Skessuhorn - 18.07.2018, Blaðsíða 22
MIÐVIKUDAGUR 18. JÚlÍ 201822
Bæjarhátíðin „Á góðri stund í
Grundarfirði“ fagnar 20 ára afmæli
sínu þetta árið. Það var árið 1997
sem að Grundarfjarðarbær hélt upp
á 100 ára afmæli löggildingar versl-
unarstaðar á Grafarnesi og var sú
hátíð nefnd „100 ár í nesinu.“ Sú
hátíð tókst svo vel að ákveðið var
að halda aðra hátíð að ári og sum-
arið 1998 var fyrsta „Á góðri stund
í Grundarfirði“ hátíðin haldin og
hefur hún verið árviss viðburður
eftir það.
Hátíðin í ár mun verða vegleg
og hefst hún mánudaginn 23. júlí
þegar Útvarp Grundarfjörður fer í
loftið á FM 103,5. Hver viðburður-
inn rekur svo annan eins og kubb-
keppni og körfuboltakeppni á milli
hverfa. Íbúar fara svo að skreyta sín
hverfi á miðvikudeginum 25. júlí
og húsin sín fimmtudaginn 26. júlí.
Þann dag verður svo grill í boði
Kjörbúðarinnar og svo tónleikar
um kvöldið í hátíðartjaldinu með
Jóhönnu Guðrúnu, Eyþóri Inga og
Sölku Sól undir stjórn Davíðs Sig-
urgeirssonar gítarleikara. Það er
fjöldinn allur af viðburðum í gangi
yfir þessa helgi og ljóst að allir ættu
að geta fundið eitthvað við sitt hæfi
um aðra helgi í Grundarfirði.
tfk
Nú geta Borgfirðingar og nærsveit-
ungar loks farið með bílinn sinn í
gott dekur því Bónstöðin 310 hefur
verið opnuð að efri Sólbakka númer
27 í Borgarnesi. Það eru frændurnir
Kristján J. og Árni Hrafn Hafsteins-
son, ættaðir frá Brennistöðum í
Flókadal, sem eiga og reka stöðina.
Amma Kristjáns, Valgerður Theo-
dórsdóttir var fædd og uppalin á
Brennistöðum og þar dvaldi Krist-
ján öll sumur á sínum uppvaxtarár-
um. Kristján flutti svo búferlum frá
Spáni í Flókadalinn í desember síð-
astliðnum. Árni Hrafn er hins veg-
ar fæddur og alinn upp á Brenni-
stöðum. Nú hafa þeir frændur tekið
saman höndum og stofnað nýtt fyr-
irtæki til að þjónusta bíla á svæðinu
og hefur þessari nýjung verið gríð-
arlega vel tekið. „Það er alveg ljóst
að þessa þjónustu vantaði á svæð-
ið,“ segja Kristján og Árni í samtali
við blaðamann, en rætt var við þá
meðan einn af vinnubílum Skessu-
horns var þrifinn hátt og lágt, fékk
sannkallaða dekurmeðferð. „Við
opnuðum formlega 12. júlí í síðustu
viku og það er búið að vera brjálað
að gera síðan. Við erum fullbókaðir
fram í þarnæstu viku.“
Fékk bílaáhugann ungur
Kristján minnist þess að bílaáhug-
inn hafi gert vart við sig þegar hann
vann hjá Kringlubóni þá aðeins 13
ára gamall. „Ég man til dæmis þeg-
ar ég var ungur að þá var það ég
sem sá um að bílarnir hjá mömmu
og pabba væru í tipp-topp standi,“
segir Kristján brosandi en frá þrett-
án ára aldri hefur þessi ástríða hans
fyrir bílum farið stígvaxandi. „Þetta
er mikið áhugamál hjá mér og ég er
vel tengdur inn í bílaheiminn hér á
landi. Í gegnum tíðina hef ég náð
að sanka að mér mikilli reynslu og
þekkingu í þessum geira og nýti
það að sjálfsögðu í reksturinn okkar
hér.“ Kristján sér aðallega um dag-
legan rekstur fyrirtækisins á með-
an frændi hans, Árni Hrafn, sér um
þrifin og starfsfólk en saman reka
þeir fyrirtækið.
