Skessuhorn - 15.07.2015, Blaðsíða 21

MIÐVIKUDAGUR 15. JÚLÍ 2015 21
Búvörulög og flutn-
ingur verkefna
LANDIÐ: Alþingi samþykkti 1. júlí
síðastliðinn frumvarp um breytingu
á lögum um framleiðslu, verðlagn-
ingu og sölu búvöru. Þau lög hafa í
daglegu máli verið kölluð Búvörulög
og er það heiti nú fest í lög. Helstu
breytingar sem gerðar eru og snerta
störf Matvælastofnunar felast í því að
verkefni sem Bændasamtök Íslands
hafa sinnt og lúta að ákvörðunum
um opinberar greiðslur, útreikning,
afgreiðslu og eftirliti þeirra færast nú
til Matvælastofnunar. Með lögunum
er Matvælastofnun einnig ætlað að
annast söfnun upplýsinga um fram-
leiðslu búvara og birta árlega skýrslu
um framleiðslu liðins árs, vinnslu
á búvörum og sölu þeirra. Þá skal
Matvælastofnun árlega gera áætl-
un um neyslu mjólkurvara byggða
á upplýsingum frá afurðastöðvum
sem lið í undirbúningi ákvörðunar
um heildargreiðslumarks mjólkur ár
hvert. Með bráðabirgðaákvæði í lög-
unum er Matvælastofnun heimilað
til 1. janúar 2017 að ráða þá starfs-
menn Bændasamtaka Íslands sem
unnið hafa við þau störf sem nú fær-
ast til stofnunarinnar án þess að þau
störf verði auglýst. –mm
Gengur vel í
Grímsá og Kjósinni
VESTURLAND: Það virðist sem
töluvert hafi gengið af laxi á síð-
asta straumi, þá sérstaklega smá-
lax. Veiðin hefur þannig tekið góð-
an kipp í Norðurá, Þverá, Haffjarð-
ará, Grímsá, Laxá í Leirársveit og
Laxá í Kjós. Norðurá er ennþá efsta
veiðiáin. „Veiðiskapurinn gengur
vel í Grímsá og það eru yfir 20 lax-
ar á land núna,“ sagði Haraldur Ei-
ríksson er við spurðum um stöðuna
í veiðinni hjá Hreggnasa. „Það eru
svona 15-16 laxar í Kjósinni á dag,“
bætti Haraldur við, en hann var þá
staddur við Laxá í Kjós. „Já, veiðin
hefur tekið verulegan kipp. Langá-
in hefur verið að gefa vel,“ sagði Ari
Hermóður Jafetsson framkvæmda-
stjóri Stangaveiðifélags Reykjavíkur
í samtali við Skessuhorn. „Hauka-
dalsáin hefur verið að gefa þokka-
lega og þverá sem rennur í hana, en
vatnið er mikið í Hauku. Það hefur
greinilega komið eitthvað af fiski á
síðasta straumi. Leirvogsáin er öll að
koma til og hefur gefið á milli 50 og
60 laxa,“ sagði Ari ennfremur. „Laxá
í Leirársveit hefur gefið um 80 laxa
og veiðimenn hafa verið að fá góða
veiði,“ sagði Ólafur Johnson er við
spurðum um veiðina þar, en hún fór
rólega af stað en er nú öll að glæðast.
–gb
Matís og Keldur
LANDIÐ: Atvinnuvega- og nýsköp-
unarráðuneytið gerði í síðustu viku
þjónustusamninga við Tilraunastöð
Háskóla Íslands að Keldum og Matís
ohf. um að taka að sér að gegna hlut-
verki tilvísunarrannsóknastofa fyr-
ir Íslands hönd á tilteknum sviðum.
Með þessu er íslenska ríkið að upp-
fylla skyldu samkvæmt EES-samn-
ingnum á sviði matvælaöryggis. Í til-
kynningu frá atvinnuvegaráðuneyt-
inu kemur fram að með tilnefningu
tilvísunarrannsóknastofa sé ætlun-
in að stuðla að miklum gæðum og
samræmi greiningarniðurstaðna.
