Morgunblaðið - 09.05.2019, Síða 58

58 ÍÞRÓTTIR
MORGUNBLAÐIÐ FIMMTUDAGUR 9. MAÍ 2019
Pepsi Max-deild kvenna
Þór/KA – Fylkir ........................................2:0
KR – Valur .................................................0:3
Staðan:
Valur 2 2 0 0 8:2 6
Breiðablik 2 2 0 0 6:1 6
Stjarnan 2 2 0 0 2:0 6
ÍBV 2 1 0 1 2:2 3
HK/Víkingur 2 1 0 1 1:1 3
Þór/KA 2 1 0 1 4:5 3
Fylkir 2 1 0 1 2:3 3
Keflavík 2 0 0 2 1:4 0
Selfoss 2 0 0 2 1:5 0
KR 2 0 0 2 0:4 0
Meistaradeild karla
Undanúrslit, seinni leikur:
Ajax – Tottenham.....................................2:3
Matthijs de Ligt 5., Hakim Ziyech 35. – Lu-
cas Moura 55., 59., 90.
 Tottenham í úrslit, 3:3 samanlagt, og
mætir Liverpool í Madrid 1. júní.
Danmörk
B-deild:
Næstved – Roskilde................................. 4:1
 Frederik Schram stóð í marki Roskilde.
Færeyjar
Undanúrslit bikarkeppni, fyrri leikur:
HB – KÍ Klaksvík......................................1:1
 Brynjar Hlöðversson var í byrjunarliði
HB. Heimir Guðjónsson þjálfar liðið.
KNATTSPYRNA
KÖRFUBOLTI
Ívar Benediktsson
iben@mbl.is
Baldur Þór Ragnarsson var í gær
kynntur til leiks sem nýr þjálfari
körfuknattleiksliðs Tindastóls á
Sauðárkróki til næstu þriggja ára.
Hann tekur við af Israel Martin
sem lét af störfum eftir að Tinda-
stóll féll úr úrslitakeppninni í átta
liða úrslitum í síðasta mánuði eftir
tap fyrir Þór frá Þorlákshöfn í
oddaleik liðanna á Sauðárkróki.
Baldur Þór stýrði einmitt Þórslið-
inu í umræddum leik og þótti fara
það einstaklega vel úr hendi.
„Tindastóll hefur gert vel í mörg
ár og er auk þess stórt félag í ís-
lenskum körfuknattleik. Þess
vegna þykir mér spennandi að taka
við liðinu,“ sagði Baldur Þór í sam-
tali við Morgunblaðið í gær.
„Eftir að hafa verið í Þorláks-
höfn alla mína tíð og fannst vera
kominn tími til að fara út fyrir
þægindahringinn þegar sóst var
eftir starfskröftum mínum hjá öðru
liði. Breyta til. Setja meiri pressu á
sjálfan mig sem þjálfara þar sem
ég hef ákveðnar hugmyndir um
hvernig eigi að leika leikinn,“ sagði
Baldur sem er 29 ára gamall. Hann
verður áfram aðstoðarlandsliðs-
þjálfari í karlaflokki samhliða
starfi sínu hjá Tindastóli.
Baldur Þór tók við sem aðal-
þjálfari Þórs í Þorlákshöfn fyrir ári
eftir að hafa verið í þrjú ár þar á
undan aðstoðarþjálfar Einars Árna
Jóhannssonar hjá Þór.
Baldur Þór segir að ekkert hafi
verið því til fyrirstöðu að halda
áfram með Þórsliðið. Sér hafi stað-
ið það til boða en að vel athuguðu
máli hafi það verið sitt mat að hann
hafi gott af tilbreytingunni og að
vinna í nýju umhverfi. „Ég hef
unnið með meistaraflokki Þórs ár-
um saman þótt ég hafi aðeins verið
síðasta árið sem aðalþjálfari. Ég er
og hef verið ánægður í Þorlákshöfn
hjá mjög góðu félagi. Hér þekki ég
allt. Þegar maður hefur metnað til
þess að skipta um umhverfi er rétt
að láta á það reyna þegar færi
gefst til.“
Hefur sínar hugmyndir
Baldur Þór segir forsvarsmenn
Tindastóls hafa haft samband við
sig fljótlega eftir að Þór féll úr leik
í undanúrslitum fyrir KR í síðasta
mánuði. Síðan hafi tekið við samtöl
og vangaveltur.
„Við röbbuðum saman og þeir
viðruðu sínar hugmyndir við mig.
Mér leist vel á og ákvað að láta
slag standa. Þess utan hef ég mín-
ar hugmyndir um körfuknattleik.
Ég er ekki í vafa um að þessi
breyting á eftir að styrkja mig sem
þjálfara,“ sagði Baldur Þór sem
verður ekki aðeins aðalþjálfari
meistaraflokks karla hjá Tindastóli
heldur einnig styrktarþjálfari
yngri flokka félagsins. Baldur Þór
er styrktarþjálfari.
Ljóst er að Brynjar Þór Björns-
son leikur ekki áfram með Tinda-
stóli en hann var eitt helsta tromp
liðsins á nýliðnu keppnistímabili.
