Skessuhorn - 03.05.2017, Blaðsíða 30

MIÐVIKUDAGUR 3. MAÍ 201730
„Hvar ætlar þú að
vinna í sumar?“
Spurning
vikunnar
(Spurt í Fjölbrautaskóla
Vesturlands á Akranesi)
Ásgeir Darri Gunnarsson:
„Hjá Vigni G. Jónssyni.“
Gunnar Jóhannesson:
„Á Gamla Kaupfélaginu.“
Hrafnhildur Arín Sigfúsdóttir:
„Í Norðuráli.“
Jón Mýrdal Böðvarsson:
„Fer líklega í Norðanfisk.“
Selma Dís Hauksdóttir:
„Ég verð að vinna sem þjónn á
veitingastað sem heitir Sjávar-
borg.“
Knattspyrnudeild kvenna í Vík-
ingi Ólafsvík hefur gert nýja samn-
inga við fjóra leikmenn; þær Birtu
Guðlaugsdóttur, Fehima Líf Pur-
isevic, Regínu Sigurjónsdóttur og
Irmu Gunnþórsdóttur. Guðlaug-
ur Mímir Brynjarsson formaður
kvennadeildar sagði í samtali við
Skessuhorn að hann væri ánægður
með þessa samninga og sagðist eiga
von á erfiðu tímabili þar sem fyrsta
deildin væri sterkari en á síðasta ári.
„Við náðum góðum árangri á síð-
asta tímabili og komumst í umspil.
En þetta verður erfitt í ár,“ sagði
Guðlaugur Mímir.
af
Hluti kvennaliðs Víkings. Frá vinstri eru Ásdís Lilja Pétursdóttir stjórnarmaður,
Björn Sólmar, þjálfari og svo stelpur úr Víkingi. Þá Einar Magnús Gunnlaugsson
aðstoðarþjálfari og Harpa Finnsdóttir þrekþjálfari. Fremst er Guðlaugur Mímir
Brynjarsson formaður og Birta Guðlaugsdóttir sem er einn efnilegasti markmaður
landsins.
Víkingur semur við fjórar stúlkur
Inga Elín Cryer, sundkonan knáa
frá Akranesi, hefur glímt við meiðsli
og veikindi síðasta árið eða svo og
lítið synt af þeim sökum. Engu að
síður tók hún þátt í Íslandsmeistar-
mótinu í 50 m laug sem fram fór í
byrjun apríl. Þar hafnaði hún í öðru
sæti í 50 og 100 metra flugsundi,
háði meðal annars harða keppni
við Bryndísi Rún um gullið í 100 m
flugsundi. Þá varð hún í þriðja sæti
í 200 m flugsundi eftir að hafa leitt
sundið allan tímann. Það gekk þó
ekki átakalaust fyrir sig. Þegar hún
átti eftir um 15 metra eftir í bakk-
ann lokaðist fyrir öndunarveginn
hjá henni en einhvern veginn komst
hún að bakkanum og var dregin
upp úr lauginni og inn í sjúkraher-
bergi, þar sem hún náði að jafna sig.
Engu að síður var vel gert hjá henni
að klára sundið. Loks keppti hún í
boðsundi með Ægi og var útkom-
an hennar eftir Íslandsmótið fimm
silfur og ein bronsverðlaun.
Inga Elín tognaði á ökkla í febrúar
á síðasta ári og var sett í gips. Héldu
læknar jafnvel að hún hefði brotnað,
en um slæma tognun var að ræða og
var hún lengi að jafna sig eftir það.
Í ágúst í fyrra fékk hún loks slæma
veirusýkingu sem greindist seint.
Þannig varð árið 2016 erfitt fyrir
sundkonuna. „En hún er ákveðin
að komast yfir þessi áföll og er nú
búin að ná að æfa þokkalega vel frá
því í janúar. Inga Elín er staðráðin í
að komast að nýju í sitt besta form.
Við vildum koma þessu á framfæri
til velunnara hennar á Skaganum,
því mikið hefur verið spurt um líð-
an hennar að undanförnu. Viljum
við þakka hlýhug þeirra sem fylgst
hafa með henni,“ segir Silla Karen
móðir Ingu Elínar. mm
Inga Elín stefnir á að komast í
sitt besta keppnisform
Sundsamband Íslands hefur birt
nöfn þeirra 16 sundmanna sem
munu keppa fyrir Íslands hönd á
Smáþjóðaleikunum 2017. Leikarnir
verða haldnir í San Marínó dagana
29. maí til 3. júní. Sundfélag Akra-
ness á fulltrúa í hópnum; Ágúst Júlí-
usson. Ágúst hefur síðastliðin ár ver-
ið einn sigursælasti flugsundsmaður
landsins. Hann hefur æft vel í vetur
og er enn að bæta tímana sína. Sext-
án sundmenn voru valdir til þátt-
töku, átta karlar og átta konur, en
auk Ágústs er Skagakonan Inga Elín
Cryer, sem syndir fyrir sundfélagið
Ægi, einnig með í hópnum.
