Skessuhorn - 26.04.2017, Síða 4

MIÐVIKUDAGUR 26. APRÍL 20174
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.835 krónur með vsk. á mánuði. Elli- og örorkulífeyrisþegar greiða
kr. 2.457. Rafræn áskrift kostar 2.226 kr. Rafræn áskrift til elli- og örorkulífeyrisþega er 2.058 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Heiðar Lind Hansson hlh@skessuhorn.is
Auglýsingar og dreifing:
Emilía Ottesen emilia@skessuhorn.is
Lísbet Sigurðardóttir lisbet@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Ein ríkisprósenta
Óhætt er að segja að yfirlýsing forystumanna ríkisstjórnarinnar um að
hækka um mitt næsta ár virðisaukaskatt í ferðaþjónustu upp í efra skattþrep
hafi valdið titringi. Hörð orð hafa verið látin falla af hálfu forystumanna í
greininni enda miklir hagsmunir sem þeir hafa að verja. En þrátt fyrir að
vera ung er ferðaþjónustan orðin sú atvinnugrein sem vegur mest í gjald-
eyrisinnkomu þjóðarinnar. Þau rök sem vörslumenn ríkissjóðs hafa þeg-
ar þeir tala fyrir hækkun skattþreps ferðaþjónustunnar úr 11 í 24 prósent
eru einmitt þau að nú hefur þessi grein slitið barnsskónum. Það hljóti því
að vera réttlætanlegt að hún gjaldi keisaranum sitt líkt og flestar aðrar at-
vinnugreinar. En er málið svona einfalt? Skoðum það.
Gistiþjónusta í neðra skattþrepi virðiskeðjunnar var upphaflega hugsuð
til þess að ferðaþjónustan hér sæti við sama borð og sambærileg þjónusta
í öðrum löndum Evrópu. Einnig er lágt skattþrep hugsað til að örva inn-
flutning ferðamanna. Menn hafa litið þannig á að sígandi lukka sé best
og smám saman verði hægt að hækka þennan gjaldstofn sem svo aftur hið
opinbera mynd njóta góðs af. Þessi lága skattheimta hefur þó ekkert að gera
með ívilnanir fyrir greinina heldur til að jafna samkeppnisstöðu við þau
lönd sem þurft hefur að taka ferðamenn frá, ef svo má segja. Margir telja
því eðlilegt og rétt að ferðaþjónustan sé í svipuðu skattaumhverfi og tíðkast
í öðrum löndum. Ferðamaður sem tekur ákvörðun um til hvaða lands hann
fer í fríinu sínu horfið ekki einvörðungu á gæðin, sérstöðuna og aðgengi-
leika landsins. Hann lítur að sjálfsögðu á verðmiðann. Af þeim sökum má
segja að þessi boðskapur um hækkun virðisaukaskatts á ferðaþjónustu komi
á versta mögulega tíma. Þegar gengi krónunnar gagnvart öllum helstu við-
skiptalöndum okkar er í sögulegu hámarki. Reyndar skal halda því til haga
að þetta mikla gjaldeyrisinnflæði vegna ferðaþjónustunnar á hvað stærstan
þátt í að gengi krónunnar er í sögulegu samhengi fremur hátt.
Stjórnmálamenn sem tala fyrir hærri skattlagningu ferðaþjónustu hljóta
að hafa spurt sig gagnrýnna spurninga áður en þeir slógu þessu fram: Þolir
landið okkar að hingað verði dýrara að ferðast? Hversu mikið mun draga úr
vextinum og mun þetta jafnvel þýða samdrátt í fjölda ferðamanna? Munu
ferðamenn halda áfram að koma þrátt fyrir hátt gengi krónu og hærri
skatta? Hvar liggja mörk þess verðs sem hægt er að bjóða án þess að illa
fari? Ég einfaldlega gef mér að þeir hafi spurt sig þessara spurninga, áður
en þeir gáfu þetta út frændurnir Benedikt og Bjarni. Þeir hljóta að hafa
ígrundað vel þessi mál áður en þeir boðuðu að ferðaþjónustan yrði eina út-
flutningsgreinin sem yrði látin búa við fullan virðisaukaskatt, hærri skatt en
ferðaþjónustufyrirtæki í öllum löndunum í kringum okkur.
