Skessuhorn - 25.07.2018, Blaðsíða 20
MIÐVIKUDAGUR 25. JÚlÍ 201820
Borgfirðingabók 2018 er komin
úr prentun og er þessa dagana að
berast áskrifendum. Bókin er 19.
árgangur ársrits Sögufélags Borg-
arfjarðar. Borgfirðingabók er
meginverkefni sögufélagsins nú
um stundir, mikið hefur verið lagt
í útgáfuna sem er 288 blaðsíð-
ur með efni eftir 29 höfunda sem
skreytt er og skýrt með yfir 150
ljósmyndum. Í formála minnist
Sögufélagið dr. Þuríðar J. Krist-
jánsdóttur en hún lést 18. apríl
síðastliðinn. Hún var einn af höf-
undum Borgfirskra æviskráa og
var í stjórn félagsins um árabil.
Eins og að líkum lætur koma
höfundar víða við og er efnið
bæði af gömlum og nýj-
um toga. Fjórar
af greinunum eru
í raun framhald
greina úr síðustu
B o r g f i r ð i n g a -
bók. Það er um-
fjöllun Theodórs
Kr. Þórðarsonar
um leikstarfsemi
Umf. Skalla-
gríms, Hreinn
Ómar Arason
heldur áfram að
rekja fyrstu MB
og M bílnúmer-
in, Helgi Bjarna-
son fjallar áfram
um íþróttamót
Borgfirðinga og
einnig er samantekt Eyjólfs Andr-
éssonar á símhringingum utan
Skarðsheiðar. Meðal annars efnis
má nefna að Guðbrandur Guð-
brandsson greinir frá starfsemi
Búnaðarfélags Mýramanna, Ingi-
björg Inga Guðmundsdóttir seg-
ir frá fyrirkomulagi sem kallast
smiðjuhelgar í Grunnskóla Borg-
arfjarðar og Gunnlaugur Auðunn
Júlíusson stiklar á stóru varðandi
helstu viðfangsefni Borgarbyggð-
ar. Fjallað er um Fljótstungurétt
í grein Magnúsar Sigurðssonar,
Kristján Franklín Oddsson segir
frá Ásmundi á Högnastöðum og
Ásdís Haraldsdóttir tók saman
nokkur atriði úr meistararitgerð
sinni um upplifun leitarmanna á
Álfthreppingaafrétti. Birt eru ljóð
eftir Helgu laufeyju Hannesdótt-
ur, Sigurð Jónsson og Gunnar J.
Straumland ásamt þýðingu Ás-
geirs Ásgeirssonar á smásögu eft-
ir Gabríel García Marquez. Birt-
ar eru vísur eftir Sigga ha, ásamt
stuttri samantekt Andrésar Eyj-
ólfssonar á lífshlaupi hans, Elín
Birna Daníelsdóttir og Brandur
Fróði Einarsson segja frá Guð-
rúnu Helgadóttur og Kristrún
Heimisdóttir fjallar um ævi ömmu
sinnar – frú Önnu Bjarnadótt-
ur. Birt eru fiskimið fyrir Mýrum
sem þeir Jóhann Jónatansson, Jón
Samúelsson og Hallbjörn Gísla-
son áttu í fórum sínum, Þórir E.
Gunnarsson segir frá engjaslætti á
Ölvaldsstöðum og birt er saman-
tekt Þorgríms Jónssonar á stofn-
un og starfsemi Skógræktarfé-
lags Innri-Akraneshrepps. Guð-
rún Jónsdóttir
tók saman þátt
þar sem sagt er
af Magnúsi Jón-
assyni, bílstjóra
í tilefni þess að
100 ár eru lið-
in frá því hann
keypti fyrstu bif-
reiðina sem kom í
Borgarnes. Guð-
rún Kristjáns-
dóttir segir frá
lífinu í heima-
vist Barnaskól-
ans á Varmalandi
og Tinna Krist-
ín Finnbogadótt-
ir gefur innsýn í
skákferil sinn. Birt er umfjöllun
Brynjólfs Guðmundssonar um
Stafholtskirkju sem flutt var á
140 ára vígsluafmæli kirkjunnar.
Í bókarlok er fjallað stuttlega um
þær bækur sem komu út árið 2017
og tengjast Borgarfjarðarhéraði.
Mynd á bókarkápu á Bjarni Joh-
ansen en í bókinni er kynning
á honum og því handverki sem
hann hefur fengist við sem eink-
um er útskurður.
