Skessuhorn - 10.10.2018, Blaðsíða 22

MIÐVIKUDAGUR 10. OKTÓBER 201822
Haustmarkaðurinn Búsældar var
haldinn 6. október í Upplýsinga-
miðstöðinni á sunnanverðu Snæ-
fellsnesi, í félagsheimilinu Breiða-
bliki. Á boðstólnum var alls konar
handverk og matur úr héraði. Var
markaðurinn vel sóttur þrátt fyrir
mjög slæmt veður þennan dag. Um
kaffiveitingar sáu nemendur í Laug-
argerðisskóla og rann allur ágóði til
foreldrafélagsins í skólanum.
iss
Héldu haustmarkað
í Breiðabliki
Skemmdarverk voru unnin á úti-
bekk við leikskólann Skýjaborg í
Hvalfjarðarsveit síðustu helgina
í september. Bekkurinn var brot-
inn og virðast skemmdirnar vera
af mannavöldum, fremur en vegna
veðurs. Einnig var rúða brot-
in í leikskólanum fyrr í vor. Leik-
skólastjóri biðlar til samfélagsins
að standa saman og gæta að eigum
annarra og eigum sveitarfélagsins.
klj
Skemmdarverk við
Skýjaborg
Ungmennafélagið Víkingur í Snæ-
fellsbæ var 90 ára 6. október síð-
astliðinn. Haldið var upp á daginn
og bauð félagið til veislu í Íþrótta-
húsi Snæfellsbæjar á sunnudag-
inn. Margrét Sif Sævarsdóttir, for-
maður Umf. Víkings/Reynis, bauð
gesti velkomna og sagði stuttlega
frá sögu félagsins. Þar kom meðal
annars fram að þegar Víkingur var
stofnaður var það eins og flest ung-
mennafélög á þeim tíma meira eins
og málfundafélag en íþróttafélag og
tók virkan þátt í þjóðfélagsumræð-
unni. Starfsemi félagsins fór þó að
breytast í kringum 1940 og starf-
semin að færast meira yfir í íþróttir.
Það var svo í kringum 1969 sem fé-
lagið eignaðist merkið sitt sem not-
að hefur verið síðan. Það var Helgi
Jónsson, starfsmaður rafveitunnar í
Ólafsvík á þeim tíma, sem teiknaði
merkið. Voru frjálsar íþróttir fyrir-
ferðamiklar til að byrja með.
Margar deildir hafa starfað inn-
an Víkings og verið mjög öflug-
ar. Til dæmis stóð krakkablakdeild
félagsins fyrir tveimur Íslandsmót-
um. Einnig hafa starfað júdódeild,
sunddeild, skíðadeild, fimleikar og
körfubolti svo eitthvað sé nefnt.
Knattspyrnudeild félagsins hefur á
undaförnum árum vakið verðskuld-
aða athygli fyrir árangur sinn. En
það var í kringum 1960 sem knatt-
spyrnan hófst fyrir alvöru í Ólafs-
vík. Voru það þeir Gylfi Scheving
og Sigurður Rúnar Elíasson sem
lögðu þung lóð á vogarskálarnar í
þeirri þróun. En félagið hefur frá
árinu 1967 tekið þátt í Íslandsmóti
í knattspyrnu annað hvort undir
merkjum Víkings eða HSH. Fram-
an af flakkaði liðið milli deilda en í
fyrsta sinn sumarið 2012 vann það
sér þátttökurétt í deild hinna bestu
og lék í efstu deild í fyrsta sinn árið
2013. Hefur liðið síðan einnig spil-
að í efstu deild árin 2016 og 2017
og tvívegis komist í undanúrslit
bikarmótsins. Barna- og unglinga-
starf félagsins hefur undanfarin ár
verið í samstarfi við Ungmenna-
félagið Reyni sem og önnur félag á
Snæfellsnesi og það gengið vel.
Að loknum ræðuhöldum á sunnu-
daginn var boðið upp á veitingar,
kaffi, Svala og afmælisköku. Börn-
in gátu svo notið sín í íþróttahúsinu
við að leika sér í hoppukastala og
fleiri þrautum sem í boði voru.
þa
Ungmennafélagið Víkingur er 90 ára
Glæsileg afmælisterta var í boði. Margrét Sif Sævarsdóttir formaður Umf. Víkings/Reynis í ræðustól.
