Skessuhorn - 08.04.2015, Qupperneq 4

4 MIÐVIKUDAGUR 8. APRÍL 2015
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skilafrestur smáauglýsinga er
til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.573 krónur með vsk. á mánuði. Elli- og örorkulífeyrisþegar greiða
kr. 2.230. Rafræn áskrift kostar 2.023 kr. Rafræn áskrift til elli- og örorkulífeyrisþega er 1.867
kr. Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Eva Hlín Albertsdóttir evahlin@skessuhorn.is
Kristján Gauti Karlsson kgauti@skessuhorn.is
Þórhallur Ásmundsson, blaðamaður th@skessuhorn.is
Magnús Þór Hafsteinsson, blaðamaður mth@skessuhorn.is
Auglýsingar og dreifing:
Emilía Ottesen, markaðsstjóri emilia@skessuhorn.is
Pálína Alfreðsdóttir palina@skessuhorn.is
Valdimar Björgvinsson valdimar@skessuhorn.is
Tinna Ósk Grímarsdóttir (vefauglýsingar) tinna@skessuhorn.is
Umbrot:
Ómar Örn Sigurðsson omar@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Hafið þið tekið
eftir vextinum?
Ég er viss um að dyggir lesendur Skessuhorns hafa á undanförnum vikum
og misserum tekið eftir því að við höfum mikið verið að fjalla um ný fyrir-
tæki í ferðaþjónustu, breytingar á starfsemi og vöxt sem augljóslega er að
eiga sér stað í þessari nýjustu atvinnugrein Íslendinga. Nú höfum við ekk-
ert sérstaklega verið að leitast eftir þessu efni umfram aðrar fréttir. Stað-
reyndin er hins vegar sú að þarna er á ferðinni mesta gróskan og nýsköp-
unin og því fréttnæmt fyrir okkur sem landshlutamiðil að færa á borð fyr-
ir lesendur. Sem dæmi um þá stórkostlegu atvinnusköpun sem er að eiga
sér stað er hægt að nefna af handahófi hótel og veitingastað á Vegamótum,
gististað í Ólafsvík, kaffihús og gistihús í Grundarfirði, ísgöng í Langjökli,
hótelstækkun í Borgarnesi, Æðarsetur, endurbætta ferju, kaþólskt hótel
og margt fleira í Stykkishólmi, Náttúrulaugar við Deildartunguhver, lúx-
ushótel í Húsafelli, samkomuhúsið á Arnarstapa, sjóstangveiðifyrirtæki á
Akranesi, breyttar áherslur á Þórisstöðum sem felast meðal annars í fót-
boltagolfvelli, bætt safn á Hlöðum og áfram væri lengi hægt að telja. Nær
allar þessar framkvæmdir og breytingar eru unnar af iðnaðarmönnum úr
héraði og eru því að færa þeim verðskuldaða atvinnu. Menn ættu því að láta
af barlómi um að ekkert sé að gerast og skorti nýsköpun á Vesturlandi.
En ferðaþjónusta er ekki einvörðungu að fjölga störfum. Hún er að laða
fram úr fylgsnum ýmsan fróðleik um söguna og heldur jafnframt við þekk-
ingu sem annars myndi glatast. Ljómalind í Borgarnesi er til dæmis um
hóp fólks sem framleiðir og selur matvæli og fleira undir merkjum Beint
frá býli. Þessi hópur ætlar í vor að færa sig um set nær þeim stöðum sem
ferðamenn stoppa nú þegar. Halla í Fagradal framleiðir, vinnur og selur
lambakjöt með hvannarbragði, náttúrukryddað kjöt af bestu gerð. Svip-
að gerir fólkið á Bjarteyjarsandi. Þorgrímur á Erpsstöðum leyfir gestum að
komast í nálægð við kýrnar og selur þeim síðan vörur sem unnar eru úr af-
urðum búsins. Að bjóða gestum okkar upp á það sem við kunnum að mat-
búa er náttúrlega það sem sóst er eftir. Allir ferðamenn hafa áhuga á mat-
arhefð þeirra landa sem þeir heimsækja og vilja kynnast menningu og sögu
þessara þjóða. Að sama skapi er staðsetning gistihúss við höfnina í Ólafs-
vík náttúrlega frábær. Gestir geta af gististað sínum horft yfir höfnina og
fylgst með lífinu þar, lífæðinni sem gerir Ólafsvík að þeim stað sem hann er.