Þessa dagana er bókin að berast
áskrifendum sínum. Þau sem hafa
frekari áhuga á bókinni geta nálg-
ast upplýsingar á fésbókarsíðu
Sögufélags Borgarfjarðar eða haft
samband við Ingibjörgu Daníels-
dóttur í síma 894-8108 en ásamt
henni eru þeir Guðmundur Þór
Brynjúlfsson og Sævar Ingi Jóns-
son í ritnefnd Borgfirðingabókar.
id/mm
Hann kveðst vera Gaflari, fædd-
ur og uppalinn í Hafnarfirði, en
flutti búferlum síðastliðið sumar og
settist að á Reykhólum. Þar kenn-
ir hann börnum að spila á hljóð-
færi, er organisti í sjö kirkjum og
nú oddviti Reykhólahrepps auk
þess að vera eiginmaður Silvíu
Kristjánsdóttur og pabbi Skarp-
héðins, Ingibjargar og Melkorku.
Ingimar Ingimarsson tók vel á móti
blaðamanni Skessuhorns í sólinni
á Reykhólum síðastliðinn fimmtu-
dag fyrir utan stórt blátt hús með
fallegu útsýni yfir Skarðsströndina
en Skarðsströnd skipar einmitt sess
í hjarta húsráðanda og kemur þá að
tengingu Ingimars við Reykhóla
og nágrenni. Pabbi hans átti jörð á
Skarðsströnd ásamt bróður sínum
og fjölskyldunni frá Kleifum og var
þar með hross. Þar dvaldi Ingimar
einn mánuð í senn öll sumur sem
barn og þegar hann var 17-18 ára
vann hann í Fóðuriðjunni í Ólafs-
dal. Silvía kemur úr Borgarfirðin-
um en systir hennar býr á Grund,
skammt fyrir utan Reykhóla, með
sína fjölskyldu. Við ræðum verkefni
Ingimars til þessa og þau sem ný
sveitarstjórn stendur frammi fyrir.
Stóðu á tímamótum
Ingimar er garðyrkjufræðingur að
mennt og vann lengi vel við þá iðju
eða þar til hann fékk nóg eftir tvö
rigningarsumur. „Að vinna úti allt
árið getur verið erfitt hér á landi
en yfir veturinn heldur það manni
gangandi hversu gott þetta verður
þegar sumarið kemur. Þegar sum-
Borgfirðingabók 2018
komin út
Flutti að Reykhólum og var kominn
í sveitarstjórn tæpu ári síðar
Rætt við Ingimar Ingimarsson oddvita Reykhólahrepps
arið hafði svo varla komið þarna tvö
ár í röð fékk ég nóg,“ segir hann og
bætir því við að hann þakki fyrir
að hafa ekki verið í garðvinnu það
sem af er þessu sumri. Næstu þrjú
ár vann Ingimar við að selja lyftara
og Silvía vann hjá tískuversluninni
Topshop. „Á mjög stuttum tíma
breyttust aðstæður okkar töluvert.
Móðir mín lést, en pabbi hafði far-
ið einu og hálfu ári fyrr, fyrirtækið
sem ég vann hjá fór í gjaldþrot og
Topshop var lokað. Foreldrar Silvíu
voru bæði látin svo við stóðum eftir
atvinnulaus og munaðarlaus! Þetta
var því upplagður tími til að prófa
bara eitthvað alveg nýtt og eftir
hvatningu frá Ástu og Guðmundi á
Grund ákváðum að flytja hingað á
Reykhóla.“
Ingimar fékk vinnu í Þörunga-
verksmiðjunni á Reykhólum en
færði sig um set skömmu síðar þeg-
ar hann fékk starf við tónlistarskól-
ann. Hann var einnig fljótlega orð-
inn organisti í kirkjum í Reykhóla-
prestakalli og líkar honum það vel.
„Við erum með flottan kirkjukór
sem ég æfi með en það væri mjög
ánægjulegt ef fleiri myndu koma í
kórinn,“ segir hann brosandi. „Ég
byrjaði að spila á orgel þegar ég
var 10 ára og hef verið að spila síð-
an. Þetta er þó í fyrsta skipti sem
ég starfa sem organisti þó ég hafi
reglulega tekið að mér að spila við
einstök tilefni, þá helst í brúðkaup-
um.“
Átti alls ekki von á svo
mörgum atkvæðum
Ingimar hefur alltaf verið virkur í
stjórnmálum og tók þátt í bæjar-
pólitíkinni í Hafnarfirði í 16 ár.
Hann var ekki tilbúinn að segja al-
veg skilið við pólitíkina og þegar
leið að kosningum síðastliðið vor
ákvað hann að gefa kost á sér. „Ég
hef alltaf haft áhuga á pólitík og
finnst ég hafa margt fram að færa til
samfélagsins. Ég ákvað því að lýsa
yfir áhuga á að taka þátt í sveitar-
stjórn hér á Reykhólum. Ég hafði
nú samt heyrt af því að hér þætti
ekki flott að bjóða sig svona fram.
