Skessuhorn - 03.05.2017, Blaðsíða 26

MIÐVIKUDAGUR 3. MAÍ 201726
um ásamt öðrum stjórnarmönnum.
Hann segir ástand Ólafsvíkurvallar
gott. „Völlurinn er í fínu standi og
það verður ekkert vandamál með
hann ef það hættir að rigna,“ seg-
ir Hilmar í samtali við Skessuhorn.
„Það gerði um daginn smá kulda-
kast og þá sá maður að völlurinn
hægði aðeins á sér. Þetta var svo
sem enginn svakalegur kuldi, fór
niður í kannski eina til tvær gráð-
ur á nóttunni en hlýnaði aftur þeg-
ar sólin kom upp,“ segir hann. „En
mestu skiptir að við sluppum alveg
við næturfrostið sem gerði vart við
sig á sumum öðrum stöðum á land-
inu,“ bætir hann við.
Hann kveðst engar áhyggjur hafa
af vellinum fyrir upphaf mótsins og
fyrstu leikina en vonast til að hætti
að rigna. „Það þyrfti að vinna að-
eins í vellinum en það verður ekki
gert á meðan hann er svona blaut-
ur. Vonandi styttir almennilega upp
á þessari rúmu viku sem er í fyrsta
leik hér í Ólafsvík,“ segir hann.
„Völlurinn er alltaf fljótur að ná
sér. Eitt ár var svolítið vesen með
hann, árið 2014, eins og reyndar
nánast alla velli á landinu. Þá gerði
kal í velli eftir umhleypingasaman
vetur. En síðan þá hefur ekki verið
neitt vesen með völlinn og ekkert
sem bendir til annars en að hann
verði góður í sumar,“ segir Hilmar
að lokum.
Skallagrímsvöllur
í fínu standi
Loks er ónefndur einn völlur í
landshlutanum; Skallagrímsvöllur í
Borgarnesi. Hann er að sögn Har-
aldar Más Stefánssonar í fínu standi
eftir veturinn. Völlurinn var sleg-
inn í fyrsta skipti 22. apríl og búið
er að bera tvisvar á hann auk ann-
arra aðgerða sem nauðsyn krefur.
Fyrsti leikur sumarsins fór fram á
aðalvellinum 28. apríl, sem er vel
rúmum mánuði fyrr en þekkst hef-
ur. Skallagrímsvöllur er á góðri leið
eftir umfangsmiklar endurbætur en
hann var dæmdur ónýtur fyrir 4-5
árum síðan. kgk
Lokakvöld þriggja kvölda keppni
Opna Borgarfjarðarmótsins í tví-
menningi í bridds fór fram á Akra-
nesi síðastliðinn fimmtudag. Mótið
var jafnframt Vesturlandskeppnin í
tvímenningi. Fyrri keppniskvöldin
voru spiluð í Logalandi. Talsverð-
ar sviptingar voru á mótinu en að
endingu lönduðu öruggum sigri
strákarnir úr Hvalfjarðarsveit, þeir
Guðmundur Ólafsson og Hall-
grímur Rögnvaldsson. Skor þeirra
var 59% og nokkuð örugg forysta.
Í öðru sæti urðu Skagamennirn-
ir Guðmundur Sigurjónsson og
Magnús Magnússon með 56,5%. Í
þriðja sæti Borgfirðingarnir Jón H
Einarsson og Ingimundur Jónsson
með 55%, Rúnar Ragnarsson og
Unnsteinn Arason úr Borgarnesi
fjórðu með 54,8% og Skagamenn-
irnir Tryggvi Bjarnason og Karl
Alfreðsson fimmtu með 53,5%.
mm/ Ljósm. se.
Opna Borgarfjarðar-
mótinu lokið
Síðustu fórnarlömb meistaranna Guðmundar og Hallgríms voru Ásgeir á
Þorgautsstöðum og Guðmundur á Grímsstöðum.
Þrjú efstu pörin á mótinu. F.v. Magnús og Guðmundur, Hallgrímur og
Guðmundur, Jón og Ingimundur.
