Skessuhorn - 23.09.2015, Blaðsíða 12

MIÐVIKUDAGUR 23. SEPTEMBER 201512
Á framhaldsaðalfundi Eyrbyggju-
Sögumiðstöðvar 31. ágúst síðast-
liðinn samþykktu 12 stofnmeðlimir
félagsins samhljóða að leggja niður
sjálfseignarstofnunina Eyrbyggju-
Sögumiðstöð. Á þeim fundi var
sjálfseignarstofnuninni kosin slit-
astjórn sem fundaði fyrst 2. septem-
ber síðastliðinn og lagði fram tillögu
um hvernig slitum á félaginu skyldi
háttað. Horfa yrði til þess að í stofn-
samningi um Eyrbyggju-Sögumið-
stöð væri kveðið á um að kæmi til
þess að félagið yrði lagt niður skyldi
eignum þess ráðstafað þannig að þær
fari til sambærilegra mála og mark-
mið sögumiðstöðvarinnar haldist.
Tillaga slitastjórnar frá fundinum er
eftirfarandi: „Slitastjórn Eyrbyggju-
Sögumiðstöðvar leggur til að bæjar-
stjórn Grundarfjarðarbæjar taki við
öllum verkefnum, eignum og skuld-
um Eyrbyggju-Sögumiðstöðvar og
feli menningarnefnd þau verkefni
sem Eyrbyggja-Sögumiðstöð hef-
ur staðið fyrir.“ Þetta kemur fram í
fundargerð slitastjórnarinnar, dag-
sett 2. september 2015.
Í bókun bæjarstjórnar frá 10. sept-
ember síðastliðnum segir: „Bæjar-
stjórn Grundarfjarðar tekur undir
tillögu slitastjórnar sem fram kem-
ur í 2.tl. fundargerðar hennar frá
02.09.2015 um það að bæjarstjórn
taki við öllum verkefnum, eignum
og skuldum Eyrbyggju-sögumið-
stöðvar og feli menningarnefnd þau
verkefni sem Eyrbyggja-Sögumið-
stöð hefur haft með höndum.“
Menningarnefnd sinni
sömu málefnum
Þrátt fyrir að Eyrbyggja-Sögumið-
stöð hafi formlega verið lögð niður
segir Þorsteinn Steinsson, bæjar-
stjóri Grundarfjarðarbæjar, að mál-
efnum hennar verði sinnt áfram,
líkt og kveður á um í stofnsamþykkt
félagsins. „Menningarnefnd á að
sinna þessum sömu hlutum áfram.
Eini munurinn er að þetta verður
ekki lengur Eyrbyggja-Sögumið-
stöð heldur munu málefni sem hún
sinnti áður heyra undir menningar-
nefnd Grundarfjarðarbæjar,“ sagði
Þorsteinn Steinsson í samtali við
Skessuhorn.
Að sögn hans var sjálfseign-
arstofnunin um sögumiðstöðina
skuldlaus. Orðalagið í bókun sveit-
arstjórnar, þar sem talað er um að
bæjarstjórn taki við „eignum og
skuldum,“ sé einungis formsins
vegna. Venja sé að tala um bæði
eignir og skuldir þegar félög eru
lögð niður og eignum þeirra skipt.
Sveitarfélagið sé því ekki að taka á
sig neinar skuldir.
Eyrbyggja-Sögumiðstöð hefur
fengið föst framlög sveitarfélags-
ins til verkefna sinna og segir Þor-
steinn að það hafi verið einu tekjur
hennar. Þó sjálfseignarstofnun-
in hafi verið lögð niður verði þeim
peningum áfram varið til málefna
sem sögumiðstöðin sinnti áður.
„Einu tekjurnar sem sögumiðstöð-
in hefur eru framlagið sem bærinn
hefur lagt inn í verkefnið. Þetta á
bara að vera rekið á sléttu og upp-
leggið er að framlögin nýtist áfram
til þessara mála,“ sagði Þorsteinn.