Gaui litli á Hlöðum sýnir gestum sögu hernámsáranna í Hvalfirði og Krist-
ján Karl í Ferstiklu er með litla sýningu um hvalskurð. Við eigum að vera
stolt af atvinnusögunni okkar, segja gestum af hverju við sem þjóð erum
ekki löngu flúin til heitari landa þar sem kannski væri auðveldara að þreyja
þorrann. Magnús Freyr á Akranesi byggir upp lítið fyrirtæki sem fer með
þýska ferðamenn á sjóstöng. Hvar annarsstaðar en á Íslandi ætti að bjóða
upp á slíka þjónustu?
Hér er ég einungis búinn að nefna örfá dæmi um þá miklu nýsköpun
sem er að eiga sér stað á Vesturlandi. Ferðaþjónusta mun stóraukast á okk-
ar svæði á þessu ári og næstu árum. Landfræðileg nálægð við höfuðborg-
arsvæðið og mettun Suðurlands mun tryggja það. Fólk er tilbúið að fjár-
festa í mannvirkjum og öðru og veðjar á þennan vöxt. Ef einhver vandamál
eru snúa þau helst að hinu opinbera sem er hægara til verka en einkaaðilar.
Við erum á eftir í uppbyggingu samgöngumannvirkja. Fjarskipti eru drag-
bítur og menntakerfið hefur ekki undan að mennta fólk til þeirra greina
sem eftirspurn er eftir. En ég trúi því að þrýstingur frá þessum nýju at-
vinnugreinum muni jafnvel ná að trekkja stjórnmálamennina í gang. Að
þeir beini fjárveitingum til uppbyggingar innviða til að þessi nýjasta at-
vinnugrein blómstri. Skili greininni til baka hluta þeirra skatttekna sem
hún er að skaffa. En uppúr stendur að ferðaþjónusta er komin til að vera
hér á landi. Frábærast er þó að Vesturland er komið á kortið.
Magnús Magnússon
Samkvæmt bráðabirgðatölum frá
Hagstofu Íslands fyrir árið 2014
dróst heildar aflaverðmæti íslenskra
skipa saman um 10,9 prósent sam-
anborið við árið 2013. Þar munaði
mest um að verðmæti loðnu og síld-
ar minnkaði mikið. Aflaverðmæti á
Vesturlandi jókst hins vegar um 4,4
prósent milli áranna 2013 og 2014.
Vegur þar sjálfsagt mest aukning í
aflaverðmæti þorsks.
Botnfiskur skilaði rúmlega 92
milljörðum í aflaverðmæti á síðasta
ári. Það er 1,1 prósenta samdrátt-
ur frá fyrra ári. Verðmæti botn-
fisktegunda að þorski undanskild-
um minnkaði milli ára. Þorskur-
inn skilaði hins vegar aukningu upp
á 11,9 prósent. Aflaverðmæti hans
var 53 milljarðar króna árið 2014.
Flatfiskaflinn gaf rúma 7 milljarða
á síðasta ári. Það var 28 prósenta
samdráttur frá fyrra ári. Aflaverð-
mæti grálúðu minnkaði mest á milli
ára, eða um 2,6 milljarða.
