Skessuhorn - 15.07.2015, Blaðsíða 12

MIÐVIKUDAGUR 15. JÚLÍ 201512
Tryggvi Þór Skarphéðinsson hjól-
aði hringveginn á tveimur vik-
um nú í sumar. Hann kom í
Borgarnes nú á föstudaginn síð-
asta og hitti blaðamaður Skessu-
horns hann að máli yfir kaffibolla.
Tryggvi hefur alltaf hjólað en fór
að hjóla meira eftir að hann lenti
í slysi fyrir tveimur árum. Hann
hefur þó aldrei hjólað svona lang-
ar vegalengdir eins og hann gerði
þessar tvær vikur á hringveginum.
„Mig hefur lengi langað að hjóla
hringveginn og tók ákvörðun um
að láta verða af því en ég vildi gera
eitthvað meira úr því. Ég ákvað
því að safna peningum til styrktar
unglingastarfi Einhverfusamtak-
ana. Samtökin standa fyrir ung-
lingahópum bæði á Akureyri og í
Reykjavík þar sem 12-20 ára ung-
lingar á einhverfurófinu geta hist
og gert eitthvað saman. Ég vildi
líka opna fyrir umræðu um ein-
hverfu en mér finnst það hafa
vantað,“ segir Tryggvi en hann á
sjálfur yngri bróðir sem er ein-
hverfur.
„Þetta var mikið erfiðara en
ég bjóst við, sérstaklega að vera
þreyttur og svangur einhvers
staðar lengst frá öllu og öllum,“
segir Tryggvi aðspurður um það
hvort ferðin hafi verið erfiðari en
hann bjóst við. „Ég hef ekki ver-
ið að hjóla svona vegalengdir áður
en ég var að hjóla að meðaltali
100 kílómetra á dag og stundum
alveg í níu klukkustundir í mót-
vindi. Það var líka eitt og annað
sem kom upp á og hjólaði ég t.d.
einn daginn um 185 km og 90 af
þeim með sprungið dekk á vagn-
inum mínum, pabbi kom svo og
tók vagninn fyrir mig. Síminn
minn brotnaði líka á degi fjög-
ur svo ég var ekki með snjall-
síma í svona 5-6 daga og gat því
ekki einu sinni hlustað á tónlist,
það var frekar erfitt og leiðinlegt.
Síminn styrkti mig svo með fín-
um síma svo ég gat hlustað á tón-
list, þá varð þetta miklu skemmti-
legra,“ bætir hann við.
Ferðinni lauk á laugardaginn
þegar Tryggvi hjólaði frá Borgar-
nesi til Reykjavíkur, þar sem hóp-
ur stuðningsmanna tók á móti
honum. „Ætli ég fái mér ekki bara
gott að borða og fari svo í sund,“
sagði Tryggvi aðspurður um hvað
hann ætli sér að gera í lok ferð-
arinnar.
Hægt er að styrkja Einhverf-
usamtökin með millifærslu á reikn-
ingsnúmerið 0334-26-002204,
kennitala 700179-0289. Eins er
hægt að senda skilaboðin „ein-
hverfa“ í númerið 1900 og styrkja
þannig samtökin um 1900 kr. arg
Piero Sardo, einn af stofnendum
Slow Food samtakanna og fram-
kvæmdastjóri Slow Food Founda-
tion for Biodiversity, var staddur
hér á landi í liðinni viku ásamt fríðu
föruneyti. Slow Food eru alþjóð-
leg samtök sem hafa það að mark-
miði að auka vitund fólks um mik-
ilvægi matarmenningar, þekkingar,
hefðar og uppruna matvæla. Upp-
haflega voru samtökin stofnuð til
að sporna við skyndibitamenningu
og staðlaðri matvælaframleiðslu.
„Margt er hægt að gera á Íslandi.
Þetta er lítið land og miklu hægt að
áorka við kynningu á matvöru sem
framleidd er í nærumhverfinu,“
sagði Piero í samtali við Skessu-
horn. „Fyrsta skrefið verða Íslend-
ingar að taka og þá á sínum heima-
slóðum. Frumkvæði heimamanna
er það sem skiptir mestu máli. En
auðvitað skiptir líka miklu máli að
vera hluti af alþjóðlegu samfélagi,“
bætir hann við.
