Morgunblaðið - 27.04.2019, Síða 17

FRÉTTIR 17Innlent
MORGUNBLAÐIÐ LAUGARDAGUR 27. APRÍL 2019
www.velaborg.is | Járnhálsi 2-4 | 110 Reykjavík | Sími 414-8600
Umboðsaðili CASE
vinnuvéla á Íslandi
Eltak sérhæfir sig í sölu
og þjónustu á vogum
Bjóðum MESTA úrval
á Íslandi af smáum
og stórum vogum
Heppinn Siglfirðingur vann tæp-
lega 40 milljónir króna skatt-
frjálsar í lottói fyrir tveimur helg-
um, en hann keypti vinningsmiðann
í verslun Olís á Siglufirði.
Tilviljun ein réð því að miðinn
var keyptur samkvæmt því sem
fram kemur í tilkynningu frá Ís-
lenskri getspá. Er kaupandinn þar
sagður hafa verið að fá sér að borða
þegar hann tók eftir að lottópottur-
inn stefndi í áðurnefnda upphæð.
Ákvað hann því að kaupa miða.
Haft er eftir vinningshafanum að
hann ætli mögulega að nýta vinn-
inginn til að kaupa sér nýjan síma,
en gamli sími viðkomandi er bæði
orðinn gamall og illa farinn.
„En svo ætla ég líka að leyfa fólk-
inu mínu að njóta vinningsins með
mér,“ er einnig haft eftir þessum
heppna manni.
Ætlar að leyfa fólk-
inu sínu að njóta
Siglufjörður Hinn heppni keypti lottómið-
ann fyrir tilviljun og vann 40 milljónir.
BAKSVIÐ
Sigtryggur Sigtryggsson
sisi@mbl.is
Framkvæmdir eru hafnar við gerð
nýrrar landfyllingar í Sundahöfn,
austan Laugarness. Í landfylling-
una er ekið grjóti úr lóð Landspít-
ala við Hringbraut, en þar standa
sem kunnugt er yfir miklar bygg-
ingarframkvæmdir. Framkvæmdin
hefur verið í skipulagsferli innan
borgarkerfisins undanfarna mánuði
og skipulagsfulltrúi borgarinnar
veitti framkvæmdaleyfi 9. apríl sl.
Á undanförnum áratugum hefur
gríðarmikið nýtt land orðið til á
landfyllingum á hafnarsvæðum
Reykvíkinga, bæði í Sundahöfn og
við Gömlu höfnina í Kvosinni.
Markmiðið með þessari nýju
landfyllingu við Klettagarða er að
útbúa lóð fyrir framtíðarhöfuð-
stöðvar Faxaflóahafna sf. Þarna
verða skrifstofur, bækistöð og
skipaþjónusta með viðlegu fyrir
dráttar- og hafnsögubáta fyrir-
tækisins. Lóðin þarf að vera vel
staðsett fyrir starfsemi hafnar jafnt
á sjó og landi. Rekstri hafnar fylgir
þjónusta við móttöku skipa í
Sundahöfn og Gömlu höfninni.
Höfuðstöðvarnar eru nú í Hafnar-
húsinu.
Þá er einnig áformað að Veitur,
dótturfélag Orkuveitu Reykjavíkur,
fái hluta landfyllingar undir stækk-
un skólpdælu- og hreinsistöðvar við
Klettagarða, sem tekin var í notk-
un árið 2000.
Tveggja hektara landfylling
Framkvæmdaleyfið nær til gerð-
ar tveggja hektara landfyllingar
sem verður viðbót við landfyllingu
sem fyrir er og gerð var á árunum,
1990 til 2000.
Fram kemur í minnisblaði Jóns
Þorvaldssonar aðstoðarhafnarstjóra
að heildarefnismagn í tveggja hekt-
ara fyllingu sé áætlað um 375.000
rúmmetrar. Til viðbótar því efni
sem fæst frá Nýjum Landspítala á
höfnin um 70.000 m3 af góðu fyll-
ingarefni og völdu grjóti á lag-
ersvæði í Sundahöfn, sem nýtt yrði
til landgerðar þegar verk er komið
lengra á veg. Sótt yrði síðar um
starfsleyfi fyrir móttöku þess efnis
sem á vantar til að ljúka landgerð-
inni.