kgk
Eyrbyggja-Sögumiðstöð lögð niður
Fjölmenni var á Bókasafni Akra-
ness í gær þegar Illugi Gunnars-
son, mennta- og menningarmála-
ráðherra og fulltrúar þriggja sveit-
arfélaga á Vesturlandi skrifuðu
undir þjóðarsáttmála um læsi. Það
voru Regína Ásvaldsdóttir bæjar-
stjóri Akraneskaupstaðar, Skúli
Þórðarson sveitarstjóri í Hvalfjarð-
arsveit og Árni Hjörleifsson odd-
viti Skorradalshrepps sem undir-
rituðu þjóðarsáttmálann fyrir hönd
sinna sveitarfélaga, ásamt Sylvíu
Heru Skúladóttur fulltrúa Heim-
ilis og skóla. Þjóðarsáttmáli um
læsi er átak sem mennta- og menn-
ingarmálaráðuneytið stendur fyr-
ir í samvinnu við sveitarfélög og
skóla. Markmið átaksins er að öll
börn geti lesið sér til gagns þegar
grunnskólagöngu lýkur. Með und-
irritun sáttmálans skuldbinda sveit-
arfélögin og ríkið sig til að vinna
með öllum tiltækum ráðum að því
markmiði. Framlag ráðuneytisins
til verkefnisins verður í formi ráð-
gjafar, stuðnings, lesskimunar og
aukins samstarfs við foreldra.
Stjórnendur frá öllum skólum
sveitarfélaganna voru viðstaddir
undirritunina ásamt nemendum úr
8. bekk beggja skólanna á Akranesi
og kennurum þeirra. Við athöfn-
ina fluttu Regína Ásvaldsdóttir og
Illugi Gunnarsson ávörp, nemend-
ur úr Tónlistarskóla Akraness léku
á klarínett og Ingó Veðurguð söng
lag herferðarinnar, „Það er gott að
lesa“ við góðar undirtektir. Að lok-
um var boðið upp á kaffi og veit-
ingar.
grþ
Skrifað undir þjóðar-
sáttmála um læsi
Nemendur 8. bekkjar grunnskólanna á Akranesi tóku vel undir þegar Ingó veður-
guð söng.
Sylvía Hera Skúladóttir, Skúli Þórðarson, Regína Ásvaldsdóttir, Árni Hjörleifsson
og Illugi Gunnarsson við líkanið sem inniheldur undirskriftir vegna átaksins.
Gestir frá franska bænum Paimpol
komu í heimsókn til Grundarfjarð-
ar síðastliðinn sunnudag. Paimpol
er vinabær Grundarfjarðar. Að sögn
Sigríðar Hjálmarsdóttur markaðs-
og menningarfulltrúa Grundar-
fjarðar gistir hópurinn hjá grund-
firskum fjölskyldum og hefur nýtt
tímann til að heimsækja bæði fyrir-
tæki og stofnanir í bænum. Tengslin
milli vinabæjanna eru sterk og mik-
ill áhugi er fyrir því að efla þau enn
frekar. Til þess voru ræddar ýmsar
leiðir í heimsókninni. Megintengsl
bæjanna tveggja byggja á sjávar-
útvegi en franskir sjómenn veiddu
við Íslandsstrendur um þriggja alda
skeið. Hópurinn fer frá Grundar-
firði í dag og stefnir á vikuferðalag
um Vestfirði. grþ
Gestir frá frönskum vinabæ
í heimsókn í Grundarfirði
Gestirnir frá vinabænum Paimpol ásamt Þorsteini Steinssyni bæjarstjóra
Grundarfjarðar og Sigurlaugu R. Sævarsdóttur skrifstofustjóra bæjarskrif-
stofunnar. Ljósm. Sigríður Hjálmarsdóttir.
Í síðustu viku fór fram við strönd
Mýra sjókajaknámskeið á vegum
Keilis og Thompson Rivers Uni-
versity í Kanada. Námskeiðið var
liður í leiðsögunámi í ævintýra-
ferðamennsku við kanadíska há-
skólann sem er unnið í samstarfi
við íþróttaakademíu Keilis, eins og
Skessuhorn hefur áður greint frá.
Námið er ætlað þeim sem hafa
mikinn áhuga á ferðamennsku og
útivist við krefjandi aðstæður. Að
útskrift lokinni öðlast nemend-
ur möguleika á að starfa á óhefð-
bundnum og fjölbreyttum vett-
vangi víða um heim í ört vaxandi
grein ævintýraferðamennskunnar.
Nemendum býðst að ljúka fyrri
hluta námsins hér á landi, samtals
80 ECTS einingum. Hafi þeir hug
á að ljúka leiðsögunámi í ævin-
týraferðamennsku eiga þeir síðan
greiða leið í bæði BS og diplóm-
anám við kanadíska háskólann.
kgk
Sjókajakar
við strendur
Vesturlands
Nemendur reru kajökum á námskeiði á Mýrum í síðusutu viku.
Það gekk ekki alltaf snurðulaust fyrir sig að lenda í fjörunni.