Skessuhorn - 15.07.2015, Blaðsíða 4

MIÐVIKUDAGUR 15. JÚLÍ 20154
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smáaug-
lýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.573 krónur með vsk. á mánuði. Elli- og örorkulífeyrisþegar greiða
kr. 2.230. Rafræn áskrift kostar 2.023 kr. Rafræn áskrift til elli- og örorkulífeyrisþega er 1.867
kr. Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Anna Rósa Guðmundsdóttir arg@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Magnús Þór Hafsteinsson mth@skessuhorn.is
Auglýsingar og dreifing:
Emilía Ottesen, markaðsstjóri emilia@skessuhorn.is
Valdimar Björgvinsson valdimar@skessuhorn.is
Umbrot og hönnun:
Ómar Örn Sigurðsson omar@skessuhorn.is
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Þeir ruddu brautina og gera enn
Fyrir ríflega tveimur áratugum varð ég þeirrar gæfu aðnjótandi að fá sum-
arvinnu í Húsafelli. Náði þannig bærilegum launum milli þessara þriggja
vetra sem stundað var háskólanám á Bifröst. Það var og er jú nám sem kost-
ar sitt og ekki voru námslán þeirra tíma rífleg til okkar geldinganna sem
þar voru án þess að hafa börn á framfæri. Kosturinn var hins vegar sá að
námslánin var fljótlegt að greiða upp. Því var gott að fá slíka sumarvinnu.
Þarna í Húsafelli fékk ég smjörþef af ferðaþjónustu hjá þeim manni sem
ruddi hvað fyrstur brautina hér á landi í þjónustu við ferðafólk og fékk að
minnsta kosti mig til að trúa á framtíð þessarar nýju atvinnugreinar. Krist-
leifur á Húsafelli var brautryðjandi. Hann var frumkvöðull af því kalíberi
að maður gat ekki annað en hrifist með þegar hann var að lýsa hugmynd-
um sínum um eitt og annað. Ég hef reyndar sagt að Kristleifur hafi verið á
að giska þremur til fimm áratugum á undan sinni samtíð. Slíkir menn eru
nauðsynlegir allri framþróun. Án þeirra yrðu ekki framfarir, svo einfalt er
það. Þannig spái ég því að sá dagur muni renna upp að hugmynd hans um
þriggja jökla þjóðgarð verði að veruleika í uppsveitunum. Saga Jarðvangur
er vísir að því. Allir þekkja að ísgöngin eru nú orðin að veruleika, en sum-
arið fyrir tuttugu árum gróf Kristleifur einmitt út íshelli og sýndi að slíkt
væri hægt, andstætt trú flestra. Hann hafði hugmyndir um vatnsútflutning,
virkjaði ána og bjó til straum og gerði sitthvað fleira sem of langt mál yrði
að telja upp.
Fyrir tveimur áratugum lýsti Kristleifur fyrir mér hugmynd að hóteli
sem hann langaði til að yrði byggt í Húsafelli. Nú í dag er hugmynd hans
orðin að veruleika með samtakamætti afkomenda hans og frænda í Húsa-
felli og með góðri þátttöku borgfirskra iðnaðarmanna. Í dag verður einmitt
tekið á móti fyrstu gestunum í einu glæsilegasta hóteli landsins. Þetta hótel
er alls ekki svo ólíkt því sem gamli maðurinn rissaði á bakhlið nótu í bens-
ínskúrnum í Húsafelli þarna um árið þegar hann sannfærði mig um að slík
framkvæmd væri skynsamleg.
