Skessuhorn - 15.07.2015, Blaðsíða 30

MIÐVIKUDAGUR 15. JÚLÍ 201530
Hvað vakti helst athygli þína
á ferðalagi um Vesturland?
Spurning
vikunnar
(Spurt í Borgarnesi)
Elizabeth Spice og Peter Spice,
Ástralíu
Dramatískt landslagið.
Flora Gerber, Swiss
Hvalfjörður og landslagið.
Karin Enz Gerber, Swiss
Hestarnir, kindurnar og fjólu-
bláu Lúpínurnar.
Daniela Manzini, Ítalíu
Snæfellsnes.
Don Pearson og Stephanie Pe-
arson, Bandaríkjunum
Hraunið og fjölbreytt landslag.
Dagana 23. - 26. júlí næstkomandi
verður Íslandsmótið í golfi hald-
ið á Garðavelli á Akranesi. Þar
munu allir bestu kylfingar lands-
ins etja kappi og berjast um Ís-
landsmeistaratitilinn á fjögurra
daga móti. „Undirbúningur hófst
árið 2013 þegar klúbbnum var út-
hlutað mótinu,“ sagði Guðmund-
ur Sigvaldason, framkvæmdastjóri
Golfklúbbsins Leynis, þegar blaða-
maður Skessuhorns ræddi við hann
í síðustu viku. „Það er hefð fyrir því
að klúbbar sem eiga stórafmæli fái
að halda Íslandsmótið,“ bætir hann
við, en Leynir fagnaði einmitt 50
ára afmæli sínu þann 15. mars síð-
astliðinn.
„Þegar árið 2013 var hafist handa
við að þurrka upp völlinn. Ráðist var
í að grafa skurði og drena völlinn.
Strax í vor var hann orðinn þurr og
flottur. Svo duttum við í lukkupott-
inn með kalt og þurrt sumar fram-
an af,“ segir Guðmundur. „Einn-
ig var farið í að laga teiga og stíga,
reisa byggingar, mála klúbbhús-
ið, golfskálann og fleira í þeim dúr.
Félagsmenn og starfsfólk klúbbsins
hefur lagt á sig mikla vinnu til að
gera umgjörð mótsins sem besta.
Allur húsakostur hefur verið tekinn
í gegn. Sett hefur verið upp salerni
miðsvæðis úti á vellinum, við enda
6. og 14. holu,“ bætir hann við og
segir gesti vallarins hafa verið mjög
ánægða með tilkomu þess.
Undir lok síðasta árs var mynd-
aður undirbúningshópur. Móts-
stjóri er Viktor Elvar Viktors-
son, fyrrum formaður Golfklúbbs-
ins Leynis. „Hópurinn hefur unn-
ið skipulega að undirbúningi móts-
ins í allan vetur. Viktor þekkir hér
mjög vel til og veit nákvæmlega
hvernig hlutirnir virka. Hann mun
meðal annars skipuleggja allt sjálf-
boðastarf á mótinu og sjá um sam-
þættingu allra verkefna sem þarf að
inna af hendi,“ segir Guðmundur.
Ætla að gera upplifun
keppenda sem besta
„Að halda Íslandsmót er aðeins
meira en að halda venjulegt golf-
mót. Sérstaklega er öll umgjörð
mótsins stærri í sniðum. Hún verð-
ur öll sú glæsilegasta. Hér verð-
ur sett upp áhorfendastúka við 18.
flöt þar sem hægt verður að fylgj-
ast með bæði 9. og 18. holu. Einnig
verður útbúin aðstaða fyrir blaða-
menn, keppendur og mótsstjórn.
Við komum til með að leysa það
með tjöldum og gámahúsum þar
sem klúbbhúsið og aðstaðan er í
minna lagi hjá okkur,“ segir Guð-
mundur.