Slow Food um heim allan hef-
ur undanfarin ár lagt mikla áherslu
á að skrá afurðir (matvæli, nytja-
plöntur og húsdýrakyn) sem eru
í útrýmingarhættu í svokallaða
„Bragðörk“ (Ark of Taste“) og um
leið og þessar afurðir eru lífvænleg-
ar eru þær færðar í Presidia. Það er
verkefni ætlað að koma til bjargar
hefðbundnum afurðum, framleidd-
um með hefðbundnum hætti sem
eiga á hættu að falla í gleymskunn-
ar dá og viðhalda þar með líffræði-
legum fjölbreytileika matvæla. Þær
Hjólaði til styrktar einhverfum
Tryggvi Þór Skarphéðinsson kom hjólandi í Borgarnes á föstudaginn.
Stofnandi Slow Food heimsótti bændur á Vesturlandi
afurðir þurfa að uppfylla strang-
ar kröfur um lýsingu, gæði og upp-
runavottun.
Skyrið og geitin
færð í Presidia
Tvær íslenskar afurðir voru færðar
inn í Presidia á meðan heimsókn-
inni stóð. Annars vegar íslenska
geitin og hins vegar íslenska skyrið.
„Sem staðfestir gagnvart heiminum
öllum gildi þessara afurða og verð-
mæti í menningararfi Íslendinga,
uppskriftin um alvöru skyr (ekki
jógúrt) er þá varðveitt,“ segir í til-
kynningu Slow Food Reykjavík.
En hvernig vegnar framleiðend-
um sem eru hluti af þessu verkefni?
„Nú þegar eru 450 framleiðendur
hluti af Presidia. Af þeim hafa 80%
skilað jákvæðri rekstrarafkomu síð-
an þeir urðu hluti af verkefninu. En
það er ekki aðeins fjárhagslega hlið-
in sem skiptir máli, með þessu eru
þeir orðnir hluti af alþjóðlegu neti,
geta samsamað sig hver öðrum og
skapað sér sjálfsmynd,“ segir Piero.
Komu við á lykilstöðum
Hópurinn heimsótti í ferð sinni um
Vesturland geitabúið á Háafelli í
Borgarfirði og Erpsstaði í Dölum,
þar sem framleitt er íslenskt skyr.
Einnig heimsótti hópurinn aðra ís-
lenska framleiðendur sem eru hluti
af Slow Food samtökunum.
Í Hlésey í Hvalfirði tók Piero
hús á hænsnabændunum Jóhönnu
Harðardóttur og Sigurði Ingólfs-
syni, en þau halda þar landnáms-
hænur. Piero hafði orð á því að
beinast lægi við að taka hænurnar
inn í Presidia, aðeins þyrfti fyrst að
skoða hvernig fóðri þær væru ald-
ar á og ganga úr skugga um að það
stæðist allar kröfur. Einnig var far-
ið vestur í Ytri-Fagradal á Skarðs-
strönd í Dalasýslu þar sem Halla
Sigríður Steinólfsdóttir og Guð-
mundur Gíslason rækta hvanna-
lömb, lömb sem alin eru á hvönn
sem náttúrulega bragðbætir kjötið.
„Til að komast inn í Presidia
er framleiðandi fyrst tilnefndur
af Slow Food félögum í sínu ná-
grenni. Síðan þarf að standast kröf-
ur sem gerðar eru til hans um lýs-
ingu, gæði og upprunavottun af-
urðar. Þegar framleiðandi hefur
verið tekinn inn í Presidia er hann
orðinn hluti af alþjóðlegu neti og
getur notað merki Presidia til að
selja þessa afurð,“ segir Piero Sardo
að lokum.
kgk
Hjónin og hænsnabændurnir Sigurður Ingólfsson og Jóhanna G. Harðardóttir í Hlésey, Ólafur Dýrmundsson, Elisa Demichelis, Dominique Plédel Jónsson, Piero Sardo og
Eirný Sigurðardóttir.
Piero Sardo með kiðling í fanginu á búinu hjá Jóhönnu Þorvaldsdóttur, geitabónda á Háafelli í Borgarfirði. Þar tilkynnti hann
að íslenska geitakynið hefði verið tekið inn í Presidia. Ljósm. Dominique Plédel Jónsson.
Hópurinn hóf ferð sína um Vesturland í Hlésey í Hvalfirði og skoðaði landnáms-
hænurnar hjá Jóhönnu G. Harðardóttur og Sigurði Ingólfssyni.