Morgunblaðið - 06.08.2019, Blaðsíða 10

10 FRÉTTIRInnlent
MORGUNBLAÐIÐ ÞRIÐJUDAGUR 6. ÁGÚST 2019
DRAUMAEIGN Á SPÁNI
Nánar á www.spanareignir.is
ÞÚ ERT Í ÖRUGGUMHÖNDUMHJÁ OKKUR
Aðalheiður Karlsdóttir
Löggiltur fasteignasali
adalheidur@spanareignir.is
Sími 893 2495
Ármúla 4-6, Reykjavík
Karl Bernburg
Viðskiptafræðingur
karl@spanareignir.is
Sími 777 4277
Ármúla 4-6, Reykjavík
Við höfum selt fasteignir á Spáni síðan 2001
PUNTA PRIMA – GLÆSILEG SAMEIGN
Verð frá 24.700.000 Ikr.
(183.000 evrur, gengi 1evra/135Ikr.)
• 2 eða 3 svefnherbergi
• 2 baðherbergi
• Glæsilegur sameiginlegur
sundlaugargarður
• Stórar svalir, þakverönd eða
sér garður
• Sér geymsla og stæði í bílakjallara
• Stutt í ótal golfvelli
• Stutt í verslanir og veitingastaði
Smiðjuvegur 68, Kópavogi | S. 587 1350 | bifreidaverkstaedi.is
Höfum sérhæft okkur í Toyota viðgerðum síðan 1995
Fljót, örugg og persónuleg þjónusta
Allar almennar bílaviðgerðir
Landverðir í Kerlingarfjöllum stóðu erlenda
ferðamenn að utanvegaakstri um helgina. Um
minni háttar spjöll var að ræða, samkvæmt því
sem fram kemur á Facebook-síðu lögreglunnar á
Suðurlandi.
Sá háttur var hafður á að ferðamennirnir voru
látnir hafa kústa og hrífur og gert að lagfæra
hjólförin sem komið höfðu eftir bifreið þeirra.
Lögreglan á Suðurlandi er með málið til rann-
sóknar.
Óku utanvegar í Kerlingarfjöllum
Rósa Margrét Tryggvadóttir
rosa@mbl.is
Síðasta keppnisdegi heimsleikanna
í crossfit, sem haldnir voru í Ma-
dison í Wisconsin-ríki í Bandaríkj-
unum dagana 1. til 4. ágúst lauk
formlega í gær og úrslit liggja
fyrir. Hinn bandaríski Mathew
Fraser tryggði sér efsta sætið og
heimsmeistaratitilinn í aðalkeppni
karla en hin ástralska Tia-Clair
Toomey endaði í fyrsta sæti í að-
alkeppni kvenna.
Sex Íslendingar tóku þátt í að-
alkeppni einstaklinga og fjórir í
öðrum flokkum.
Björgvin Karl Guðmundsson
varð efstur íslensku keppendanna
í aðalkeppni einstaklinga en hann
hafnaði í þriðja sæti í einstakl-
ingskeppni karla en hann var
þriðji í mark í síðustu æfingu gær-
dagsins.
Annie Mist í tólfta sæti
Katrín Tanja Davíðsdóttir end-
aði í fjórða sæti í einstaklings
keppni kvenna og Þuríður Erla
Helgadóttir í tíunda sæti. Annie
Mist Þórisdóttir, sem er tvöfaldur
heimsmeistari í crossfit, endaði í
tólfta sæti og Ragnheiður Sara
Sigmundsdóttir í tuttugasta sæti
og Oddrún Eik Gylfadóttir hafnaði
í 39. sæti. Hvorki Annie Mist né
Ragnheiður Sara komust í gegn-
um niðurskurð í keppninni í fyrra-
dag og Oddrún Eik náði ekki inn
fyrir hann. Eftir niðurskurðinn
stóðu aðeins eftir tíu keppendur í
hvorum flokki. Var þetta í fyrsta
skiptið sem niðurskurður var
gerður svo snemma í leikunum.
