Skessuhorn - 25.07.2018, Blaðsíða 6

MIÐVIKUDAGUR 25. JÚlÍ 20186
Miðlunartillaga í
ljósmæðradeilu
LANDIÐ: ljósmæðrafélag
Íslands ákvað á laugardaginn
að aflýsa yfirvinnubanni eftir
að ríkissáttasemjari lagði fram
miðlunartillögu í kjaradeilu
félagsins við ríkið. Tillag-
an felur í grundvallaratriðum
í sér sambærilegar hækkanir
og voru í samningi sem gerð-
ur var 29. maí, en ljósmæður
felldu. Nú er sérstökum gerð-
ardómi falið að kveða úr um
það hvort og þá að hvaða leyti
álag, menntun og inntak starfs
ljósmæðra eigi að hafa frekari
áhrif á launasetningu stéttar-
innar. Djúpstæður ágreiningu
var á milli samningsaðila um
þessi atriði. Ríkissáttasemj-
ari mun nú skipa þrjá menn
í gerðardóminn sem verð-
ur annars sjálfstæður í störf-
um sínum og skal hann ljúka
störfum fyrir 1. september
næstkomandi. Samningur-
inn er nú í kynningarferli og
er gert ráð fyrir að atkvæða-
greiðslu hjá ljósmæðrafélag-
inu ljúki í dag, miðvikudag.
Miðlunartillagan verður ekki
birt öðrum en þeim sem hlut
eiga að máli, þ.e. ljósmæðrum
og fjármálaráðuneytinu, fyrr
en að atkvæðagreiðslunni er
lokið.
-mm
Landsmót STÍ
var um helgina
AKRANES: landsmót Skot-
íþróttasambands Íslands í
haglabyssugreininni SKEET
fór fram á Akranesi dag-
ana 21.-22. júlí. Þar var jöfn
keppni og náðist góður ár-
angur hjá þátttakendum. Há-
kon Þór Svavarsson, úr Skot-
íþróttafélagi Suðurlands,
sigraði í karlaflokki og lauk
keppni með 53 stigum. Í öðru
sæti var heimamaðurinn Stef-
án Gísli Örlygsson með 50
stig og í því þriðja hafnaði
Guðlaugur Bragi Magnússon
úr Skotfélagi Akureyrar með
40 stig. Snjólaug M. Jónsdótt-
ir, úr Skotfélaginu Markviss
frá Blönduósi, sem bar sigur
úr býtum í kvennaflokki með
39 stig. Rétt á eftir Snjólaugu
kom Helga Jóhannsdóttir úr
Skotíþróttafélagi Suðurlands
sem lenti í öðru sæti með 38
stig og í þriðja var Dagný H.
Hinriksdóttir úr Skotfélagi
Reykjavíkur með 22 stig. Í
liðakeppninni karla þá sigraði
sveit Skotíþróttafélags Suður-
lands með 321 stig.
-glh
Eigendur dýra
sviptir forræði
yfir þeim
LANDIÐ: Matvælastofn-
un hefur nýverið tekið dýr úr
vörslum umráðamanna þar sem
aðbúnaður stóðst ekki þær kröf-
ur sem gerðar eru skv. lögum
um velferð dýra. Í öðru málinu
var um að ræða tvær hryssur,
önnur með folaldi og hin fylfull,
sem haldnar voru í gerði án að-
gangs að beit og tryggri brynn-
ingu. Kröfum um úrbætur hafði
ekki verið sinnt. Þá var hvolp-
ur tekinn af umráðamanni, eft-
ir að ábending barst frá lögreglu
um hvolp sem skilinn hafði ver-
ið eftir einn heima í lengri tíma
við óviðunandi aðstæður. Í báð-
um tilfellum var um að ræða taf-
arlausa vörslusviptingu þar sem
úrbætur þoldu ekki bið, segir í
tilkynningu frá Matvælastofnu.
„Samkvæmt lögum um velferð
dýra er skylt að fara vel með dýr
og ber umráðamaður ábyrgð á
því að annast sé um dýr í sam-
ræmi við lögin og reglur sem
settar eru á grundvelli þeirra.“
-mm
Sextíu í vinnu-
skólanum
BORGARBYGGÐ: Um sex-
tíu ungmenni taka þátt í Vinnu-
skólanum í Borgarbyggð í sum-
ar. „Í annað skiptið var nem-
endum í 7. bekk boðin vinna í
sumar og er helmingur þátttak-
enda á þeim aldri. Að öðru leyti
er Vinnuskólinn fyrir nemendur
í 8. – 10. bekk. Vinnan felst að-
allega í fegrun og snyrtingu op-
inna svæða, nám í grunnatrið-
um við almenna vinnu, stund-
vísi, meðferð og frágang áhalda
og tækja ásamt þjálfun í að fara
eftir fyrirmælum og samstarfi.