Mótið verður í beinni útsend-
ingu á RÚV síðari tvo keppnisdag-
ana, eftir niðurskurðinn. Áhorf-
endur á Garðavelli geta einnig
fylgst með útsendingunni á stórum
skjá sem settur verður upp á svæð-
inu. Á skjánum verður einnig tafla
með skori keppenda sem uppfærist
á meðan móti stendur. Sett verð-
ur upp hljóðkerfi við fyrsta teig þar
sem kylfingar verða kynntir til leiks
og ræstir út eins og þekkist víða á
mótum erlendis. „Eins og ég sagði
áðan þá verður umgjörðin öll stærri
og meiri en gengur og gerist og að
ýmsu sem þarf að huga, stóru sem
smáu. Til dæmis hafa verið útbú-
in glæsileg gögn sem keppendur fá,
vallarvísir og fleira. Gestir og aðr-
ir fá mótsskrá og yfirlitsmynd af
vellinum,“ segir Guðmundur. „Æf-
ingasvæðið hefur verið tekið alger-
lega í gegn og markmið okkar er að
halda hér flott Íslandsmót og gera
upplifun keppenda sem besta.“
Klúbburinn heppinn
með fólkið sitt
Keppendur á Íslandsmótinu geta
mest verið um 150 talsins og Guð-
mundur býst við miklum fjölda
gesta ef veður verður gott. Næg
bílastæði verða á svæðinu og mark-
mið klúbbsins er að öll þjónusta við
bæði kylfinga og gesti verði til fyr-
irmyndar.
Fjölmargir sjálfboðaliðar munu
vinna á mótinu alla mótsdagana.
Vinnudagar verða langir, golfskál-
inn opnaður snemma og lokað seint
og vallarstarfsmenn munu vinna
frá kvöldi til morguns því völlur-
inn verður ekki sleginn yfir daginn.
„Klúbburinn er heppinn með öflug-
an og góðan hóp félags- og starfs-
manna sem eru tilbúnir að koma að
undirbúningi mótsins með virkum
hætti. Ég er rosalega stoltur af þeim
og heppinn með þetta fólk,“ segir
Guðmundur glaður í bragði. Einn-
ig nefnir hann að ekki væri hægt að
taka að sér svona mót nema með
stuðningi og styrk vel valinna fyrir-
tækja og samstarfsaðila. „Þar kem-
ur Akraneskaupstaður með mikl-
um myndarskap að málum. Ég er
þakklátur hvað bæjarfélagið hefur
stutt vel við bakið á okkur. Einnig
fengum við styrk frá menntamála-
ráðuneytinu að verðmæti fimm
miljónir króna til að vinna að end-
urbótum vegna Íslandsmótsins,“
segir hann, en ráðuneytið úthlutar
reglulega styrkjum til landsmóts-
staða. „Klúbburinn er þakklátur
öllum styrktar- og samstarfsaðilum
sem komið hafa að þessu með ein-
um og öðrum hætti. Án þeirra gæt-
um við líklega ekki tekið að okk-
ur að halda svona stórt mót,“ bætir
Guðmundur við.
Félagsandinn góður
Garðavöllur er í dag talinn einn
af bestu völlum landsins, hannað-
ur sem keppnisgolfvöllur. Frá því
hann varð 18 holu völlur árið 2000
hafa þar verið haldin öll helstu
golfmót GSÍ. Að GL fái að halda
Íslandsmótið í ár segir Guðmund-
ur enn frekari viðurkenningu á
gæðum vallarins. Fjölmargir kylf-
ingar hafa lagt leið sína á Garða-
völl í sumar og félagsmönnum
Golfklúbbsins Leynis hefur fjölg-
að undanfarin ár. „Hér hefur ver-
ið mikil umferð gesta og við höf-
um séð aukningu frá því sem verið
hefur. Íslandsmótsvöllurinn er allt-
af vinsæll ár hvert, það er völlurinn
sem allir vilja spila. Bókun hefur því
verið mjög góð í sumar, alveg síð-
an við opnuðum í vor og út sum-
arið. Við höfum séð fjölgun félags-
manna, félagsandinn er góður og
það skilar sér í áhugasömum nýlið-
um. Bjartsýnin er mikil á að vel tak-
ist til í ár með öll stór viðfangsefni,“
bætir hann við.
„Ég vil hvetja sem flesta til að
gera sér ferð á Garðavöll að horfa á
bestu kylfinga landsins og sjá glæsi-
legan völl skarta sínu fegursta,“
segir Guðmundur að lokum.
kgk
Styttist í Íslandsmótið í golfi sem haldið
verður á Garðavelli á Akranesi
Upphafshögg á annarri holu. Púttað á annarri holu.
Slegið af þriðja teig. Guðmundur Sigvaldason, framkvæmdastjóri Golfklúbbsins Leynis.
Æfingasvæðið hefur verið tekið í gegn fyrir komandi Íslandsmót. Valdís Þóra Jónsdóttir er fremsti kylfingur Golfklúbbsins Leynis um þessar mundir.
Hún mun leika Íslandsmótið á sínum heimavelli og vafalítið ætla sér stóra hluti.
Ljósm. úr safni.