Skessuhorn - 12.12.2018, Blaðsíða 4

MIÐVIKUDAGUR 12. DESEMbER 20184
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.976 krónur með vsk. á mánuði. Elli- og örorkulífeyrisþegar greiða
kr. 2.580. Rafræn áskrift kostar 2.337 kr. Rafræn áskrift til elli- og örorkulífeyrisþega er 2.160 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Katrín Lilja Jónsdóttir klj@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Hó, hó, hó!
„Krakkar mínir komiði sæl, ég er jólasveinninn.“ Þannig hljómar
kunnugleg kveðja sem íslensk börn fara nú næstu dagana að heyra.
Þegar þessi orð verða þrykkt á prent er Stekkjastaur í þann mund að
halda ofan úr Skessuhorninu og hefja árlega yfirferð sína um byggðir
landsins. Þessir þrettán sveinar, skilgetnir synir Grýlu og Leppalúða,
eru ekki bara þrautseigir, heldur með eindæmum ernir. Ég minnist
þess sem barn að oft varð mér hugsað til hvernig þeir færu eigin-
lega að því að halda lúkkinu og vera svona dæmalaust hressir alltaf.
Að geta henst milli bæja, alla þessa vegalengd og vera búnir yfirferð
sinni áður en birtu sló á morgunhimin. Ég hugsaði með mér að ein-
mitt vegna þess að nóttin væri svo löng, hefðu jólin verið sett á þenn-
an tíma árs. Þeir einfaldlega gátu ekki komist yfir þessi ósköp á öðr-
um árstíma.
Það var og er hreint og klárt hagsmunamál að trúa á jólasveininn
eins lengi og forsvaranlegt er og jafnvel örlítið lengur. Það hljóta allir
að sjá það. Persónulega fékk ég í skóinn fram að unglingsárum, allt
þar til ég aulaði því út úr mér einn morguninn hvað ég hafði verið
ljónheppinn. Sveinki hafði nefnilega komið tvisvar þá um nóttina.
Þau mistök voru ekki aftur tekin og skórinn fór fljótlega upp í hillu
við hlið tvíburabróðurs síns.
Persónulega hefur mér alltaf líkað vel við jólasveinana. Hef þó allt-
af vorkennt þeim Stúfi og Stekkjastaur. Ég held að þeir hafi alltaf ver-
ið ákveðnir lítilmagnar í hópnum sem hafi virkilega þurft að berjast
fyrir plássi við matborðið og jafnvel sætt einelti. Ekki einvörðungu að
illúðlegur Jólakötturinn hafi nagað þá í hælsbótina, heldur hafa þeir
Hurðaskellur og Kjetkrókur ekki gert þeim lífið léttbært. Einna helst
að Gáttaþefur tæki upp hanskann fyrir þá þegar Askasleikir var bú-
inn að merkja sér matföngin eins og hver annar bardóni og Þvörus-
leikir búinn að bía allt út. Já, Stúfur var einfaldlega afétinn í æsku og
ég þori ekki einu sinni að nefna hvernig Stekkjastaur fór svona illa.
Hins vegar væri viðskiptahugmynd fyrir Össur að splæsa í liprari fót á
sveinka. Vafalítið vegna framkomu bræðra sinna fékk Stekkjastaur því
framgengt að hann kæmist fyrstur úr húsi, ryddi brautina niður hlíðar
Skarðsheiðarinnar fyrir Giljagaur. Stúfur fylgdi svo eftir frelsinu feg-
inn og síðan aðrir ódámar koll af kolli allt þar til fordekraður Kerta-
sníkir kom að kvöld Þorláks með flottasta glaðninginn.
Grýla og hinn stórgerði Leppalúði eru sögð af tröllakyni og var
upphaflegt markmið þeirra að hræða íslensk börn dagana fyrir jól.
