Skessuhorn - 04.01.2017, Blaðsíða 8

MIÐVIKUDAGUR 4. JANÚAR 20178
Lífsbjörg gefin
ein milljón
SNÆFELLSBÆR: Lions-
klúbbarnir í Ólafsvík stóðu
fyrir happdrætti í desemb-
er til styrktar Björgunarsveit-
inni Lífsbjörgu. Seldust mið-
arnir ágætlega en dregið var úr
seldum miðum á aðfangadag
þegar dregið var í árlegu Leik-
fangahappdrætti Lionsklúbbs
Ólafsvíkur. Dregið var hjá
sýslumanninum á Vesturlandi
í Stykkishólmi og fóru tveir
Lionsfélagar þangað. Gestir á
Klifi sem mættir voru á Leik-
fangahappdrættið biðu spennt-
ir þegar dregið var í gegnum
Skype í beinni útsendingu. Tíu
vinningar voru fyrir utan aðal-
vinninginn Hyundai I10 Com-
fort sem var síðasti vinningur-
inn en hann kom á miða núm-
er 1211. Við þetta sama tækifæri
afhentu Lionsklúbbarnir Björg-
unarsveitinni Lífsbjörgu í Snæ-
fellsbæ eina milljón króna að
gjöf. Það voru þau Björn Hilm-
arsson og Þórey Úlfarsdóttir
sem sáu um að afhenda gjöfina
fyrir hönd Lionsklúbbanna en
Halldór Sigurjónsson formaður
Lífsbjargar veitti þeim viðtöku
ásamt Hafrúnu Ævarsdóttur,
Ægi Þór Þórssyni og Patryk
Zolobow.
-þa
Kennarasam-
bandið stefnir
íslenska ríkinu
LANDIÐ: Stjórn Kennarasam-
bands Íslands hefur samþykkt
að stefna íslenska ríkinu vegna
breytinga á lögum um lífeyris-
sjóði opinberra starfsmanna.
Frumvarpið sem Alþingi sam-
þykkti skömmu fyrir jól var ekki
í samræmi við það samkomulag
sem gert var við forystu opin-
beru stéttarfélaganna og því
telur Kennarasambandið sam-
komulag ekkert gildi hafa þegar
Alþingi fjallaði um málið. „Þeir
þingmenn sem fullyrtu að mál-
ið hefði verið unnið í samkomu-
lagi við forystu opinberra starfs-
manna töluðu því gegn betri
vitund,“ segir í yfirlýsingu frá
KÍ. Félagið hefur fallist á mik-
ilvægi þess að gera lífeyrissjóði
opinberra starfsmanna sjálfbæra
og að kerfinu þurfi að breyta
til að svo megi verða. „KÍ hef-
ur alla tíð bent á að besta leið-
in til slíkra breytinga er að loka
A deildinni og stofna nýja deild
um áramót á breyttum forsend-
um. Félagsmenn KÍ hafa margir
hverjir greitt í opinberu lífeyr-
issjóðina allan sinn starfsaldur
og þegið lægri laun fyrir vikið
gegn tryggari lífeyrisréttindum.
Sá forsendubrestur sem félags-
menn KÍ og aðrir opinberir
starfsmenn standa nú frammi
fyrir gengur gegn stjórnarskrá
að mati forystu KÍ og mun fé-
lagið ganga alla leið til þess að
verja hagsmuni félagsmanna.“
-mm
Vinnuhópur
fjalli um hæfi
ökumanna
LANDIÐ: Heilbrigðisráð-
herra hefur falið landlækni
að skipa vinnuhóp til að fjalla
um ökuleyfi og veikindi og
breytt og bætt skipulag hvað
þessi mál varðar. Ákvörðun
ráðherra er í samræmi við
tillögu Rannsóknarnefndar
samgönguslysa til heilbrigð-
isráðherra sem fram kemur
í nýrri skýrslu nefndarinn-
ar. Í skýrslunni segir að það
sé mat Rannsóknarnefnd-
ar samgönguslysa að ekki
hafi tekist nægilega vel til
að framfylgja ákvæðum um
heilbrigðiskröfur sem gerðar
séu til ökumanna í íslenskum
lögum og reglum. Því gerir
nefndin þá tillögu í öryggis-
átt að vinnuhópur verði skip-
aður til að fjalla um þessi mál
og m.a. horfa til skipulags
þeirra í öðrum löndum. Í er-
indi heilbrigðisráðherra til
landlæknis er honum falið að
skipa vinnuhóp til að sinna
þessu verkefni og skal land-
læknir skila tillögum hópsins
til heilbrigðisráðherra fyrir
1. júní 2017.
-mm
Aflatölur
fyrir Vesturland
24. - 30. desember
Tölur (í kílóum)
frá Fiskistofu:
Akranes: Engin löndun í
vikunni.
Arnarstapi: Engin löndun í
vikunni.
Grundarfjörður 2 bátar.
Heildarlöndun: 2.987 kg.
Mestur afli: Birta SH: 1.708
kg í einni löndun.
Ólafsvík 7 bátar.
Heildarlöndun: 29.675 kg.
Mestur afli: Kristinn SH:
6.279 kg í einum róðri.
Rif 2 bátar.
Heildarlöndun: 10.863 kg.
Mestur afli: Særif SH: 6.553
kg í einni löndun.
Stykkishólmur 1 bátur.
Heildarlöndun: 6.266 kg.
Mestur afli: Fjóla SH: 6.266
kg í tveimur löndunum.
