Skessuhorn - 12.12.2018, Blaðsíða 17
MIÐVIKUDAGUR 12. DESEMbER 2018 17
Eftir heimkomuna kenndi hún við
Myndlistaskóla Reykjavíkur. „Ég
var með leirdeildina þar í tutt-
ugu ár. Svo var ég með gallerí og
vinnustofu á Skólavörðustígnum í
tíu ár.“ Árið 2008 söðlaði hún um
og flutti úr ys og þys miðbæjarins
í Reykjavík í rólegheitin á Akra-
nesi, keypti Arnardal og kom á
fót vinnustofu. „Ég finn það samt
þegar ég geng í Þingholtunum, að
ég verð að gæta þess að festa ekki
rætur. Ég finn þær koma úr skón-
um því maður þekkir það svo vel.
Það fer að verða kominn lengsti
tími sem ég hef búið á einum stað
núna,“ segir Kolbrún hugsandi.
„Það er alltaf þessi tíu ára fiðringur
í mér, en það er eins og með söfn-
unaráráttuna, ég er að reyna að
berja þetta niður.“ Kolbrúnu finnst
samt stundum langt til Reykjavík-
ur, sérstaklega þegar Kjalarnesið
er lokað. Fyrstu tvö árin á Akra-
nesi rak Kolbrún gallerí á Skóla-
vörðustígnum og keyrði daglega
á milli Reykjavíkur og Akraness.
„Þá var Kjalarnesinu aldrei lokað,“
segir hún. Eitt sinn hafi hún ekið
með dóttur sinni í miklu roki og
hríðarbyl til Reykjavíkur. „Það var
rosalegt rok og mikil hálka og það
koma hviða á okkur.“ Þær mæðg-
ur lentu utanvegar, en voru þó
heilar í óskemmdum bíl. „Akranes
væri betri bær ef ferjan hefði hald-
ið áfram á sumrin. Það hefði bæði
stækkað Akranes og Reykjavík. Ég
gladdist mikið þegar ferjan kom og
keypti mér heilt klippikort sem ég
sit á ennþá í von um betri tíð.“
Þessa dagana starfar Kolbrún
þó alfarið á Akranesi. Hún segir
að einveran sé henni dýrmæt, þó
hún þurfi af og til að sækja í ys-
inn í Reykjavík. Hún undirbýr
sýningu sem hún fyrirhugar að
halda á næsta ári, á gömlum og
nýjum verkum. Þar sem Kolbrún
og blaðamaður sitja við lítið rauð-
dúkað borð við eldhúsgluggann,
skotrar Kolbrún augunum af og til
út. Hún gefur fuglunum himinsins
af samviskusemi, enda eru fuglarn-
ir orðnir hennar einkennismerki.
klj
Ferðaþjónustufyrirtækið Ocean
Adventures í Stykkishólmi festi á
dögunum kaup á nýjum farþegabát
sem hefur fengið nafnið Elliðaey.
báturinn er níu metra langur og
tekur 19 farþega. Hann var áður
gerður út frá Hofsósi undir nafn-
inu Súla. Það eru Hulda Hildi-
brandsdóttir og Hreiðar Már Jó-
hannesson sem eiga og reka Ocean
Adventures. Fyrirtækið stofnuðu
þau í fyrravor og hafa þau því farið
með ferðamenn í skemmtisiglingar
í nágrenni Stykkishólms undanfar-
in tvö sumur. Hulda segir nýja bát-
inn hugsaðan til lundasiglinga en
að eldri bátur fyrirtækisins, Austri,
verði einkum notaður fyrir sjóst-
angveiðiferðir fyrirtækisins.
„Nýi báturinn er aðeins stærri,
tekur fleiri farþega en Austri og er
þægilegri til lundasiglinga. Hann
er hálfyfirbyggður þannig að all-
ir geta setið úti ef þeir vilja,“ seg-
ir Hulda í samtali við Skessuhorn.
„Það hefur verið mikil eftirspurn
eftir þessum siglingum frá ferða-
skrifstofunum, en við höfum ekki
átt gott með að taka á móti hóp-
um hingað til vegna þess að Austri
er ekki nógu stór. En með tilkomu
nýja bátsins þá er það orðinn
möguleiki,“ bætir hún við.
Hulda segir bátinn alveg tilbú-
inn og að engar breytingar þurfi
að gera á honum. Aðeins þurfi að
merkja hann upp á nýtt með nýju
nafni. Aðspurð segir hún tvær
ástæður fyrir því að nýja bátnum
var gefið nafnið Elliðaey. „Lunda-
ferðirnar snúast mikið í kringum
Elliðaey, þar heldur lundinn sig
til. En þar að auki er Hreiðar mað-
urinn minn og skipstjóri á bátnum
ættaður úr eyjunni. Amma hans
bjó þar og fólk er alveg heillað
af því þegar hann segir söguna af
ömmu sinni þegar siglt er í kring-
um eyjuna,“ segir Hulda.
Nóg að gera
Hún segir meira en nóg hafa ver-
ið að gera við siglingar frá því þau
hleyptu fyrirtækinu af stokkun-
um í fyrravor. „Okkur hefur verið
mjög vel tekið og allar ferðir þétt-
setnar yfir sumartímann. Við finn-
um mikið fyrir því að fólk sæk-
ir í persónulega þjónustu og hana
reynum við að veita. Viðskiptavin-
ir okkar eru ánægðir og við erum
ánægð með það,“ segir hún en
bætir því við að auðvitað sé minna
siglt á þessum árstíma. „bátarn-
ir eru litlir og allt saman er þetta
mjög háð veðrinu. En það er allt-
af hægt að hringja og panta ferð
eða senda okkur póst og við förum
með fólk í siglingu ef veður leyfir,“
segir hún. „En í vor fer síðan allt
á fulla ferð aftur. Lundaferðirnar
byrja um miðjan apríl þegar lund-
inn mætir í eyjarnar hérna í kring-
um bæinn. Síðan byrja sjóstang-
veiðiferðirnar í kringum 20. apríl,
eftir hrygningarstoppið í vor. Þá
verður siglt á tveggja klukkutíma
fresti frá Stykkishólmi, allan dag-
inn frá morgni til kvölds. Sumar-
ið er mikil törn en skemmtileg,“
segir Hulda Hildibrandsdóttir að
endingu.
kgk/ Ljósm. aðsendar.
Ocean Adventures kaupir nýjan farþegabát
Hulda Hildibrandsdóttir og Hreiðar Már Jóhannesson við nýja bátinn. Elliðaey SH hét áður Súla SK og var gerður út til farþegasiglinga frá Hofsósi.
Kolbrún hefur komið upp vísi að galleríi í forstofu hússins, þar er meðal annars hægt að fá þessa gullfugla.
Kolbrún hefur verið að koma sér upp lager af fuglum síðustu vikur. Þessir fuglar
sem sitja ókláraðir á vinnustofunni þegar blaðamaður kíkir í heimsókn til Kol-
brúnar verða tilbúnir fyrir jólin.
Ný, gömul, tilbúin og ókláruð verk sitja á alls kyns borðum á vinnustofu Kol-
brúnar.
Þegar gengið er fram hjá húsi Kolbrúnar er hægt að sjá fallegar úrklippimyndir í
gluggunum. Fiskarnir og sjómennirnir eru vísun í Akranes.