Ég hafði meira heyrt um að fólki
þætti jafnvel kvöð að lenda í sveit-
arstjórn,“ segir Ingimar og heldur
áfram. „Það fór þó svo að fleiri gáfu
líka kost á sér sem var mjög ánægju-
legt. Ég var nokkuð bjartsýnn á að
komast inn í sveitarstjórn en gerði
alls ekki ráð fyrir flestum atkvæð-
um og oddvitasætinu. Þó ég hafi
reynslu úr stjórnmálum er margt
nýtt sem ég er að læra núna, bæði
eru stjórnmálin hér annars eðlis og
svo er maður kjörinn sem persóna
og hefur því ekki flokk bakvið sig,“
segir hann.
Sveitarfélagið
byggir parhús
Aðspurður hvaða verkefni séu fram-
undan hjá nýrri sveitarstjórn svar-
ar Ingimar því að næstu verkefni
séu að ráða sveitarstjóra og halda
Reykhóladaga sem verða um kom-
andi helgi. „Stóru verkefni þessarar
sveitarstjórnar verða að fylgja eft-
ir því gríðarstóra verkefni sem frá-
farandi sveitarstjórn arfleiddi okk-
ur um nýjan Vestfjarðarveg og að
bregðast við húsnæðisskorti,“ seg-
ir Ingimar og bendir blaðamanni
á niðurstöður fundar skipulags,-
byggingar- húsnæðis- og hafnar-
nefndar þann 9. júlí þar sem sam-
þykkt var að sveitarfélagið byggi
nýtt parhús á Reykhólum. „Næsta
skref hjá okkur er að senda parhús-
ið í útboð.“
En hver eru næstu skref varðandi
nýjan Vestfjarðarveg? „Fyrri sveit-
arstjórn fékk til okkar norska sér-
fræðinga til að rýna í vegkosti Vega-
gerðarinnar um hver væri besta
staðsetningin fyrir Vestfjarðarveg.
En það sem Norðmennirnir gerðu
var að leggja til alveg nýja leið, svo-
kallaða R-leið, þar sem Þorskafjörð-
urinn er þveraður með landfyllingu
og 800 metra brú yfir mynni fjarð-
arins. Þetta er í raun svipuð leið og
A1 leið sem áður hafði verið rædd
en þótti of dýr. En þar var gert ráð
fyrir breytingu á veginum að Reyk-
hólum sem norsku sérfræðingarnir
segja óþarfa,“ segir Ingimar. „Sú
leið sem Vegagerðin hefur helst tal-
að um að fara er svokölluð ÞH-leið
sem liggur um Teigsskóg en hann
nýtur náttúruverndar og teljum við
því ekki hægt að fara þá leið nema
skoða alla aðra kosti fyrst. Sveitar-
stjórnin hefur því sett það í hendur
Vegagerðarinnar að skoða R-leið-
ina sem alvöru kost og gerum við
ráð fyrir skýrslu frá þeim um miðj-
an október.“
Brýnt að finna lausn
Aðspurður segir Ingimar of snemmt
að segja til um hvaða leið verði lík-
legasta niðurstaðan. „Ég hugsa að
það endi með að farin verði önn-
ur þessara tveggja leiða, R-leið eða
ÞH-leið. Það er ekki tímabært að
segja til um hvor þeirra verði val-
in fyrr en Vegagerðin hefur skoð-
að þessa kosti vel og gefið út sína
afstöðu,“ segir Ingimar og heldur
áfram. „Báðar leiðir hafa að sjálf-
sögðu sína kosti og galla. Ef R-leið-
in verður farin mun það setja Reyk-
hóla í alfaraleið, sem ég tel að opni
ýmsa möguleika hér á svæðinu en
aðrir sjá það eflaust sem galla. Þá
þarf ekki að fara í gegnum Teigsskóg
með tilheyrandi umhverfisspjöllum.
Skógurinn nýtur náttúruverndar og
ég er hræddur um að ef niðurstað-
an verður að fara þar í gegn muni
verkefnið festast í kærumálum. Nú-
verandi vegur er ónýtur og því ekki
okkur íbúum á Vestfjörðum og öðr-
um bjóðandi að keyra hann, því er
afar brýnt að greiða úr þessu sem
fyrst enda nú þegar orðið of lang-
dregið mál. R-leið er þó ekki galla-
laus því hún krefst þess að vegur-
inn fari í gegnum tvær bújarðir sem
gæti komið sér illa fyrir ábúendur
þar. Ég hef sjálfur þá tilfinningu að
R-leið sé betri kostur ef á heildina
er litið. Bæði vegna þess að ég trúi
því að sú leið yrði mikil lyftistöng
fyrir Reykhóla og því ÞH-leið fer
um friðlýst svæði. Þó er ekki hægt
að segja til um það með vissu fyrr
en öll gögn liggja fyrir,“ segir Ingi-
mar. arg
Ingimar Ingimarsson er nýr oddviti Reykhólahrepps. Með honum á myndinni er Ingibjörg dóttir hans.