Skessuhorn - 25.07.2018, Blaðsíða 19
MIÐVIKUDAGUR 25. JÚlÍ 2018 19
S
K
E
S
S
U
H
O
R
N
2
01
8
Hvalfjarðarsveit er öflugt sveitarfélag með um 660 íbúa. Náttúrufegurð er mikil og möguleikar til að njóta fjölbreyttrar útiveru
eru óþrjótandi. Hvalfjarðarsveit er dreifbýlt sveitarfélag með litlum íbúakjörnum. Þar eru næg og fjölbreytt atvinnutækifæri,
öflugur landbúnaður, vaxandi ferðaþjónusta og metnaðarfullt skólastarf.
Mikil uppbygging hefur átt sér stað á iðnaðarsvæðinu við Grundartanga með fjölmörgum iðnfyrirtækjum. Hvalfjarðarsveit er
í nálægð við þéttbýli og í góðu samstarfi við nágrannasveitarfélög. Nánari upplýsingar má finna á www.hvalfjardarsveit.is
Skipulags- og umhverfisfulltrúi
Laust er til umsóknar starf skipulags- og umhverfisfulltrúa Hvalfjarðarsveitar. Um er að ræða 100% starf
innan stjórnsýslu sveitarfélagsins. Leitað er að metnaðarfullum aðila til að stýra fjölbreyttum verkefnum í
skipulags- og umhverfismálum sveitarfélagsins. Æskilegt er að viðkomandi geti hafið störf sem fyrst.
Helstu verkefni og ábyrgðarsvið:
Skipulags –og umhverfisfulltrúi hefur yfirumsjón með skipulags-, umhverfis- og náttúruverndarmálum
sveitarfélagsins, þjónustar íbúa Hvalfjarðarsveitar á þeim málefnasviðum, er ráðgefandi fyrir sveitarstjórn,
landbúnaðarnefnd og umhverfis,- skipulags- og náttúruverndarnefnd og vinnur skv. samþykktum þeirra.
Eftirfarandi heyrir m.a. undir verkefna- og ábyrgðarsvið skipulags- og umhverfisfulltrúa Hvalfjarðarsveitar:
Skipulagsgerð og útgáfa framkvæmdaleyfa.•
Umsjón með fráveitumálum, umferðar- og samgöngumálum.•
Umsjón með umhverfis- og hreinlætismálum sveitarfélagsins.•
Umsjón með náttúruverndarmálum í sveitarfélaginu.•
Umsjón með opnum svæðum, gróðursetningu og uppgræðslu.•
Umsjón með merkingu og kortlagningu útivistarsvæða og gönguleiða í sveitarfélaginu.•
Umsjón verkefna er varða gróðurvernd, fjallskil, búfjárgirðingar og refa- og minkaeyðingu.•
Gerð starfs- rekstrar-, og framkvæmdaáætlana fyrir þá málaflokka sem undir hann heyra.•
Skipulags- og umhverfisfulltrúi ber ábyrgð á meðferð og varðveislu gagna, úrvinnslu og upplýsingagjöf,
stefnumótun, þróun verklags og þjónustugæða. Skipulags- og umhverfisfulltrúi er starfsmaður umhverfis,-
skipulags,- og náttúruverndarnefndar og landbúnaðarnefndar.
Almennt stjórnunarsvið:
Skipulags- og umhverfisfulltrúi starfar og stjórnar í samræmi við lög og reglugerðir sem gilda um
landbúnaðarmál og skipulags- og umhverfismál sveitarfélaga. Einnig eftir lögum er varða opinbera þjónustu
og stjórnsýslu, samkvæmt markmiðum sveitarstjórnar og í samræmi við fjárhagsáætlun Hvalfjarðarsveitar á
hverjum tíma.
Menntunar- og hæfniskröfur:
Háskólamenntun og viðeigandi réttindi til að annast skipulagsgerð skv. 7. gr. •
skipulagslaga nr. 123/2010 er skilyrði.
Þekking og reynsla af skipulags- og umhverfismálum er æskileg.•
Reynsla af þátttöku í stefnumótandi áætlanagerð og gerð rekstrar- og fjárhagsáætlana •
er æskileg.
Reynsla af stjórnun, rekstri og þróunarstarfi er kostur.•
Færni í mannlegum samskiptum auk forystu- og skipulagshæfileika.•
Frumkvæði og sjálfstæði í vinnubrögðum.•
Hæfni til að tjá sig í ræðu og riti.•
Kjör:
Laun og starfskjör eru samkvæmt kjarasamningum viðkomandi stéttarfélags og Sambands íslenskra
sveitarfélaga.
Framlengdur umsóknarfrestur um starf skipulags- og umhverfisfulltrúa Hvalfjarðarsveitar
er til og með 9. ágúst 2018.
Umsóknum skal fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar
og rökstuðningur fyrir hæfni viðkomandi í starfið.
