Skessuhorn - 11.05.2016, Blaðsíða 19

MIÐVIKUDAGUR 11. MAÍ 2016 19
Árleg álfasala SÁÁ hefst um land
allt í gær, 10. maí og stendur fram
á sunnudaginn 15. maí. Hún er
nú haldin í 27. skipti. Álfasalan er
stærsta fjáröflunarverkefni SÁÁ ár
hvert. Allur ágóði af sölunni renn-
ur til að greiða fyrir þjónustu SÁÁ
við ungt fólk, bæði afeitrun og
meðferð, sálfræðiþjónustu barna
eða aðra þjónustu við fjölskyldur
áfengis- og vímuefnasjúklinga.
Víða um land, þar á meðal á Vest-
urlandi, er salan ekki aðeins liður í
fjáröflun SÁÁ því að sölufólk er oft
úr hópum á vegum íþróttafélaga
eða annarra samtaka og hópa sem
nota vegleg sölulaunin til þess að
greiða fyrir ferðalög eða kosta eig-
ið félagsstarf í heimabyggð. Meðal
þeirra sem selja Álfinn í ár er hóp-
ur knattspyrnustúlkna úr 3. flokki
á Akranesi, í Stykkishólmi kemur
sölufólkið úr 6. bekk grunnskólans
en í Grundarfirði, Ólafsvík, Hell-
issandi og Rifi er 4. flokkur í knatt-
spyrnu sem sér um söluna.
Líkt og undanfarin ár er slag-
orð álfasölunnar í ár: ‚‚Álfurinn
fyrir unga fólkið‘‘. Þannig er und-
irstrikuð áhersla á meðferðarúr-
ræði samtakanna fyrir ungt fólk og
einnig fyrir börn og aðra aðstand-
endur þeirra sem eiga við áfengis-
og vímuefnavanda að stríða. Frá
árinu 2000 hefur SÁÁ rekið ung-
lingadeild á sjúkrahúsinu Vogi en
frá því að sjúkrahúsið var byggt
hafa yfir 8000 einstaklingar yngri
en 25 ára lagst þar inn. SÁÁ veit-
ir einnig sálfræðiþjónustu fyrir
börn alkóhólista. Um 1.100 börn
hafa nýtt þá þjónustu sem er kost-
uð með tekjum af Álfinum og öðr-
um styrkjum. Það sama á við um
viðtöl, ráðgjöf og námskeið sem
samtökin veita öðrum aðstandend-
um. Álfasala SÁÁ er eitt umfangs-
mesta fjáröflunarverkefni á veg-
um almannasamtaka hér á landi á
hverju ári. Frá 1990 hefur Álfurinn
skilað samtökunum um 600 millj-
ónum króna í hreinar tekjur.
mm/fréttatilk.
Sala á SÁÁ
álfinum
stendur yfir
Óhætt er að segja að Borgnesingur-
inn Unnsteinn Arason bæti það upp
ef hann á það til að gleyma merki-
legum dögum. Konudaginn árið
2005 kom það einmitt fyrir að hann
gleymdi að kaupa blóm fyrir kon-
una sína, Svövu Víglundsdóttur.
„Ég gerði þau mistök ekki aftur og
gaf henni heila blómabúð árið eft-
ir,“ segir Unnsteinn og hlær. „Við
keyptum búðina af Halldóru Karls-
dóttur en þá hét búðin Blómabúð
Dóru,“ bætir hann við. Verslunin
var til húsa í Hyrnutorgi fyrst um
sinn en fluttist þaðan yfir götuna í
nýtt húsnæði árið 2009. Í desemb-
er 2012 var búðin svo flutt á nýjan
leik og þá að Skúlagötu 13 þar sem
hún er í dag og heitir nú Blómasetr-
ið – Kaffi kyrrð. Í vor eru liðin tíu ár
frá því Unnsteinn og Svava keyptu
búðina, sem hefur stækkað og breyst
töluvert á þeim tíma. Fyrst voru ein-
göngu seld blóm og gjafavara en nú
hefur bæst við notaleg og góð kaffi-
sala og gistiheimili reka þau að auki.
Ástin blómstraði í
Borgarnesi
Svava hafði alla tíð búið á Vopnafirði
þar sem hún rak meðal annars hót-
el og blómabúð í 20 ár. „Ég var að
elta ástina þegar ég flutti í Borgar-
nes árið 2001,“ segir Svava og hlær.
Kata, dóttir Svövu fylgdi mömmu
sinni í Borgarnes, fyrst með annan
fótinn og á endanum flutti hún alfar-
ið. „Kata hafði alltaf verið með mér
í rekstrinum á Vopnafirði, hún ólst
upp við þetta og í dag er hún orðin
hluthafi í Blómasetrinu,“ segir Svava.
