Skessuhorn - 25.04.2018, Side 27

MIÐVIKUDAGUR 25. ApRÍL 2018 27
Klettagörðum 15 | 525 7700 | flytjandi.is
DAGLEGA Á FERÐINNI MEÐ
VÖRUR UM ALLT LAND
Eimskip Flytjandi veitir samræmda flutningaþjónustu
um land allt og eru áfangastaðirnir 80 talsins.
Bæði ÍA og Víkingur Ó. léku í
fyrstu umferð Mjólkurbikars karla
í knattspyrnu á sumardaginn fyrsta.
ÍA tók á móti ÍH á Akranesi en
Víkingur Ó. heimsótti lið KFG. Á
föstudag tók Kári á Akranesi síðan
á móti Elliða frá Ísafirði. Öllu unnu
Vesturlandsliðin stórt og tryggðu
sér sæti í 32 liða úrslitum bikars-
ins. Allir leikir næstu umferðar fara
fram dagana í kringum mánaða-
mótin næstkomandi.
Steinar með fjögur í
stórsigri ÍA
Leikur ÍA og ÍH í Akraneshöll-
inni var einstefna frá fyrstu mín-
útu. Getumunurinn á liðunum
leyndi sér ekki, enda Skagamenn í
1. deild og ÍH í 4. deild. Eftir að-
eins fimm mínútna leik kom Stein-
ar Þorsteinsson Skagamönnum yfir
og tveimur mínútum síðar skoruðu
gestirnir sjálfsmark. Ólafur Valur
Valdimarsson skoraði þriðja mark
ÍA á 11. mínútu og stefndi í stór-
sigur ÍA. Stefán Teitur Þórðarson
skoraði á 33. mínútu, Arnór Snær
Guðmundsson fjórum mínútum
síðar og Steinar skoraði annað mark
sitt skömmu eftir það. Staðan var
6-0 í hléinu og úrslitin löngu ráðin.
Steinar fullkomnaði þrennuna þeg-
ar tíu mínútur voru liðnar af síðari
hálfleik en eftir það róaðist leikur-
inn mikið. Skagamenn fengu þó sín
færi sem þeir náðu ekki að nýta en
sóknir gestanna voru fáar og ekki
líklegar til árangurs. Á lokamínútu
leiksins nýttu Skagamenn loks færi
og þar var á ferðinni Steinar Þor-
steinsson. Skoraði hann sitt fjórða
mark og rak smiðshöggið á 8-0 sig-
ur Skagamanna.
ÍA 32 liða úrslitum mætir ÍA liði
Selfyssinga á útivelli.
Öruggur útisigur
Víkings Ó.
Á Bessastaðavelli heimsóttu liðs-
menn Víkings Ólafsvíkur lið KFG.
Yfirburðir Ólafsvíkinga voru tölu-
verðir gegn 3. deildar liði KFG,
en Víkingur Ó. leikur sem kunn-
ugt er í 1. deild. Eftir 26 mínútna
leik skoraði Ívar Reynir Antons-
son fyrsta mark leiksins fyrir Vík-
ing Ó. og sjö mínútum síðar skor-
uðu heimamenn sjálfsmark. Stað-
an í hléinu var því 0-2, fyrir Vík-
ing Ó. Síðari hálfleikur var ekki
nema fimm mínútna gamall þeg-
ar Sigurður Helgi Harðarson kom
Ólafsvíkingum þremur mörk-
um yfir og skömmu síðar skoraði
Kwame Quee fjórða mark liðsins.
Leikurinn róaðist aðeins eftir það
og það var ekki fyrr en á 85. mín-
útu að næsta mark kom. Það skor-
aði Kwame Quee einnig, úr víta-
spyrnu eftir brot í teignum. Loka-
tölur urðu 0-5 stórsigur Víkings Ó.
og liðið því komið áfram í næstu
umferð Mjólkurbikarsins. Þar
mæta Ólafsvíkingar liði Hamars.
Sá leikur fer fram í Hveragerð.
Kári rústaði Elliða
Leikur Kára og Elliða fór fram
í Akraneshöllinni á föstudag.
