Skessuhorn - 14.09.2016, Page 17

MIÐVIKUDAGUR 14. SEPTEMBER 2016 17
þau eru kurluð og notuð í fram-
leiðsluna. „Síðan fer töluvert í arin-
við og pitsakeðjurnar kaupa mikið.
Aukinn fjöldi ferðamanna sem sæk-
ir landið heim hefur meðal annars
áhrif á hvernig gengur að selja eldi-
við til pitsakeðjanna,“ segir Sigríð-
ur og brosir.
Rætt hefur verið meðal stjórn-
enda Skógræktarinnar hvort það
myndi borga sig að grisja meira
hverju sinni og eiga þá til lager. „En
það kostar auðvitað að eiga lager
þannig að við höfum ekki séð okk-
ur hag í því hingað til. Við höfum
afgreitt pantanir þegar þær koma.
En það þýðir auðvitað að við verð-
um að vera tilbúin að fara að grisja
þegar kaupendurnir óska eftir efni-
við,“ segir Sigríður.
Skipuleggja skóga með
brunavarnir í huga
Starf sviðsstjóra skógarauðlindasviðs
felur m.a. í sér ábyrgð á rekstri þjóð-
skóganna og yfirumsjón með veit-
ingu framlaga til skógræktar á lög-
býlum auk þess að vinna að sam-
þættingu þessarra tveggja verkefna.
Þá er öll dagleg stjórnun skógar-
auðlindasviðs umfangsmikil, gerð
rekstrar- og starfsáætlunar sviðsins,
auk þess felur starfið í sér að við-
halda góðu samstarfi við skógareig-
endur. Hafa yfirumsjón með áætl-
anagerð einstakra svæða, úttekt-
um, framkvæmdum, samskiptum
við verktaka og margt fleira. Hvað
felst í áætlanagerð er til dæmis áætl-
anir um ræktun nýskóga, umhirðu-
áætlanir, grisjunaráætlanir og milli-
bilsjöfnun. „Svo eru áætlanir um
stíga- og slóðagerð mikilvægur þátt-
ur, en þær eru oft gerðar jafnhliða
ræktunaráætlunum í upphafi,“ seg-
ir Sigríður og nefnir einnig bruna-
varnir. „Við höfum verið að hvetja
skógarbændur til að hugsa sinn skóg
sem mörg hólf og tryggja aðgang
að vatni. Skógareldar loga örsjald-
an hér og eru þá oftast sinueldar þar
sem sina á skógarbotninum er elds-
maturinn,“ segir hún. Þá sjaldan að
kviknar í skógi hérlendis segir Sig-
ríður það oftast vera af mannavöld-
um. „Það er oftast vegna þess að gá-
leysislega er farið með eld. Besta ráð-
ið er því forvarnir; að upplýsa fólk
um hættuna sem getur skapast,“ seg-
ir hún, því þrátt fyrir að skógareld-
ar séu sjaldgæfir hérlendis er ástæða
til að vera við öllu búin. Víða um
land eru stórar sumarhúsabyggðir í
þéttum kjarrskógi. Kæmi upp eld-
ur á slíkum stöðum gæti það skap-
að stórhættu. „Það fyrsta sem maður
horfir til er hvort það sé hringakst-
ur á sumarhúsasvæði. Ég hef furðað
mig á því að það virðist oft ekki vera
hugsað út í það, því þá eru meiri lík-
ur á að hægt sé að komast af svæðinu
ef eldur kviknar. Auk þess geta veg-
ir tafið verulega útbreiðslu elds og
því væri hægt að skipuleggja sum-
arhúsabyggð í hólfum og nota veg-
ina til að afmarka hólfin, sama á við
þegar við skipuleggjum skóga,“ seg-
ir Sigríður.
Íslenskir skógar
fjölbreyttir
Skógar á Íslandi eru fjölbreyttir og
mismunandi milli landshluta. Nátt-
úrulegir birkiskógar og kjarrlendi
þekja um 150 þúsund hektara lands
en ræktaðir skógar um 40 þúsund
hektara. Aðspurð um tegundaval
segir Sigríður misjafnt hvaða teg-
undir séu notaðar en það fari m.a.
eftir gróðurhverfi, jarðvegsgerð og
dýpt og veðurfari og því nokkuð
breytilegt milli landshluta. Á Norð-
ur- og Austurlandi er rússalerki til
dæmis áberandi, en hér á suðvest-
urhorni landsins eru sígrænu teg-
undirnar meira áberandi. Á Vestur-
landi er mikið af stafafuru og sitka-
greni og á Suðurlandi er það sitka-
greni, stafafura og alaskaösp,“ seg-
ir hún. „En svo er heilmikill breyti-
leiki líka innan svæða, bara í skóg-
um innan Vesturlands. Það er þó-
nokkur munur á skógum í sunnan-
verðum Borgarfirði og Hvalfirði en
uppi í Borgarfjarðardölum, til dæm-
is,“ bætir hún við.
