Skessuhorn - 04.01.2017, Blaðsíða 2
MIÐVIKUDAGUR 4. JANÚAR 20172
ar um landshlutann og kynni þar
bæði þjónustuna sem til stend-
ur að veita og það sem Stígamót
standa fyrir. Guðrún Jónsdótt-
ir talskona Stígamóta segir í sam-
tali við Skessuhorn að framundan
sé að ræða við fagfólk sem tengist
málaflokknum; starfsfólk heilsu-
gæslu, félagsþjónustu, presta, lög-
reglu, skólastjóra á öllum skóla-
stigum, íþrótta- og tómstunda-
fulltrúa og fleiri. „Frá 16. janú-
ar næstkomandi höldum við ann-
ars vegar lokaða fundi með fag-
fólki en hins vegar opna kynning-
arfundi fyrir almenning. Þá mun-
um við einnig heimsækja stærstu
framhaldsskólana,“ segir Guðrún.
„Nú þegar hefur verið ákveðið að
bjóða upp á þjónustuna og mun
Erla Björg Kristjánsdóttir félags-
ráðgjafi verða reglulega hálfsmán-
aðarlega í Borgarnesi. Hún mun
bjóða upp á ókeypis ráðgafavið-
töl fyrir fólk sem beitt hefur verið
kynferðisofbeldi.
Fyrir hrun voru Stígamót í
einn vetur með þjónustu á Vest-
urlandi, bæði í Borgarnesi og
Grundarfirði. Þeirri þjónustu var
hætt sökum fjárskorts. Starfsemi
Stígamóta hefur verið í Reykjavík
allt frá stofnun 1990 og frá 1997
á Austfjörðum og með hléum á
ýmsum öðrum stöðum á lands-
byggðinni. Guðrún segir að stað-
setningin í Borgarnesi sé valin út
frá því hversu miðsvæðis bærinn
er fyrir íbúa á Vesturlandi.
Hvað eru Stígamót?
Stígamót eru grasrótarsamtök sem
berjast gegn kynferðisofbeldi og
veita aðstoð fólki sem hefur ver-
ið beitt kynferðisofbeldi. Sam-
tökin voru sett á stofn árið 1990
og frá upphafi hefur meginmark-
mið þeirra verið aðstoð og ráðgjöf
fyrir konur og karla sem beitt hafa
verið kynferðisofbeldi. Til Stíga-
móta getur fólk leitað stuðnings
og deilt reynslu sinni með öðr-
um, sem einnig hafa verið beitt-
ir slíku ofbeldi eða þekkja það
vel. „Með kynferðisofbeldi er, auk
sifjaspella, nauðgana og kynferðis-
legrar áreitni, einnig átt við klám,
vændi og mansal enda er það
reynsla Stígamóta jafnt og ann-
arra kvennasamtaka í heiminum
að það tekur langan tíma að vinna
úr þeirri erfiðu ofbeldisreynslu
sem vændi er og að klám er ein
birtingarmynd vændis. Mansal er
nútíma þrælasala og algengasta
form mansals er mansal til kynlífs-
þjónustu,“ segir m.a. í kynningu á
Stígamótum.
Í Skessuhorni í næstu viku mun
nánar verða greint frá staðsetn-
ingu kynningarfunda á Vestur-
landi og rætt við talskonur Stíga-
móta. mm
Síðastliðinn föstudag var borinn til
grafar í Stykkishólmi Ágúst Guð-
mundur Bjartmars, heiðursborgari
Stykkishólmsbæjar. Ágúst var fædd-
ur í Stykkishólmi 13. janúar 1924 og
bjó þar alla tíð. Hann lést á Dvalar-
heimili aldraðra í Stykkishólmi 17.
desember síðastliðinn en þar hafði
hann búið síðustu æviár sín.
Ágúst var húsasmiður að mennt,
var kvæntur Maggý Lárentsínus-
dóttur og eignuðust þau þrjú börn.
Árið 2012 var Ágúst kjörinn heið-
ursborgari Stykkishólmsbæjar fyrir
mjög farsæl störf í þágu samfélagsins
í Stykkishólmi. Hann var einn aðal-
hvatamaður að stofnun Iðnskólans
sem starfaði um árabil í Hólminum
og lagði mikið af mörkum í upp-
byggingu iðngreina í bænum. Ágúst
var einn af stofnendum og eigend-
um Trésmiðju Stykkishólms og var
oddviti Stykkishólmshrepps á árun-
um 1970-1978 en hann lauk starfs-
ferli sínum sem handavinnukennari
við Grunnskólann í Stykkishólmi.
Þá var hann mikill íþróttamaður og
vann fimm sinnum Íslandsmeist-
aratitil í badminton. Ágúst var þar
að auki einn af stofnendum Lions-
klúbbs Stykkishólms og söng bæði í
karla- og kirkjukórnum.
grþ
Andlát - Ágúst Guðmundur Bjartmars
heiðursborgari Stykkishólms
Minnt er á að víða er boðið upp á þrett-
ándaskemmtanir í sveitarfélögum í lands-
hlutanum.
Útlit er fyrir umhleypingasama tíð næstu
daga á landinu. Vaxandi sunnanátt verður
í dag, víða 8-15 m/sek. Snjókoma og síðar
slydda eða rigning og hiti 1 til 5 stig sunn-
an- og vestantil, en yfirleitt þurrt norðan-
og austanlands og hlýnar þar smám sam-
an. Á fimmtudag er gert ráð fyrir sunn-
anátt 15-25 m/s og talsverðri eða mik-
illi rigningu eða slyddu, en úrkomulítið
verður norðaustanlands. Hiti 0 til 7 stig.