Skemmst er frá því að segja að gest-
irnir sáu aldrei til sólar. Eggert Kári
Karlsson kom Kára yfir strax á 11.
mínútu og Alexander Már Þorláks-
son bætti öðru marki við tveim-
ur mínútum síðar. Áður en flautað
var til hálfleiks skoraði Guðlaug-
ur Þór Brandsson þrennu og Kári
var 5-0 yfir í hléinu. Alexander Már
Þorláksson skoraði næstu tvö mörk
leiksins og kom Kára í 7-0 áður en
Natan Hjaltalín minnkaði mun-
inn fyrir gestina þegar tíu mínútur
lifðu leiks. En Káramenn voru ekki
hættir. Marinó Hilmar Ásgeirsson
og Hlynur Sævar Jónsson skoruðu
sitt markið hvor undir lok leiksins
og innsigluðu 9-1 stórsigur Kára.
Káramenn etja kappi við Hött í
32 liða úrslitum bikarsins. Sá leikur
fer fram á Akranesi.
kgk/ Ljósm. úr safni/ gbh.
Vesturlandsliðin unnu stórt í bikarnum
Sundkonan Inga Elín Cryer frá
Akranesi keppti á ÍM -50 um liðna
helgi og náði þar frábærum árangri.
Hún keppti í 100m og 200m flug-
sundi og 200m skriðsundi og varð
Íslandsmeistari í öllum þessum
greinum. Þá vann hún til þriggja
bronsverðlauna í boðsundsgrein-
um. Þannig að afrakstur helgar-
innar voru þrjú gull og þrjú brons.
Inga Elín hefur verið að æfa mjög
vel að undanförnu og er óðum að
nálgast sitt besta form. Ekki tókst
henni þó á mótinu að ná lágmörk-
um fyrir EM en kröfurnar þar inn
eru miklar. Hefði hún þurft að bæta
Íslandsmetin í hverri grein töluvert
til að ná lágmarkinu. Engu að síður
var þetta góður árangur. mm
Þrjú gull og þrjú
brons á ÍM - 50
Íslandsmeistaramótið í sundi í 50
metra laug fór fram í Laugardals-
laug um liðna helgi. Tólf kepp-
endur frá Sundfélagi Akraness tóku
þátt í mótinu. Sneru keppendur
heim með nokkra verðlaunapen-
inga auk þess sem eitt Akranesmet
féll. Sævar Berg Sigurðsson vann
til silfurverðlauna í 50 m bringu-
sundi og Atli Vikar Ingimundarson
hreppti bronsið í 100 m flugsundi
á nýju persónulegu meti. Boðsund-
ssveit félagsins hafnaði í þriðja sæti
í 4x100 m fjórsundi, en sveitin var
skipuð þeim Sævari Berg, Atla Vik-
ari, Erlendi Magnússyni og Sindra
Andreas Bjarnasyni.
Þá setti Brynhildur Traustadótt-
ir nýtt Akranesmet í 1500 m skrið-
sundi. Bætti hún aðeins tveggja
vikna gamalt met sitt um hvorki
meira né minna en 21 sekúndu.
Skilaði það henni fjórða sæti í sund-
inu. kgk
Syntu til verðlauna og settu met
Bronsverðlaunasundsveitin í 4x100 m fjórsundi.
Skagamaðurinn Jóhann Ársæll Atl-
ason sló þriðjudaginn 17. apríl sl. 19
ára gamalt Íslandsmet í einum leik í
1. flokki pilta í keilu. Í 1. flokki leika
keppendur 17-18 ára. Jóhann spilaði
299 stiga leik í 2. deildinni á Akra-
nesi þennan dag, en hæsta mögu-
lega skor í keilu er 300. Eldra metið
í 1. flokki pilta var 298, sem Stein-
þór Geirdal setti árið 1999. Metið
sem Jóhann Ársæll sló var því eldra
en hann sjálfur. kgk
Sló 19 ára gamalt Íslandsmet
Jóhann Ársæll Atlason úr Keilufélagi Akraness fyrir miðju. Ljósm. KLÍ.
Valdís Þóra Jónsdóttir, atvinnu-
kylfingur úr Golfklúbbnum Leyni,
hafnaði í 61. sæti á Lalla Me-
ryem Cup mótinu í Marokkó um
helgina. Mótið er hluti af Evrópu-
mótaröðinni. Spilamennska Val-
dísar var mjög kaflaskipt. Hún lék
frábærlega á upphafshringnum en
náði sér ekki á strik á næstu þremur
hringjum mótsins. Lauk hún leik á
19 höggum yfir pari í 61. sæti, sem
fyrr segir.
Næst leikur Valdís á Evrópu-
mótaröðinni 14. maí næstkomandi
en hún er skráð til leiks í úrtökumót
fyrir Opna bandaríska mótið.
kgk
Valdísi Þóru gekk illa í Marokkó
Valdís Þóra á fyrsta hring mótsins.