Umsóknir skal senda á skrifstofu Hvalfjarðarsveitar, Innrimel 3, 301 Akranes eða á netfangið
hvalfjardarsveit@hvalfjardarsveit.is
Nánari upplýsingar um starfið veitir Linda Björk Pálsdóttir sveitarstjóri í síma 433-8500 og á netfanginu
linda@hvalfjardarsveit.is
Samkvæmt samantekt landssam-
bands veiðifélaga um miðja síðustu
viku er laxveiðin að ganga vel víðast
hvar. Eystri-Rangá bættist á listann
yfir efstu tíu árnar en veiðin þar er
komin í 555 laxa og þar af veiddust
339 laxar síðustu veiðiviku. Þverá
og Kjarará trónir á toppnum, en
þar voru 1525 laxar komnir á land
18. júlí síðastlinn. Norðurá er í
öðru sæti með 1125 laxa.
Gengið vel á Mýrum og
Snæfellsnesi
„Það hefur gengið vel í langánni
en ég hef verið að leiðsegja hérna í
nokkurn tíma,“ sagði Hörður Birg-
ir Hafsteinsson í samtali við Skessu-
horn. Hann er búinn að vera nokkra
daga í sumar við veiðar í ánni. Þess
á milli veiðir hann annarsstaðar,
svo sem í Húseyjarkvísl en sinnir
auk þess sinni daglegu vinnu. „Síð-
ustu holl hafa verið að fá kringum
100 laxa hvert sem er frábær veiði
hérna, enda mikið af fiski,“ sagði
Hörður Birgir sem var að aðstoða
erlenda veiðimenn við langá. Þeir
voru að landa laxi og svo tveimur
öðrum rétt á eftir. „Vatnið er gott í
ánni og fiskurinn að ganga, þetta er
bara flott og úrvalsaðstæður,“ sagði
Hörður ennfremur. langá á Mýr-
um hefur gefið 700 laxa og hafa síð-
ustu holl verið mjög fengsæl.
Hítará er kominn yfir 320 laxa
og veiðin hefur verið prýðileg þrátt
fyrir berghlaupið viku af júlí. Fisk-
urinn virðist vera að jafna sig og
vatnið í ánni sömuleiðis, en það
skolaðist mikið niður með henni
þegar áin fann sér nýjan farveg um
Tálma.
„Það gengur vel í Haffjarðará og
áin er komin yfir 800 laxa, mikið af
fiski í ánni víða,“ sagði veiðimaður
sem var þar fyrir skömmu. laxinn
er líka vænn sem veiðist þar.
„Þetta var bara gaman“
„Jú, við vorum að koma úr Hvolsá
og Staðarhólsá í Dölum nokkrir
vinir frá Færeyjum og fengum fína
veiði. Þetta er skemmtilegt svæði
og margir hyljir í þessum veiðiám
báðum sem gefa vel,“ sagði Jógv-
an Hansen sem var á veiðislóðum
í Dölunum fyrir fáum dögum. Og
veiðin var prýðileg. „Við fengum
yfir 30 fiska; laxa og silunga. Það
var mikið af fiski víða á svæðinu.
Fiskurinn var aðeins tregur að taka
í lóninu en betur gekk í ánum skal
ég segja þér, þar veiddist vel. Þetta
er flottur staður þarna í Dölunum
og fallegt að vera,“ sagði Jógvan
ennfremur. Hann var þá á leiðinni
í Veiðivötn.
Frábær gangur í Reykja-
dalsánni
„Það hefur verið frábær gangur í
Reykjadalsá í Borgarfirði og mok-
veiði á köflum,“ sagði Óskar Fær-
seth, en veiðin í Reykjadalsá hefur
verið ævintýri líkast í sumar og mok-
veiðst á köflum eins og við sögðum
frá í síðasta blaði. „Núna held ég
að það séu komnir 110-120 laxar á
land sem er frábært og júlí ekki bú-
inn,“ sagði Óskar, en Reykjadalsá er
síðsumars veiðiá og á eftir að bæta
verulega við sig í sumar.
Veiðimenn sem voru að koma úr
Flókadalsá í Borgarfirði sögðu að
áin væri kominn í 233 laxa og þeir
hefðu fengið vel í soðið. Fiskur er
kominn um ána alla.
gb/mm
Gott veiðisumar í laxi og silungi
Ingólfur Kolbeinsson fór til veiða á sunnanverðri Arnarvatnsheiði nýverið og
veiddi vel. „Við vorum að koma um helgina aftur af Arnarvatnsheiðinni og það
gekk vel, fengum 20 fiska í dag, flottan silung og gaman að eiga við hann.“
Erlendir veiðimenn með fisk við
Langá, en Hörður Birgir hefur
verið að leiðsegja þeim.
Ljósm. hbh.
Jógvan Hansen með lax úr Hvolsá í Dölum, rétt ofan við veiðihúsið.
Kári Árnason knattspyrnumaður með
maríulaxinn sinn á stönginni, en hann
fékk landsliðsmaðurinn í Reykjadalsá.