Sigríður segir að heilmikið rann-
sóknarstarf sé unnið innan skóg-
ræktargreinarinnar á hverju ári. „Við
erum alltaf að prófa okkur áfram
með aðrar tegundir, kvæmi og klóna
eða ræktunaraðferðir með það að
markmiði að fá meiri og betri skóga.
Til þess þarf meðal annars að stunda
erfðafræði- og kynbótarannsóknir,“
segir hún. En hvað á hún við með
betri skógum? „Betri skógar eru þeir
sem gefa mikinn vöxt og minni af-
föll. Hérlendis sjáum við stundum
allt niður í 60-70 prósent af því sem
er gróðursett lifa fyrsta veturinn. Þar
geta ýmsir þættir haft áhrif t.d. gæði
plantna, kvæmaval, veðurfar, gæði
gróðursetninga o.s.frv. Þetta er að
sjálfsögðu breytilegt milli ára en við
viljum sjá þetta hlutfall hækka, og
því stundum við rannsóknir og öfl-
ugt gæðastarf,“ segir Sigríður Júlía.
Stöðugt fleiri
heimsækja skógana
En Sigríður hefur einnig mál á
sinni könnu sem kunna að koma
einhverjum á óvart, að minnsta
kosti blaðamanni sem ekki vissi
betur, nefnilega móttaka ferða-
manna, bæði erlendra og íslenskra.
Skógræktin rekur nefnilega tjald-
stæði víða um land, til dæmis í
Hallormsstaðaskógi og Vaglaskógi.
„Þar er tekjulind fyrir skógana en
henni fylgir auðvitað að tjaldstæð-
unum þarf að halda við til að fólk
vilji koma þangað,“ segir hún. „En
skógarnir eru töluvert mikið nýtt-
ir af ferðamönnum. Mín tilfinning
er sú að fólk sé að kunna alltaf bet-
ur og betur að meta skógana okkar
og að skógar séu eftirsóknarverðir
staðir til að sækja heim. Mér finnst
ég merkja að fólk sé farið að heim-
sækja skógana í meira mæli en áður,
til dæmis til að tína sveppi eða bara
til útivistar,“ bætir hún við að lok-
um. kgk
Á Brákarhátíð í Borgarnesi í fyrrasumar var frú Vigdís Finnbogadóttir heiðursgestur og gróðursetti við það tilefni þrjú tré.
Þarna má m.a. sjá Kolfinnu Jóhannesdóttur þáverandi sveitarstjóra, Sigríði Júlíu og Vigdísi ásamt börnum sem aðstoðuðu
við verkið. Ljósm. arg.
Nemendafélag Menntaskóla Borg-
arfjarðar fór í nýnemaferð síðast-
liðinn miðvikudag. Lagt var af stað
strax eftir skóla og var ferðinni
heitið í Brautartungu í Lundar-
reykjadal. Þegar komið var á stað-
inn komu nemendur sér vel fyrir
og gerðu sig klára í leiki sem stóðu
yfir til kl. 19:30. Þá var grillað ofan
í mannskapinn og eftir matinn var
haldið sundlaugarpartý sem stóð
yfir fram eftir öllu og nokkuð víst
að lítið var sofið þessa nótt. Morg-
uninn eftir var ræs um klukkan sjö.
Þá var gengið frá og félagsheimilið
þrifið og svo haldið af stað í skól-
ann. Það fóru 55 nemendur í ferð-
ina sem voru misþreyttir þegar þeir
mættu í hafragrautinn í mennta-
skólanum um klukkan 9:30, þeg-
ar skólastarf hófst, en gefið var frí í
fyrsta tíma vegna ferðarinnar.
Stjórn NMB
Nýnemaferð Menntaskóla Borgarfjarðar
Kátir strákar úr MB. Busarnir voru merktir sérstaklega.
Tveir nýnemar eða „busar“.Grillaðir voru hamborgarar ofan í
mannskapinn.
Nemendur fóru í leiki þegar komið var í Lundarreykjadalinn.