Umsögn er gefin í lok Vinnu-
skólans,“ segir í frétt á vef sveit-
arfélagsins.
-mm
Í dag, miðvikudag, verður styrkt-
aræfing í CrossFit Ægi á Akranesi
til styrktar Minningarsjóði Ein-
ars Darra og er öllum velkom-
ið að taka þátt. Einar Darri var
aðeins 18 ára gamall þegar hann
lést á heimili sínu í Hvalfjarðar-
sveit 25. maí síðastliðinn af völd-
um ofneyslu lyfsins OxyContin.
Fjölskylda og vinir Einars Darra
stofnuðu í kjölfarið minningar-
sjóð í hans nafni þar sem þau vilja
opna umræðuna um misnotkun
lyfja hér á landi og fræða ungt fólk
um hætturnar sem fylgir neyslu
þeirra.
Æfingin verður á 30 mínútna
fresti milli klukkan 16:30 og 20:30
og kostar 1.000 krónur að taka
þátt. Allur ágóði rennur beint til
Minningarsjóðs Einars Darra.
Hægt verður að gera æfinguna
annað hvort erfiðari eða auðveld-
ari eftir því sem hentar hverjum
og einum. Ættu því allir að geta
tekið þátt og látið gott af sér leiða.
Fyrir þá sem ekki hafa tök á að
taka þátt en vilja leggja málefn-
inu lið er bent á reikningsnúmer
Minningarsjóðsins: Reiknings-
númer: 0354-13-200240. Kenni-
tala: 160370-5999.
arg
CrossFit til styrktar
Minningarsjóði Einars Darra
Bæjarhátíðin „Á góðri stund“ verð-
ur haldin um næstu helgi í Grund-
arfirði. Hátíðin fagnar 20 ára afmæli
um þessar mundir og verður mikið
um dýrðir um helgina. Hátíðartjald-
ið verður á sínum stað en dagskrá-
in fer að mestu fram á hafnarsvæði
bæjarins. „Það verður af nægu að
taka hérna um helgina,“ segir Aldís
Ásgeirsdóttir framkvæmdastjóri há-
tíðarinnar í stuttu spjalli við Skessu-
horn.
„Hverfin munu keppa í kubb og
körfubolta á fimmtudaginn áður
en hið margfræga grill í boði Kjör-
búðarinnar verður á dagskrá,“ bætir
hún við, en þar eru allir velkomnir
að belgja sig út á gómsætu grillmeti.
„Svo verður þjófstartið á fimmtu-
dagskvöldið þar sem Grundfirsku
stelpurnar munu hita upp fyrir stór-
söngvarana Eyþór Inga, Jóhönnu
Guðrúnu og Sölku Sól,“ segir Aldís
en þetta einvalalið tónlistarmanna
munu ekki svíkja neinn undir dyggri
stjórn Davíðs Sigurgeirssonar gít-
arleikara. „Á föstudeginum verður
opna Soffamótið í golfi og svo hið
margfræga froðugaman hjá slökkvi-
liðinu sem fer fram á íþróttavellin-
um,“ segir Aldís. „Þá verða Björgvin
Franz og Bíbí fyrir yngstu gestina á
Kirkjutúninu en þar verður einmitt
Ingó Veðurguð með brekkusöng
um kvöldið,“ bætir hún við. Svo er
dansleikur með Stuðlabandinu um
kvöldið í hátíðartjaldinu.
„Gunni og Felix mæta svo á laug-
ardaginn og stjórna dagskránni á
hátíðarsvæðinu en þar verður nóg
um að vera eins og hoppukastalar,
söngatriði, lalli töframaður, Solla
stirða og félagar og margt fleira,“
segir Aldís. Hápunktur hátíðarinn-
ar er svo á laugardagskvöldinu þeg-
ar hverfin marsera niður á hátíðar-
svæði í einkennislitum hvers hverfis
eins og hefð er fyrir. „Sverrir Berg-
mann og Halldór Gunnar verða svo
með bryggjuball eftir skrúðgöng-
una og um kvöldið mun svo hljóm-
sveitin Albatross halda uppi stuðinu
fram undir morgun,“ segir Aldís að
lokum en ljóst er að allir geta fund-
ið eitthvað við sitt hæfi um helgina.
Þá er bara að vona að veðurguð-
irnir verði hátíðargestum hliðholl-
ir um helgina en það verður tíminn
að leiða í ljós. tfk
Á Góðri stund um næstu helgi
Aldís Ásgeirsdóttir framkvæmdarstjóri hátíðarinnar.