Skessuhorn - 07.09.2016, Qupperneq 14

MIÐVIKUDAGUR 7. SEPTEMBER 201614
Senn verður sett upp ný eldsneyt-
isafgreiðslustöð olíufélagsins N1
við Breiðablik í Eyja- og Mikla-
holtshreppi. Stöðin verður sjálfs-
afgreiðslustöð með einni dælueyju
þar sem hægt verður að fá á all-
ar gerðir eldsneytis ásamt AdBlue.
Eggert Kjartansson oddviti Eyja-
og Miklaholtshrepps segir að for-
saga málsins sé sú að eigendur Hót-
els Rjúkanda á Vegamótum hafi
óskað eftir því að eldsneytissölu á
Vegamótum yrði hætt þar sem þeir
teldu slíkt ekki samræmast starf-
seminni sem rekin er á staðnum í
dag. „Þegar þetta varð ljóst fór N1
að svipast um eftir lóð í sveitarfé-
laginu. Fyrirtækið vill hafa bensín-
stöð á svæðinu og það viljum við
sem búum hér líka. Þá var farið í
viðræður um skilyrði og þannig
þróaðist þetta,“ segir Eggert í sam-
tali við Skessuhorn.
Guðný Rósa Þorvarðardóttir,
framkvæmdastjóri einstaklingssviðs
hjá N1, segir að þessa dagana sé
unnið að því að ljúka hönnun stöðv-
arinnar og semja við verktaka. „Síð-
an fer þetta í framkvæmdafasa. Við
vonumst til að geta byrjað að grafa
fyrir tönkum núna á næstu vikum.
Síðan er það von okkar að stöð-
in muni rísa innan tveggja mán-
aða. En það fer reyndar aðeins eftir
veðri, frosti í jörðu og fleiru,“ seg-
ir Guðný. „Upphaflegar áætlanir
gerðu reyndar ráð fyrir því að verk-
ið yrði klárað í september en það
hefur dregist vegna þess að hönn-
unarferlið varð lengra en við gerð-
um ráð fyrir,“ bætir hún við. Guðný
segir fyrirtækið aldrei hafa íhugað
að hætta að selja eldsneyti á svæð-
inu. „Það stóð alltaf til að endur-
nýja afgreiðslustöðina á Vegamót-
um. Þegar staðarhaldarar á Hótel
Rjúkanda óskuðu eftir því að elds-
neytissölu á staðnum yrði hætt þá
fékkst samþykki fyrir því að halda
áfram sölu eldsneytis þar þangað
til ný stöð hefur verið tekin í notk-
un. Það er okkur mikilvægt, sem
og íbúunum í kring og þeim fjöl-
mörgu ferðalöngum sem eiga leið
um svæðið því það er langt í næstu
stöð. Við vildum því hafa áfram af-
greiðslustöð á svæðinu því það er
mikið af bæjum þarna í kring og
margt fólk sem fer um sunnanvert
Snæfellsnes, sérstaklega á sumrin,“
segir hún.
kgk/ Ljósm. úr safni.
Ný sjálfsafgreiðslustöð
væntanleg við Breiðablik
Nýtt skólaár er hafið hjá Símennt-
unarmiðstöð Vesturlands. Þar er
boðið upp á fjölbreytt nám fyrir
fullorðna og samstarfsverkefnin eru
af ýmsum toga. Að sögn Ingu Dóru
Halldórsdóttur framkvæmdastjóra
Símenntunarmiðstöðvarinnar verð-
ur að vanda fjölbreytt námsframboð
á þessu skólaár. „Verkefnin hjá okk-
ur eru mörg og ólík, svo sem lengra
nám, styttri námskeið, raunfærni-
mat, náms- og starfsráðgjöf, nám-
skeið fyrir fatlað fólk og samstarfs-
verkefnin eru af ýmsum toga,“ seg-
ir Inga Dóra í samtali við Skessu-
horn. Hún segir komandi skólaár
leggjast ljómandi vel í sig. „Margt
spennandi er að gerast í fullorðins-
fræðslunni og engin ástæða til ann-
ars en að vera bjartsýn.“
Menntastoðir hvati
fyrir marga
Stærsta einstaka verkefnið sem Sí-
menntunarmiðstöð Vesturlands
býður upp á er Stóriðjuskólinn í
Norðuráli, sem rekinn hefur verið
í samstarfi við fyrirtækið og Fjöl-
brautaskóla Vesturlands frá byrjun
árs 2012. „Stóriðjuskólinn var nú
settur í fjórða sinn og koma alls 35
nemendur til með að stunda nám
hjá okkur næstu þrjár annirnar, í
grunn- og framhaldsnámi.“ Aðsókn
í Stóriðjuskólann hefur alltaf verið
góð og frá því hann hóf göngu hafa
62 starfsmenn útskrifast úr grunn-
námi og 33 úr framhaldsnámi. Inga
Dóra segir Menntastoðir einnig
vera stórt verkefni hjá Símenntun-
armiðstöðinni en boðið verður upp
á þær nú í haust líkt og síðustu þrjú
ár. „Menntastoðir hafa verið hvati
fyrir marga til að koma sér aftur af
stað í nám eftir langt hlé. Námið í
Menntastoðum má meta til eininga
í framhaldsskólakerfinu og eins
er það fullnægjandi undirbúning-
ur fyrir frumgreinadeildir háskól-
anna,“ útskýrir Inga Dóra. Á þess-
um þremur árum hafa 48 nemend-
ur stundað nám í Menntastoðum.