Ekki veit ég hvaða ódámi datt í hug þetta hegðunarmynstur. Held
þó að sveitungi minn Snorri Sturluson sé með öllu saklaus. Af hverju
voru forfeður okkar að gera hérlenda jólasveina svona grimma, miklu
verri en kollega þeirra úti í heimi? Svo ég tali nú ekki um góðlátlega,
gráskeggjaða, örláta og þéttvaxna ameríska sveina sem geisla af barn-
gæsku. En sem betur fer, samhliða auknum millilandsiglingum og
síðar flugi, urðu hinir íslensku jólasveinar fyrir jákvæðum erlendum
áhrifum. Þeir fóru að hafa sig til, þrífa sig og urðu smám saman ekki
eins stórskornir eða illúðlegir. Þeir voru ekki lengur með klær í stað
fingra, ekki klofnir upp í háls, tálausir né luralegir. Þeir hafa látið af
óvönduðum munnsöfnuði, rógburði og eru hættir að vera rángjarnir,
einkum á börn. Þvert á móti eru þeir í dag þekktir fyrir barngæsku,
færa þeim gjafir, syngja og segja brandara. Rétt eins og þeir amerísku.
batnandi sveinum er best að lifa.
Magnús Magnússon
Sveitarstjórn borgarbyggðar hefur
auglýst tillögu að breytingu á aðal-
skipulagi 2010-2022 sem gerir ráð
fyrir að breyta landnotkun svæðis í
landi Hamars úr landbúnaði í opið
svæði til sérstakra nota. Ný reið- og
gönguleið verður lögð 400 m sunn-
an við væntanlegt skotæfingasvæði.
Nýr aðkomuvegur verður lagður
að svæðinu, frá bjarnhólum sunn-
an efnistökusvæðis og verður sam-
nýttur með núverandi reið- og
gönguleið. Samhliða því hefur ver-
ið auglýst tillaga að nýju deiliskipu-
lagi fyrir 16,7 ha skotæfingasvæði
skammt norður af borgarnesi. Á
svæðinu er gert ráð fyrir sjö bíla-
stæðum, félagshúsi, skeet-velli, riff-
ilbraut og göngustíg frá bílastæði
að skeet-velli, og meðfram riffil-
braut að takmarki og kúlufangi.
Þessar skipulagstillögur liggja nú
frammi í Ráðhúsi borgarbyggðar
og gefst íbúum færi á að gera at-
hugasemdir fyrir 21. janúar 2019.
Í dag, miðvikudaginn 12. desember
frá kl. 17:00 til 18:00 verða starfs-
menn umhverfis- og skipulags-
sviðs borgarbyggðar með opið hús
í Ráðhúsi borgarbyggðar þar sem
tillögurnar verða kynntar þeim sem
þess óska.
mm
Breytingar á aðal- og deiliskipulagi
vegna skotæfingasvæðis
Ásmundur Einar Daðason, fé-
lags- og jafnréttismálaráðherra,
hefur skipað Frosta Sigurjónsson
formann starfshóps sem útfæra á
sértækar aðgerðir til að auðvelda
ungu og tekjulágu fólki að kaupa
sér íbúðarhúsnæði. Hópurinn er
stofnaður í framhaldi af tillögu
ráðherra sem samþykkt var á fundi
ríkisstjórnar nýlega. Í stjórnarsátt-
mála ríkisstjórnarinnar segir að
ráðist verði í aðgerðir til að lækka
þröskuld ungs fólks og tekjulágra
inn á húsnæðismarkaðinn og end-
urskoða í því skyni stuðningskerfi
hins opinbera þannig að stuðning-
urinn nýtist fyrst og fremst þessum
hópum. Meðal annars verði skoð-
aðir möguleikar á því að nýta líf-
eyrissparnað til þessa.
Velferðarráðuneytið í samvinnu
við Íbúðalánasjóð hefur um skeið
unnið að kortlagningu ýmissa úr-
ræða sem stjórnvöld í nágranna-
löndum okkar bjóða tekjulágum
á húsnæðismarkaði og hafa gefið
góða raun. Hafa sjónir beinst sér-
staklega að tilteknum leiðum sem
farnar hafa verið í Sviss og Noregi
og gefist vel. „Við vitum vel hvar
skórinn kreppir, við vitum hverjir
þurfa helst á stuðningi að halda og
við höfum ágæta sýn á hvaða leið-
ir eru færar til að bæta stöðu ungs
og tekjulágs fólks á húsnæðismark-
aði. Nú þarf að láta verkin tala og
hrinda aðgerðum í framkvæmd,“
segir Ásmundur Einar Daðason,
félags- og jafnréttismálaráðherra.
