Skessuhorn - 23.09.2015, Blaðsíða 7

MIÐVIKUDAGUR 23. SEPTEMBER 2015 7
Bílskúrshurðir
fyrir íslenskar aðstæður
Gjáhella 4 • 221 Hafnarfjörður • Sími 569 2100 • hedinn.is
Héðinshurðir eru glæsilegar og endingargóðar bílskúrshurðir sem hafa
sannað sig í rysjóttu íslensku veðurfari. Gerðar úr galvanhúðuðu stáli
með þykkri einangrun, þola mikið vindálag og kulda.
Fyrsta flokks viðhalds- og varahlutaþjónusta.
Ítarlegar leiðbeiningar um uppsetningu fylgja.
Það er alltaf nóg að gera hjá Eiríki
J. Ingólfssyni byggingameistara
í Borgarnesi. Eftir því hefur ver-
ið tekið hversu vel honum gekk að
hafa næg verkefni fyrir starfsmenn
eftir að hrunið reið yfir 2008. Í
liðinni viku kom blaðamaður við á
verkstæðinu hjá Eiríki og ræddi við
hann um starfsemina og fékk að
skoða nýja gluggavél sem fyrirtæk-
ið festi nýverið kaup á. „Ég ákvað
að efla gluggaverksmiðjuna hjá
okkur og nú erum við bæði fljótari
og getum framleitt meira en þó án
þess að þurfa að auka mannskap.
Það eru alltaf svona fjórir hér á
verkstæðinu og þeir sjá um glugga-
smíðina,“ segir Eiríkur. „Það eru
um það bil 20 strákar í vinnu hjá
mér núna og það er gott að þurfa
ekki að auka við þann fjölda þrátt
fyrir að efla gluggaframleiðsluna.
Þeir segja nefnilega strákarnir að
ef ég fer yfir 20 starfsmenn þá sé
svo stutt í næsta tug,“ segir Eirík-
ur og hlær.
Skiptir máli að
ráða þá sem hafa
áhuga á smíðum
Eiríkur flutti í Borgarnes árið 1969
og fór þá að vinna sem húsgagna-
smiður hjá Neshúsgögnum. „Það
kemur enn fyrir að ég komi inn á
heimili og sjái húsgögn sem ég hef
smíðað,“ segir hann. Eiríkur ákvað
svo að læra húsasmíði og fyrir 24
árum stofnaði hann fyrirtækið Ei-
rík J. Ingólfsson ehf. Aðspurður
hver sé galdurinn við svona rekst-
ur segist hann hafa ákveðnar regl-
ur sem hann reynir að fara alltaf
eftir. „Númer eitt er að mæta allt-
af í góðu skapi í vinnuna og núm-
er tvö er að segja alltaf já við strák-
ana þegar þeir biðja um frí. Það
hringdi t.d. maður í mig núna ný-
lega og spurði hvernig gengi. Ég
svaraði því að það gengi bara vel,
strákarnir væru allir í réttum,“
segir hann og hlær. „Ég reyni líka
alltaf að passa tvennt, að ráða ein-
göngu þá sem hafa alvöru áhuga á
að smíða og þá sem eru skapgóð-
ir og geta vaknað á morgnana. Svo
skiptir náttúrulega miklu máli að
allir sem vinna fyrir mig viti að
það er bara einn sem ræður, það
er ég,“ segir hann og hlær. Einnig
segist Eiríkur reyna að sinna öll-
um sem hafa samband, hvort sem
hann fái svo verkið eða ekki. „Með
því að reyna að sinna öllu tryggi ég
að það sé alltaf nóg af verkum fram
í tímann, með svona marga í vinnu
þarf maður alltaf að hafa nóg fyrir
þá að gera.”
Sá um byggingu á
Hótel Húsafelli
Aðspurðu um það sem framundan
er segist Eiríkur hafa næg verkefni.
„Við sáum um hótelið á Húsafelli
og á þeim tíma þurfti allur mann-
skapurinn að sinna því. Við sömd-
um því um að færa minni verk-
efnin aftar í röðina og nú erum við
búnir að vera að vinna þau upp.
Það vissu allir hvenær hótelið átti
að verða klárt og strax 13. júlí fór
síminn á fullt, allir að hringja og
spyrja hvenær við gætum komið,“
segir Eiríkur. Um gluggasmíð-
ina segist Eiríkur ekki hafa hug á
að fara í gluggaframleiðslu í meira
mæli en verið hefur. „Við erum
fyrst og fremst að smíða glugga
fyrir okkur sjálfa og ákveðna verk-
taka. Við smíðum t.d. ef það vantar
einn glugga í hús eða eitthvað slíkt.
Við erum ekki að fara að framleiða
í heilu blokkirnar. Við höfum lengi
verið í þessu en nú getum við bara
gert meira og verið fljótari að því.
Þetta er mjög flott vél, allt tölvu-
stýrt og sjálfvirkt og strákarnir
þurfa ekki einu sinni að standa á
meðan þeir vinna á vélinni,“ segir
Eiríkur kátur að lokum. arg
Mætir alltaf í góðu skapi í vinnuna
Eiríkur Ingólfsson og nýja gluggavélin.
Nú er að ljúka framkvæmdum við
nýjan 2,5 km. vegarkafla frá Stóra-
Ási í Hálsasveit, yfir í Hvítársíðu og
þaðan stuttan kafla í báðar áttir; frá
Bjarnastöðum fram undir afleggj-
ara að Hótel Á á Kirkjubóli og hins
vegar áleiðis fram fyrir sumarbú-
staðabyggðina á Bjarnastöðum.
Undanfarna daga hefur vinna stað-
ið yfir sléttun og klæðningu veg-
arins en það er Borgarverk sem er
aðalverktakinn. Þrátt fyrir að ekki
sé um langan vegarkafla að ræða
er þetta verk engu að síður stærsta
einstaka nýframkvæmd sem lokið
verður við í vegagerð á Vesturlandi
þetta árið.
mm/ Ljósm. bhs
Nýr vegarkafli við
Bjarnastaði yfirlagður