Topp fimm landanir
á tímabilinu:
1. Særif SH - RIF:
6.553 kg. 30. desember.
2. Kristinn SH - ÓLA:
6.279 kg. 30. desember.
3. Brynja SH -ÓLA:
5.598 kg. 30. desember.
4. Tryggvi Eðvarðs SH -
ÓLA: 4.927 kg. 30. desemb-
er.
5. Fjóla SH - STY:
4.496 kg. 26. desember.
-grþ
Helga G. Jónsdóttir hefur gef-
ið Heilbrigðisstofnun Vesturlands
á Akranesi veglegan tækjabúnað að
verðmæti ein milljón króna. Gjöfin
er til minningar um foreldra Helgu,
séra Jón M. Guðjónsson og Lilju
Pálsdóttur. Handlækningadeild
fékk fullkomna hjartarafsjá (moni-
tor) á hjólum sem notuð verður
til að fylgjast með sjúklingum eft-
ir stórar skurðaðgerðir. Þá fékk lyf-
lækningadeild tvö hjálpartæki; háa
göngugrind og flutningsdýnu sem
kemur að góðum notum við um-
önnun sjúklinga með skerta hreyfi-
getu. Það var Jóhanna L. Jónsdóttir
systir Helgu sem afhenti deildunum
gjafirnar fyrir hönd systur sinnar 19.
desember síðastliðinn. „HVE þakk-
ar fyrir höfðinglega gjöf sem nýt-
ast mun að fullu í þjónustu við sjúk-
linga sem dvelja á Heilbrigðisstofn-
un Vesturlands,“ segir í tilkynningu
vegna gjafarinnar. mm
Heilbrigðisstofnun Vesturlands
barst höfðingleg gjöf
Frá afhendingu gjafarinnar. F.v. Valdís Heiðarsdóttir deildarstjóri lyflækn-
ingadeildar, Jóhanna L. Jónsdóttir og Þura B. Hreinsdóttir, deildarstjóri hand-
lækningadeildar.
Iðnaðar- og viðskiptaráðherra stað-
festi á föstudag tillögur ráðgjafa-
nefndar Orkusjóðs um veitingu
styrkja til uppbyggingar innviða
fyrir rafbíla á landsvísu til að tryggja
aðgengi sem flestra landsmanna að
loftslagsvænum samgöngumáta. Er
verkefnið hluti af sóknaráætlun Ís-
lands í loftslagsmálum, sem sett var
fram í tengslum við 21. fund aðild-
arríkja lofslagssamningsins í París.
Til ráðstöfunar úr Orkusjóði voru
67 milljónir króna á ári í þrjú ár,
eða samtals 201 milljón króna. Alls
bárust 33 umsóknir í sjóðinn en
16 verkefni hlutu styrk, þar af sex
sveitarfélög en einnig nokkur orku-
fyrirtæki og olíufyrirtæki. Meðal
sveitarfélaganna er Reykhólahrepp-
ur, sem fékk styrk að verðmæti 2,5
milljónir króna.
Á vef atvinnuvega- og nýsköpun-
arráðuneytisins segir að með þess-
um styrkjum verði á næstu tveimur
árum hægt að byggja upp heildstætt
net hleðslustöðva fyrir flesta lands-
menn og þannig stigið stórt skref
í rafbílavæðingu landsins. „Þessir
styrkir til innviða senda sterk skila-
boð um að hafin er stórfelld og
markviss uppbygging innviða fyrir
rafbíla sem mun m.a. auka til muna
möguleika á ferðum út fyrir höf-
uðborgarsvæðið. Með verkefninu
verður net hleðslustöðva jafnt og
þétt aukið á landsvísu á næstu árum.
Hlutverk ríkisins með þessu verk-
efni er að styðja við og flýta fyrir
þeirri þróun sem þegar er hafin að
einhverju marki, sérstaklega á þeim
svæðum landsins þar sem mark-
aðslegar forsendur eru ekki enn til
staðar,“ segir á vef ráðuneytisins.
kgk/ Ljósm. úr safni/sm.
Reykhólahreppur fær styrk
vegna hleðslustöðvar
Í suðvestan skítabrælu síðastlið-
inn miðvikudag gaf hressilega yfir
hafnargarðinn á Akranesi og mynd-
aðist talsvert sog í höfninni. Með-
al annars losnaði um eina flot-
bryggju fyrir litlu bátana, landfest-
ar slitnuðu og pollar brotnuðu þar
sem norska skipið Polar Pioneer
lá innst við stóru bryggjuna, næst
fiskimjölsverksmiðjunni. Hin stóru
skipin sem voru í höfn tóku vel á
sig og þrátt fyrir að vera rígbund-
in við bryggju var veltingur á þeim
og slógust þau við bryggjukantinn.
Mannskapur var um borð í þrem-
ur skipum sem lágu við bryggju;
Venusi NK, Bjarna Ólafssyni AK
og Polar Pioneer. Þá var lóðsbátur-
inn Þjótur notaður til að halda við
norska skipið til að verja það velt-
ingi. Suðvestanátt getur verið slæm
á Akranesi og ekki síst við höfnina.
mm
Stóru skipin
létu illa í
höfninni
Hafnsögubáturinn Þjótur er hér látinn halda við norska skipið Polar Pioneer eftir
að landfestar slitnuðu og pollar gáfu sig.
Bjarni Ólafsson AK var rígbundinn við bryggju en engu að síður var talsvertur
sláttur á skipinu.