Með núverandi virðisaukaskattskerfi eru stjórnvöld að viðhalda umgjörð
þar sem beinlínis er kallað eftir skattsvikum. Of há skattheimta hefur nefni-
lega þá eiginleika að menn reyna að forðast að borga. Í dag höfum við
þrjú skattþrep, allt frá engu og upp í 24%, en reyndar er jafnframt boðað
að lækka efsta þrepið niður um hálft annað prósentustig í árslok 2018. Ég
er og verð á þeirri skoðun að Ísland myndi áorka miklu með einfölduðu
skattkerfi þar sem einungis ein prósenta virðisaukaskatts yrði í gangi. Dá-
lítið eins og Marteinn Mosfell myndi leggja til; ein ríkisprósenta. Líklega
værum við þá að tala um 15% virðisaukaskatt. Engar undantekningar yrðu
leyfðar, allir greiddu sama skatthlutfall, sama hvaða vöru eða þjónustu þeir
selja. Ótalmargt myndi ávinnast með þessu. Fyrir utan almennt réttlæti,
værum við að tala um stórauknar tekjur ríkissjóðs og hagræðingu á ótal
sviðum. En, það skortir kjark til að framkvæma svo stórhuga breytingu og
frumkvæði að slíku kemur ekki frá embættismannakerfinu sem beinlínis
þrífst á flóknu skattkerfi. Embættismenn eru nefnilega þeir sem semja lögin
hvort sem okkur líkar það betur eða verr.
Magnús Magnússon.
Leiðari
Lögreglan á Vesturlandi greinir á
vefsíðu sinni frá fallegu atviki sem
átti sér stað í hvassviðrinu á öðrum
degi páska. Vegfarandi átti leið um
Vesturlandsveg og kom að umferð-
aróhappi þar sem lögreglumenn
voru við störf. Var veður vont á
vettvangi, um 40 m/s í vindhviðum
og lofthitinn um þrjár gráður. Tók
vegfarandinn eftir lögreglumanni
sem var að stjórna umferð á vegin-
um. Þótti honum líklegt að honum
væri nú orðið ansi kalt á höfðinu og
rétt honum því kuldahúfu út um
gluggann þegar hann ók framhjá
lögreglumanninum. Engin orð fóru
á milli þeirra en lögreglumaður-
inn tók við húfunni. „Var húfan vel
nothæf, svört að lit, og sómdi sér
vel á höfði lögreglumannsins,“ seg-
ir í fréttinni. Hefur húfunni nú ver-
ið skilað til eiganda síns með þökk-
um fyrir lánið og hlýlegheitin.
mm
Ber afar hlýjan hug til lögreglu
Sturla Böðvarsson, bæjarstjóri í
Stykkishólmi, segir að allt frá árs-
byrjun 2010, þegar Heilbrigðis-
stofnun Vesturlands var stofnuð
og St.Franciskusspítalinn var sett-
ur undir yfirstjórn HVE, hafi mik-
il þrautarganga staðið við að koma
af stað endurbyggingu hjúkrunar-
deildar sjúkrahússins. Þeirri hjúkr-
unardeild er ætlað að leysa Dvalar-
heimili Stykkishólms af hólmi með
sérinnréttuðu húsnæði. „Allan
þennan tíma hafa bæjaryfirvöld átt
í viðræðum við heilbrigðisyfirvöld
sem létu teikna breytingar og gera
áætlanir sem hlutu ekki samþykki.
