Skessuhorn - 23.09.2015, Blaðsíða 30

MIÐVIKUDAGUR 23. SEPTEMBER 201530
„Hvern vilt þú sjá sem næsta
forseta Íslands?“
Spurning
vikunnar
(spurt á Akranesi)
Sigurjón Skúlason
„Ég sé engan fyrir mér sem ég
gæti hugsað mér. En hann þyrfti
helst að vera alveg ópólitískur.“
Nanna Jóhannsdóttir
„Ég gæti vel hugsað mér að hafa
Ólaf Ragnar áfram.“
Ólafur Ólafsson
„Mér dettur enginn í hug sem
mér þykir nógu frambærilegur.“
Ingunn Ríkharðsdóttir
„Ég gæti vel hugsað mér Rögnu
Árnadóttur sem forseta.“
Auður Elísabet Baldursdóttir
„Ég væri alveg til í Ólaf Ragn-
ar áfram.“
Það var sannkölluð hátíðarstund í
Ólafsvík á laugardaginn þegar loka-
leikur fyrstu deildar karla í knatt-
spyrnu var spilaður í viðureign
Víkings og Fjarðabyggðar. Rok og
rigning sló alls ekki á stemninguna.
Mikil eftirvænting var fyrir leik-
inn. Víkingur hafði þegar tryggt
sér efsta sætið og með sigri gat liðið
sett stiga- og/eða markamet í deild-
inni. Áður en leikurinn hófst voru
Umf. Víkingur og Reynir með
skemmtun fyrir yngri flokka félags-
ins í íþróttahúsinu þar sem börnin
tóku þátt í knattspyrnuþrautum og
lögreglan mætti á svæðið og mældi
skothraða barnanna. Náðu mörg
þeirra góðum hraða á knettinum.
Að endingu var boðið upp á grill-
aðar pylsur fyrir alla áður en flaut-
að var til leiks. Þrátt fyrir leiðinda-
veður mættu margir áhorfendur og
gríðarleg stemning var á vellinum.
Víkingar hreinlega yfirspiluðu
gestina sem áttu aldrei neinn mögu-
leika í leiknum. Þrátt fyrir að aðal-
markaskorari liðsins Hrvoje Tokic
hvíldi sig á bekknum sigraði Vík-
ingur 6-2 sem sýnir að liðið hef-
ur mikla breidd og leikmenn spila
með hjartanu og gefa allt sitt í leik-
ina. Eftir leikinn braust út gífurleg-
ur fögnuður meðal leikmanna og
stuðningsmanna liðsins sem féllust
í faðma.
Markametið í 1. deild er 56
mörk en ekki 53 eins og fram kom
í mörgum fjölmiðlum um síðustu
helgi. Víkingur Reykjavík skoraði
56 mörk árið 2013 og vann einn
leikinn 16-0 gegn Völsungi. En aft-
ur á móti eru 17 sigurleikir Víkings
að þessu sinni met eða metjöfnun.
Jónas Gestur Jónasson, formaður
knattspyrnudeildar Víkings, sagði í
samtali við Skessuhorn að þeir réru
öllum árum að halda leikmönn-
um áfram og hafa þegar gert samn-
ing við fimm leikmenn, þá Tomasz
Luba, Admir Kubat, Kenan Turu-
dija, William da Silva og Christian
Martinez. Einnig hefur félagið gert
tveggja ára samning við Ejub Pur-
isevic þjálfara meistaraflokks karla,
sem einnig er yfirþjálfari yngri
flokka og Björn Sólmar Valgeirsson
þjálfara meistaraflokks kvenna.
Um kvöldið var svo lokahóf
meistaraflokks karla og kvenna hjá
Víkingi haldið með borðhaldi og
skemmtiatriðum auk dansleiks. Á
hófinu voru leikmenn heiðraðir
og leikmaður tímabilsins var val-
inn Admir Kubat hjá körlunum
en Berglind Ósk Kristmundsdótt-
ir hjá körlunum. Fehima Líf Pur-
isevic var valin efnilegasti leikmað-
ur kvennaflokks en Kristinn Magn-
ús Pétursson efnilegasti leikmaður
karlaliðsins. af
Bikarinn á loft í Ólafsvík
Víkingar fagna að leikslokum. Ljósm. af.
Víkingar fagna með stuðningsmönnum. Ljósm. af.
Alfreð Már Hjaltalín, Hrvoje Tokic, Elísa Dögg Helgadóttir en hún tók við
viðurkenningunni fyrir Fehimu, Líf Purisevic, Kristinn Magnús Pétursson, Berglind
Ósk Kristmundsdóttir og Admir Kubat.
Ljósm. þa.
Hreyfivika UMFÍ stendur nú yfir,
hófst síðastliðinn mánudag og lýkur
eftir helgina. Dagskrá er á þremur
stöðum á Vesturlandi. Hreyfivikan
er hluti af stóru lýðheilsuverkefni
sem fram fer um gjörvalla Evrópu
á sama tíma. Markmiðið er að fá
hundrað milljónir fleiri Evrópubúa
til að hreyfa sig reglulega fyrir árið
2020. UMFÍ tekur verkefnið sem
langhlaup og hvetur alla til að finna
sína uppáhalds hreyfingu. „Við
þurfum að koma þeim skilaboðum
út í samfélagið að hreyfing er orð
sem nær yfir margar fjölbreyttar frá
morgni til kvölds. Hins vegar þarf
hjartadælan okkar að fá að slá kröft-
uglega að minnsta kosti 30 mínút-
ur á dag til að lengja líftíma sinn.
