Dagblaðið Vísir - DV - 31.05.2019, Page 53

Hlaupablað 31. maí 2019 KYNNINGARBLAÐ
Laugardaginn 14. september 2019 fer Volcano Trail Run fram, sem haldið er í sjötta
sinn á vegum Volcano Huts í
Húsadal í Þórsmörk. Hlaupið er opið
öllu áhugafólki um utanvega- og
fjallahlaup.
Umhverfis Tindfjöllin
Hlaupinn er svokallaður
Tindfjallahringur sem er 12 kílómetra
langur. Hlaupið hefst við skála
Volcano Huts í Húsadal í Þórsmörk
og hlaupið er inn Húsadalinn áleiðis
upp Laugaveginn. Þegar komið er
upp úr Húsadal er beygt af leið til
hægri í áttina að Langadal og farið
af stígnum upp á Slyppugilshrygg
og meðfram honum þar til stígurinn
liggur niður í Slyppugilið. Þá er beygt
til vinstri áleiðis að Tindfjallasléttu og
svo niður Stangarháls að Stóraenda.
Þaðan er hlaupið eftir Krossáraurum
að Langadal og stefnan tekin upp
Valahnúk (275 m hækkun) og niður
aftur að vestanverðu að endamarki í
Húsadal.
Skráning er hafin
Þar til 30. júní kostar 7.900 kr. að
skrá sig í hlaupið. Eftir það og fram til
10. september er verðið 8.900 kr. og
svo er verðið komið upp í 12.900 kr.
þar til skráningu lýkur, 14. september.
Hámarksfjöldi í hlaupið fyrir árið 2019
er 150 manns. „Þetta er vinsælt hlaup
og er æskilegt að skrá sig snemma ef
maður hefur áhuga á að taka þátt,“
segir Inga Fanney Sigurðardóttir
hlaupastjóri.
Innifalið í þátttökugjaldi er
aðgangur að sturtum, gufubaði og
baðlaug eftir hlaupið en einnig er
hægt að bóka gistingu í Húsadal
hér á vefsíðunni volcanohuts.is. Allir
þátttakendur fá verðlaunapening
þegar þeir koma í mark. Verðlaun
verða svo veitt fyrir þrjú fyrstu sæti
karla og kvenna.
Volcano Trail Run