Það sem ég ber nú mesta virðingu fyrir í Húsafelli er hvernig stórfjöl-
skylda Kristleifs og Sigrúnar á Húsafelli heldur uppi merkjum ferðaþjón-
ustunnar. Ef til vill er þetta sönnun þess að ef fólk trúir á mátt markaðs-
setningar, fegurð landsins, mannauð og að þjónusta þurfi að vera góð, þá er
allt hægt. Nú þegar hótelið er opnað gestum lítur strax vel út með nýtingu
þess. Ég er sannfærður um að orðsporið mun tryggja það sem uppá vant-
ar. Hátt í hundrað listaverk eftir Pál Guðmundsson skreyta salarkynni og
aðkomu að hótelinu. Með Páli að vegghleðslum utandyra kom annar snill-
ingur; Unnsteinn Elíasson hleðslumeistari frá Ferjubakka. Um bygginguna
sá Eiríkur J Ingólfsson byggingameistari í Borgarnesi sem lagði rækt við að
fá til liðs við sig verktaka úr heimahéraði. Handverk og hönnun, frágang-
ur og allt sem augað sér ber þessu fólki öllu fagurt vitni. En það var ekki
þrautalaust að byggja hótel í uppsveitum Borgarfjarðar á síðustu tólf mán-
uðum. Segja má að einungis síðasta mánuð hafi veðráttan verið skapleg.
Inni í veggjum og í steyptu gólfi eru mörg hundruð metrar af plaströrum
sem varð að leggja til að hægt væri að halda steypunni óskemmdri meðan
hún harðnaði. Bylurinn var svo svartur þegar stærsta gólfplatan var steypt
að ekki sást á milli enda í byggingunni. Allt varð að takast til að ákveðin
tímasetning gengi upp. Og hún gekk upp.
Ferðaþjónusta á Íslandi er ennþá að slíta barnsskónum. Það eru innan við
fimmtíu ár síðan Húsfellingar brugðu stóru fjárbúi til að hefja þjónustu við
ferðafólk. Þá ruddu þeir brautina – og gera enn. Mikið vildi ég að metnað-
ur allra sem stunda ferðaþjónustu væri í líkingu við það sem ég hef orðið
áskynja hjá frændgarði Kristleifs Þorsteinssonar.
Magnús Magnússon.
Uppsjávarveiðiskipið Ingunn AK
150 sem var í eigu Haraldar Böðv-
arssonar hf. á Akranesi og síðar HB
Granda hefur nú verið afhent nýj-
um eigendum sem eru Vinnslu-
stöðin hf. í Vestmannaeyjum. Þessa
dagana liggur skipið í Reykjavík
þar sem það er málað og yfirfar-
ið. Skrokkur Ingunnar hefur feng-
ið nýjan lit og er nú orðinn grænn
með gulri rönd. Búið er að mála
nýtt nafn á skipið. Það heitir nú Ís-
leifur VE 63. Skip með því nafni
hafa verið gerð út frá Vestmanna-
eyjum um áratugaskeið.
mþh
Lundey NS, uppsjávarveiðiskip
HB Granda sem lagt var við festar
í Akraneshöfn snemma í vor, held-
ur aftur til veiða í þessari viku, þeg-
ar skipinu verður stefnt á makríl-
miðin. Útgerð Lundeyjar var hætt
þegar Venus NS bættist ný í flota
HB Granda í maímánuði. Það var
reyndar með þeim fyrirvara að
hugsanlega yrði Lundey notuð sem
eins konar varaskip eða viðbót þeg-
ar mikið lægi við í veiðum sem á
markíl og jafnvel loðnu. Stoppið frá
í vor hefur meðal annars verið not-
að til að sinna viðhaldi á Lundey.
Málarar hafa verið þar að störfum
og aðalvél skipsins var tekin upp.
Þegar verið var að gangsetja vél-
ina að nýju eftir upptekt kom upp
bilun. „Einn stimpillinn reif sig í
slífinni. Hann festist og boltarn-
ir sem halda honum við sveifaráss
leguna slitnuðuð. Slífin brotnaði en
sveifarásinn slapp og blokkin einn-
ig,“ sagði Karl Sigurjónsson skipa-
eftirlitsmaður hjá HB Granda við
Skessuhorn á mánudag. Þannig
reyndist bilunin mun minni en ótt-
ast var í fyrstu. Unnið var kappsam-
lega að viðgerðum. „Við fáum vara-
hluti erlendis frá og stefnum að því
að skipið haldi til veiða í vikunni,“
sagði Karl. Nú þegar eru önnur
uppsjávarskip HB Granda, þau Faxi
og Venus, bæði á makrílveiðum.