Mesti samdráttur varð eins og
fyrr sagði í verðmæti uppsjávar-
aflans. Það minnkaði um ríflega
fjórðung (26,5%) á milli ára. Loðn-
an gaf aðeins 3,8 milljarða króna á
síðasta ári en árið fyrr var aflaverð-
mæti hennar 16,4 milljarðar. Afla-
verðmæti síldar var 9,5 milljarð-
ar á síðasta ári og dróst saman um
10 prósent frá 2013. Aflaverðmæti
makríls nam 15,3 milljörðum króna
árið 2014 sem var um það bil það
sama og á fyrra ári. Verðmæti kol-
munnaaflans jókst hins vegar þó
nokkuð. Það nam 4,7 milljörðum
samanborið við ríflega 3 milljarða
árið 2013.
Skel- og krabbadýr gáfu 3,7
milljarða króna í fyrra. Það var
17,8 prósenta minnkun samanbor-
ið við 2013. Verðmæti rækjuaflans
minnkaði um tæpan þriðjung (29
prósent). Það var 2,5 milljarðar.
Aflaverðmæti humars nam rúmum
milljarði og jókst um 29 prósent
samanborið við árið 2013.
mþh
Hjá Laugafiski á Akranesi er þessa
dagana að fara af stað verkefni sem
beinist að því að bæta gæði lofts-
ins sem fer út í umhverfið frá starf-
semi fyrirtækisins. Við eftirþurrk-
unarstöð fyrirtæksins við Vestur-
götu á Akranesi er búið að koma
fyrir tækjabúnaði sem í eru búnað-
ur og tvær stórar síur sem samtals
munu draga í gegnum sig 30 þús-
und rúmmetra af lofti á klukku-
tíma úr vinnsluhúsinu. Í síunum
er sívökvi sem á að binda til sín þá
lykt sem er í loftinu sem kemur úr
vinnsluhúsinu. Sighvatur Sigurðs-
son hjá Laugafiski segir að áætlað
sé að búið verði að tengja búnað-
inn fljótlega eftir páska. Búnaður-
inn var keyptur í gegnum Kemi frá
Danmörku. Þar hefur hann reynst
vel í fóðuriðjum og svínabúum.
„Við erum alltaf að reyna að
finna bestu lausnirnar,“ segir Sig-
hvatur. Hann segir að HB Grandi,
sem er eigandi Laugafisks, hafi ver-
ið búinn að kaupa þennan nýja bún-
að þegar forsvarsmenn sex annarra
þurrkvinnsla í landinu lýstu yfir
áhuga sínum að taka þátt í verk-
efninu. Notkun þessa nýja síubún-
aðar er því sameiginlegt tilrauna-
verkefni. „Þetta er stærsta verkefni
okkar af þessu tagi síðan við fór-
um í stóra efnagreiningarverkefn-
ið 2008. Þar fór fram greining á því
hvaða efnasambönd það væru sem
mynduðu lyktina frá þurrkuninni,“
segir Sighvatur.
Eins og áður sagði verður bún-
aðurinn settur upp við eftirþurrk-
un á framleiðsluvörum Laugafisks
sem er við enda Vesturgötu. Það-
an er talið að sterkasta lyktin komi
frá framleiðslu Laugafisks. Vonir
standa til að loftgæðin frá Lauga-
fiski batni því á næstu vikum með
tilkomu þessa nýja búnaðar. þá
Aflaverðmæti íslenskra skipa varð ellefu prósentum minna árið 2014 samanborið
við 2013 en það jókst hins vegar um 4,4 prósent á Vesturlandi. Hér er það Sæþór
Gunnarsson sjómaður í Ólafsvík sem hampar þeim systkinum þorski og ýsu í upp-
hafi ársins 2014.
Aflaverðmæti dróst töluvert
saman á síðasta ári
Nærmynd af gámnum með búnaðinum sem er með síunum tveimur.
Leitast við að bæta loftgæðin
frá Laugafiski
Gámurinn með nýja tækjabúnaðinum stendur við gafl eftirþurrkunarstöðvarhúss Laugafisks við Vesturgötu. Eins og sjá má á
myndinni er verið að byggja utan um hann.