Morgunblaðið - 01.08.2019, Blaðsíða 22

Sigtryggur Sigtryggsson
sisi@mbl.is
Borgarráð hefur tekið jákvætt í
erindi Malbikunarstöðvarinnar
Höfða hf. um úthlutun lóðar á Esju-
melum á Kjalarnesi. Samþykkti ráð-
ið að hafnar yrðu viðræður um út-
færslu og skilmála úthlutunar undir
forystu skrifstofu borgarstjóra og
borgarritara í samráði við umhverf-
is- og skipulagssvið.
Höfði er í eigu borgarsjóðs
Reykjavíkur og Aflvaka hf. en við
stofnun fyrirtækisins árið 1996 sam-
einuðust tvö borgarfyrirtæki, Mal-
bikunarstöð og Grjótnám Reykja-
víkurborgar, í eitt félag.
Höfði óskar eftir lóð sem sé allt
að 65.000 fermetrar að stærð. „Til-
drög umsóknar eru þau að núver-
andi lóð fyrirtækisins við Elliðaár-
vog (Sævarhöfði 6-10) verður tekin
undir íbúðarbyggð og liggja þar
miklir hagsmunir Reykjavíkur-
borgar sem Höfði hefur fullan skiln-
ing á,“ segir í bréfi Höfða.
Búið er að segja upp afnota- og
lóðarleigusamningi við félagið vegna
núverandi aðstöðu. Uppsagn-
arfrestur vegna þess samnings
rennur út hinn 30. júní 2021 og þarf
félagið því að vera tilbúið að hefja
starfsemi á nýjum stað fyrir þann
tíma.
Malbik og vetrarþjónusta
Það séu jafnframt miklir hags-
munir Reykjavíkurborgar að þetta
lykilfyrirtæki í malbiksframleiðslu
og vetrarþjónustu í höfuðborginni
sé áfram í fullum rekstri. Stjórn
Höfða og stjórnendur hafi farið
gaumgæfilega yfir þá kosti sem
gætu verið í boði og telja að Esju-
melar henti starfsemi félagsins.
Á lóðinni þarf að vera rúm fyrir
framleiðslustöðvar malbiks, sem eru
nógu afkastamiklar til að anna eftir-
spurn eftir vörum fyrirtækisins, auk
tilheyrandi mannvirkja. Einnig þarf
að vera gott rými fyrir hráefnalager
fyrirtækisins. Fyrirtækið áformar
að byggingar verði samtals 8.550
fermetrar, þar af verði framleiðslu-
stöðvar malbiks ásamt tilheyrandi
búnaði 7.000 m2. Rými fyrir hráefna-
lager yrðu að mestu leyti yfirbyggð.
Hráefnum (steinefnum) fyrir fram-
leiðsluna er einkum safnað yfir vetr-
ar- og vormánuði og þarf að vera
pláss fyrir nokkrar tegundir stein-
efna í mismunandi stærðum, um 80-
100.000 tonn í allt að 10 til 15 mis-
stórum efnishaugum.
Fram kemur í bréfi Höfða að gert
sé ráð fyrir að birgðatankar asfalts
verði annaðhvort í Sundahöfn eða
Hafnarfjarðarhöfn, en til lengri
tíma litið koma aðrar staðsetningar
til greina. Væntanlega þarf að aka
með asfaltið á tankbílum á Esju-
mela.
Höfði er nú með þrjá asfalttanka
á athafnasvæði sínu. Asfaltið kom
með sérstökum skipum sem lögðust
að höfninni í Ártúnshöfða og þaðan
var bikinu dælt í tankana. Höfnin er
ekki lengur í notkun og tankarnir
munu einnig víkja úr Ártúns-
höfðanum.
Höfði hyggst reisa framleiðslu-
stöðvarnar með bestu fáanlegu
tækni með tilliti til umhverfismála
og útlits. Strangar kröfur gilda hér
á landi um útblástur ryks og ann-
arra efna vegna starfseminnar.
Þeim er og verður fylgt, segir Höfði.
Í Ártúnshöfða eru einnig Steypu-
stöðin og BM Vallá. Þau fyrirtæki
munu einnig víkja fyrir íbúðarbyggð
í tímans rás.
Mogunblaðið/sisi
Malbikunarstöðin Höfði Núverandi athafnasvæði í Ártúnshöfða er umfangsmikið enda er vélabúnaður mikill og
stórir haugar þar af steinefnum. Stefnt er að því að vélabúnaður í nýju stöðinni verði af fullkomnustu gerð.
Framleiðsla malbiks á Kjalarnesið?
 Malbikunarstöðin Höfði hefur sótt um lóð á Esjumelum  Verður að yfirgefa Ártúnshöfðann 2021
Asfalttankar Þrír tankar Höfða þurfa einnig að víkja fyrir íbúðarbyggð. Skip
geta ekki lengur lagst að Ártúnshöfða og því verða tankarnir ekki í notkun.
22 FRÉTTIRInnlent
MORGUNBLAÐIÐ FIMMTUDAGUR 1. ÁGÚST 2019
Malbik er slitlag sem haft er á
götur, flugvelli og víðar og
framleitt úr grjótmulningi og
jarðbiki, segir í alfræðiritinu
Wikipediu.
Algengt er að hlutfall grjót-
mulnings í malbiki sé 93-95%
en jarðbiks 5-7%. Hvort tveggja
er síðan hitað upp og blandað
saman við u.þ.b. 155-160°C. Að
lokum er heitt malbikið valtað,
til að þjappa því saman og fá
slétt yfirborð.
Grjótmuln-
ingur og bik
MALBIK FRAMLEITT
í ferðalagið!
Ódýrt
og gott
110 kr.pk.
Oatburst hafragrautur
Ódýr
t
Ódýrt
Morgun
matur
á 1 mín.
5stk.
á 220 kr.
Bland
í poka
Afgreiðslutímar á www.kronan.is Öll verð eru birt með fyrirvara um prentvillur og/eða myndabrengl.
99 kr.pk.
FP saltstangir, 250 g
199 kr.pk.
FP safi 5 x 250 ml.