Er þetta í fyrsta skiptið síðan
árið 2013 sem engin íslensk kona
nær verðlaunasæti. Í fyrra hafnaði
Katrín Tanja í þriðja sæti og 2017
tók Annie Mist bronsið. Katrín
Tanja var heimsmeistari tvö ár í
röð, 2015 og 2016 og auk þess
hafnaði Ragnheiður Sara í þriðja
sæti bæði árin. Árið 2014 tryggði
Annie Mist sér silfrið.
Brynjar Ari í þriðja sæti
Íslendingar í öðrum flokkum en
aðalkeppni fullorðinna á heims-
leikunum í ár voru fjórir talsins.
Sigurður Þrastarson endaði í
þriðja sæti í flokki 35 til 39 ára
karla en Stefán Helgi Einarsson
hafnaði í því sjötta.
Brynjar Ari tryggði sér þriðja
sætið í flokki 14 til15 ára drengja
og Hilmar Þór Harðarson endaði í
fimmta sæti í flokki karla 60 ára
og eldri.
Engin íslensk kona
í verðlaunasæti
 Björgvin varð efstur Íslendinga á heimsleikum í crossfit
Þrekraunir Keppendur hafa þurft að leggja ýmislegt á sig síðastliðna daga.
Sterk Íslensku keppendurnir í aðalkeppni einstaklinga á crossfit-leikunum.
Sigurjón Þórsson bílstjóri, sem varð
fyrir því óláni að aka olíubíl út af
þjóðvegi 1 á Öxnadalsheiði þar sem
hann valt, hefur ákveðið að hætta
akstri stórra bíla í atvinnuskyni.
Sigurjón, sem er 33 ára gamall,
hefur starfað sem atvinnubílstjóri
með hléum yfir 13 ára tímabil.
Hann kveðst með þessari ákvörðun
axla ábyrgð á mistökum sínum. Í
samtali við Morgunblaðið síðastlið-
inn laugardag lýsti Sigurjón slysinu
en hann hafði dottað eitt augnablik
með þeim afleiðingum að bifreið
hans lenti utan vegar. Slysið á
Öxnadalsheiðiðinni er fyrsta slysið
sem Sigurjón lendir í á bílstjóraferli
sínum en hann á að baki á fimmta
hundrað þúsund kílómetra atvinnu-
akstur í það heila.
Vel hugað að starfsfólki
Fram kom í viðtalinu að Sigurjón
hefði unnið mikið áður en slysið
varð en ekki nægilega skýrt að
hann stundaði aukavinnu við leigu-
bílaakstur um helgar meðfram
störfum sínum hjá Olíudreifingu.
Fyrst og fremst megi rekja upp-
safnaða þreytu hans til þeirra
starfa. Hjá Olíudreifingu sé hins
vegar vel hugað að því að starfs-
menn virði og haldi hvíldartíma-
ákvæði svo sem reglur segi fyrir
um.
Þakklátur Olíudreifingu
„Minn fráfarandi vinnuveitandi,
Olíudreifing, bæði stjórnendur og
aðrir starfsmenn, hefur stutt mig í
þeim áföllum sem ég hef orðið fyrir
undanfarið ár, því mun ég ekki
gleyma og þakka ég þeim sam-
starfið,“ segir Sigurjón sem hafði
sagt starfi sínu lausu og hugðist
flytja búferlum frá Akureyri til
Hafnar í Hornafirði þar sem hann
hafði ráðið sig í nýtt starf sem leið-
beinandi við Framhaldsskóla Aust-
ur-Skaftafellssýslu. Af því verður
þó ekki og Sigurjón einbeitir sér nú
að því langa bataferli sem fram-
undan er.
Hann kveðst fyrst og fremst
þakklátur fyrir að hafa ekki valdið
öðrum tjóni með því óhappi sem
varð við veltu olíubílsins, það sé svo
sannarlega kraftaverk að enginn
hafi verið á ferðinni þar á þeim tíma
sem það varð.
Morgunblaðið/Margrét Þóra
Óhapp Sigurjón Þórsson ætlar að einbeita sér að því á næstunni að ná bata.
Þreytan vegna
aukavinnu
 Bílstjórinn hættir akstri stórra bíla