„Menntastoðir verða kenndar með
svipuðu sniði og verið hefur, þ.e.
stærsti hluti námsins er kenndur í
fjarnámi en síðan hittast nemendur
að jafnaði einu sinni í mánuði í svo-
kallaðri staðlotu þar sem kennslan
fer fram í húsnæði Símenntunar-
miðstöðvarinnar í Borgarnesi. Við
stefnum á að fara af stað með nýjan
hóp í október svo framarlega sem
við náum lágmarksþátttöku, sem
er 12 til 14 manns. Námið nær yfir
tvær annir og útskrift verður í maí
2017. Ég hvet því fólk til að hafa
samband við okkur og fá nánari
upplýsingar,“ segir Inga Dóra.
Fleiri greinar bætast við
í raunfærnimati
Síðustu ár hefur Símenntunarmið-
stöðin einnig boðið upp á raun-
færnimat fyrir fólk sem hefur langa
og góða reynslu af vinnumarkaði í
ákveðinni grein en vill ljúka form-
legu námi og ná sér í réttindi. Inga
Dóra segir sókn í raunfærnimat
hafa aukist verulega síðustu miss-
eri, sem einnig sé tilkomið af því að
greinum hafi fjölgað sem metnar
séu í raunfærnimati. „Sem dæmi þá
hefur hópur fólks lokið raunfærni-
mati hjá okkur í iðngreinum, mat-
artækni, skrifstofugreinum sem og
félagsliðar, skólaliðar og stuðnings-
fulltrúar. Nú í haust bjóðum við
áfram upp á raunfærnimat í sömu
greinum en bætum við tanntækni
og munum nota næstu mánuði til
að hefja undirbúning að raunfærni-
mati í fleiri greinum.“ Hún segir
raunfærnimatið framkvæmt í sam-
starfi við formlega skólakerfið og
þekkir þó nokkur dæmi þess að það
hafi stytt námið hjá fólki um allt að
heila önn. „Og í því felst líka ákveð-
inn hvati til að ljúka námi,“ bætir
hún við.
Landnemaskóli
gaf góða raun
Símenntunarmiðstöð Vesturlands
býður einnig upp á fjölbreytt nám-
skeið fyrir fólk með fötlun, en Sí-
menntunarmiðstöðin er með þjón-
ustusamning við Fjölmennt - sí-
menntunar og þekkingarmiðstöð
fyrir fatlaða. „Þessi þjónusta hefur
gefist vel og við munum halda áfram
að bjóða upp á námskeið og þróa
nám fyrir okkar fólk á Vesturlandi.“
Að sögn Ingu Dóru er af nógu að
taka hjá Símenntunarmiðstöðinni.
„Mig langar að nefna að við ætlum
að fara af stað með Landnemaskóla
í Snæfellsbæ og á Akranesi nú í
haust. Við vorum með Landnema-
skóla í Stykkishólmi síðastliðið vor
sem gekk mjög vel,“ segir hún og
bætir því við að mikil þörf sé fyr-
ir þessa fræðslu. Í Landnemaskól-
anum er kennd íslenska, samfélags-
fræði, fjallað um réttindi og skyldur
á vinnumarkaði og fólkið frætt um
þeirra nærumhverfi, svo eitthvað sé
nefnt. „Starfið okkar á Símenntun
felur í sér margar ferðir um þjón-
ustusvæðið, til að sýna okkur og sjá
aðra. Við erum að skipuleggja fyrir-
tækjaheimsóknir næstu vikurnar og
leggjum aukna áherslu á að þjón-
usta fyrirtæki og stofnanir, með-
al annars með gerð fræðsluáætlana
og eins að sérsníða námskeið. Þessi
þáttur fer ört vaxandi í starfseminni
og við hlökkum til að vinna áfram í
því að efla símenntun í landshlut-
anum enn frekar,“ segir Inga Dóra
að endingu.
grþ
Fjölbreytt verkefni hjá Símenntunarmiðstöð Vesturlands
Inga Dóra Halldórsdóttir framkvæmdastjóri Símenntunarmiðstöðvar Vestur-
lands.
