Skessuhorn - 22.03.2017, Blaðsíða 26

MIÐVIKUDAGUR 22. MARS 201726
Í tilefni 150 ára afmælis Borgar-
ness, sem er í dag, stóð sveitarstjórn
Borgarbyggðar fyrir ritun á Sögu
Borgarness. Egill Ólafsson, blaða-
maður og sagnfræðingur hóf ritun
verksins í ársbyrjun 2014. Við and-
lát Egils í ársbyrjun árið 2015 var
Heiðar Lind Hansson sagnfræð-
ingur ráðinn til að taka við verkinu
og ljúka því.
Saga Borgarness er tveggja binda
verk „Byggðin við Brákarpoll“ og
„Bærinn við brúna“. Sagan telur
nær 1000 blaðsíður með á sjötta
hundrað mynda. Sagan er rituð í
læsilegum og léttum frásagnarstíl
þar sem komið er inn á flest það
sem hæst hefur borið í 150 ára sögu
samfélagsins. Nefna má sem dæmi
atvinnumál, sveitarstjórnarmál,
menningarmál, verslun og við-
skipti, skólamál, íþróttir, samgöng-
ur, vaxtarskeið og varnarbaráttu og
þannig mætti áfram telja.
Saga Borgarness verður form-
lega gefin út á 150 ára afmælishátíð
Borgarness í Hjálmakletti þann 29.
apríl n.k. Fram að þeim tíma verð-
ur hún seld í forsölu. Umf. Skalla-
grímur annast forsöluna og mun
meðal annars ganga í hvert hús í
Borgarnesi.
-fréttatilkynning
Hefja sölu á Sögu
Borgarness í 150 ár
Þriðjudaginn 14. mars síðastliðinn
var póstlagt bréf á pósthúsi í Reykja-
vík, stílað á Upplýsingamiðstöðina
á Akranesi, Akranesvita, 300 Akra-
nesi. Bréfið var borið út skömmu
fyrir hádegi daginn eftir. Mun þetta
vera í fyrsta sinn sem bréf er bor-
ið út í Akranesvita frá því hann var
tekinn í notkun fyrir rétt tæpum 70
árum síðan. Raunar er heldur ekki
vitað til þess að bréf hafi nokkurn
tímann verið sent í gamla vitann á
Suðurflös sem reistur var árið 1918
og starfræktur þar til Akransviti var
tekinn í notkun árið 1947.
Það var Finnur Andrésson, starfs-
maður Póstsins, sem bar bréfið út
og Hilmar Sigvaldason vitavörður
tók á móti sendingunni. „Það stytt-
ist í að þurfi að setja hér upp póst-
kassa ef þetta heldur svona áfram,“
sagði Hilmar léttur í bragði eftir
að hann tók við bréfinu. Sendandi
bréfsins sögulega var Slysavarna-
félagið Landsbjörg og innihélt það
sendingu af SafeTravel bæklingum
sem nú liggja frammi í vitanum.
Allt Finni að kenna
„Líklega var nú kominn tími til að
hingað bærist póstsending því í ár
eru 70 ár síðan Akranesviti var tek-
inn í notkun og Krossvíkurviti er 80
ára. Síðan á föstudaginn, 24. mars,
eru fimm ár liðin frá því Akranes-
viti var fyrst opnaður almenn-
ingi,“ segir Hilmar. Hann bætir
því við að til standi að halda aðeins
upp á tímamótin laugardaginn 25.
mars næstkomandi. „Það stendur
til að opna sýningu hér í vitanum
um sögu Breiðarinnar og sögu vit-
anna á Breið,“ segir vitavörðurinn
sem sjálfur er orðinn órjúfanleg-
ur þáttur af samtímasögu vitanna.