Sumarið kom vel út á Vesturlandi
og veiði var fín í flestum laxveiði-
ám landshlutans. Hér verður rennt
yfir laxveiðiárnar og lokaveiðitölur
skoðaðar.
„Lokatölurnar úr Hvolsá eru
320 laxar og um 200 bleikjur,“
segir Þórarinn Birgir Þórarinsson
í Hvítadal, spurður um Hvolsá og
Staðarhólsá í Dölum. Báðar gáfu
þær vel í sumar. „Sleppingar og
lagfæringar í lóninu eru að skila
sér, fiskurinn stoppar minna í lón-
inu,“ bætir Þórarinn við.
Krossá gaf 91 lax en áin er að fara
í útboð eftir að hafa um nokkurra
ára skeið verið í umsjá Hreggnasa.
Búðardalsá gaf 331 lax og Íslend-
ingar sem voru við veiðar í henni
í ágúst og fengu fína veiði, enda
hafði þá rignt aðeins. „Flekku-
dalsáin endaði í 170 löxum,“ segir
Ingólfur Helgason leigutaki.
Veiðitölur hafa ekki fengist úr
Fáskrúð en breytt eignaraðild er
að ánni og aðeins Stangveiðifélag
Akraness með sína daga. Landeig-
endur við ána eru með restina af
dögunum. „Við enduðum veiðina í
Laxá í Dölum í 1207 löxum,“ seg-
ir Haraldur Eiríksson, en það er
töluvert betri veiði en í fyrra. Enn
fremur komu nokkrir vænir laxir
upp úr ánni í sumar.
Haukadalsá endaði í 629 löxum
þetta sumarið, Miðá kom vel út
með 374 laxa og helling af bleikju.
Veiðimenn sem við hittum við ána
fyrr í sumar voru búnir að veiða
sex laxa eftir einn dag og töluvert
af silungi.
Veiði í Haffjarðará var frábær.
Samtals veiddust 1545 laxar á sex
stangir í sumar, sem er miklu betri
veiði en í fyrra. Straumfjarðará
endaði í 349 löxum á fyrsta sumr-
inu sem Stangveiðifélag Reykja-
víkur er með ána.
„Lokatölur úr Hítará eru 629
laxar,“ sagði Ingimundur Bergsson
hjá Stangveiðifélagi Reykjavíkur.
Hún bætti við sig 120 löxum og
verður það að teljast gott eftir allar
hamfarirnar við ána á liðnu sumri.
„Sumarið var fínt við Langá og
lokatalan er 1635 laxar,“ sagði Kalli
Lú, spurður um Langá á Mýrum.
Gljúfurá endaði í 298 löxum og
Norðurá í 1692 löxum. „Þetta var
gott sumar í Þverá og lokatölurn-
ar 2.455 laxar,“ segir Ingólfur Ás-
geirsson um Þverá og Kjarará sem
gáfu vel í sumar. „Brennan gaf 360
laxa og Straumarnir 215 laxa,“
bætir Ingólfur við.
Flókadalsá endaði í 477 löx-
um og margir fengu vel í soðið úr
henni. „Við enduðum í 267 löx-
um í Reykjadalsá og 60 urriðum.
Þrír laxanna voru yfir 90 sentí-
metra langir,“ segir Óskar Færseth
spurður um Reykjadalsá. Norð-
lingafljót gaf 239 laxa, sem er mun
minna en í fyrra en þá veiddust
nærri þúsund laxar.
Lokatölur úr Grímsá eru 1036
laxar og Laxá í Leirársveit endaði
í 671 laxi. „Við erum enn að veiða
í Leirá til 10. október og það hefur
veiðst vel síðustu daga,“ segir Stef-
án Sigurðsson nýkominn úr Leirá
með nokkra sjóbirtinga og allavega
tvo laxa sem öllum var sleppt aft-
ur í ána. „Mér finnst sjóbirtings-
veiðin hafa lagast verulega eftir að
við fórum að sleppa honum,“ segir
Stefán að endingu.
gb
Veiðin gekk vel á
Vesturlandi í sumar
Sindri Sigurgeirsson í Bakkakoti með Einari Sigfússyni við opnun Norðurár, sem
endaði í 1692 löxum þetta sumarið. Ljósm. María Gunnarsdóttir.
Sigurlaug Sverrisdóttir með 84 cm lax úr Kirkjustreng í Þverá. Góð veiði var í Þverá
og Kjarará, en 2455 laxar komu upp úr ánni í sumar. Ljósm. Aðalsteinn Pétursson.