Þessar 30 mínútur er hægt að upp-
fylla í lotum jafnt og þétt yfir dag-
inn með þremur tíu mínútna lot-
um. Kyrrseta er verst en rannsókn-
ir sína að fjórir af hverjum fimm
Evrópubúum uppfylli ekki ráðlagð-
an dagsskammt af hreyfingu. Kyrr-
seta hefur á nokkrum áratugum
orðið einn af stærri áhættuþáttum
fyrir ótímabærum dauða í Evrópu
og stærri áhættuþáttur en reyking-
ar. Við þurfum að snúa þessari þró-
un við og fá fleiri til að finna sína
uppáhalds hreyfingu sem nærir lík-
ama og sál. Virkur lífsstíl hefur um-
talsverð áhrif á daglegt líf okkar
og eykur lífsgæði til muna,“ segir í
fréttatilkynningu frá UMFÍ.
Ýmsir viðburðir
á Vesturlandi
Víða um land eru félagar í ung-
mennafélagshreyfingunni, sveitar-
félög, stofnanir, fyrirtæki og ein-
staklingar að gefa hreyfingu gaum.
Á Vesturlandi eru skipulagðir við-
burðir á vegum UMSB í Borgar-
byggð en einnig verða viðburð-
ir í Grundarfirði og Stykkishólmi.
Í Borgarnesi er m.a. frítt í sund og
þreksal á milli klukkan 6 og 8 alla
daga Hreyfivikunnar og verður
ókeypis inn á þá fjölmörgu íþrótta-
viðburði sem verða í Borgarnesi
og á Kleppjárnsreykjum í vikunni.
Í Stykkishólmi eru haldin heilsu-
tengd námskeið og Zumbatímar í
tilefni Hreyfivikunnar og í Grund-
arfirði verða ýmsir skipulagðir
tímar og fræðsla, svo sem foreldra-
fótbolti, boccia, jóga, skokk, morg-
ungöngur ásamt því að Líkams-
ræktin í Grundarfirði býður upp á
fría prufutíma í stöðvaþjálfun, svo
eitthvað sé nefnt.
grþ
Hreyfivika UMFÍ stendur nú yfir
ÍA heimsótti botnlið Keflvíkinga
í tuttugustu umferð úrvalsdeildar
karla í knattspyrnu í gær. Með sigri
gátu Skagamenn tryggt sæti sitt í
deildinni, að því gefnu að Leikn-
ir tapaði fyrir Fylki. Gestgjafarnir
í Keflavík voru hins vegar fallnir.
Aðstæður til knattspyrnuiðkunar
voru ekki upp á marga fiska, slag-
veðursrigning og rok. Skagamenn
mættu ákveðnir til leiks og kom-
ust yfir strax á 15. mínútu. Hall-
ur Flosason leiddi sókn ÍA upp
hægri kantinn, sendi laglega send-
ingu fyrir markið þar sem Garðar
Gunnlaugsson tók við boltanum og
skoraði. Tíu mínútum síðar barst
boltinn á Þórð Þorstein Þórðarson
utan vítateigs. Hann gerði sér lít-
ið fyrir og lét vaða á markið, beint
í fjærhornið og jók forystu ÍA í tvö
mörk. Næstur á blað var Hallur
Flosason, sem skoraði með góð-
um skalla eftir fyrirgjöf Ólafs Vals
Valdimarssonar. Aðeins hálftími
liðinn af leiknum og Skagamenn
komnir þremur mörkum yfir.
Þegar síðari hálfleikur var að-
eins fimm mínútna gamall skall-
aði Ásgeir Marteinsson boltann
inn fyrir vörn Keflvíkinga á Garð-
ar Gunnlaugsson, sem átti í bar-
áttu við varnarmann heimamanna.
Garðar hafði betur, komst einn á
móti markmanni og lagði boltann
snyrtilega í netið.
Eftir að Skagamenn höfðu skor-
að fjórða mark leiksins féll liðið til
baka og hélt fengnum hlut. Kefl-
víkingar sköpuðu sér engin afger-
andi færi og leiknum lauk með 0-4
sigri ÍA. Á sama tíma tapaði Leikn-
ir fyrir Fylki. Skagamenn eru því
átta stigum frá fallsæti þegar tveir
leikir eru eftir af mótinu og halda
því sæti sínu í deild þeirra bestu á
næsta keppnistímabili.
kgk
Skagamenn halda sæti
sínu í úrvalsdeild
Fyrir leik ÍA og Keflavíkur. Skagamenn sigruðu með fjórum mörkum gegn engu og
halda sæti sínu í úrvaldeild að ári. Ljósm. mg.
Vestlendingarnir Helgi Guðjóns-
son, sem spilar með Fram, og Arn-
ór Sigurðsson ÍA voru valdir í U-17
landsliði í knattspyrnu sem keppir
þessa dagana í undankeppni Evr-
ópumótsins í knattspyrnu. Leikirn-
ir fara fram hér á landi. Í gær mætti
landsliðið Kasakstan á Grindavíkur-
velli. Spilað verður við Grikkland á
Laugardalsvellinum 24. september
kl. 19.15 og við Danmörku á Kefla-
víkurvelli sunnudaginn 27. septem-
ber kl. 16.00. mm
Tveir Vestlendingar í landsliðinu