mþh
Nýverið var unnið við lagfæringar á
lóðum við iðnaðarhverfið Sólbakka
í Borgarnesi. Meðal annars var
þökulagt við bílastæði húss Orkuveitu
Reykjavíkur. Allt slíkt er til bóta eins
og sjá má.
bhs
Orsök ærdauðans í vetur og vor er
enn óljós samkvæmt fyrstu áfanga-
skýrslu Matvælastofnunnar sem
kynnt var í liðinni viku. „Rann-
sókn á útbreiddum og óvenjumikl-
um fjárdauða í vetur og vor hef-
ur enn ekki leitt í ljós hver ástæð-
an er. Fyrsta áfangaskýrsla Mat-
vælastofnunnar um rannsóknina er
kominn á vef stofnunarinnar. Þar
eru greind svör við spurningakönn-
un sem gerð var meðal sauðfjár-
bænda í gegnum Bændatorg Bún-
aðarstofu. Eftir að farið hafði verið
í gegnum hana, svör grisjuð og tvö-
föld svör tekin út, sátu eftir svör frá
311 bændum. Þessir bændur misstu
samtals 4.095 kindur í vetur og vor
sem er um 4,1% af bústofni þess-
ara bænda. Þetta er um helmingi
meira en þeir misstu á heilu ári þar
á undan. Þetta stemmir í grófum
dráttum við fyrri bráðabirgða-
birgðatölur sem gerðar hafa verið
opinberar,“ segir í tilkynningu frá
Landssambandi sauðfjárbænda.
Slæm hey
Jón Viðar Jónmundsson ráðu-
nautur hjá Bændasamtökunum
ritar athyglisverða grein í síð-
asta Bændablað, með heitinu „Að
liðnu löngu vori.“ Þar rekur hann
það sem hann telur ástæðuna fyr-
ir óvenjulega miklum afföllum á
sauðfjárbúum í vetur og vor. Fyrst
og fremst segir hann að gras hafi
verið úr sér sprottið og seint sleg-
ið vegna veðráttunnar síðasta sum-
ar. Gefum Jóni Viðari orðið: „Síð-
asta sumar var, sérstaklega um vest-
urhluta landsins, óvenjulega úr-
takasamt til fóðuröflunar. Fóður
fyrir sauðfé var því óvenjuslakt allt-
of víða á þessu svæði og á einstaka
búi um allt land sem því miður á sér
of oft stað. Jafnvel virðist í einstaka
tilvikum því miður að fremur hefði
átt að tala um heyfenginn sem út-
vatnaðan hálm en gróffóður fyr-
ir sauðfé. Of margir bændur stóðu
því frammi fyrir aðstæðum á síðasta
hausti sem þeir góðu heilli höfðu
ekki þurft að takast á við í marga
áratugi.“
Í grein sinni bendir Jón Við-
ar meðal annars á að dregið hafi
úr vigtun á ám að vetri og erfiðara
sé að stjórna t.d. kjarnfóðurgjöf í
stórum hópum þar sem notaðar eru
gjafagrindur. Bændur hafi þann-
ig ekki áttað sig á hvert stefndi fyrr
en of seint. Jón Viðar átelur yfirlýs-
ingagleði úr stétt dýralækna þegar
rætt hafi verið um mögulegan smit-
sjúkdóm og segir starfsfólk MAST
skulda bændum afsökunarbeiðni. Í
lok greinar sinnar tekur Jón Við-
ar fram að skrif sín túlki eingöngu
skoðanir hans en ekki á neinn hátt
skoðanir þeirra stofnana sem hann
hefur starfað við. mm
Þessi mynd var tekin af Ísleifi VE, fyrrum Ingunni AK, við bryggju í Reykjavík í
liðinni viku.
Ingunn að verða Ísleifur
Lundey við bryggju á Akranesi í lok síðustu viku.
Lundey stefnt á makrílveiðar
Snyrt til við
Sólbakkann
Mynd af hluta greinar Jóns Viðars í Bænda-
blaðinu 9. júlí.
Sums staðar mætti fremur líkja
gróffóðrinu við útvatnaðan hálm