„Ég vil reyndar meina að það sé allt
Finni að kenna að ég fór út í þetta
vitabrölt á sínum tíma. Þess vegna
fannst mér mjög viðeigandi að hann
bæri út fyrsta bréfið sem hingað
berst. Það var nefnilega þannig að
við vorum báðir stofnfélagar í ljós-
myndafélaginu Vitanum. Finn-
ur fékk þá flugu í höfuðið að það
væri gaman að fara upp í vitann og
taka myndir yfir bæinn. Á endanum
fengum við leyfi til þess og Finnur
fór suður til Reykjavíkur, sótti lyk-
ilinn á skrifstofu Siglingastofnunar
og við fórum upp og tókum mynd-
ir,“ segir hann. „Þar sem Hilmar
var þá formaður ljósmyndaklúbbs-
ins taldi ég rétt að hann geymdi
lykilinn eftir að við fórum upp að
mynda. En hann hefur ekkert skil-
að lyklinum eftir þetta,“ segir Finn-
ur léttur í bragði.
Ferðaþjónusta heldur
vonandi áfram að vaxa
Akranesviti var síðan opnaður al-
menningi í mars 2012 en fram að
þeim tíma höfðu aðeins vitaverð-
ir haft aðgang að honum. Var það
hugmynd Hilmars að opna dyr vit-
ans öllum og gera að áfangastað fyr-
ir ferðamenn. Síðan þá hefur stöð-
ugt vaxandi fjöldi sótt vitann heim
og Hilmar starfar í dag alfarið við
móttöku ferðamanna og sem upp-
lýsingafulltrúi ferðamála á Akranesi,
en upplýsingamiðstöðin er einmitt
til húsa í vitanum. „Ég renndi mjög
blint í sjóinn með þetta á sínum
tíma. Fyrsta árið sem vitinn var op-
inn öllum komu 3.200 manns og ég
var himinlifandi. Á síðasta ári komu
14 þúsund gestir,“ segir Hilmar
brosandi og lítur björtum augum til
framtíðar. „Það eru spennandi tímar
framundan. Tvö skemmtiferðaskip
eru búin að boða komu sína til Akra-
ness í sumar. Annað er nokkuð stórt
og kemur 30. júlí. Hitt er minna en
ætlar að koma 14 sinnum og það er
mjög ánægjulegt. Síðan verður von-
andi af flóasiglingum milli Akra-
ness og Reykjavíkur í sumar. Þann-
ig að ferðaþjónustan heldur vonandi
áfram að vaxa á Skaganum,“ segir
hann. kgk
Vitanum hefur borist bréf
Finnur Andrésson frá Póstinum (t.v.) afhendir Hilmari Sigvaldasyni vitaverði
fyrsta bréfið sem borið er út í Akranesvita frá því hann var tekinn í notkun árið
1947.
Barnabókahöfundurinn Ævar Þór
Benediktsson er á lista yfir 39 bestu
evrópsku barnabókahöfundana und-
ir 39 ára aldri. Var þetta kynnt á al-
þjóðlegu bókamessunni London
Book Fair sem fram fór í London í
liðinni viku. Um er að ræða svokall-
aðan Aarhus 39-lista og er Ævar Þór
eini Íslendingurinn sem þar er að
finna. Ævar var staddur í London í
liðinni til að veita viðurkenningunni
móttöku en þar tók hann einnig þátt
í pallborðsumræðum um barnabæk-
ur. Ævar segir það mikinn heiður að
komast á listann og virkilega gaman
að komast þarna á blað. „Íslenskar
barnabækur eru vel á pari við þær er-
lendu,“ segir hann.
Í dómnefnd sátu þrír barnabóka-
höfundar, Kim Fupz Aakeson frá
Danmörku, Ana Cristina Herreros
frá Spáni og Matt Haig frá Englandi.
Fengu höfundarnir sem valdir voru
það verkefni að skrifa sögu sem bygg-
ir á þemanu „ferðalag“og koma sög-
urnar út á ensku og dönsku, annars
vegar hjá Alma Books í Bretlandi og
hins vegar Gyldendal í Danmörku.