Vantar bónstöð á svæðið
„Það var heldur stuttur aðdragandi
frá því við fengum þessa hugmynd
og þangað til hún var orðin að veru-
leika,“ segja Borgfirðingarnir. Sam-
an veltu þeir fyrir sér hvaða þjón-
ustu vantaði í Borgarnesi og keyrðu
um bæinn í leit að hugmyndum.
Þeir þurftu ekki að leita langt yfir
skammt þar sem enga bónstöð var
að finna í bæjarfélaginu. „Um leið
og hugmyndin var komin þá keyrð-
um við af stað með þetta. Við feng-
um frábært húsnæði undir rekstur-
inn sem við leigjum af Borgarverki
en stefnum á að kaupa plássið ef vel
gengur,“ segir Árni. Áður en þeir
opnuðu dyrnar formlega þá æfðu
þeir sig að þrífa og bóna bíla fyrir
vini og ættingja. „Það er gífurlega
mikilvægt að kunna réttu handtök-
in og fara rétt með efnin og tól-
in sem notast verða við til að þrífa
bílana. Hérna er margra ára þjálfun
og reynsla að baki og við hjá Bón-
stöðinni 310 leggjum mikla áherslu
á fagmennsku og metnað í starfi og
það sést hvernig við skilum bílun-
um frá okkur.“
Alhliða þjónusta
Bónstöðin býður upp á alhliða
þjónustu þegar kemur að þrifum
og bóni og gott betur. Þeir bjóða
upp á alþrif að innan og utan með
bóni, djúphreinsun teppa og sæta
og svo vinna þeir mikið með vörur
frá dr. leður sem er algjör bylting
á markaðnum, en Kristján fór sér-
staklega til Óla í dr. leður til að
læra réttu handtökin. Frændurnir
segja að alþrif og djúphreinsun hafa
verið vinsælast meðal viðskiptavina
til þessa. Einnig bjóða þeir upp á
að sækja og sendast eftir bílum eða
lána bíl á meðan hreinsun fer fram
gegn vægu gjaldi. „Við setjum háan
standard á þjónustuna okkar. Hér fá
bílar algjöra lúxusmeðferð,“ segja
frændurnir. „Markmið Bónstöðvar-
innar 310 er að allir bílar í Borgar-
byggð verði þeir hreinustu á land-
inu og að viðskiptavinir fari ánægð-
ir frá okkur á hreinum og nýbón-
uðum bílum.“
Langtímamarkmið
Frændurnir hafa skýra sýn á fram-
tíðina og verða seint kallaðir hug-
myndasnauðir. „langtímamark-
miðið hjá okkur er að bjóða einn-
ig upp á bílaleigu og hefja bílasölu.
Svo höfum við hug á að opna ís-
búð og efnalaug, en þetta allt vant-
ar á þessu svæði og við viljum veita
alla þá þjónustu sem Borgarbyggð
vantar.“
Bónstöðin 310 er opin alla virka
daga frá 10:00 - 22:00 eins og er.
Til að komast þangað er beygt inn
á efri Sólbakka hjá Atlantsolíu við
Þjóðveg eitt. Hægt er að panta tíma
í síma 764-1000 og verðskrá má
finna á Facebook síðu fyrirtækis-
ins undir Bónstöðin 310. „Það eru
allir velkomnir að kíkja til okkar,
það verður alltaf heitt á könnunni.“
segja þeir að endingu.
glh
Á Góðri stund fagnar tuttugu ára afmæli
Mikill metnaður er lagður í þrifin og hver krókur og kimi tekinn í gegn.
Dekurbónstöð opnuð í Borgarnesi
Boðið er upp á alþrif að inna sem utan.
Bónstöðin hefur góða aðstöðu til að taka á móti öllum stærðum og gerðum af
ökutækjum. Sjá má frændurna Kristján og Árna standa fyrir framan stöðina.