Skessuhorn - 18.07.2018, Blaðsíða 19

MIÐVIKUDAGUR 18. JÚlÍ 2018 19
Um helgina fór bæjarhátíðin Sandara- og Rifsaragleði fram.
Mikið var lagt upp með að gera hátíðina sem best úr garði og
að öll fjölskyldan fyndi eitthvað við sitt hæfi. Hátíðin hófs á
fimmtudag með því að Ari Eldjárn var með uppistand í Frysti-
klefanum í Rifi og var skemmtunin vel sótt. Á föstudaginn
var keppt í tveimur greinum í Vestfjarðavíkingnum í Tröð og
þar voru komnir saman ellefu kraftakarlar og fjöldi áhorfenda
sem skemmtu sér vel þótt mikið rigndi. Um kvöldið var svo
Slysósúpa í gamla frystihúsinu á Hellissandi og skemmtiat-
riði í boði.
Á laugardaginn skein svo sólin glatt á hátíðargesti og var
ekki annað að sjá en fólk brosti sínu breiðasta. Einn heima-
maður sagði fréttaritara að nú væri það endanlega staðfest, að
„Guð væri Sandari.“ Mikið var um að vera og var til dæmis
markaður í Röstinni þar sem margt var til sölu og kunnu gest-
ir vel að meta fjölbreytileikann sem var á boðstólnum. lati-
bær var með skemmtiatriði fyrir börn og forntraktóraakstur
var um bæinn. Einnig var Slökkvilið Snæfellsbæjar með froðu
á Munaðarhólnum sem óhætt er að segja að hafi slegið ræki-
lega í gegn bæði hjá börnum og fullorðnum sem réðu sér ekki
fyrir kæti. Á laugardagskvöldin var svo götugrill vítt um bæinn
og voru allir boðnir velkomnir til þess að njóta veitinga hjá
íbúum. Síðar um kvöldið fór svo fram fjölmennur dansleikur í
Röst þar sem heimahljómsveitinn Ungmennafélagið lék fyrir
dansi og rennur allur ágóðinn af ballinu til styrktar Sjóminja-
safninu á Hellissandi.
Á sunnudaginn var fjörinu haldið áfram með barnaskemmt-
un í Frystiklefanum með Karíus og Baktus auk þess sem úr-
slitaleikur HM var sýndur á ristjaldi og Halldór Gylfason var
með tónleika. af
Prýðis veður á Sandara- og Rifsaragleði
Froðan hjá Slökkviliði Snæfellsbæjar sló í gegn.
Þessi unga dama var alveg búin á því og lagði sig bara í fang systur
sinnar.
Forntraktora akstur.
Á markaðinum í Röst var tælenskur matur í boði.
Latibær var með skemmtiatriði.
Sólveig Bláfeld lét ekki sitt eftir liggja og renndi sér með börnunum
og brosti svo bara og hafði gaman.
Hraustir kraftakarla kepptu í Tröð, en dagskráin var hluti af Vest-
fjarðavíkingnum.
Börn voru hugfangin að sjá sterkasta manni í heimi og vildu ólm
láta mynd sig með honum og var það sjálfsagt mál. Hér er Svavar
og Benóný á mynd með Hafþóri.
Sterkasti maður heims; Hafþór Júlíusson, var í Tröð og hér er hann að kenna einum keppandanum réttu handtökin.