Saga Ævars heitir Bókaflóttinn mikli
og fjallar um vaskan bókasafnsfræð-
ing sem kemst í hann krappan. Höf-
undarnir á Aarhus 39 listanum munu
einnig koma til með að vinna saman
að metnaðarfullu verkefni fyrir Aar-
hus en þar stendur til að halda bók-
menntahátíð síðar á árinu. Næsta
bók Ævars kemur út í maímánuði
næstkomandi og ber hún nafnið
„Gestir utan úr geimnum,“ og verð-
ur hún sú þriðja í röðinni um Ævar
vísindamann. Það er Forlagið sem
gefur bókina út. grþ
Ævar Þór einn af bestu barna-
bókahöfundum Evrópu
Ævar Þór í gervi sínu sem Ævar vísindamaður.
Tveir meðlimir samfélagsmiðlahóps-
ins Áttunnar heimsóttu félagsmið-
stöðina Eden í Grundarfirði á dög-
unum. Þá komu þau Nökkvi Fjal-
ar Orrason og Anna Lára Orlowska
og hittu krakkana í félagsmiðstöð-
inni. Þau fóru í leiki með þeim og
spjölluðu svo um allt mögulegt enda
margar spurningar sem brunnu á
krökkunum. Félagsmiðstöðin Eden
fékk veglega styrki frá G.Run hf,
Blossa ehf, Soffaníasi Cecilssyni hf
og Samkaup Úrvali til að þessi heim-
sókn yrði að veruleika og heppnaðist
hún mjög vel. Það var hvert einasta
unglingsandlit með bros á vör eftir
þetta fjör.
tfk
Áttan heimsótti grund-
firska unglinga
Nökkvi Fjalar og Anna Lára stilltu sér upp með hópnum.
Freisting vikunnar
Hvítlauksbrauð er gott og vin-
sælt meðlæti. Það bragðast vel
með nánast öllum mat og því ætti
ekki að koma á óvart að hvítlauks-
brauð getur allt eins verið stór
hluti af aðalrétti. Ein góð upp-
skrift sem inniheldur hvítlauks-
brauð er nokkurs konar útgáfa af
lasagne, stútfullt af bragðgóðum
osti, þar sem pastaplötunum hefur
verið skipt út fyrir sneiðar af hvít-
lauksbrauði. Þetta er líklega ekki
hollasti maturinn sem hægt er að
útbúa en rétturinn er einfaldur og
bragðgóður og hittir beint í mark,
til dæmis hjá yngstu kynslóðinni.
Hvítlauksbrauðs lasagne
Innihald:
Olía til steikingar
Nautahakk
2 - 3 pressuð hvítlauksrif
½ - 1 laukur, smátt skorinn
2 - 3 msk. tómatpúrra
1 dós tómatmauk (sósa)
Hvítlauksbrauð sem búið er að baka í
ofni og sneiða niður
Smá skvetta af rauðvíni (má sleppa)
Ferskur mozarella ostur, skorinn í
sneiðar
Salt og pipar
Rifinn ostur.
Aðferð:
Steikið hakk í olíu og látið
brúnast. Bætið hvítlauk og lauk
út í og látið mýkjast á pönnunni.
Passið að steikja ekki of lengi.
Bætið við tómatpúrru, rauð-
víni og tómatmauki og hrærið
vel saman. Saltið og piprið eftir
smekk. Látið malla við miðlungs-
hita í 10 mínútur.
Fletjið hverja sneið fyrir sig
af hvítlauksbrauði með flötum
lófa. Byrjið svo að raða í eldfast
mót. Fyrst er hakkblandan sett,
því næst er útflöttum sneiðum
af hvítlauksbrauði raðað yfir og
sneiðum af mozzarella osti raðað
ofan á brauðið. Endurtakið. Áður
en rétturinn er settur inn í ofn er
gott að setja rifinn ost yfir. Bakist
í 20 - 30 mínútur við 180°C.
grþ
Lasagne úr brauði