
þó varð mörgum nóg um
er kauði tók langvinna léttasótt.
Hér birtist í gær „stafseningar-
limra“ eins og Ólafur Stefánsson
stafsetti orðið – og auðvitað gat Sig-
mundur Benediktsson ekki setið á
sér: „Sæll. Ha, ha, ha.“:
Bregðast stundum bestu vé,
burtu strjúka orðagögn.
Hérna færðu tapað t
til að ljúka fyrirsögn.
Það er gamla sagan – Pétur Stef-
ánsson yrkir á Leir:
Um fátækt hér er ekkert ort,
ýmsa vill hún hræða.
Linka skekur landið vort,
lifnar böl og mæða.
Leigjendur þeir líða skort
en leigusalar græða.
Í tímaritinu Ömmu eru þessar vís-
ur sagðar eignaðar Sigluvíkur-
Sveini:
Það er ætíð meining mín
mestan bæti trega
brúður sæt og brennivín
brúkað gætilega.
Það er aðalmeining mín
mestum hraði trega
blossa vaðals brík og vín
brúkað svaðalega.
Ólafur Briem á Grund gerði þessa
vísu um eitthvert ferðalag sitt:
Hlaut ég stauta um blauta braut,
bikkjan skrykkjótt nokkuð gekk,
þaut og hnaut, ég hraut í laut,
hnykk með rykk í skrokkinn fékk.
Sagt er að það hafi verið Ari um-
boðsmaður Sæmundsen sem hellti í
staup handa Ólafi og lét þennan
vísuhelming fylgja með:
Þarna er staupið, settu sopann
senn í tanna þinna grunn. –
Ólafur tæmdi staupið og bætti
þegar við:
Tarna raupið, réttan dropann
renna fann ég inn í munn.
Halldór Blöndal
halldorblondal@simnet.is
Vísnahorn
Morgunsólin, fréttasótt
og tapað t
„ÞÚ SETUR ALLTAF ÞARFIR ANNARRA
FRAMAR ÞÍNUM EIGIN. ÉG ÞARF AÐ
FÆRA TÍMANN ÞINN.”
„HÚN HEITIR „AÐ LIFA Á EKKNALÍFEYRI”.”
Ferdinand
Hrólfur hræðilegi
Grettir
... að fara allt saman.
Í klípu eftir Mike Baldwin eftir Jim UngerHermann
VIÐ EYÐUM ALLTOF MIKLUM
TÍMA Í SÍMANUM. ÉG ÆTLA
AÐ LEGGJA MINN FRÁ MÉR!
EN
FÍNT
ÞAÐ ER SATT – HUNDAR
LÍKJAST EIGENDUNUM …
OG PÁFAGAUKAR HLJÓMA
EINS OG EIGENDURNIR
Öskudagsstemning réði ríkjum áfésbókinni í gær, þar sem allir
kunningjar Víkverja sem vettlingi
gátu valdið skelltu inn eins og einni
ef ekki tveimur myndum af af-
kvæmum sínum í allskyns grímu-
búningum. Víkverji finnur vel fyrir
því við slíkar myndbirtingar að hann
er nú „í ljósaskiptunum“ sem liggja á
milli þess að vera ungur og miðaldra,
þar sem hann nöldrar yfir öskudags-
búningum ungu kynslóðarinnar.
x x x
Þetta er allt saman eitthvað keyptút úr búð!“ hnussaði okkar mað-
ur til dæmis, á sama tíma og hann
rifjaði upp sína eigin dýrðardaga í
grunnskóla, þegar allir mættu sko í
heimatilbúnum búningum. Eitt árið
var Víkverji sko pönkari. Það eina
sem þurfti var gallajakki og hár-
kolla, sem væntanlega var ekki
heimatilbúin. Víkverji hefur eflaust
ekki verið mjög sannfærandi pönk-
ari og nú þegar hann hugsar málið
betur hafa eflaust einhverjir af sam-
nemendum hans verið í búningum
sem ekki voru beinlínis heima-
tilbúnir.
x x x
Þetta er allt saman eitthvað móð-ins! Bara einhverjir nýir karakt-
erar, en hvar eru þessir gömlu
góðu?“ fussaði hann og sveiaði þar
næst og rifjaði upp öskudaginn þar
sem hann mætti sem Súpermann, í
þar til gerðum náttfötum sem móðir
Víkverja hafði keypt í útlandinu fyr-
ir hann, en helsti eiginleiki þeirra
var sá að skikkjan rauða var fest við
með frönskum rennilás, og varað
sérstaklega við því að bannað væri
að sofa með skikkjuna áfasta.
x x x
Víkverji verður aukinheldur aðjáta að hann hefur, hvorki þá né
síðar, beinlínis verið með líkama sem
öskrar „Súpermann“, en ofur-
hetjubúningar dagsins í dag koma
allir með tilbúinn „six-pack“. Vík-
verji neitar ekki að hann væri sjálfur
til í að hafa einn slíkan áfastan
hversdagsfötunum sínum, en það er
löngu útséð um það að hann geti orð-
ið sér úti um einn náttúrulegan.
Nema kannski þá sem fást í ríkinu.
vikverji@mbl.is
Víkverji
En ávöxtur andans er: Kærleiki, gleði,
friður, langlyndi, gæska, góðvild, trú-
mennska, hógværð og sjálfsagi.
(Galatabréfið 5.22)