Verktími landgerðar er áætlaður
árin 2019-2021. Byrjað er á fyll-
ingum á vesturhlið lóðar næst
Laugarnesi og Laugarnestöngum.
Land yrði síðan þróað til austurs
utan Klettagarða. „Kostir þess að
landþróun yrði með þessum hætti
eru að þá er hægt að ganga frá
formi strandar og vinna sjóvarnir á
verktíma eftir því sem valið grjót
fæst til verks. Með þessu fæst hag-
kvæmni í framkvæmd og landgerð
yrði varin fyrir sjó- og öldulagi á
framkvæmdatíma,“ segir Jón.
Til þess að ljúka landgerð yrði
síðan að fá burðarhæft fyllingarefni
frá öðrum framkvæmdum. Í ár
verður fyrst og fremst unnið við
efnismóttöku en síðar á árunum
2020-2021 yrðu verkin frekar tengd
grjótröðun og frágangi sjóvarna.
Þetta er upphaf landfyllingar-
innar sem verður alls 25.000-30.000
fermetrar. Jón giskar á að efnið frá
Landspítalanum muni duga fyrir
um 1⁄3 áætlaðrar landfyllingar.
„Þess vegna munum við fá starfs-
leyfi til að taka við gæðaefni frá
fleirum – en síðan eigum við efni í
Sundahöfn sem fer þarna. Það mun
eflaust taka u.þ.b. 24 mánuði að
fylla út meginsvæðið – síðan þarf
að verja ströndina með úrvals-
grjóti,“ segir Jón.
Hann segir að ferli fram-
kvæmdaleyfisumsóknar fyrir þessa
lóð hafi ekki alveg gengið þrauta-
laust. Akstur frá Landspítala við
Hringbraut sé óumdeilt stysta
flutningsleið efnis burt frá svæðinu
og það kosti minna og mengi minna
að koma þessu efni í Sundahöfn. Í
upphafi stóð til að allt fyllingar-
efnið kæmi úr grunni á nýjum
Landspítala. Þær framkvæmdir eru
nú komnar vel af stað þar sem
verktaki hóf verkið síðari hluta árs
2018. Þannig að þaðan fást vart yfir
150.000 m3 af efni til landgerðar við
Klettagarða að mati Jóns.
Spítalagrjótið notað til að
gera nýtt land í Sundahöfn
 Nýjar höfuðstöðvar Faxaflóahafna rísi þar og stækkun skólpstöðvar Veitna
Morgunblaðið/sisi
Klettagarðar Þetta er upphaf nýrrar landfyllingar í Sundahöfn. Vörubílar aka grjóti af Landspítalalóð og grafa ýtir
því í sjó fram. Landfyllingin mun smám saman teygja sig í átt að Viðey. Verktími landgerðar er áætlaður 2019-2021.
Tillaga að landfyllingu að Klettagörðum
Heimild: Faxafl óahafnir Grunnkort/Loftmyndir ehf.
Landfylling
Um 2 ha, 375 þús.m3
Klettagarðar
Sk
arf
ag
arð
ar
Lau
gar
nes
Reykjavíkurborg hyggst kaupa
61% eignarhluta Faxaflóahafna
sf. í Hafnarhúsinu en Reykjavík-
urborg á þegar 39% hússins.
Viljayfirlýsing þess efnis var
samþykkt í borgarráði í fyrra.
Með kaupunum yrði Hafnar-
húsið að fullu í eigu borgar-
innar.
Markmið Reykjavíkurborgar
er að Hafnarhúsið verði fram-
tíðarmiðstöð lista í Reykjavík.
Þar er nú þegar Listasafn
Reykjavíkur til húsa og unnið er
að stofnun listaverkasafns Nínu
Tryggvadóttur en borgin fékk í
fyrra að gjöf á annað þúsund
listaverk Nínu. Þá á Reykja-
víkurborg stórt safn listaverka
eftir Erró og fengi það lista-
verkasafn sýningarrými við
hæfi í Hafnarhúsinu.
Verði mið-
stöð lista
HAFNARHÚSIÐ