Kata flutti í Borgarnes árið 2013 en
hafði fram að því alltaf verið þar yfir
sumartímann og séð um búðina. „Ég
hafði það alltaf sem skilyrði þegar ég
réði mig í vinnu í Reykjavík að ég
væri laus yfir sumarið því þá vildi
ég vera hér,“ segir Kata. Hún bjó í
Reykjavík á meðan hún lauk BA-
gráðu í listfræði en svo hélt hún til
Ítalíu þar sem hún lauk mastersnámi
í tískuvörumerkjastjórnun. „Þegar
ég kom heim frá Ítalíu kom ég hing-
að í Borgarnes að vinna yfir sumarið
en ætlaði til Reykjavíkur um haust-
ið. Ég taldi það vera einhvern veginn
eðlilegt framhald, að fara suður aftur.
Einn daginn í umferðinni í Reykja-
vík hugsaði ég að þetta væri ekki fyr-
ir mig. Mér leið vel hér í Borgarnesi
og ákvað því að fara ekkert héðan,“
segir Kata.
Draumurinn
varð til á Tælandi
Eftir að Blómasetrið var flutt á
Skúlagötuna sá Svava draum sinn
rætast. Draum sem kviknaði á ferða-
lagi um Tæland þegar hún var tví-
tug. „Ferðin markaði djúp spor í
mitt líf en þar kynntist ég þeim
kærleik og jákvæðni sem fólk getur
borið manna á milli. Ég sá hvern-
ig sumir geta átt allt og aðrir ekk-
ert en samt er svo mikill kærleikur,“
segir Svava og bætir því við að þessi
ferð hafi haft mikil áhrif á allt sem
á eftir kom. „Ég var einungis tvítug
sveitastelpa sem var að koma beint
undan kúnni þegar ég fór til Tæ-
lands. Andrúmsloftið þar var yndis-
legt, en við höfum reynt að endur-
skapa það hér í Blómasetrinu,“ bæt-
ir hún við. „Einkunnarorðin okkar
eru einmitt „lifið - elskið - njótið“
og er það mjög lýsandi fyrir and-
rúmsloftið á Tælandi,“ bætir Kata
við. „Við viljum bara minna fólk á
að njóta þess litla í lífinu, t.d. að
drekka gott kaffi, borða góða köku
og njóta augnabliks.“
Glæsilegur pallur
tekinn í notkun
Í tilefni tíu ára afmælis Blómaset-
ursins hefur verið hægt að fá fallega
gjafavöru á góðum afslætti í búð-
inni og verður það hægt áfram fram
yfir Hvítasunnu. „Við erum líka
alltaf að breyta og bæta aðstöðuna
hér. Kata hefur verið stoð og styrk-
ur í því öllu en hún gengur inn í öll
störf og saman getum við þrjú gert
allt,“ segir Svava og brosir. „Við
erum hvergi nærri hætt. Fyrir ári
síðan opnuðum við gistiheimili og
getum við núna tekið á móti u.þ.b.
18 manns í gistingu. Við settum því
upp móttöku hér í búðinni um síð-
ustu helgi og bættum kaffiaðstöð-
una á sama tíma. Næst er framund-
an formleg opnun á pallinum okk-
ar sem Unnsteinn smíðaði sjálfur,“
bætir Svava við augljóslega mjög
stolt af sínum manni. „Þetta verð-
ur nokkurs konar afmælisopnun á
pallinum,“ segir hún. „Við opnum
pallinn formlega 21. maí en þá eiga
þeir Unnsteinn og Hólmsteinn tví-
burabróðir hans 75 ára afmæli og
Blómasetrið er einnig tíu ára í ár.
Þetta verður þó meira í tilefni af-
mælis þeirra bræðra,“ segir Svava
að endingu.
arg
Blómasetrið – Kaffi kyrrð fagnar tíu ára afmæli
Sigurborg Kr. Hannesdóttir tók
að sér fundarstjórn fyrir nemendur
og starfsfólk Fjölbrautaskóla Snæ-
fellinga á samkomu þegar haldinn
var stór húsfundur. Nemendur og
starfsfólk gátu komið með hug-
myndir að breytingum í skólastarfi.
Gríðarlega góð þátttaka var á fund-
inum og margar góðar hugmynd-
ir sem komu fram. Það er aldrei að
vita nema sumar þeirra líti dagsins
ljós áður en langt um líður. Sigur-
borg skipti þátttakendum í marga
smærri hópa og skipti svo hópun-
um upp og blandaði saman svo að
menn gætu viðrað hugmyndir sín-
ar sem víðast. Þetta gaf góða raun
og ljóst að nemendur og starfsfólk
skólans búa yfir miklu hugmynda-
auðgi. tfk
Hugmyndavinna í Fjölbrautaskóla Snæfellinga
Unnsteinn Arason, Svava Víglundsdóttir og Katrín Huld Bjarnadóttir úti á nýja pallinum sem Unnsteinn smíðaði við
Blómasetrið – Kaffi kyrrð í Borgarnesi.
Katrín Huld Bjarnadóttir situr þarna í nýju móttökunni fyrir gesti.