Knattspyrnusumarið 2017 er hafið
og fyrstu leikir Pepsi deildar karla
fóru fram á sunnudaginn var. Sem
kunnugt er leika tvö Vesturlands-
lið í efstu deild karla þetta keppn-
istímabilið, ÍA og Víkingur Ólafs-
vík. Nánar um úrslit leikja þeirra
á öðrum stað í blaðinu. Þessi félög
senda einnig lið til keppni í 1. deild
kvenna, en þar hefst mótið ekki fyrr
en 12. maí. Í upphafi knattspyrnu-
sumarsins er hins vegar vert að
taka stöðuna á völlunum sem leik-
ið verður á í efstu deildum karla
og kvenna, Akranesvelli og Ólafs-
víkurvelli. Skessuhorn ræddi við
Halldór Brynjar Þráinsson, vallar-
stjóra á Akranesvelli og Hilmar Þór
Hauksson, stjórnarmann í Víkingi,
um ástand vallanna tveggja síðast-
liðinn föstudag. Loks má bæta því
við að Skallagrímsvöllur í Borga-
nesi kemur afar vel undan vetri,
en hann hefur stórbatnað á síðustu
árum með ýmsum aðgerðum eftir
að hafa verið dæmdur ónýtur fyrir
fjórum til fimm árum síðan.
Akranesvöllur
oft verið betri
Leikið var á Akranesvelli fyrsta leik-
dag Pepsi deildar karla, sunnudag-
inn 30. apríl þegar ÍA mætti FH.
Að sögn vallarstjórans hefur ástand
vallarins oft verið betra. „Staðan á
vellinum mætti vera betri og hef-
ur oft verið betri. Það er lítill gró-
andi í honum og eins og fólk get-
ur ímyndað sér þá er hann alveg á
floti,“ sagði Halldór Brynjar Þrá-
insson, vallarstjóri á Akranesvelli
í samtali við Skessuhorn. „Þannig
að völlurinn gæti verið í mun betra
standi. Hann var til dæmis grænni í
febrúar en hann er núna. Þar er um
að kenna frostnóttum í síðustu viku
þar sem fór alveg niður í þriggja til
fjögurra stiga frost. Við slíkar að-
stæður er grasvöxtur enginn,“ segir
hann. „Ekki er hægt að segja að að-
stæður undanfarið hafi verið góð-
ar. Það vantar hlýrra veður og all-
an sólarhringinn. Það er ekki nóg
að það sé hlýtt á daginn, næturn-
ar þurfa að vera hlýjar líka,“ segir
hann. Aðspurður segir hann lítið
hægt að gera til að bæta ástand vall-
arins. „Við setjum fræ og sand í öll
sár og viðgerðir. Völlurinn er allt-
af fljótur að jafna sig ef það þorn-
ar og hlýnar í veðri. Þá tekur hann
strax við sér og þolir strax meira ef
hann nær að þorna. Vonandi styttir
upp og hlýnar fyrir mótið, þá verð-
ur hann ekki eins viðkvæmur. Því
miður sýnist mér spárnar ekki vera
þannig en við verðum bara að vona
það besta,“ segir Halldór. Því má
við þetta bæta að nú er spáð hlý-
indum um allt land í þessari viku og
því má fastlega búast við að Akra-
nesvöllur verði fljótur að þakka fyr-
ir þær aðstæður.
Ólafsvíkurvöllur í
fínu standi
Víkingur Ó. lék fyrsta leik sinn í
mótinu á útivelli gegn Val sunnu-
daginn 30. apríl. Viku síðar, sunnu-
daginn 7. maí, tekur liðið á móti
KR og verður það fyrsti leikur sum-
arsins á Ólafsvíkurvelli. Hilmar Þór
Hauksson situr í stjórn knattspyrnu-
félagsins og hefur lengi sinnt vellin-
Misjafnt ástand knattspyrnuvalla
Akranesvöllur hefur oft litið betur út, að sögn Halldórs Brynjars Þráinssonar vallarstjóra.
Ólafsvíkurvöllur er blautur en í fínu standi að öðru leyti að sögn Hilmars Þórs Haukssonar, stjórnarmanns knattspyrnufélags
Víkings. Vonast hann til að stytti upp áður en fyrsti leikurinn fer þar fram sunnudaginn 7. maí næstkomandi. Hér er svipmynd
frá leik Víkings Ó. og Víkings R. á rennblautum Ólafsvíkurvelli síðasta haust. Ljósm. af.
Skallagrímsvöllur í Borgarnesi var sleginn 22. apríl síðastliðinn og kemur afar vel undan vetri.