Eins og áður segir mun Frosti
leiða vinnu starfshópsins en í hon-
um eiga einnig sæti fulltrúar frá
Íbúðalánasjóði, fjármála- og efna-
hagsráðuneytinu og forsætisráðu-
neytinu. mm
Frosti í húsnæðismálin
Nýtt upphitað salernishús verð-
ur byggt við afleggjarann niður á
Djúpalónssand. Það er Þjóðgarð-
urinn Snæfellsjökull sem stendur
fyrir framkvæmdinni. Í nýja salern-
ishúsinu á Djúpalónssandi verða
tíu salerni, þar af tvö fyrir fatlaða.
Húsið verður alltaf opið og því
hægt að ganga þar örna sinna allan
sólarhringinn, allan ársins hring.
Frá þessu er greint á vef Snæfells-
bæjar.
Þessa dagana er verið að leggja
rafmagn á svæðið. Í næstu viku er
von á bormönnum á staðinn sem
bora munu eftir vatni sem nýtt
verður til þjónustunnar. Áætlað er
að taka húsið í notkun nálægt mán-
aðamótum apríl og maí á næsta
ári, ef allar framkvæmdir ganga að
óskum. „Þessu til viðbótar er rétt
að minna á að í dag eru fimm sal-
erni á Malarrifi og eru tvö þeirra
aðgengileg allan sólarhringinn,“
segir á vef sveitarfélagsins.
kgk
Salernishús verður reist
við Djúpalónssand
Vesturhlið hússins mun líta þannig út. Teikningin er fengin af vef Snæfellsbæjar.
Þriðjudaginn 1. janúar næstkom-
andi verður velferðarráðuneytið
lagt niður í núverandi mynd og því
skipt upp í ný ráðuneyti heilbrigð-
ismála annars vegar og félagsmála
hins vegar. Þingsályktunartillaga
um breytta skipan ráðuneyta var
samþykkt á Alþingi á miðvikudag.
Málefni velferðarráðuneytis munu
að mestu leyti skitpast milli heil-
brigðisráðuneytis og félagsmála-
ráðuneytis með sama hætti og þau
skiptast nú á milli heilbrigðisráð-
herra og félags- og jafnréttismála-
ráðherra. Það sem breytist hins
vegar frá núverandi fyrirkomu-
lagi er að jafnréttismál flytjast til
forsætisráðuneytisins og málefni
mannvirkja sem nú heyra undir
umhverfis- og auðlindaráðuneyti
flytjast til félagsmálaráðuneytis.
Embættistitill félags- og jafnrétt-
ismálaráðherra breytist og verð-
ur félags- og barnamálaráðherra
frá upphafi næsta árs. „Markmiðið
með breyttum embættistitli er að
undirstrika aukna áherslu stjórn-
valda á málefni barna og ung-
menna,“ segir í tilkynningu frá
Stjórnarráðinu.
Við uppskiptingu velferðarráðu-
neytisins hefur meðal annars verið
horft til þess hversu stórt það er.
Ábyrgð þess nær til tíu af 34 mál-
efnasviðum sem skilgreind eru í
fjármálaáætlun stjórnvalda. Sum
þeirra eru stór og til marks um
það tekur umsýsla ráðuneytisins til
rúmlega helmings af útgjöldum A-
hluta ríkissjóðs. Mat stjórnvalda er
með uppskiptingunni megi tryggja
markvissari forystu og stjórnsýslu í
málaflokkum hvors ráðuneytis fyr-
ir sig.
kgk
Ný ráðuneyti á nýju ári
Velferðarráðuneytinu skipt upp