Íslendingar hafa alla tíð verið
mjög sigursælir í sundhluta leik-
anna og meira en helmingur allra
verðlauna Íslands á Smáþjóðaleik-
um frá upphafi koma úr sundi. Í
liðinu sem keppir í San Marínó eru
að auki Ágústs og Ingu; Aron Örn
Stefánsson SH, Bryndís Bolladóttir
Breiðabliki, Bryndís Rún Hansen
Óðni, Davíð Hildiberg Aðalsteins-
son ÍRB, Eygló Ósk Gústafsdóttir
Ægi, Hafþór Jón Sigurðsson SH,
Hrafnhildur Lúthersdóttir SH,
Íris Ósk Hilmarsdóttir ÍRB, Karen
Mist Arngeirsdóttir ÍRB, Kristinn
Þórarinsson Fjölni, Kristófer Sig-
urðsson ÍRB, Sunneva Dögg Frið-
riksdóttir ÍRB, Viktor Máni Vil-
bergsson SH og Þröstur Bjarnason
ÍRB.
Smáþjóðaleikarnir hafa verið
haldnir annað hvert ár frá árinu
1985. Á þeim er keppt undir merkj-
um Ólympíunefnda níu þjóða í
Evrópu þar sem íbúar eru færri en
ein milljón. Það eru Andorra, Ís-
land, Kýpur, Liechtenstein, Lúx-
emborg, Malta, Mónakó, San Mar-
ínó og Svartfjallaland. Ísland hefur
í tvígang verið gestgjafi leikanna;
árið 1997 og árið 2015.
tg/mm
Ágúst og Inga Elín á Smáþjóðaleikana
Skagakonan Inga Elín Cryer sem nú æfir og keppir með Ægi.Ágúst Júlíusson úr ÍA er einn fremsti flugsundsmaður
landsins. Knattspyrnudeild Víkings Ólafsvík hefur sam-
ið við tvo spænska leikmenn um að ganga til
liðs við félagið. Annars vegar muni spænski
knattspyrnumaðurinn Alonso Sanchez
Gonzalez leika með liðinu í sumar. Alonso
er miðjumaður, fæddur árið 1990, en hann
lék seinast með Raufoss í Noregi. Alonso
æfði með Víkingi Ó. í æfingaferð á Spáni fyrr í
mánuðinum og tók þar þátt í æfingaleikjum
gegn Stjörnunni og Keflavík.
Hins vegar hefur Víkingur samið við
Nacho Heras Anglada um að leika með lið-
inu í sumar. Nacho er varnarmaður, fæddur
árið 1991, og lék seinast með U.P. Plasencia í
heimalandinu. Þá hefur hann einnig spilað í
Ungverjalandi auk þess sem hann var á mála
hjá Espanyol á yngri árum. mm
Tveir Spánverjar
til liðs við Víking
Nacho Heras Anglada.
Alonso Sanchez Gonzalez.
Borgfirðingurinn Arnar Guðjónsson, þjálfari
Svendborg Rabbits, stýrði sínu liði til brons-
verðlauna í dönsku úrvalsdeildinni í körfu-
knattleik. Kanínur Arnars höfðu öruggan
87-72 sigur á SISU í bronsleiknum sem fram
fór að kvöldi mánudagsins í síðustu viku.
Sterk hefð er fyrir því í Danmörku að liðin
sem falla úr leik í undanúrslitum úrslita-
keppninnar leiki einn leik um bronsið.
Eru þetta fyrstu verðlaun Svendborg í
dönsku úrvalsdeildinni síðan 2013, en Arnar
hefur stýrt liðinu frá árinu 2015 þegar Craig
Pedersen stýrði liðinu. Craig var þá jafnframt
þjálfari íslenska landsliðsins en hætti til að
einbeita sér að landsliðsþjálfun Íslands. Arn-
ar var áður aðstoðarmaður Craig hjá Svend-
borg. kgk
Kanínurnar
hans Arnars
hrepptu bronsið
Arnar Guðjónsson fer yfir málin
með sínum mönnum í Svendborg
Rabbits. Ljósm. fyens.dk.
Skallagrímur er kominn í undanúrslit í C-
deild Lengjubikarins. Liðið sigraði þrjá af
fjórum leikjum sínum í riðlinum og gerði
eitt jafntefli með markatöluna 13-4. Skalla-
grímur mætir Kormáki/Hvöt í undanúrslita-
leiknum sem fer fram í Borgarnesi á morgun,
fimmtudaginn 4. maí og hefst kl. 19.15.
kgk/ Ljósm. Skallagrímur.
Skallagrímur
í úrslit Lengju-
bikarsins