Morgunblaðið - 27.04.2019, Qupperneq 46

46 ÍÞRÓTTIR
MORGUNBLAÐIÐ LAUGARDAGUR 27. APRÍL 2019
KNATTSPYRNA
Úrvalsdeild karla, Pepsi Max-deildin:
Hásteinsvöllur: ÍBV – Fylkir ................ L14
Grindavík: Grindavík – Breiðablik........ L14
Norðurálsvöllur: ÍA – KA...................... L16
Kaplakriki: FH – HK ............................. L16
Samsung-völlur: Stjarnan – KR............ L20
Mjólkurbikar karla, 32 liða úrslit:
Olísvöllur: Vestri – Úlfarnir................... S15
HANDKNATTLEIKUR
Þriðji úrslitaleikur kvenna:
Origo-höllin: Valur – Fram (2:0)............ S16
Umspil kvenna, þriðji úrslitaleikur:
Digranes: HK – Fylkir (1:1)................... S20
JÚDÓ
Íslandsmót karla og kvenna fer fram í
Laugardalshöllinni í dag. Forkeppni er kl.
10 til 12, úrslit kl. 13-14, og keppni í opnum
flokkum frá 14 til 15.30.
Í KVÖLD!
VALUR
Ívar Benediktsson
iben@mbl.is
Fram undan er stór helgi hjá Knatt-
spyrnufélaginu Val þar sem tvö af lið-
um félagsins, hvort í sinni íþrótta-
greininni, geta í dag og á morgun
tekið við Íslandsbikarnum á heima-
velli. Í dag leikur kvennalið Vals í
körfuknattleik þriðja úrslitaleik sinn
við Keflavík um Íslandsmeistaratit-
ilinn og mun með sigri brjóta blað í
sögu félagsins vegna þess að Valur
hefur aldrei hrósað sigri á Íslands-
móti kvenna í körfuknattleik. Á morg-
un mætir kvennalið Vals í handknatt-
leik Fram í þriðja úrslitaleik liðanna
um Íslandsmeistaratitilinn. Eftir sig-
ur í tveimur fyrstu leikjum liðanna
þarf Valur einn sigur til viðbótar til að
fagna sínum sautjánda Íslandsmeist-
aratitli í handknattleik kvenna.
„Vonandi gengur allt upp hjá
okkur. Planið er að vinna leikinn og
fagna Íslandsmeistaratitli á heima-
velli. Það væri alveg geggjað. Okkur
langar mikið til þess að taka á móti
Íslandsbikarnum á heimavelli og fylla
upp í síðasta boxið sem eftir er að
fylla upp í hjá Val, það er að vinna Ís-
landsbikarinn í körfuknattleik í
kvennaflokki,“ sagði Guðbjörg Sverr-
isdóttir, einn leikmanna körfuknatt-
leiksliðs Vals, í samtali við Morgun-
blaðið. Viðureign Vals og Keflavíkur
hefst klukkan 18 í dag í Origo-höll
Valsara við Hlíðarenda.
„Þessi leikur skiptir öllu máli.
Annaðhvort ljúkum við einvíginu eða
ekki. Málið er ekki flóknara en það,“
bætti Guðbjörg við og sagðist ekki
finna fyrir utanaðkomandi pressu.
Hinsvegar væri ríkur vilji innan liðs-
ins til að fá Íslandsbikarinn afhentan
á heimavelli, ekki síst vegna þeirra
tímamóta í sögu félagsins sem fyrsti
Íslandsmeistaratitillinn í körfuknatt-
leik kvenna væri. „Við viljum vinna
heima fyrir framan fullt hús af okkar
stuðningsmönnum. Næsta tækifæri
gæfist þá ekki fyrr en í fimmta leik og
við viljum ekki fara í fimmta í einvíg-
inu, ekki eins og staðan er í dag.
Framundan er þriðji leikurinn og
vonandi verður með honum endi
bundinn á einvígið. Sjálfstraustið er
fyrir hendi innan liðsins,“ sagði Guð-
björg Sverrisdóttir, körfuknatt-
leikskona hjá Val.
Höfum fulla trú á verkefninu
„Hver sigur veitir alltaf aukið
sjálfstraust,“ sagði handknattleiks-
konan Íris Ásta Pétursdóttir, einn af
reynslumeiri leikmönnum liðsins sem
nú er komin í kjörstöðu í keppninni
við Fram um Íslandsmeistaratitilinn í
handknattleik kvenna. Íris Ásta var í
Valsliðinu sem síðast varð Íslands-
meistari fyrir fimm árum. „Kosturinn
við liðsheildina hjá okkur núna er að
við höfum mikla trú á verkefninu og
gefumst aldrei upp.“
Það sannaðist vel í fyrradag þegar
Valur vann upp tveggja marka for-
skot Fram á lokamínútunni í venju-
legum leiktíma, jafnaði metin og náði
þar með í framlengingu sem vann
örugglega.
„Einvígið er langt frá því að vera
búið þótt við höfum unnið tvo fyrstu
leikina. Við verðum bara að halda
okkar striki áfram eins og í tveimur
fyrstu leikjunum, vera með hausinn
rétt skrúfaðan á eins og sagt er á
stundum. Við gerum okkur alveg
grein fyrir að leikirnir sem eftir eru
geta orðið þrír, eða tveir eða einn. Að-
almálið er bara að núllstilla sig eftir
sigurinn í gær og horfa fram á veginn,
ekki aftur fyrir sig. Við megum ekki
falla í þá gildru að fara að verja for-
skot heldur halda áfram að sækja.