Eftir mikla vinnu á vegum bæjar-
ins og eftir að búið var að endur-
hanna verkefnið náðist loksins sá
áfangi að frumáætlun um verkið
var samþykkt í október 2016 og
undirrituð af fulltrúum Heilbrigð-
isráðuneytis, Framkvæmdasýslu
ríkisins og Stykkishólmsbæjar. Þar
er um að ræða áform um breyting-
ar á sjúkrahúsinu sem fela í sér að
þar verði 18 hjúkrunarpláss sam-
kvæmt reglugerð um hjúkrunar-
heimili, 2-4 rúm til dagdvalar og
fjögur sjúkrarúm auk þeirra rúma
sem tilheyra bakdeildinni,“ skrif-
ar Sturla meðal annars í grein sem
birtist hér aftar í blaðinu í heild
sinni. „Aðstaðan á bakdeild verð-
ur auk þess bætt með því að færa
þvottahúsið í kjallarann og taka
núverandi rými þvottahúss fyrir
sjúkraþjálfun bakdeildar. Áætlað-
ur kostnaður við verkið allt er 582
milljónir króna.“
Sturla segir að næstu skref verði
að heilbrigðisráðherra beini mál-
inu til Samstarfsnefndar um opin-
berar framkvæmdir sem vonandi
afgreiðir verkefnið fljótt og vel
til Framkvæmdasýslunnar sem sér
um að bjóða verkið út. „Rætt hef-
ur verið um að verkið verði boð-
ið út í einum áfanga. Áður en til
þess kemur þarf að liggja fyrir
samningur milli Heilbrigðisráðu-
neytis og Stykkishólmsbæjar um
skiptingu kostnaðar við hjúkrun-
ardeildina, en sveitarfélaginu er
ætlað að greiða 15% kostnaðar
við þann hluta verksins. Það sem
vekur bjartsýni um framvinduna
og næstu skrefin er að veittar voru
100 milljónir af fjárlögum þessa árs
til verksins. Þrátt fyrri þessa fram-
vindu er ástæða til þess að vona að
þrautagangan sé á enda og verkið
verði sett af stað,“ skrifar Sturla.
Þeir sem sitja í Samstarfsnefnd
um opinberar framkvæmdir eru
forstjóri Framkvæmdasýslunnar
sem undirritaði frumáætlunina í
október sl., ráðuneytisstjórinn í
Fjármálaráðuneytinu sem jú þekk-
ir fjárlögin vel og formaður Fjár-
laganefndar sem jafnframt er fyrsti
þingmaður Norðvesturkjördæmis.
Sturla kveðst nú bíða eftir að kall-
að verði til viðræðna um samning
vegna þessa mikilvæga verkefnis.
„Af gefnu tilefni er rétt að taka það
fram að verkaskipting milli ríkis
og sveitarfélaga er þannig að það
er ríkissjóður sem kostar rekstur
hjúkrunarheimila að fullu og 85%
af stofnkostnaði hjúkrunarheimila
svo sem að framan er getið. Aðr-
ar framkvæmdir á vegum bæjarins
koma því ekki í veg fyrir eða tefja
úrbætur við hjúkrunaraðstöðu fyr-
ir aldraða í bænum.“
mm/ Ljósm. sá.
Nú styttist óðum í að strandveið-
ar hefjist að nýju og eru strand-
veiðisjómenn á fullu við að und-
irbúa farkosti sína fyrir tímabil-
ið. Garðar Hafsteinsson gaf sér
þó smá tíma til að líta upp til ljós-
myndara Skessuhorns þegar hann
átti leið hjá við smábátahöfn
Grundarfjarðar í vikunni. Garð-
ar gerir út bátinn Nafna SH 151
frá Grundarfirði og leggst sumar-
ið ágætlega í hann. Hann ætlar að
byrja í maí og sjá svo til með fram-
haldið þar sem hann verður á sjó
annars staðar í júní. Þá er bara að
vonast eftir hagstæðu veðri og að-
stæðum þegar flotinn æðir af stað
þriðjudaginn 2. maí næstkomandi.
tfk
Undirbúningur í fullum gangi
fyrir væntanlegar strandveiðar
Hillir undir samning um endurbygg-
ingu hjúkrunardeildar í Stykkishólmi