Spurður hvort hann sæi fram á
miklar breytingar á leikmanna-
hópnum svaraði Baldur Þór því til
að meðal þess fyrsta sem hann
gerði yrði að ræða við þá leikmenn
sem fyrir hendi væru hjá Tinda-
stóli. „Þegar staðan liggur fyrir þá
tekur við starf við að styrkja liðið
fyrir átökin á næsta keppnis-
tímabili. Þetta er bara spennandi
verkefni,“ sagði Baldur Þór Ragn-
arsson, nýráðinn þjálfari karlaliðs
Tindastóls í körfuknattleik karla.
Fannst tímabært að fara
út fyrir þægindahringinn
 Eftir að hafa slegið Tindastól úr keppni í vor tekur Baldur við þjálfun liðsins
Morgunblaðið/Hari
Ákveðinn Baldur Þór Ragnarsson hefur ákveðnar skoðanir þegar kemur að því að leika körfuknattleik.
Körfuknattleiksdeild Keflavíkur hefur ráðið þrjá nýja
þjálfara í störf hjá meistaraflokksliðum sínum. Jón Hall-
dór Eðvaldsson, sem síðustu ár hefur starfað sem spek-
ingur í sjónvarpsþættinum Körfuboltakvöldi, hefur ver-
ið ráðinn þjálfari kvennaliðs félagsins að nýju. Hann
stýrði Keflavík til Íslandsmeistaratitils árið 2008 og
2011, en Jón tekur við af nafna sínum, Jóni Guðmunds-
syni sem kom Keflavík í úrslitaeinvígi við Val í vor.
Landsliðsmaðurinn Hörður Axel Vilhjálmsson hefur
verið ráðinn aðstoðarþjálfari kvennaliðs Keflavíkur, og
verður því Jóni Halldóri til aðstoðar. Hann mun þó að
sjálfsögðu spila áfram með karlaliðinu, eins og segir í til-
kynningu frá körfuknattleiksdeild Keflavíkur.
Finnur Jónsson, sem síðast þjálfaði karlalið Skallagríms í vetur, hefur
svo verið ráðinn aðstoðarþjálfari karlaliðs Keflavíkur. Hann verður því
Sverri Þór Sverrissyni innan handar en Sverrir verður áfram aðalþjálfari
liðsins. Að sögn Keflvíkinga er frétta af leikmannamálum að vænta á allra
næstu dögum, nú þegar þjálfaramálin eru í höfn.
Keflavík með 3 nýja þjálfara
Jón Halldór
Eðvaldsson
Handknattleiksmaðurinn Þráinn Orri Jónsson verður
ekki áfram í herbúðum norska liðsins Elverum að
keppnistímabilinu loknu. Þetta staðfesti Þráinn við
Morgunblaðið í gær. Hann sagði enn óvíst hvort hann
héldi áfram að leika úti í Evrópu eða flytti heim. Þráinn
Orri lék með Gróttu áður en hann gekk til liðs við Elver-
um fyrir tveimur árum. „Ef ekkert gott býðst þá kem ég
líklegast heim,“ sagði Þráinn Orri sem reiknar með að
gefa sér tíma út þennan mánuð áður en hann ákveður
næsta skref.
Elverum hafnaði í öðru sæti norsku úrvalsdeildar-
innar á leiktíðinni. Liðið er komið í úrslit í úrslitakeppn-
inni og mætir Noregsmeisturum Arendal fyrsta sinni á útivelli á sunnudag-
inn. Vinna þarf þrjá leiki til þess að vinna úrslitakeppnina. Liðið sem
vinnur úrslitakeppnina verður ekki norskur meistari heldur liðið sem vinn-
ur deildarkeppninni, öfugt við það sem er hér á landi. iben@mbl.is
Þráinn Orri yfirgefur Elverum
Þráinn Orri
Jónsson
HANDBOLTI
Olísdeild karla
Undanúrslit, fjórði leikur:
ÍBV – Haukar ........................................30:27
 Staðan í einvíginu er jöfn, 2:2, og liðin
mætast í oddaleik á Ásvöllum á laugardag.
Spánn
Barcelona – Granollers....................... 38:27
 Aron Pálmarsson skoraði ekki fyrir
Barcelona.
Frakkland
Cesson-Rennes – Chambéry............... 18:28
 Geir Guðmundsson skoraði 4 mörk fyrir
Cesson-Rennes.
Þýskaland
Alba Berlín – Bonn............................ 110:98
 Martin Hermannsson skoraði 4 stig og
gaf 3 stoðsendingar á 14 mínútum.
Úrslitakeppni NBA
Austurdeild, undanúrslit:
Toronto – Philadelphia .......................125:89
 Staðan er 3:2 fyrir Toronto.
Vesturdeild, undanúrslit:
Denver – Portland...............................124:98
 Staðan er 3:2 fyrir Denver.
KÖRFUBOLTI
Framleiðum allar gerðir
límmiða af mismunandi
stærðum og gerðum
Thermal
Hvítir miðar
Litamiðar
Forprentaðir
Athyglismiðar
Tilboðsmiðar
Vogamiðar
Lyfsölumiðar
Varúðarmiðar
Endurskinsmiðar
Flöskumiðar
Verðmer
Selhellu 13 • 221 Hafnarfirði • Sími 554 0500 • bodtaekni.is
kimiðar
Límmiðar