Dagurinn í dag fer í að núllstilla liðið,“
sagði Íris Ásta.
Íris Ásta segir liðin, Val og Fram,
þekkjast afar vel eftir að hafa mæst
nokkrum sinnum á keppnistíma-
bilinu. Þar með sé ljóst að fátt komi
leikmönnum og þjálfurum liðanna á
óvart þegar þau mætast í þriðja úr-
slitaleiknum á heimavelli Vals klukk-
an 16 á morgun.
„Okkur þykir bara alveg óskaplega
gaman að þessu. Það er gaman að
spila þessa úrslitaleiki enda hafa Val-
ur og Fram á að skipa tveimur bestu
liðunum í kvennahandboltanum um
þessar mundir. Drifkrafturinn felst í
að spila skemmtilegan leik og vona
um leið það besta þegar upp verður
staðið. Leikirnir tveir fram til þessa
hafa verið mjög góðir. Mörg mörk
hafa verið skoruð þrátt fyrir frábæra
markvörslu hjá báðum liðum og fram-
úrskarandi varnarleik. Hraðinn hefur
verið mikill. Það má segja að leikirnir
hafi boðið upp á allt,“ sagði Íris Ásta
Pétursdóttir, einn af reyndari leik-
mönnum handknattleiksliðs Vals.
Planið er að
fylla upp í
síðasta boxið
 Íslandsbikarinn getur farið tvívegis
á loft á Hlíðarenda um helgina
Morgunblaðið/Árni Sæberg
Barátta Heather Butler, leikmaður Vals (t.v.), verður í eldlínunni með sam-
herjum sínum í dag gegn liði Keflavíkur í þriðja úrslitaleiknum.
Morgunblaðið/Eggert
Ákveðin Sandra Erlingsdóttir og stöllur í Val hafa haft betur gegn
Steinunni Björnsdóttur og liðsmönnum Fram í úrslitum Íslandsmótsins.
„Magdeburg eitt af nokkrum liðum
í Þýskalandi sem hafa sýnt Ómari
Inga áhuga,“ sagði Peter K. Bertel-
sen, danskur umboðsmaður ís-
lenska landsliðsmannsins Ómars
Inga Magnússonar, í samtali við
TV2 í Danmörku í gær. Í fyrradag
skrifaði dagblaðið Volkstimme í
Mageburg að handknattleikslið
borgarinnar hefði Ómar Inga undir
smásjánni. Ef marka má uumboðs-
manninn gætu fleiri lið verið í
kapphlaupi um Ómar Inga sem
leikið hefur afar vel með Aalborg í
Danmörku á leiktíðinni. iben@mbl.is
Fleiri líta Ómar
Inga hýru auga
Morgunblaðið/Kristinn Magnússon
Sterkur Ómar Ingi Magnússon virð-
ist eftirsóttur um þessar mundir.
Kristianstad, sem orðið hefur Sví-
þjóðarmeistari í handbolta fjögur
ár í röð, tapaði fyrsta leiknum við
Alingsås í undanúrslitum sænsku
úrvalsdeildarinnar í gær, 24:22.
Þjálfarinn Ljubomir Vranjes hélt
leikmönnum sínum inni í búnings-
klefa og ræddi við þá í yfir 40 mín-
útur eftir leik en hans menn hafa
færi á að bæta sitt ráð því vinna
þarf þrjá leiki til að komast í úrslit.
Ólafur Guðmundsson skoraði 4
mörk fyrir Kristianstad, Arnar
Freyr Arnarsson 2 en Teitur Örn
Einarsson ekkert. sindris@mbl.is
Krísufundur hjá
Kristianstad
Morgunblaðið/Eggert
Ekki nóg Ólafur Guðmundsson
skoraði fjögur mörk í gærkvöld.
HANDBOLTI
Grill 66 deild karla
Umspil, undanúrslit, oddaleikur:
Þróttur – HK ........................................ 26:29
 HK vann einvígið 2:1 og mætir Víkingi í
úrslitum um sæti í úrvalsdeildinni.
Svíþjóð
Undanúrslit, fyrsti leikur:
Kristianstad – Alingsås ...................... 22:24
 Ólafur A. Guðmundsson skoraði 4 mörk
fyrir Kristianstad, Arnar Freyr Arnarsson
2 en Teitur Einarsson ekkert.
Skövde – Sävehof .................................30:29
 Ágúst Elí Björgvinsson varði 7 af 31
skoti sem hann fékk á sig í marki Sävehof.
Spánn
Ademar León – Barcelona ................. 30:32
 Aron Pálmarsson skoraði 1 mark fyrir
Barcelona.
Austurríki
8-liða úrslit, fyrsti leikur:
West Wien – Bregenz.......................... 28:22
 Viggó Kristjánsson skoraði 6 mörk fyrir
West Wien og Guðmundur Hólmar Helga-
son 3 en Ólafur Bjarki Ragnarsson var ekki
með.
Þýskaland
B-deild:
Balingen – Dormagen......................... 32:23
 Oddur Gretarsson skoraði 6 mörk fyrir
Balingen.
Lübeck-Schw. – Wilhelmshavener.... 28:25
 Sigtryggur Daði Rúnarsson var ekki í
leikmannahópi Lübeck-Schwartau.
Hamburg – Emsdetten ....................... 27:26
 Aron Rafn Eðvarðsson varði 12 skot í
marki Hamburg.
Ferndorf – Hüttenberg....................... 25:17
 Ragnar Jóhannsson var ekki á meðal
markaskorara Hüttenberg.