Suðvestlægari, 15-23 upp úr hádegi, élja-
gangur og kólnandi veður, fyrst vestan-
til. Víða frost undir kvöld. Á föstudag er
minnkandi vestanátt og él vestantil og við
norðurströndina. Frost 0 til 8 stig. Suðlæg-
ari, 8-13, um kvöldið, slydda eða rigning
sunnan- og vestanlands og hlýnar í veðri.
Á laugardag verður suðvestanátt, 8-15 m/
sek og skúrir og síðar él. Víða frostlaust
en kólnar smám saman. Á sunnudag er
svo spáð vestlægri átt og éljum sunnan-
og vestanlands. Yfirleitt frostlaust við sjó-
inn en annars vægt frost. Gengur í aust-
an 10-15 um kvöldið með snjókomu en
slyddu með suðurströndinni. Eftir helgina
er síðan von á fleiri lægðum með úrkomu
í fljótandi og síðan föstu formi.
Yfir hátíðirnar var spurning vikunnar á
Skessuhornsvefnum: „Hvernig fannst þér
árið sem nú er runnið sitt skeið?“ Mik-
ill meirihluti er ánægður með nýliðið ár.
Flestir telja það hafa verið gott, eða 33%
en næstflestir gáfu því hæstu einkunn,
mjög gott, eða 28%. Á pari við önnur ár
sögðu 22%. Loks voru 9% sem sögðu árið
hafa verið slæmt og 8% sögðu það hafa
verið mjög slæmt. Alls voru 462 sem tóku
þátt í könnuninni.
Í þessari viku er einfaldlega spurt:
„Hvernig fannst þér áramótaskaupið?“
Valdís Þóra Jónsdóttir kylfingur á Akranesi
náði þeim frábæra árangri skömmu fyr-
ir jól að öðlast þátttökurétt á LET Evrópu-
mótaröðinni í golfi. Stórt ár er því fram-
undan hjá þessum öfluga kylfingi. Valdís
Þóra er Vestlendingur vikunnar. Rætt er
við hana í Skessuhorni í dag.
Spurning
vikunnar
Til minnis
Veðurhorfur
Vestlendingur
vikunnar
Söngbræður í
stærra hús
BORGARFJ: Karlakórinn
Söngbræður stefnir á árlega
stórveislu kórsins laugardaginn
14. janúar næstkomandi klukk-
an 20. Vegna mikillar aðsókn-
ar undanfarin ár, þar sem mun
færri hafa komist að en vildu,
hefur verið ákveðið að veisl-
an verði að þessu sinni hald-
in í Félagsheimilinu Þinghamri
á Varmalandi, en ekki í Loga-
landi. Matseðillinn verður þó
óbreyttur, en í boði verða svið
frá Fjallalambi og saltað hrossa-
kjöt ásamt tilheyrandi meðlæti.
Til skemmtunar verður söngur,
fjöldasöngur og þá munu hag-
yrðingar stíga á stokk. Nánari
upplýsingar má finna í auglýs-
ingu hér í blaðinu.
-mm
Karfan af stað
eftir jólafrí
Vesturland: Keppni í Íslands-
mótinu í körfuknattleik hefst að
nýju eftir jólafrí á næstu dög-
um. Þannig hefst síðari um-
ferð Domino‘s deildar karla á
morgun, fimmtudaginn 5. janú-
ar. Skallagrímur tekur á móti
Haukum og Snæfell fær ÍR í
heimsókn. Keppni í 1. deild
karla hefst sömuleiðis á morg-
un þegar ÍA tekur á móti botn-
liði Ármanns. Domino‘s deild
kvenna hefst að nýju á laugar-
daginn þegar Skallagrímur tek-
ur á móti Val en Íslandsmeist-
arar Snæfells heimsækja topp-
lið Keflavíkur í stórleik um-
ferðarinnar. Sömuleiðis er leik-
ið í 3. deild karla á laugardag-
inn. Grundfirðingar eiga þar
nokkuð ferðalag fyrir höndum
en þeir leika útileik gegn liði
Sindra á Höfn í Hornafirði.
-kgk
Fremur hófstill
áramótagleði
VESTURLAND: Áramóta-
gleði Vestlendinga fór að lang-
mestu leyti vel fram að sögn
lögreglu. Þó kom lögregla all-
oft til aðstoðar vegna ýmiskon-
ar vandræðagangs sem oftar en
ekki tengdist ölvun.
-mm
FJARNÁM
Skráning á vorönn 1 . janúar
á slóðinni www.fa.is/fjarnam
Ágúst Guðmundur Bjartmars var
gerður að heiðursborgara
Stykkishólms árið 2012.
Ljósm. úr safni Skessuhorns.
Stígamót hafa ákveðið að hefja
reglubundna þjónustu á Vest-
urlandi á tveggja vikna fresti.
Starfsemin verður í Borgarnesi
og í boði verða gjaldfrjáls við-
töl við félagsráðgjafa fyrir fólk
af öllu Vesturlandi. Nú í þriðju
viku janúar stendur til að samtök-
in haldi kynningarfundi víðsveg-
Stígamót taka upp þjónustu á Vesturlandi
Guðrún Jónsdóttir, talskona Stígamóta.