„Þær gegna margþætti hlutverki, svo
sem að veita landsbundnum tilvís-
unarrannsóknarstofum upplýsing-
ar um greiningaraðferðir, samræma
beitingu aðferða við greiningar og
skipuleggja samanburðarprófanir. Þá
miðla þær þekkingu og upplýsing-
um frá tilvísunarrannsóknarstofum
ESB til lögbærra yfirvalda og veita
lögbærum yfirvöldum vísindalega og
tæknilega aðstoð við að koma á sam-
ræmdum eftirlitsáætlunum.“ –mm
Víða um land er pottur brotinn
í ásigkomulagi sauðfjárveikiv-
arnargirðinga og er slælegu við-
haldi kennt þar um. Fjárskortur
kemur svo í veg fyrir úrbætur.
Yfirdýralæknir telur nú brýnt að
ráðist verði hið fyrsta í að gera
við Snæfellslínu, Gilsfjarðarlínu,
Miðfjarðarhólf og nokkra parta
til viðbótar. Talið er að þetta
muni kosta á bilinu tíu til ell-
efu milljónir króna. „Víða ann-
ars staðar eru sauðfjárveikivarn-
argirðingar varla fjárheldar og
nauðsynlegt að verja fé til bóta
á t.d. Tvídægrulínu, Hvamms-
fjarðarlínu og Kjalarlínu sem
gætu kostað allt að átta milljón-
um. Þá eru ótaldar aðrar línur
þar sem þarf að laga eða endur-
nýja, s.s. Hvalfjarðarlína, Bláskó-
galína, Kýlingarlína o.fl. Til
viðhalds þessa kerfis sauðfjár-
veikigirðinga þarf a.m.k. 25 til
30 milljónir króna árlega. Ekki
hefur verið farið í verulega end-
urnýjun á girðingum síðan árið
2013 þegar fé fékkst úr Verð-
miðlunarsjóði (sem dugði ekki
til),“ stendur í pistli um málið á
vef Landssamtaka sauðfjárbænda
(saudfe.is). Samtökin hafa und-
anfarið beitt sér fyrir úrbótum í
þessum málum. mþh
Nú í sumar hefur starfsfólk Frystiklefans í
Rifi á Snæfellsnesi staðið fyrir leiklistarnám-
skeiði fyrir börn í leikskólum Snæfellsbæj-
ar. Þetta er hluti af samstarfssamningi bæj-
arfélagsins við Frystiklefann. Á mánudag
lauk leiklistarnámskeiðinu sem hófst í byrj-
un júní með því að allir nemendur voru út-
skrifaðir með grænan frostpinna í hendi.
„Þau eru búin að vera alveg frábær, eru með
svo óheflað ímyndunarafl og geta leikið hvað
sem er. Þau bregða sér í hlutverk froska, gír-
affa, ganga yfir ímyndaðar brýr og hvaðeina.
Fyrir okkur leiklistarfólk þá er mjög gefandi
að leika með börnum. Þeim fannst allt mjög
gaman, biðu alltaf eftir okkur þegar við kom-
um og allt var þetta mjög skemmtilegt. Þau
dönsuðu og fóru í alls konar leiki. Starfsfólk-
ið á leikskólunum er líka mjög flott,“ segir
Kári Viðarsson leikari og Frystiklefastjóri.
Auk Kára hafa þær Bianca Hisse frá Brasi-
líu, Jordine Cornish frá Ástralíu og Anna
Margrét Káradóttir komið að þessum leik-
listarnámskeiðum leikskólabarnanna. „Við
förum líka á dvalarheimilið Jaðar í Ólafsvík
og erum þar með söngdagskrá eða upplestur
úr bókum og lesum ljóð. Svo erum við líka
með dansskóla og leiklistarskóla fyrir krakk-
ana hér í bænum. Það er mjög gott fyrir
þau að geta fengið faglega kennslu í þessum
greinum um sumartímann. Þetta er allt búið
að ganga mjög vel,“ segir Kári. Hann seg-
ir að erillinn hafi verið mikill í Frystiklefan-
um það sem af er sumri. „Það er bilað mik-
ið að gera. Bæði hefur ferðamönnum fjölgað
mjög og svo er það dagskráin hér sem þarf
að halda gangandi. Sumarið er búið að vera
fínt og það er bara hálfað.“
mþh
Krakkarnir í leikskólunum á Hellissandi og í
Ólafsvík við útskriftina ásamt kennurum.
Útskrift af leiklistarnámskeiði með grænum frostpinnum
Fjallmyndarlegir hrútar í grennd við Vatnshelli á Snæfellsnesi nú í júní. Lóndrangar í fjarska.
Sauðfjárveikivarnargirðingar í lamasessi