Námskeið í steinhöggi var haldið síðasta vor á Arnarstapa. Námskeiðið var
eitt af samvinnuverkefnum Símenntunarmiðstöðvar Vesturlands og var haldið
í samvinnu við Svæðisgarðinn Snæfellsnes með styrk frá Uppbyggingarsjóði
Vesturlands.
Brynja Mjöll Ólafsdóttir hefur ver-
ið ráðin sem verkefnastjóri hjá Sí-
menntunarmiðstöðinni á Vestur-
landi. Brynja var valin úr hópi fjög-
urra umsækjenda og starfar sem
verkefnastjóri á þjónustusvæði Sí-
menntunarmiðstöðvarinnar með
sérstaka umsjón með verkefnum á
Snæfellsnesi. Brynja Mjöll er upp-
runalega frá Selfossi en hefur ver-
ið búsett í Ólafsvík síðastliðin 17 ár,
þar sem hún hefur starfað við ým-
islegt, einna helst tengt kennslu.
„Ég er íþróttakennari að mennt og
hef aðallega starfað sem kennari. Á
tímabili fór ég að vinna á leikskóla
og var aðstoðarleikskólastjóri á
Kríubóli á Hellissandi. Svo er mað-
ur búinn að vera í hinu og þessu,
hef meðal annars verið með ung-
barnasund og þjálfað fimleika,“ seg-
ir Brynja Mjöll í samtali við Skessu-
horn. Stöðunni hefur verið sinnt
síðustu tvö ár frá Borgarnesi, þar
sem skrifstofur Símenntunarmið-
stöðvarinnar eru til húsa, en nú hef-
ur starfið verið flutt á Snæfellsnesið
á nýjan leik. Brynja er með starfsað-
stöðu í Átthagastofunni í Ólafsvík.
Hún segist þó ekki tengjast rekstr-
inum þar. „Ég er bara með aðset-
ur þar en vinn ekki hjá Átthaga-
stofu. Ég er þó í góðu samstarfi við
Átthagastofuna og Svæðisgarðinn,
eins og með fjölmenningarhátíðina
sem haldin verður í október næst-
komandi,“ segir Brynja.
Reyna að ná
til sem flestra
Brynja Mjöll tók við starfinu 1. ágúst
síðastliðinn. Hún segir starfið vera
fjölbreytt og skemmtilegt. „Mitt
fyrsta verkefni var lyftaranámskeið í
samvinnu við Vinnumálastofnun, þar
sem 21 var skráður, þar af ein kona.
Verkefnið sem ég er að vinna að
núna heitir Landnemaskóli II og er
íslenskunám fyrir landnemana okk-
ar, ásamt öðru hagnýtu og menning-
artengdu námi. Þetta er stórt nám-
skeið, 120 tímar. Heilsugæslan kemur
til dæmis inn í þetta, verkalýðsfélag-
ið, auk listar og menningar. Núna er
ég að vinna í því að fá þátttakendur
í það og við erum með ýmsar hug-
myndir um hvernig má ná til sem
flestra,“ útskýrir Brynja. Hún seg-
ir Símenntunarmiðstöðina reyna að
bjóða upp á sem fjölbreyttust verk-
efni. „Í rauninni felst þetta svolítið í
því að nýta þann mannauð sem við
höfum. Að reyna að ná til flestra, að
ná þversniðinu. Stór partur af þessu
er að fá sem flesta með sér úr samfé-
laginu. Þetta hentar mér vel þar sem
ég hef mikinn áhuga á fólki og mann-
auði og sé tækifæri í því sem við höf-
um hérna á svæðinu.“ Hún segir eng-
ar áherslubreytingar vera fyrirhugað-
ar. „Það er samt stundum þannig að
með nýju fólki koma nýjar áherslur,
þó það sé ekki ætlunin að vera með
neinar áherslubreytingar. Ég vinn
náið með þeim í Borgarnesi og á
Akranesi og fæ stuðning frá þeim.
Núna er ég að skoða vel í kringum
mig og melta aðeins. Hvað við get-
um gert hér, þetta er mjög spenn-
andi en ég er tiltölulega nýbyrjuð
og enn að klóra mig aðeins í gegn-
um frumskóginn. Ég vil endilega
ná til sem flestra og að fólk verði
óhrætt við að hafa samband við
mig ef eitthvað brennur á því eða ef
það hefur áhuga á einhverju,“ segir
Brynja Mjöll að endingu.
grþ
Nýr verkefnastjóri hjá
Símenntunarmiðstöðinni
Brynja Mjöll Ólafsdóttir er nýr
verkefnastjóri hjá Símenntunarmið-
stöðinni með sérstaka umsjón með
verkefnum á Snæfellsnesi.